CFL Hmingthanga Thihcham Vawikhatna Pualin

September 10th, 2013 1:01 pm by CFL

September ni 9, 2013 zan dar 10:45 PM hi zaithiam leh hlaphuah thiam CFL Hmingthanga lei taksain he khawvel a chhuahsan kum khatna a lo ni ta a, a lei taksa chuan thawhlehna nghakin Samthang thlanmualah riahrun a bel mek a ni. He a thihcham pual hian amah ngainatu leh a fans khawvel hmun hrang hranga awmte chuan urhsun takin mahni hmun theuhah hun hman an tum a ni. CFL-a fans i nih chuan facebook Group pakhat, CFL HMINGTHANGA Thu Leh Hla i lo join ve dawn nia. Tin, Thawhtan tlai dar 5:30 ah hian CFL-a pualin Doordarshan, Aizawlah CF_a u Pi Lalngovi w/o Pu Thasiama te chuan CFL-a zai pahnih an thlang a, a zai leh a hringchan thlalak hrang hrangte en theuh turin CFL-a fans zawng zawngte min sawm a ni.


Nikum September ni 9 zan dar 10:45 khan Khawbung PHC ah TB natna avangin CFL-a hian khawvel a lo chhuahsan tawh a. Khawbung PHC ah hian thih ngam khawpin tun hma khan hliam na tak a lo tuar tawh a;nimahsela tha taka lo chhuakin zaiin zofate min awitlei a nih kha. Mahni damna hmun ngeia boral leh ta chu CFL-a hi a lo ni ve ta a nih chu. CFL Hmingthanga hi a boral tuk hian mi tam takin thlanmualah an thlahliam a, a ruang hi thlanmual an panpui lai hian ama sak ngei, “Ka nau vala” chu YMA Information Centre atangin an play a, mipui a vel tap nasa hle. CFL-a thih thu hian zoram mai bakah khawvel hmun hrang hranga zofate a deng chhuak hneh hle a ni. Champhai District Promotors’ Club chuan nikum November khan CFL-a Tribute Concert an siam a, November ni 22, 2012 a CFL-a lungphun Samthang khawtlangin an neih pawh khan Concert an buatsaih bawk a ni.

A chanchin chipchiar leh kimchang chhiar duh chuan a hnuaia link hi tlawh mai tur a ni e:

http://jlremsanga.blogspot.in/2013/09/cfl-hmingthanga-thihcham-vawikhatna.html

.

Similar Posts:

Recent Posts:

8 Responses to “CFL Hmingthanga Thihcham Vawikhatna Pualin”

  1. 1
    Phivawk Says:

    A thihcham vawikhatna lo thleng ta reng mai maw! CFL Hmingthanga, mizote rilru leh thinglungah i thi mawlh dawn lo..

    Le, kawmen chhunzawm zel i1a…

    Report this comment

  2. 2
    sparta Says:

    Duh aiin kan chan hma a ni e tiro Postupa…Ka ui ngawt mai.

    Report this comment

  3. 3
    chhana Says:

    Kan thenawm tleirawl (ka boss a ni ber ang chu) hian a duh thei khawp mai a; ka duh ve phah. Fam khua a lawi hma lua a ni e. A pawi ngawt mai. Mahse, Lal Isua hnenah thlamuang takin a chawl tawh bik awm sia; ka thik deuh.

    Report this comment

  4. 4
    Remembering CFL Hmingthanga | Ijassdie Says:

    […] Related Post:   1.CFL HMINGTHANGA THIHCHAM VAWIKHATNA PUALIN 2. CFL Hmingthanga Thihcham Vawikhatna Pualin […]

    Report this comment

  5. 5
    lr hlonchhing Says:

    Ka uipui ngawt mai che (W)

    Report this comment

  6. 6
    Dr Mahminga Sailo Says:

    Ngirtling an hram ral ral a, lentupui hirng dup hnuaiah chungleng sirva zai vawr kara “her chhuak thuai thuai se, ka D awn hun tur..” ” I sakhmela’n maw zawlaidi cham e” “Ka nau val” tih leh CFL-a hla dang lungrun tak mai kan sak rawng rawng laite kha a ngaihawm mang e..

    A uiawm ngawt mai.. :-(

    Report this comment

  7. 7
    Kosmovision Says:

    ‘Ka nau Vala’ tih hla hi ka duh ve khawp mai, download theihin a awm em le? He hla a lo chhuah dan hria in awm chuan lo post teh u ka hre chak lutuk.

    Report this comment

  8. 8
    caribou Says:

    Thingtlang lamah ngat chuan tunhma deuh khan CFL-a hlate hian sak a va hlawhin thianzahova zan chhawrthlaeng hnuaia zaipui a va hlawh nasa tak e aw………. Fiah tha kek kawka a record nawn leh hman ta lo hi a pawi a ni.

    Report this comment