Ka lawm e, Mi(sual)-nu!

September 26th, 2013 6:25 pm by Dr Mahminga Sailo

Mi(sual) fel tak – Maisek
Khatia hun reilote chhung chama Zoram haw tum ka inpuahchah ve takah chuan, chhungkhat laina hnaite nei mah ila; kan tunlai khawsak dan nen mi ina han thlen ngawt mai kha ka inthlahrung ru khawp mai a. Vanneithlak tak maiin Maisek chhungkuate’n, nikuma an fapa admission buaipuia Bangalore an rawn zin dawn tum a, an thlenna tur ka lo zawnsak ve te mai kha min ngaihhlutsakin min hriatsak tlat mai a. An tawngkam tha ka um ta ngawt mai a ni.

Hei lo liama * hotel
Mahni sum leh pai senga haw ka ni a, hotel-a thleng tura sum leh pai tlahlang kawl ka ni bawk si lo. Ti chuan le, Maisek chenna chu ka pan ve ta ngawt mai le.

Room zau nuam tak (nupui pawh ru chho ta ang ila kan khawsa leng tho ang :-D ) leh thengthaw nuam, felfai taka inrem diam-ah min hruai lut a. Ka ck-na tur laptop a lo chhawp chhuak sa thlap bawk. Hei mai hi duh tawk lovin, room-a thingpui lumna thlengin a chhawp a! Chu mai a ni nem, an nupa ei leh in ang ang min eipui ve zel bawk. Pasal fel leh rilru tluang, kohhran upa kawm nuam tak a nei leh zel bawk si. Ka tlangnel mah mah em aw ka ti rum rum.

Ngai teh, eirawng lah a lo bawl thiam na rawh; ei tha hmu ngailo tih takah chaw ei khama inchhir rum rum khawpin chaw ka ei leh ngheng thin. An chhungkaw ei leh in ang hi thlakhat ring ve ngat ila, Maisek ai hian ka khal zawk lo vang em ni? :-D

Ka chunga an tha lutuk awm ngaihna hre lo vin, ka thiam ve tawkin an ui (Snowy Vanlalchhandam Ralte Kawlni) duat takin ka chul sak hluau hluau ringawt.

Sawi tur tam tak awm karah, sawi hmaih pawh ka nei teuh ta ve ang. Mi(sual).com zara thian tha tak ka nei hi vannei ka inti teh asin. Phuailuai leh kim lo takin ka lawmzia ka rawn au chhuahpui ve e.

P.S. Tu’n ngaih loh lamah min ngaihsak lo hram a niang chu; mi(sual) fel tak tak tawn chang hian, mi(sual).com hlutzia hi ka hre thar fo thin. . Ka lawm e…

Similar Posts:

Recent Posts:

18 Responses to “Ka lawm e, Mi(sual)-nu!”

  1. 1
    Dr John Says:

    (Y) Post ngaihnawm tak a ni.

    Fanu Hmeltha deuh pawh an neih kha, Zirna avangin Uu eS eA lamah a thang rih a ni ang :D

    Report this comment

  2. 2
    Pakak Says:

    mi(sual) fel tak tak tawn chang hian, mi(sual).com hlutzia hi ka hre thar fo thin. (Y)

    Report this comment

  3. 3
    vakul Says:

    Maisek hi ka chhuang teh mai a nia, fel bawk si. Hei bak baka misual nih man katihpui che. Kei pawh an inah chaw ka ei leh dawn ….chu chu ni mai.

    Report this comment

  4. 4
    H.Vangchhia Says:

    I vannei hle mai, a ni ang mifel in-ah ngat I thleng ania (Y. Mi(sual) memberte hi mihring mihrinna a misual an awm miah lovin ka hria.

    Mi(sual) ho fel zia hria a, tawng a lawm em em fo ka ni. Mi(sual) member nih vang hian duhsakna phu loh keipawh hian ka tawng fo ta mai.

    Maiseki damreng rawh se….. mi(sual) dang zawng zawng pawh (Y)

    Report this comment

  5. 5
    Awmtea Leo Khiangte Says:

    I vannei ngawih ngawih e.

