Tawng fimkhur

October 10th, 2013 9:40 am by chhana

Mi tam tak min vaw lêttu leh inchhirna nasa tak min siam fotu chu kan tawngkam chhuak vêk hi a ni fo. Kohhran rawngbawltu, khawtlang leh ram hruaitute te kan mualpho fona pawh tawng thua kan fimkhur loh thin vang a ni. Mi thiamten, kan tawngkam chhuak rêng rêng hi boruakah a lêng a lêng a, a tâwpah chuan a chhe lam a tha lamin mahni chungah bawk a lo thleng leh thin, an ti a; Bible-in, “Miin a tawngkam chhuak rah chu a seng ang a, ama kut thiltih ngei chu a hnena hlan a ni ang,” tia a sawi nen pawh a inhmeh hle (Thuf 12:14).

Tunlaiah media chak tak kan nei tawh a, kan thusawi leh thiltih ngeite pawh kan inhriatpui kîlhkêlh thei vek tawh a; hmanlai anga ‘chutiang zawk chuan alawm ka sawi’ tia inbum mai mai theih a ni tawh lo. A nî leh darkar chenin kan insawisak thei ta vek mai! Politician-ho tan pawh dawt puarpawlenga mipui bum mai mai ngamna chi a ni ta lo. Mahni ngei pawh kan tawngkam chhuakah kan awh lohna turin fimkhur tlang ila. Tirhkoh Paulan, “Mi tin engtia chhân theuh tur nge ni tih in hriat theih nan in tawngka chhuak chu chia al, khawngaihna tel ni fo rawh se,” a tih hi i vawng reng ang u. (Kol 4:6).

Similar Posts:

Recent Posts:

5 Responses to “Tawng fimkhur”

  1. 1
    keimah Says:

    A va dik em! Sawi loh atana tha zawk kan sawi avanga nupa, chhungkua leh khawtlang thlenga harsatna thleng thei tam tak a awm ngei ang.

    Report this comment

  2. 2
    Chhuaklinga Says:

    (Y)

    Report this comment

  3. 3
    Dr Mahminga Sailo Says:

    Post tawi, tha leh zawmtlak tak a nih hi le.. (Y)

    Report this comment

  4. 4
    saint sammoo Says:

    sawi lan kher ngai lo hi ka van sawi hnem tak….
    I sawi tur apiang ngaihtuah la… I ngaihtuah apiang sawi kher suh….

    Report this comment

  5. 5
    Lamji Says:

    Amen. (Y)

    Report this comment