2011 a PUNE a mizo nula boral chungchang hrechiang lehzual duh tan

August 26th, 2013 8:58 am by lalremkima hrahsel

(Admin note: A ziaktu ziah chhan hi kan lo hriat loh tak in hetah hian a chhiar theih e. Remkima hian hemi chungchang hi hetah pawh hian a rawn ziak tawh a. A thu hi a personal angreng viau a, chhuahsak a pawi em lovang chu..)

Ka lung a leng deuh a comment te kan chhiar nawn leh a…Insawi thiam ka tum hauh lo a, mahse thil chiang lehzual zawka in hriat nan.

Kum 2010 khan kum thum kan in kawl hnuah kan intitlan a, kan la inbe tho thin a; mahse ‘Boruak tharte tawn ka duh’ a tih vangin hna thawk turin phai lamah a chhuk ta a. Kan inbe reng tho a ka lung a len theih em avangin 2011 June thla khan chhuk ve in In kan luah dun ta a (kum tam inkawl mah ila kan la inkutsuih lo). Tichuan thenkhat in inhriatthiam loh anga lang hallucination a nei tih vel ka ziah kha ka chhut let hian a chhul thra lo rilru buai hi ni ta berin ka hria a, nau hi vawihnih kan chhiat a. Hmeichhe dang kawp mai pawh nilo, mipa nena kan awmdun lai min hmu ang te khan min accuse thin a, a fiamthu emaw kha ka ti thin a, fiamthu kha a duh ve em avang khan. Mahse mipa nih ve a khatia mawngkawhur anga inpuh tak reng kha chu ka thin rim ve ta khan kan inhau ta vak mai a, riahchhuah kha a tum ta a, hmeichhia zawk riahchhuah ai chuan tiin keimah zawk ka riakchhuak ang e ka tia,(ka inchhir tawp thei lo) ka riakchhuak ta ngei a, a tukah chuan kan inluahna neitupa in min lo phone a, damdawi ina an kalpui thu min hrilh a, a boral tawh tih pawh min hrilh lo a, damlo pangngai turah ka ngai a. Mahse ka va thlen chuan a lo boral fel vek tawh a, a hma zana boral angah an ngai a doctor ten.

Ka mawl ka intih nachhan pakhat chu engatinge a fiamthu emaw ka tih kha?!!! vawi hnih khat mai a ni si lo a, doctor hnenah te lo hruai ila chu ala dam awm sia te hi ka tia. Tichuan khawngaiha min lo hriat sak tura ka duh chu in kan luahdun chhung leh kan awmdun chhung zawng khan hmeichhia kha tumah an biangah takngial pawh ka fawp lo a, a thih thleng khan a lakah khan ka rinawm tih thu hi min lo hriatsak ve ula ka duh khawp mai. Kum 6  kan inzui a, Mizoramah kan inkawl tantir deuh khan vawi khat chu ka chesual a, kha kha a laka ka rinawm loh awmchhhun chu a nia…a thihcham a lo hnai leh ta a ka rilru ah a thar em a kalo ti duah a nih hi…min lo post sak hram dawn nia….

Similar Posts:

Recent Posts:

9 Responses to “2011 a PUNE a mizo nula boral chungchang hrechiang lehzual duh tan”

  1. 1
    xollie Says:

    Hnem theiin hnem thiam che ila ka va ti tehlul em! I inthiamlohna pawh, ‘Inthiamlo suh,’ ti eng ang mah ila, awmzia a awm em em lo bawk ang. Thil lo thleng tur tuman kan hre si lo va.

    Ka khawngaih phak ni lo mah la ka va khawngaih tak che em!

    I tana ka tihtheih tawk, ka lo tawngtaipui ang che.

    Report this comment

  2. 2
    Dr Mahminga Sailo Says:

    A tawng miah lo tan chuan hriatthiam a har a, i dinhmun hi a hrehawm khawpin ka ring, a zia lo ngei mai.

    Report this comment

  3. 3
    Sihtea Says:

    A va zia lo tam em!!!!

    Report this comment

  4. 4
    Puii Says:

    A hma pawh khan comment ka pe lem lo va, tun tum chu kan sawi ve teh ang…. (L)

    vantlang hmaa han inpuan meuh hi chu…. i huaisen thin hle mai

    I tuar hi a na em a ni,… mahse kan tuar theih chin tawk bak hi kan Lalpa hian min tuar tir ngai lo.

    i inthiamlo rei tawk tawh e, i rilru siam tawh rawh le, mipa i nih hi….

    Report this comment

  5. 5
    Maisek Says:

    Dam dam….

    Report this comment

  6. 6
    ulawng Says:

    Zawhna zawh huama post a nih ka ring a, a hmasa khan a fb post vel kha, ‘a thiannu tana a post sak a nia’ kha i tia; a lo ni chiah lo a ni maw? (ti tlai khaw hnu teh ang)

    Report this comment

  7. 7
    maawma Says:

    Han hnem pui vak ngaihna che pawh hriat a va har ve le

    Report this comment

  8. 8
    DuatDuat Says:

    Nia doctor hnen ah te chuan lo hruai ta la tha tur,i ngaihsak tawk lo deuh te pawh ni mahna..i sawi hmangin i inchhir hle mai si a…thil eng emaw chu a awm a ni

    Report this comment

  9. 9
    lalremkima hrahsel Says:

    nia…fb a mahni bialpa te chesual lai hmuh a tih vel kha chu a thriannu vanga post anih thu amah ngeiin min hrilh a chuvanga trang ngam chu ka nia…chuan DuatDuat ina ‘thil eng emaw awm’ i tih hi enge ka van hre chak ve aw…rei tawh ve hle mahse ka lunglen a la reh thei si lo a.ka hmangaih ber ani miau a dam thlakhlelh te hi a har thrin khawp mai.ka inchhir em em chu ka riahchhuahsan leh kalo hrethiam lo kha ani a.khawngaih takin thil awm anga i ngaih chu min lo hrilh thei em?

    Report this comment