    Report this comment

  6. 6
    Dr Mahminga Sailo Says:

    @ Dr John.. A fate pawh an fel ngiang mai, mahse keini ang tar lam tawh tan chuan Maisek fanu te chu beisei chi a ni nang.. :-D

    Pu HV-a leh mi(sual) dang lawmthu sawi te hi chhiar a nuam ka ti. Fak leh chawimawi phu (Mizote’n infak-ar-ek kan tih deuh kher thin kha) na na na chu kan fak hi a Pathian thuin a Mizo em emin ka hre thin.. (Y)

    Pu Caribou erawh a ngaitein Table Tennis a buaipui avangin nula ka CK-pui min tibuai hman ta lo hram a ni.. :-P

    Report this comment

  7. 7
    kilung Says:

    I va vannei tak em! Thil tha in tih tawn sak hi kei nuam ka tih ber ania.. Pi Maiseki hi a fel khawp mai, min rawn tlawh ati thin a, ka la hman thei lo a, ka la tlawh ve ang, :-D

    Report this comment

  8. 8
    Charice_mizo Says:

    Maisek-i (kan nu rual ni mahse) hi in sawi vel atang hian mi fel leh tha tak anih ka ring, an chhungkua hi an awhawm ngawt mai. Nu ber felna chhungkua hi chu a nuam an ti chawk ania. Mahming, an fanu te pawh chu han duat em em phawt la maw ;)

    Pu Hva chu Delhi lo kal ka lo hre ve hauh loa!

    Report this comment

  9. 9
    lr hlonchhing Says:

    (Y) (Y)

    Report this comment

  10. 10
    chhana Says:

    Misual nih hi chu a nuam a nia. Mi pangngai tak tak hlir anni lehnghal. Keini ang kan lo inrawlh ve chhen pawh hi ka inthlahrung thin.

    Report this comment

  11. 11
    Pakak Says:

    MAISEK….MAISEK…..MAISEK….MAISEK…Jindabad (Y)

    Report this comment

  12. 12
    H.Vangchhia Says:

    Charice_mizo, chawhnuah ka thleng a, a tuk-ah Mumbai ka pan leh nghal a lawm. Hmuh chak tak tak tumah ka tlawh kual hman talo a ni.

    Zualbonez pawh ka flight no. leh arrival min zawt a, a tuk ami tur kha min zawhni ami tur emaw ati nge mawni, airportah “kalo hmuak che a, i awm lo,” tiin min la chhuahchhal zui hairehai. A tukah ka phone a, a pickup duh tawh reng reng lo, naupang iangin ti tau e Pawipa kha :P (pil leh daih)

    Report this comment

  13. 13
    blackmagicwoman Says:

    Aizawl khua ni mah ila, pi maisek te inah chuan thlen dil ve mai ka duh. An fel nupa hle mai. An ui hming mawlh chu …hahahah. Hmar lam unau te ang deuhin a hming tawpah i leh a awmlo ve ngei bawk ah :-)

    Report this comment

  14. 14
    Dr Mahminga Sailo Says:

    @ blackmagicwoman… A fel bawn tawp, a hming ang hi a ni miah lo, a nu hnap mai ni.. :-)

    Delhi ka zin chhung reilotea mi(sual)-nu pakhat pawh kha ka ziak lang ta lo va, nula a la ni bawk si nen.. ;-) Mahse, mi(sual) zara vawikhat inhmuhnaa innel tak maia kan inkawmho thei hi a hlu hlein ka hria..

    Mi(sual) zel ang.. (Y)

    Report this comment

  15. 15
    Puii Says:

    maisek hi a va ngawi rei thei ve… (O) !! mi zawng zawng hmaah an nupa felzia an puang a, a hre lo der tlats… khawnge a awm le? :$

    Report this comment

  16. 16
    Maisek Says:

    Mahminga a hawn hnu kar tluanin training kan nei a, misual.com hi ka lo tlawh khat deuh ani, kan sawi ve loks… Mahminga hi tlangval fel tak ani. kan ina a lo thleng duh hi kan lawm em em zawk ani… misual nih nawmna hi kei hian ka hre chiang ber ang…misual.com dam reng rawh…(Y)

    Report this comment

  17. 17
    Chhuaklinga Says:

    Post-tupa chu ka lawmpui hle mai che. Kei pawh misual ka hmuh tawh ho chu mifel tak tak hlir an la ni vek. (&)

    tren tren

    Report this comment

  18. 18
    cotdarz Says:

    Ka va thleng ve chak :P

    Report this comment