KUM (AGE) (tawite in)

July 30th, 2013 7:48 pm by Hlutea Hrahsel

Ka kum zat hi ka zep ngailo a (ka document pawimawh zawng zawngah ka Date of Birth diktak ka hmang vek) Tunlai nula leh tlangval la ni mek, kei aia upa leh ka kum rualpui te hi kei aiin an lo naupang ta deuh vek nia (mi zawng zawng ka tihna erawh a nilo). Ka aia kum 4/5/6 vel a piang naupang an ni thei ta daih hi mak ve khawp mai. Keini kan upa tual tual a. Thenkhat an naupang tial tial a. Pian kum inang theuh theuh, pian kum a inthlau telh telh a. Zawnglai (zawnlai) nih vanga kum 18 pel thei ta reng reng lo te.. Kum 20 ral kum tam fe kai tawh hnu pawh a ‘teen’ la ni char char te hi awm ve nia.

Kan naupan lai chuan kum tam kan duh a. Kum 15 – 25 bawr velah chuan kum tlem kan duh leh sia. Kum 70 bawr vel atang chuan kum tam bawk kan thupui leh awm sia.

Footballer kum 35 mi chuan tar nih an hlawh a. Politician kum 45 mi chuan naupang nih a hlawh leh thung si.
Naupang ho chuan ka hming bulah ‘PA or PU’ title min dahsak tawh a. Patling tak tak hovin ‘Mama’ min la ti leh ang nulh nulh a. Teenager ho bulah chuan ‘PUTAR’ kan ni tawh a. Pavalai ho bulah chuan ‘NAUPANG’ kan la ni leh lawi a..

Pian kum hi chu sawn ve ngailo te’ng!

Similar Posts:

Recent Posts:

9 Responses to “KUM (AGE) (tawite in)”

  1. 1
    chhana Says:

    I ngaihtuah thiam reuh mange.

    Report this comment

  2. 2
    Lemonvale Says:

    Pian kum hi chu sawn ve ngai lo te’eng ! Khai aw, matric ekzam kum a kan sikul clerk in a min vuah sak ang ang kha a ni mai. 1st March hi kan pian ni a ni tlang pui. Ti ve khang lang ila kum a liam hnem ve ta a ni ang.

    Report this comment

  3. 3
    H.Vangchhia Says:

    “Kum” tih hi tawitein “age” a ni :P (pil leh daih)

    Report this comment

  4. 4
    muansakhi Says:

    Hming lawnga inkoh duhlo, hawihhawm taka in “U/Pi/Pu” thin kan ni hi a mawi rualin achang chuan naupan a tichakawm ve thei. Kei hi hmulphurh chhemi ka ni a, ka rualpui hmel te hian min “Pu” titih ta mai thin a. Nuamlo ru ve tak ani.

    Tunlaia sawrkar birth certificate issue hian kum zep then hi chu a tireh chhawm mai ang chu maw. Ka thianpa, chhulchhuah kuma ka rualpui, kei aia a thla a upa chu a certificate kumah chuan kum ruk in a naupang zawk! YMA inchhiarna ah pawh chutiang vek chuan a inziak zui.

    Report this comment

  5. 5
    Awmtea Leo Khiangte Says:

    A ni viau tak mai.

    Report this comment

  6. 6
    Chhuaklinga Says:

    1st march uar hunlaia matric exam pha chin kha chu a naupang pawl pawh kum 40 bawr vel an ni tlangpui tawh ang. Ka sorkar birhday 1st march a ni ve tlat. :D
    Ka rualpui aia kum hnihkhat a upa pawh hi ka rualpui en tlat mai ve thung, ka aia upa ka kawm than vang pawh a ni mahna. Tet te atang a kan lo u than erawh thu hran.

    In lak young ngai te pawh hi mihring awm ve thei tak a nia. :D ;)

    tren tren

    Report this comment

  7. 7
    thachianga Says:

    Tu tihdan emawin ‘kei chu ka pian hian kum khat ka ni tawh’ Matric kan exam dawna kan Head min piantir dan a nia.

    Report this comment

  8. 8
    sheldon Says:

    Kum official leh cial lo nei an tam mai. Kum diktak hi hmang ila a fuh ber. Hmeichhe tan phei chuan in ziah naupan a fuh lo. Kan tar hma tlat a. Pension hun tawh a service la ngah viau nih te hi a zahthlak fu ang.

    Report this comment

  9. 9
    ninja Says:

    Tha reuh ve

    Report this comment