MIZO TAWNG CHUNGCHANGA ZAWHNA PAKHAT

October 29th, 2013 10:42 pm by Sasaks

Mizotawngah hian mipa leh hmeichhia sawikawpna kan nei nual a. Chung tawngkamah chuan hmeichhe sawina hi kan dah hmasa zawk tlangpui zel bawk a. Entirnan: nu leh pa, pitar putar, nula tlangval, chun leh zua, mo(nu) leh mopa.

Chutihlaiin, tunlai kan thuziak tam takah hian MIPAT HMEICHHIATNA (sex) kan ti ta zel mai thung a. Ka hriat sual loh chuan Rev. Dr. Zairema khan ‘hmeichhiat mipatna’ tih tur ni awm takin a article pakhatah (Thu leh Hla, MAL) khan a ziak a (?). Ka buai riau mai. Ka awmna ah hian he article ka sawi hi han en mai tur ka nei remchang si lo.

Mizote hian hetiang tawngkamah hian hmeichhia hi kan dah hmasa zawk zel hrim hrim em? Chu chuan enge a entir? A nih chuan hmeichhiate hi kan ngai pawimawhin, priority kan pe in kan care zia kan lantirna a ni em? Mipat hmeichhiatna tih nge dik hmeichhiat mipatna?

Similar Posts:

Recent Posts:

23 Responses to “MIZO TAWNG CHUNGCHANGA ZAWHNA PAKHAT”

  1. 1
    Chemtatrawta Says:

    A hmasain monu leh mopa ni lovin mo leh moneitu tih zawk tur a ni e. Mipat hmeichhiatna tih hi a dik hmel e, nulat tlangvalna tih pawh a awm tho e. A tum a thelh loh chuan ‘cheh puah’ tih ai chuan ‘bike’ tih hi ka thlang tho ve.

    Report this comment

  2. 2
    Sasaks Says:

    Mo leh moneitu tih hi chu lehkhabu tawngkam a ni. Monu leh mopa hi a dik lo ti mah ila kan hmang nasa zawk chu a nih hi tawng tlanglawnah chuan. Engpawhnise, mo (female gender) chu a hmasa zawk tho tho a ni. Zairema article ka sawiah khan mi thenkhatin hmeichhia tih aia “minu” an hman thu a chhan letna a nia. A ngaihnawmin heng tawngkam ka sawiho hi a rawn tanchhan a. Chhui tham chu min hnutchhiahin ka hria.

    Report this comment

  3. 3
    century child Says:

    Priority kan pek vang lam a ni paw’n ka hre lo e.
    A engti zawk2 pawh hi ka pawm ve2, ram hnuk a khawih lem loin ka hria.
    Gud pos (Y)

    Report this comment

  4. 4
    Sony Says:

    Ladies and gentlemen of the jury…
    Mizo lo pawn an dah hmasa ve tho.

    Report this comment

  5. 5
    ConstantineXX Says:

    An chesual a kan ti a, a chesual te khan che fuh an inti fu angreng bawk si a… ka hrethiam teh nuaih tawh lo ve (H)

    Report this comment

  6. 6
    Mama Khawlhring Says:

    Hemi chungchang hi chu sawifiah vak tur a awm pawn ka hre lo. Tunhma atanga kan tawngkam hmandan pakhat ve a ni mai in ka hria. Priority lam ni lovin Mizo tawng pakhat ni mai in ka hria. Tawng hmandan dik sawi takah chuan tunali kan tawngkam ‘slang’ tam ta lutuk hi a pawiin ka hria; intih changkanna lam ai mah chuan hnam zia a bo ka ti kei chuan…. :-s

    Report this comment

  7. 7
    Sasaks Says:

    Thil kan chhutdan hi a inang lo viau a ni. Hun lo la awm zel turah tuemaw chuan he thil hi rawn chhuiin PhD degree pawh a la hlawh thei a ni. Tawng phenah hian culture, philosophy leh ideology a inphum thin. Chu chu Rev. Dr. Zairema khan a lo hmu fuh a ni, tih hi ka ngaihdan a ni e. Keinin kan lo ngaih pawimawh leh ‘mawh loh chu thuhran ni se. Thangtharte tan research field pakhat a tling vein ka hre deuh.

    Report this comment

  8. 8
    TuaiSialA Says:

    Mipat hmeichhiatna i hmang zel ang u. :-D

    Report this comment

  9. 9
    Chhuaklinga Says:

    ^^Haha, a dik khawp mai. Mipat mipatna te, hmeichhiat hmeichhiatna te hmang lovin. :D

    tren tren

    Report this comment

  10. 10
    Sony Says:

    “Neih iang inkawp” an tih mai hi tawi deuh zawnga sawi theih ani em le? Tun hma lama sawi dan MKH (spell chhuak lo mai ang) lah kan hmang ngam tawh si lo.

