FANCHUN

August 11th, 2013 9:30 pm by Mr.Fanchun

Pawl Sawm Exam form kan fill-up laiin kan Principal in ”I hming engtia dah nge i duh? A ngai ang hian kan dah dawn a mi?. ‘F’ hi eng nge awmzia?” tiin min zawt a. Pawl Sawm a tanga hnuai lam zawngah kha chuan ‘F. Lalrosanga’ kha ka ni thina. Kan Principal hnenah chuan ‘F’ chu FANCHUN tihna a nih kha ka ti a. ”E he! Pawichhia te maw i nih? Pawichhia te” minti a, ka zak lutuk kha, ka thinrim pawh ka tilang ngamlo hial.

Office chhunga Zirtirtu dang awm lai leh Ka zirlai puite Exam form fill-up ve tur awm lai a khatiang thu dawn kha chu ka zak lutuka, hawina lam tur pawh ka hrelo a, awmdan pawh ka thiam tawhlo.!. Mahse ka nihna chu ka nihna a ni tlata, eng angin zahpui mah ila a sawt chuanglo a, ka nihna a ni tho tho a.. FANCHUN in ka nihna a tilang a nih chuan tiin, kan Principal hnenah chuan ka hming bula ‘F’ dah tawhlo in ‘Lalrosanga B Fanchun’ tiin Class-x Exam form ka fill-up tir ta a.

Kan Principal in ”Pawichhia te” mintih lai khan thinrimin zak viau mah i la, tun kum 7 vel liam hnua ka ngaihtuah that leh hian ‘Pawichhia’ minlo tih kha a lo awm reng a lawm le tih hi rilru natak chungin ka pawm thiam ve ta..:(

Kei ni Lai ho chu ‘hnambo’ a lawm kan lo nih chu.! Tawng hran leh ze hran Pathian in a hran tein minlo siam sak ve kha humhalh loin leh ngainep in; hnam dang ho hnenah ka pil zo ta! Hnambo, mahni tawng leh zia pawh hrelo chu ngati nge ‘Pawichhia’ mintih mai loh ang?.

Khawvelah Lai hmun hnihah kan awm a:
Hmunkhat chu Burma lamah. Burma lama awm ho chu kawl ho karah an awm a, Kawl tawng hmangin, Kawl zia an hmang a, a then ram inrelbawlna thatloh vangin ram dangah an ral tlana, Vunvar, vunsen, vundum ho bulah UN in a thendarh hlawm a.. Chung ho pawh chu reilo teah an bo thuai dawn.. An mahni inti ‘Lai’ em em mahse an fa fa leh te chu an awmna ram/ an ral tlanna mi ho angin an chhuak tawh ang.

Hmunkhat leh chu India ah. India a Lai awmna chu Mizoram ah a ni. Mizorama ‘Lai’ awm ho pawh Lusei ho lakah ka pil bo a, Lai kan ni tih chu inhre mah ila, tawng hran leh ze hran kan nei tih pawh kan inhre tawhlo. Khiangte, Fanai, Bawihtlung thenkhat te phei chu Lusei ah beh an tum thina mahse “Pawichhia’ anlo tih thin a vang hian an hrang leh te hian ka hre thin.. Mizoram Chhim lamah ADC hran kan nei ve a, Khaw hrang hrang a awm ve nual a ni. Kan khawpui chu Lawngtlai a ni ve ngei a. Kan Lawngtlai khawpui hi han en ang u, ‘Lai fa’ awmkhawmna hmun chu a ni ngei sia le.. !

Kan tawng leh zia ngainepin, kan nihna kan zahpui a. ‘Lai ka ni’ inti mah ila, Lai tawng kan hmusita. Keimahni leh keimahni kan in hmuhsit chuan tu in nge min ngaisang tak ang le? Chuti chung chuan ”Pawichhia” min tihin kan la thinrim ve em em a.. A zahthlak a, a lungngaih thlak a nih hi ti ru kan awm dan hi..

ENGTIKAH TAK HARH CHHUAKIN IN LUNGRUAL VE THEI TAK ANG U MAW!

