Inthlan chungchanga Mizoram Presbyterian Kohhran Thuchah 2013

October 11th, 2013 8:42 am by chhana

Mizoram Presbyterian Kohhran Synod chuan inthlan dawnin Inthlan chungchanga Kohhran thuchahleh ngenna a chhuah thin a. Synod thu chhuahte hi Mizoram mipuite’n kan ngaih pawimawh thin avangin lawmthu kan sawi e.Tunah hian kan ram hruaitu tur M.L.A thlan kan lo hmabak leh ta a; inthlan chungchanga Kohhranthuchah kan han chhuah leh a, hei hi lo ngai pawimawh leh theuh turin mi zawng zawng kan ngen a che u.Biak Inah a tam thei ang ber chhiar chhuah ni se. Chhungkaw tinah leh a remchanna hmun apiangah a zauthei ang bera thehdarha inzirtir ngun lehzual turin kan inchah a ni.

1.Thlan tur (candidate) chungchang :

Ram hruaitu tha kan neih theih nan Political Party tinin candidate an siam laiin a hnuaia sawi ang mitehi an candidate atan ruat thei ngei sela a lawmawm ngawt ang.
a)Mi hmingtha, mize nghet leh rilru puitling.b)Mi taima leh rinawm.c)Dik lo leh kut tling lova sum leh thil dang hmuh tum lo mi.d)Ruih theih thil laka fihlim mi.e)Mipat hmeichhiatna kawnga dem kai lo.f)Ram leh hnam dan pawisa mi leh dikna ngaisang mi.g)Khawtlang leh mihringpuite thatna tur duha chumi atana inhmang peih mi.h)Mahni sakhua, Kohhran leh pawla mi rinawm.

2.Inthlan campaign chungchang :

Inthlanna chuhtu (candidate)-te leh an thawhpuiten campaign laiin heng a hnuaia sawite hi zawm ngeise kan duh.
a)Thu belh chian dawl lo leh finfiah theih loh hmanga mipui bum zawnga thusawi leh thiltih chin loh.b)Intihhmingchhiat tum vanga dawta mi mal leh pawl sawi chhiat vak vak chin loh.c)Inhuat leh intai te, invau leh inrîkrap-te tih loh.d)Naupang kum tling lote campaign nana hman loh.e)Mahni nihna leh thiltumte (manifesto) dik taka sawi mai.f)Pathian tiha nungchang mawi leh duhawm tak tihlan zel.g)Mizo tlawmngaihna leh hawihhawmna tihlan zel.h)A taka tih theih loh leh thleng thei lo tur mahni insawimawi nana hman loh.i)In tina lut zawnga campaign lova vantlang zinga campaign mai.j)Mahni tan pawha phurrit tling khawp, tlin duh avanga intiamkam loh.k)Kan ram leh hnam inpumkhatna tichhe thei zawnga chi bing leh ram bial (area) bik hamthatna tur ngawta campaign loh.l)Hel Pawl leh hriam lek thei pawl chakna ringa campaign loh.

3.Inthlan campaign senso :

India sawrkar hian M.L.A. thlan dawna campaign senso atan Rs. 8,00,000/- thleng hman a phal a.Inthlan campaign-naa sum sen tam lutuk hi a that lohna a tam a, chung zinga thenkhatte chu :
a)A tling lote tan rulh leh harsa khawpa lei batna a ni.b)A tlingte tan inthlan laia senso khuh leh nana mipui chanvo tur hui ruk duhna a thlen thin.c)Mi hausa leh mi rethei inkar tihkak zauna a ni thei.d)Kut tling lova sum lak duhna leh hlemhletna chi mipui rilrua tuhna bul a ni.Chuvangin -

1)Mimal leh pawlho te, tlawmngai pawl hrang hrang leh Kohhran te pawh inthlan denchhena candidateleh an thawhpuite hnena thil dil hi corruption nena inzawm tlat a nih avangin tih loh tawp tur a ni.2)Candidate zawng zawngte chu sum hman dana fimkhur tur te, pawisa leh thildang hmanga vote lei lo tur te, Pawl leh Kohhranin inthlan denchhena thil an dil te hnar ngam tur leh vantlang leh political party puala ruai buatsaih lo turin kan ngen a ni.

4.Thlangtu mipui tan :