    Report this comment

  11. 11
    ulawng Says:

    Hemi chungchang hi post a awm tawh chiah loh pawhin comment velah kha chuan kan sawi nual tawh lo maw? :-S
    Thil dang zawnga hmeichhia dah hmasak a, hemi chungchangah kher ‘mipat hmeichhiatna’ kan ti bik hi a hlu danglam ve riauin ka hre vel mai mai :D

    Comment lama Monu/Mopa chungchang chhan na atan khi chuan ka post sa hi ka ring mai ang e http://www.misual.com/2013/03/.....-mo-neitu/

    Report this comment

  12. 12
    Sasaks Says:

    Neih inang inkawp (MKH) tih hi thenkhat chuan “mahni anpui kawp” tia sawi/ziah an duh deuh. Neih inang inkawp tih leh MKH hi chu a ngialngan lutuk an ti deuh niin ka hria.

    Report this comment

  13. 13
    Sangpuiipa Says:

    Chemtatrawta kan hmuh tak hlawl chu.:-P

    Report this comment

  14. 14
    Awmtea Leo Khiangte Says:

    Hmeichhiat mipatna tiin ka hmang thin.

    Report this comment

  15. 15
    saint sammoo Says:

    hmeichhiat mipat tih hi hman dan tlanglawn a ni… Mo leh mo neitu.. Tih hi chu monu..mopa (ziah zawm tur) tih hian a luahlan a nih tak ber hi… Mo nu… Mo pa… Ti a ziak te a nih loh chuan ka pawm.

    Report this comment

  16. 16
    chhana Says:

    A chan chhe zawk kan sawi hmasa ni maiin ka hria. Chutih lai erawh chuan vanram leh hremhmun kan ti leh lawi bawk sia.

    Report this comment

  17. 17
    Terema Chhakchhuak Says:

    Mipat hmeichhiatna tih hi a dik zawk! A chhan chu zeldin thu bakin a sawifiah theih tak tak chuang loh thung a. Mipa hi a chet la hmasatu an nih thin zawk avang hian hemi chungchangah kher kher hi chuan mipat hmeichhiatna tih hi a dik zawk viau-in a lang. :-D

    Report this comment

  18. 18
    dustin sampler14 Says:

    SEX hi Mipa Hmeichhia aia a CHAK LOH zawkna awmchhun a ni. Kawng tinrengah hmeichhiate hian chhawmdawl leh enkawl an mamawh a, ‘ladies first’ tih tawngkam pawh hi Feminist lutuk hran lo pawhin an hmui tana lam a nawm tawh em avangin lam harsa an ti lo. Mahse, mipa in hmeichhia a tluk lohna awmchhun chu SEX hi a ni. He thilah kher kher hi chuan MIPA te hian chhawmdawl leh enkawl an mamawh nasa zawk a ni. Mipat-hmeichhiat-na tia kan lam tan hun ka hre lo. Mipa hi SEX-a a chak lo zawk a nih tan ni pawh ka hre tawh lo. (H) :-D (Y)

    Report this comment

  19. 19
    dustin sampler14 Says:

    Mipa aia hmeichhia kan dah hmasakna tawngkam – Nula-tlangval, pitar-putar, mo leh mo neitu, nu-pa, chun leh zua, etc.. te hi chhan hrang hrang a awm kan ring ve ringawt a:

    1) Hmeichhia hi chak lo zawk, chhawmdawl ngai zawk an nih vang a ni thei.
    —> SEX ah hian a mipa zawk an chak lova, chhawmdawl leh enkawl mamawh zawk an ni.

    2) Bawhchiatna atangin hmeichhia hi lam hmasak zawk ni ta se..
    —> SEX-ah hian hmeichhia aiin mipa a bawhchhe hmasatu zawk leh thlemtu zawk an ni thin(Normally). (ZEL DIN THU MAI MAI) :D

    Report this comment

  20. 20
    Dr Mahminga Sailo Says:

    In titi a bengvarthlakin, a seksi phian.. :-P

    Report this comment

  21. 21
    Zama Khiangte Says:

    Mipat hmeichhiatna hi a dik e… (Pu Rozama chawngthu khan Vanapa Hall-a Mizo tawng chungchang seminar MUP nen tang kawpa an buatsaihah khan a paper-ah a lo ziak nghe nghe… a dang i ziah ho te nen khian…

    Report this comment

  22. 22
    Sasaks Says:

    In comment zawng zawng avangin ka lawm e. Mizo tawng grammar hi a la upa lo em a, inhnialna tur a la tam hrih a ni.

    Report this comment

  23. 23
    SHauzelSailo Says:

    A dik ve ve (Y)
    A engpawh chu tuemaaw in lo hmang se, e sex anih hi a sawi tiin kan hriatthiam chuan, a dik ani, a dik ve ve (Y)

    Report this comment

Leave a Reply

You must be logged in to post a comment.