Similar Posts:

Recent Posts:

19 Responses to “FANCHUN”

  1. 1
    chhana Says:

    A bengvarthlak e. I hnam i zahpui loa, i ti tha khawp mai.

    Report this comment

  2. 2
    saint sammoo Says:

    post tha tak a ni.

    Report this comment

  3. 3
    drake Says:

    tawng ah zawk buai nih hi awl nia,tawng ka thiam vek a, ka ni vek bawk :)

    Report this comment

  4. 4
    Terema Chhakchhuak Says:

    Chhakchhuakho pawh “Chhakchhuak satel vawr, Chhakchhuak chhum hleuh” hnam dangin min ti a, eng hehuah kan ngai chuang lo. Pachuauho pawh Pachuau lulian, Pachuau lal pâk, Chhangteho pawh Chhangte kawm, Chhangte fanghma vel, Chawngthuho pawh Chawngthu lung chawi etc a tam lutuk. Hnam hrang hrang indeusawhna tawngkam hi a tam lutuk. Kha vang khan intih hran hi thil tul ber a ni lo. Burma ram lamah chuan Chin angin an awm khawm leh tawp. Chin hnuaia hnam peng hran hrang zingah chuan Chhakchhuak (Hualngoho) pawh an bet ve a, tunah hian Mizo emaw Hualngo emaw anga awm hran a, ram rorelnaa a hnam bil anga MP neih ve tumin an bei mek, hei pawh hi Hualngo tam tak chuan an dodal a, Chin mi anga awm kha an la duh zawk tho tho. A hnam ang zawnga lak chuan Chin mi an ni bik ikhaw hleinem! Lusei hnam tho asin Chhakchhuakte hi an nih ni. Mahse, Mizoramah chuan Mizo angin lungrual ila, Burma lamah chuan Chin mi nihnaah hian i lungawi ang u, ro hran bawl i tum lo ang u an ti ve tho. Keini Hualngoho hi kan rilru a lo zau deuh ber a nih hi maw!

    Report this comment

  5. 5
    chhangte_ll Says:

    Khiangte, Fanai, Bawihtlung thenkhat te phei chu Lusei ah beh an tum thina…

    Khiangte leh Fanai (Bawitlung hi Fanai chitepeng an ni) hi eng tik lai mahin Lusei ah beh an tum hleinem mawle, Rev. Liangkhaia Khiangte pawhin Lusei ah a ziak lut lova mahse Mizo erawh an ni. Khiangte chitepeng a Chawngte ho erawh Chhangte an nih hmel chauh, Ungtena fapa pahnihte kha Chhangtea leh Chawngtea an ni tlat a.

    Heih hawih che hian Henry Vangchhia ianga ‘Hnamchawm’min ti lem si an thlahtute Lungleng lal ‘Khawnbawl’an nih thu ziak leh ang si vel a ni (N) In duh leh ‘Aizawl ho’emaw tih ṭawngkam hmang zawk ṭhin teh u :P

    Report this comment

  6. 6
    Athana Chhangte Says:

    Kan naupan lai khan hnam hminga indeuhsawh kha kan uar ve phian. Kan inhnial kan inhniala atawpah chuan hnam hming khan kan inbei zui ta thin a, ‘chhangte mi uikawm hnam, chhangte fanghma vel pan thei’ tih vel kha kan hlawh thin kha ani a. Thiante ho lah kha Sailo tih vel kha an ni fur mai si a. Tihngaihna hriat tawh loh hnu ka chuan insualpui bawk kha a tawpna ani leh thin. Naupang tih takah, khatih hunlai khan hnam hming thlak kha ka chak ber a ni awm e.

    Ka nu hi Vangchhia ani a, A ni pawh hi a inti Khawlhring deuh thin, tunhma kha chuan hahaha

    Lusei ho ngam ngai loh Pawih ho hi hmar lamah lo awm ta zawk se chuan Mizo history hi a dang dawrhin ka ring.

    Report this comment

  7. 7
    Chhuaklinga Says:

    Mizoah hian lungawi tlang ila, eng hnam emaw ka nih avang khan in hmusitin in ngaisang kher lo ila a tha ber mai maw le.

