KAMLIAM

August 6th, 2013 2:00 pm by Hlutea Hrahsel

Thu pathum vel lek, inkarkik deuh deuh, tawite te in kan sawi mai mai teh ang. Kan ngaihdan a ni hlawm ngut ang e maw chu!

1. ‘Mipa in a nupui ni turin hmeichhia Rs 420 in a lei a’

Isua Krista in kros a min tlan/lei chungchang sawifiah nan he thu hi an hmang ziah. Mahse Class XII Mizo (core) kan zirlaiah kha chuaninneihna a man inhlan hi inleina a nilo. Mipa leh hmeichhia inneihna inremna nemngheh nan a man hi inhlan a ni tiin kan zir thin.

Inlei nita ila, thaibawih, nupui ngamlo tunge awm ang?

2. Tunge zu ngawl vei?

Tamtakin kan pawm duhlo maithei. Mahse zu ngawl vei huang hi ka ngaihdanin kan zauh ang e.
Kan thianpa pakhat chu zu a in thin a, “In lo in i awm thei em?” katia. “Ka duh duh hunah ka nghei thei” a tia. “Anih chuan inlo mai la,a thatna awm silo” ka tia. “In a chakawm em alawm” tiin a in leh zel tho a ni.
Hman deuh kha chuan tlem a patling deuh kha zu ngawlvei ah kan ngai. Tunlai chuan kan thalai te, Pathianni tlai apiang emaw, a aia zing a in thinte hi zu ngawlvei huangah ka khung ta. A chhan chu zu inloh a tha tih hrereng chung a an in tlat chuan chu bak angawlvei an awm dawn a mi? ‘Ti ziah’ te hi ngawlvei kan tih te an nih avangin zu in ziah hi chu anmahniin ‘ngawlvei’ ah inngai lo mahse a sim hma chu a ngawl a vei a ni.

3. Kuhva

Zuk leh hmuam huangah kuhva kan dah hi a pamhmai lua em? Kan zu lova, kan hmuam lova, tobacco content awm silova. Wai Wai te nen hian huang khatah dah ta mai ila, ‘kamram’ ah ngai ve ta zawk ila, a fuh ang em?

Similar Posts:

Recent Posts:

10 Responses to “KAMLIAM”

  1. 1
    Chhuaklinga Says:

    Hmanlai Mizo hmeichhe man kha a to khawp a sin. Hnamchawm man cheng 300 leh thutphah, Lal fanu man cheng 400 leh thutphah a ni tlangpui a, thutphahah khan cheng 20 an ngen tlangpui bawk a ni awm e.

    Sepui kha cheng 40 huah an ngai a, tunlai chuan sepui tha deuh te chu cheng 50000 te a man tawh a. Lal fanu man phei chu thutphah nen tunlai hunah chuan cheng 5,25,000 vel a ni ta a nih chu. Hlemhletna tel hauh lo, mahni kutkawih ngei a nupui man tuak tur nise huphurhawm ve phian ang.

    Zu kher loah pawh hian ngawlvei hi chu a tel lova awm thei tawh lo, an thisenin a thanhnan tawh tihna hi a ni deuh ber lo maw, te ka ti mai mai.

    Kuhva hi ka theithur duhzawng tak a ni. :P :D

    tren tren

    Report this comment

  2. 2
    Turu^lo Says:

    First hi a awl ta riau, main lamah hian kan fb page ang chuan kan regu lo hlawm deuh. Ka silen rei ta hle mai.

    Nia, khitianga chhut chuan a to viau… :)

    Report this comment

  3. 3
    Turu^lo Says:

    Ka edit dawn a, ka edit hman lo.

    First emaw ka inti hman, ka lo first der si lo, kan komen tha deih teh ang. Ka silent rei tawh bawk a…

    1. An tehkhin fuhlo anih pawhin a awmzia kan hriat tho chuan a tha tho mai. Mahni erawhchuan tehkhin thu-ah hmang ve lo ila a ni mai.