Ram hruaitute hi mipuiin kan thlan chhuahte an nih avangin ram hruaitu that leh that lovah mipuiinmawh kan phur a. Chuvangin, inthlan dawnin a hnuaia sawite hi ngun taka ngaihtuah tur a ni.
a)Vote neite chuan vote thlak hi khua leh tui te chanvo leh kan mawhphurhna a ni tih hriain votethlak ngei tur a ni.b)Ram tana mi tha ber tur nia kan hriatte thlang thei lo khawpin party ruih chilh lo ila. Mahni chhialeh tha hriatna zalen taka hmangin mi tha leh tling ngei nia kan hriatte chauh i thlang theuh ang u.c)Sum leh pai hmanga vote lei tumtute lakah fimkhur ila. Chutianga sum hmang duhte chu mi tha loan ni tih hriain i hnawl ngam ang u.d)Candidate-te uluk taka thlirin an sum lakluh phu lova khawsak sang leh in leh lo nei tha te, hmunlo ram ngahte hi mi duham leh pamham zia a nih avangin ram hruaitu tlak an ni lo tih i hria ang u.e)Candidate leh Party rulh leh tura dawra thil lo lak te hi chin miah loh tur a ni.f)Mi mal leh khawtlang zalenna dâl zawnga mi vau ching te, mi tihthaih chingte leh mi dang sawi chhe vak vak thinte hi chu ram hruaitu tlak an ni lo tih hriain i thlang lo ang u.g)Kum tling lo vote neihtir te, vote thlak nawn te, mi dang hminga vote thlak te leh inthlan tihchingpente hi thil sual lian tak, Pathian ringtute tih hauh loh tur a ni tih i hre reng ang u.h)Zawl thupuan leh aien lam thil hmang duhtute hian Pathian an ring lo tih hriain i hnawl ngam ang u.i)Kan ramah inthlanna thianghlim leh felfai atanga rorelna dik a lo awm theihna tura Kohhran lehTlawmngai Pawl hrang hrangten kan din Mizoram People Forum (MPF) hmalakna hi mipuitentawiawma thlawp tlat turin kan inngen bawk a ni.

5.Tawngtaina :

Pathian ringtute tan chuan tawngtai hi kan hmanraw pawimawh ber pakhat a nih avangin inthlanpui loawm tur atan hian nasa takin i tawngtai ang u. Chutichuan, Pastor Bial leh Kohhran tinte Inthlanpuipuala tawngtaina hun mumal taka ruahman tur leh tawngtai inkhawmahte thupuia nei thin turin kaninngen a. Pathianin kan tawngtai a chhan theih nan keini pawhin heng thuchahte hi zawm i tumtheuh ang u.

Pathian leh ram tana in thawhpuite
Sd/- REV. H. LALRINMAWIA
Secretary

Sd/- REV.LALRAMLIANA PACHUAU
Moderator

MIZORAM PRESBYTERIAN KOHHRAN SYNOD

Similar Posts:

Recent Posts:

10 Responses to “Inthlan chungchanga Mizoram Presbyterian Kohhran Thuchah 2013”

  1. 1
    Nirvana Says:

    Thlarau bo zawn, tih vel ang tham chu an hre chang ta meuh lo a ang thin. Kohhranin politics an khel a, politician te pulpitah an au, tih a la dik zel.

    Anni lo inrawlh ve sek vangin MLA ram hmangaih tak, term khat chhunga hausak thut tum an tlem phah dawn awkawng lo, tih hi sawi lawk turin rocket scientist nih a ngai lo.

    Report this comment

  2. 2
    Dr Mahminga Sailo Says:

    An titha mang e.. ti mai teh ang.. ;-)

    Report this comment

  3. 3
    Chhuaklinga Says:

    Ka nuih a za. :)

    tren tren

    Report this comment

  4. 4
    H.Vangchhia Says:

    Ve sek a!

    Report this comment

  5. 5
    chhana Says:

    A tangkai fu thin a ni lo’mni? Rin aia in ngaihnep chu!

    Report this comment

  6. 6
    Chhuaklinga Says:

    Post-tupa i ti tha lutuk, mahse kohhran ho hian an duh ang a mi tha khi vote tur an hmuh ka rinpui lo mai mai vang a nia. An duh tak tak a nih chuan an duh ang mi chu rawn vawrh chhuak se ka ti rilru mai mai mawle. :) A nih loh pawhin candidate te zir chiang se, hei hi a tha, vote tur tiin hming hmerin rawn tarlang law law se, te ka lo ti mai mai a. Inrawlh si, inrawlh si lo kual vel hi a ho riau a lawm. :D

    tren tren

    Report this comment

  7. 7
    Vladimir Putin Says:

    Ka hriat sual loh chuan party ten candiante an la zuar lo. Kum dang anga kan hmuh thin candidate ni ta ang se Presby hotute duh thusam hi han hisap teh ang:

    a) Mi hmingtha, mize nghet leh rilru puitling. VERY, VERY FEW
    b) Mi taima leh rinawm, MAY EXSIT IN THE LIST, MAY BE

    c) Dik lo leh kut tling lova sum leh thil dang hmuh tum lo mi. NONE OF THE ABOVE

    d) Ruih theih thil laka fihlim mi- MAY BE IN THE LIST, BUT THAT IS UNIMPORTANT.

    e) Mipat hmeichhiatna kawnga dem kai lo. UNIMPORTANT

    f) Ram leh hnam dan pawisa mi leh dikna ngaisang mi- NONE OF THE ABOVE

    g) Khawtlang leh mihringpuite thatna tur duha chumi atana inhmang peih mi- NONE OF THE ABOVE

    h) Mahni sakhua, Kohhran leh pawla mi rinawm: INTERESTING! Hindu mi pawh an sakhua a an rinawm phawt chuan?

    Report this comment

  8. 8
    sheldon Says:

    Nia, a ninawm! An inrawlh kim mah mah ka ti.

    Report this comment

  9. 9
    Awmtea Leo Khiangte Says:

    Han ti zel phawt teh se.

    Report this comment

  10. 10
    Mx Says:

    ve teh chhen a.. :-/

    Report this comment

Leave a Reply

You must be logged in to post a comment.