    Report this comment

  8. 8
    hlatekhua Says:

    Pawi(h)chhia chu in ni lul lo e. In chi (hnam) zia in hloh ṭhen tawh a nih pawhin tung nung leh turin ṭan la thar rawh u.

    Zawhna pahnih ka nei: Pawih/Pawi tih hi in hua em? In huat chuan engnge a chhan…Luseihoin kan koh dan che u a ni mai lo’m ni? (Pawih ka tih hian ka rilru-ah hmuhsitna emaw, dah hniamna emaw chhe te pawh ka nei ngai lo. Sap pawh sap kan ti a, vai pawh vai kan ti nen hian a inang rengah ka ngai).

    Report this comment

  9. 9
    chhana hlawnchhing Says:

    Kei pawh ka hostel awm laiiin Pawi/Lai ka nihna ang hian hmuhsitna tawngkam chu ka dawng hnem ang reng khawp mai. kan thiannu pakhat phei chuan i tawng pai pai (pei ti a ziah tur nge ka chiang chiah lo) nen tiin kan hostel kawt ah kan in hniallaiin min ti a ka zak ang reng khawp mai. mahse Pawi/Lai ka nihna hi Pathian in min pek a nih a vang in ka zahpui lova ka in chhuang viau zawk.

    Mizo tawng upa hi tam zawk hi chu keiini Pawi/Lai ho kan tual tualleng mai mai a ni a kan lehkha zir lai pawh khan ka ti tha thei viau thin,Mizo Tawng upa pawh Pawi/Lai tawng tualleng ang mai mai a nih si chuan tuna Mizo tawng hmang ho hi ni Pawi/Lai hnambo in nih hmel zawk

    Report this comment

  10. 10
    Mr.Fanchun Says:

    Comment hrang hrang leh ngaihdan hrang hrang te chu chhiar a nuamin a bengvarthlak e.!

    Hetiang hnam kanlo nih tak hi vui thei ka ni tawhlo..
    A hrantea zia leh tawng min petu leh kan hnam dintu hre tawhlo in kan awm a.. A thenin nawmnah takin Pathian rawng kan bawl a… Bible(Thu tak leh thu nung) zir ho lahin chawlh laiin nula leh zu nen hun kan hmang a..:( Vui thei leh kan hnam dintu dem thei kan ni lo.

    Kan hnam din chhuah leh nan chuan min siamtu hmaah inchhira, thingthita, ngaihdam dil a ngaita…

    Report this comment

  11. 11
    SHauzelSailo Says:

    I principal zarah I thlahtu hnai/emaw chungtiang deuh hming I hming tawpah I ziak ta a, I ti thra lutuk zok e. (Y)
    Min ngaihsan leh ka ngaisang let a, min hmuhsit leh min thlukloh leh ngamloh vangah ka ngai mai, ka hmusit chuanglo, ka trawngtrai sak zeuh zeuh. (Y)
    Pawih e Lusei e chu e ka hrelo, Zo kan ni vek tih hi ka chiang a, trawng hran chhan poh hmanlaia inpawhna thrat loh vang ani tih hi ka chiang a tumah hi ka hmusit lo va, ka ngaisang chuang lo.

    Chungtiang chu han ni hlawm vek ila ka ti.
    Zo kan ni vek si aa, Lai te, Lusei te, Paite te, etc. etc. (Y)

    Report this comment

  12. 12
    Charice_mizo Says:

    Keipawh “chawngthu hrikpui lian in nih kha” mn ti thin, ka nute hian fiamthuin min tia, kan thinrim ve em ema. Chawngthu hi lusei hnam kan ni bik lova, mahse Mizo hnam diktak kan ni tih ka pawm thlap. Lai hnamah chuan Fanai hi lal hnam a ni tih ka hria, fanchun tak hi chu ka hrelo. Fanai tih hi nalh ka’n ti thei khawpa, chawngthu tih hi thring hi ka ti em ema. Mahse tunah chuan ka zahpui tawh bik lo hehe. Hmanlai hunah khan Mizo hnam hrang hrangte kha inhmuhsit an ching em ema, tin an fiamthu leh inbiakna tawngkam pawh kha a hramtlahawlh angreng hlea, tunlai thlenga chin zui te kan neia. Tribal kan nih miau vangin sim vek theih ni hek lo, rilru tihnat hma lutuk loh a tha awm e. Kan changkang ve sawt fu ania, Mizote hi.

