Charity Kan Kalpui Dan hi..

July 17th, 2013 7:00 pm by Charice_mizo

Tunlai social networking kan uar tak azarah hian mi rethei leh harsa, damlo na zual leh vanduaina tawkte intanpui hi kan intihhmuh sawt hle maia. Mahni thu chuan tanpui nachang pawh kan hriat loh tur kha mi thahnemngai leh inpe te zarah tanpui chakna kan lo neia, tanpui theilo te pawhin midangte dinhmun hriatthiamna leh lainatna kan nei nasa ta hle niin a lang. Kristian kan nihna zawnah pawh thil tha tak niin chinzui tlak pawh a ni.

Ama’rawhchu Charity kan hriatthiamdan leh kan kalpui dan hi tlemin a felhlel deuh em aw? tih ka lo ngaihtuah ve mai maia. Sum fai, thawmhnaw, ei leh in adt inpek hi a hlu em ema, a dawngtute mamawh dan a zirin. Mahse case thenkhatah hi chuan sum hlawma inpek tawk tawk ai chuan an thawh tur awm te ngaihtuahsaka, nakin hun zela an intun nunna tur ‘engemaw’ ruahmansak hi a fuh zawk thin ka ring a ni. Thufing pakhat pawhin, sangha inpek ai chuan sangha man dan inzirtir a tha zawk, a tih kha.

Tin, NGO, kohhran leh mimal adt in an tanpui hi a that em em rualin,sawrkar pawh hian tihtur a nei vein ka hria. Tun hnaia Special Report group-a an lo post, naupang rethei tak, nimbu tui zuara a naute pahnih leh a pi, asthma vei chawmtu case angah te khan. Veng chhung mipui leh mi tlawmngaite tanpuina ringawt ring khan an khawsa kumkhua thei dawn lo. Chu ai chuan an unau (mipa naupang pathum) khan pawl sawmpahnih an nih thleng emaw an sikul kalna senso sawrkarin tum sak ta se, a pi kha tar pension emaw te ngaihtuahsak sela. Hetiang mi harsa zualte tan hian a thu hrimin free ration scheme te hi a awm reng reng lo em ni aw Mizoramah hian?

Chuan hriat tur chu, CHARITY pek a tul thin nachhan chu society ah intluktlanlohna a awm vang a ni. Khawtlanga cheng mipuite dinhmun inthlau lutuk vanga charity hi lo awm a ni a, thil pawi leh zahthlak angreng tak a ni. Mi zawng zawng intluktlanna society (egalitarian society) chu thil awm theilo tluk a ni a, ma’rawhchu mi rethei leh hausa inkar hla tial tial hian charity a ti pung tih hria ila a tha awm e. Khuareiah phei chuan mi thatchhia, mahnia inhaikuak aia ‘charity’ ringa nun tum ringawt te hi an la awm lovang tih a sawi theih loh. Ramtuileilo leh rilru lama rualban lo thleng hian mahni kea ding tura intanpui hi kan hnam alo changkan ang zelin kan tih makmawh a ni.

Engpawh nise kan dinhmun en hian ‘charity case’ kan la pung zel dawn chauh niin a langa. Mumal taka kan kalpui a tul a ni. A petu nih a nuama, a dawngtu nih a zahthlak thung. Thenkhat phei chu duhthlan tur an neihloh vanga zak leh kimki chung chunga dawng lo theilo dinhmuna ding te pawh an ni awm e. TV local channel ah te hian an hming, hmel leh address engkim kan tihlan sak thin si a, hrehawm an ti ve ngawt hian ka ring a ni.

Charity kan pe anih pawhin a langsar thei ang bera puangzara, mite fak leh chawimawi phut taka pe lovin rilru leh thinlung taka mi chanhai leh pachhiate tanpui kan duhna zawn atang zawkin pe thin ila; enganga dinhmun hniam pawh lo ni se an zahawmna (dignity) vawnhimsak tlat bawk ila a lawmawm ngawt ang. Chu chu ‘charity’ pek dan tur diktak a ni. In ti  ve lo maw?

Similar Posts:

Recent Posts:

19 Responses to “Charity Kan Kalpui Dan hi..”

  1. 1
    muansakhi Says:

    Post tha thin hle mai. Last para khi ka va han duh tak em!”Chumite khawtlang chuan hmeithai chumi khami in an sak sak” an han ti ngat mai te hi chu a humiliating teh asin.

    Report this comment

  2. 2
    chhana hlawnchhing Says:

    Post tha tak a ni. A bengvar thlak hle mai.