    2. Ngawlvei lai tak hi hriat a har riau a niang. Tin, rilru a khawih tel bawk avangin mi hi ngawlvei va ti ngawt ila, (i hmuh danin/midang tam zawk hmuh danin ngawlvei ni mahse) an tang tlat ve tho.

    3. Kuva lam chu Ku James-a komen turah ka dah e… :)

    Report this comment

  4. 4
    hlatekhua Says:

    Kuva (ke u ku, vi a va, kuva tih hi Mizo tawng dik zawk a ni) hi kamram a ni emaw thil dang a ni emaw, ka duhzawng tak a ni.

    Report this comment

  5. 5
    chhana Says:

    Nupui hi kan lei nameuh mai. Lei anga lan hi a mawilo ti pawlin an sawi dal mai mai a ni.

    Zu ngawl vei awmzia chu an duhloh lai pawha in a tul tlat hun, an taksa in a mamawh tlat lai hi a ni. Zu-ah kher lo pawh a ni ang.

    Kuhva hi, nia ‘kamram’ a dah chu a fuh viau ang. Thlai a ni hrim hrim bawk a. Ti daih ila Frence ramah khuan kan kuhva ei ang hian zu han ei ve tlat a le!

    Report this comment

  6. 6
    H.Vangchhia Says:

    #1 na para 2 khi a dik ka ti.

    Ziaktu’n “Pathianni tlai apiang emaw, a aia zing a in thinte hi zu ngawlvei huangah ka khung ta,” a tih hi ka pawm lo. Zu ngawlvei (Alcoholic) chu zu lovin engtikah mah an awm thei tawh lo. Sunday a piang a in chu a ngawl a vei lo reng reng. A tih thin dan pangaiin (habit) Chawlhni/Pathianni-ah a in thin a ni mai. Alcoholic chu zing, chhun zan zawm zatin an in thin. Reilote an in loh chuan an taksa a khur a (withdrawal syndrome), a in vat loh chuan phungzawl angin a chiri (seizures) an nei mai tawh thin.

    1. na khi, zirlaibu chuan an interpret dangdai hle mai. Hmanlai leh tunlai value hian thlak mai ni sela, hriat thiam a awl ber tur. A awmzia thlakin a zat kan thlak duh der si lo! :-S Lai (Pawi) leh Mara (Lakher) te chuan an hmanlai man ang an la chhawm a, a to mai mai. Bel ringawt pawh a te ber atang a a lian ber thleng etc etc.

    Report this comment

  7. 7
    century child Says:

    1. Nupui a lei theih ngawt loh, ilo ralkhat duh deuh kha cheng 420 in va lei dawn ngawt teh, hriat pawh a lo hriat loh che chuan a ngaihna a awm lo, ‘lei’ anih chuan dawra thil kan lei ang hi a nimai, kan leia khan duhthlan theihna a nei lo.
    2. Zu ngawl vei chungchang chu pu HV comment khi ka thlawp.
    3. Kuhva hi a tui, a to ta riau mai hi chu a buaithlak, cheng 5 man pawh a awm tawh lo :-P

    Report this comment

  8. 8
    sheldon Says:

    Tukchhuah nuam vek u le (L)

    Report this comment

  9. 9
    thachianga Says:

    ‘Zu ruih apianga thinrim, nupui fanaute kutthlak a buaina siam thin’ hi zungawlvei an ni a. Zu in lo a awm thei lo, nghei thei lo hi chu ngawlvei an ti ngai lo deuh em, Zu heh an ti mai thin lo maw? Tunlaiah chuan ngawlvei kan nghah ta hle mai. Drug Addict leh Alcoholic hi ngawlvei kan ti ta vek mai.

    Report this comment

  10. 10
    Chhinga Says:

    fakmawi kan duh chuan porn pawh atha ang chu… kuhva pawh a thatna lai a awm ani mahna… an la ei reng mai anih hi…kan pu kamliam ang hian a thatlohan hrereng in an la sim chuang lo chu anih hi… anyway good post

    Report this comment