    Report this comment

  13. 13
    sheldon Says:

    Helai chu hnam chungchang ani maw in lo sawi. Athana sawi ang deuh khian naupan lai khan Chhangte uikawm min ti thin a, nuamlo ve riau a, uikawm han nih kha. Chhangte ka lo ni kher kher kha pawi ka ti thin.

    Ka pa te sawi dan chuan ‘chhangte uikawm’ ni lovin ‘chhangte thilkawm’ zawk alawm an tia, hmanlai in Mizo Pum ah an hmanrua, chem chherna nge enge chu ka hre lova. Kha hmanrua kha Chhangte pa chauh khan a nei a, an hawh sak thin a, chu hmanraw sawina chu ania an ti daih!

    Chuan hnam chungchang sawi takah chuan mahni hnam bawk sawi leh ta ila. Chhangte mipa hian nupui an ngam lova, chhangte hmeichhia erawh chuan pasalte an ngam tlangpui an ti
    :-D

    Report this comment

  14. 14
    H.Vangchhia Says:

    “Burma lama awm ho chu kawl ho karah an awm a, Kawl tawng hmangin, Kawl zia an hmang a…” Lai tlang a khawpui ber, Chin Hills capital ka kal tawh a, i sawi hi dik lo ka ti ve tlat pek. Hakha/Halkha-ah khian hmanlai kan pipute zia tam tak hmuh theihin a awm zawk tlat. Zohnahthlak leh Kawl inpawlhna ber chu Tahan phai khi a ni zawk ngei ang.

    Lusei ho khan Lai ho kha “Pawi” an tih loh vek leh “Pawichhia” an ti mai thin niin a lang. Lusei lalna khua a awm Lai hnam pawhin an hmang tho a nih hmel, Tahan-ah Fanai pa pakhat, Lusei tawng chiah thiamin a Fanai pui, Lai tawng hmang chu “Pawichhia” zuk ti tlat pek a. Tunlai a Mizo tih awmzia a chiang lo ang deuh te pawh a ni mahna hairehai :P Mahse, Lusei hovin Lai ho an koh nawmnahna ang deuh tho hian Lai pawhin Lusei kohna an nei a, chumi chu “Mar” tih a ni. “Pawichhia” an tih leh che chuan, Lai tawngkam takin, “Na Mar pa” i ti tawh dawn nia hairehai :P

    Report this comment

  15. 15
    zualbonez Says:

    Lal ropui hnam lam ani maw (Y)

    Report this comment

  16. 16
    Awmtea Leo Khiangte Says:

    A ropui e. Khawvelah hnam hrang hrang kan awm a, ropui bik kan awm lo va, hniam bik kan awm hek lo. Mahni hnam zahpui thin mi chu mi tlawktlaw tak a ni ang.

    Report this comment

  17. 17
    malsta27 Says:

    Post tupa chu ‘MIZO’ tih awm zia zir chian ngailo mahse haider lui a va ang ve, Mizo a hnam peng hrang2 awm khawm tih ah hian i lungawi lo deuh a ang riu communal feelings tih chhuah tumna ang riau mai, support vaklo bawitlung(pawih) ni mah ila.

    Report this comment

  18. 18
    Chawngthu Pa Says:

    Pawih hnam hi Mizo ah chuan ka ngaisang che u, thian pawh ka ngah. In ‘friendly’ ka ti. Kha daih kha asin!

    Report this comment

  19. 19
    Dr John Says:

    (Y) Ngaihtuah tithui tak Post a ni.

    In Principal chu Lehkhathiam sang pui si ava ti-ho ve! Mimal chu an lo fello emaw, an lo tidik lo emaw a nih pawhin mimal takin hau-in, hmusit mai sela, a ‘Hnam ang zawnga in hmuhsit a, in tawngkhum kher’ hi chu a Lehkhathiam tih-chi loh lutukin ka hria…

    Insuihkhawm leh Inpumkhat hi chu kan mamawh tlang a ni e

    Report this comment