    Report this comment

  3. 3
    H.Vangchhia Says:

    (Y)

    Report this comment

  4. 4
    Dr Mahminga Sailo Says:

    He post chu, a dik ril raih mai a.. (Y)

    I’n sawilan takah chuan, charity sawiselna ni miah lovin, charity kan kalpui dan thenkhat erawh a pharisai mah mah em aw? a tih theih.. :-)

    Report this comment

  5. 5
    aduhi Says:

    India ramah hian charitable activities ti vak vak tur hian registered charity nih kher a ngai em?

    Report this comment

  6. 6
    Awmtea Leo Khiangte Says:

    A dik khawp mai. Post tha tak a ni, ka thlawp e.

    Report this comment

  7. 7
    Dr John Says:

    (Y) Charice leh Charity chu… an tha ve ve hle mai :)

    Report this comment

  8. 8
    Asteric Says:

    A tha hle mai. A tawp khi ka duh zual. Mi zakzum ve tak ka nih avang hian tanpui ka ngaihna te hi ka mi ka hrilh mai mai ngai lova, chuta tang chuan ka chhut pui thiam khawp mai.

    Report this comment

  9. 9
    SiLent_Man Says:

    “Charity for Entertainment” lamah hian kan kal palh ang tih a hlauhawm khawp mai

    Report this comment

  10. 10
    chhana Says:

    Ngaihtuah a tithui hle mai.

    Report this comment

  11. 11
    VaiVa Says:

    A dik (Y)

    Report this comment

  12. 12
    nupuiipa Says:

    Thanks to post tupa, kan in enfiah hle chu a ngai reng mai…kan han ti hluai mai thin hi chanhai te tan kha chuan aia tha a awm thei lo ang tih tur hi a ni reng ..kan lo tanpui tawh te tan pawh lawmna tur hlir mai a ni laiin kan kalpui dan hi zirchuan ngai tak chu a va ni em! Longterm Policy ngaihtuah hi a tha …thenkhat te erawh chu hmanhmawh thilah pawisa ( inzai vat ngai ang chi te)hi kan kalpui dan hi a kawng tha tak chu a ni lawi a….

    Report this comment

  13. 13
    chhangte_ll Says:

    Midang ṭanpui duh chuan ngawirenga pek mai tur, midang hriat kher a ngailo.

    Report this comment

  14. 14
    Charice_mizo Says:

    #12, post tupa chu nilo deuh…hehe, in ngaihdan te in rawn thawha, lawmawm e, in hmeltha e, in vaiin :)

    Report this comment

  15. 15
    malsta27 Says:

    Last para khi ka duh e

    Report this comment

  16. 16
    Athana Chhangte Says:

    Post tu hian rilrua kan vei em em. kan sawi chhuah thiam si loh thiam takin a rawn sawi chhuak a.A lawmawm hle mai.

    Mizote mizia hi mi khawngaih thut, a hnu lawka ngei leh em em thei mai deuh vek kan ni. Mi kan tanpui danah hian khawngaihna aiin hmangaihna zawk ni thei se. Ni e, ringtute chu vanrama lawmman hmu tur chauh kan ni tih hi hriat thar mawlh mawlh hi a tha khawp mai.

    Tunhnaia, ka post chhiarah chuan tha ka la ti deuh ber mai ka ti.

    Report this comment

  17. 17
    century child Says:

    (Y)

    Report this comment

  18. 18
    Chhuaklinga Says:

    Ka inhlan e, tihna chi chu nise ka ti khawp ang. Hnial kalhna tur eih ka hre lo. (Y)

    tren tren

    Report this comment

  19. 19
    jonah Says:

    Ngaihdan a inang lo.. Kan pek na Ki leh pek duhna thinlung pawh a in ang lo… Charity kan hriat dan pawh a in ang hek lo.. Mimal zalenna a ni, Hming Thup ker a thil pek peh a tulna viau ka hre chuang lo, tin, media hma a pek te pawh hian thatna lai a nei ve thin tho, (MIDANG CHO nan) te pawh a tha ve tho asin, zau zawk a THILPEK Rawngbawlna kan kalpui zel dawn chuan, puanzar te hian thatna lai tamtak a nei ve… Article tha tak erawh a ni :D (Tin, I rawn sai ang khian SR a naupang Nimbu tui zuar pawh kha SR ah rawn post lo se chuan, tanpui na chang mi in an hre kher nang, mi in an tanpuina te an rawn sawi vanga lar chauh anih hmel deuh kha)… Negative leh Positive side awm vek a, hriatthiam a har

    Report this comment