July 30-ah MSU-in bandh huaihawt dawn

July 12th, 2013 12:00 pm by TuaiSialA

Mizo Students’ Union (MSU) general headquarters chuan, sorkar hnathawk, grade pay Rs. 4,400 chin ching lam zawng lakna Mizoram Public Service Commission hnena pe tura Mizoram sorkar an ngenna sorkarin a tihhlawhtlin loh avangin, July 30, 2013-ah Aizawl khawpuiah total bandh huaihawt an tum.

MSU hruaitute nimina ṭhukhawm chuan, Mizoram sorkarin kum 2011-a Mizoram Public Service Commission (MPSC) Regulations of Functions a siamṭhatah, MPSC kuta awm ṭhin hna lakna ṭhenkhat sorkarin a laksak chunchang leh grade pay Rs. 4,400 chin chung lam sorkar hna, gazetted leh non-gazetted lakna reng reng MPSC kuta hlan let tura sorkar an phût chungchang an ngaihtuah a ni.

MSU chuan, vawi tam tak sorkar a ngen tawh hnu leh thla sarih chuang an nghah hnuah, tun thlenga sorkarin hmalakna mumal a la neih loh a vangin MSU chuan lungawi lohna lantir nan July 30-ah Aizawlah total bandh huaihawt an rel a; chumi hnu pawha awmzia a la neih loh chuan, district headquarters tinah bandh huaihawt leh an rel bawk.

- See more at: Vanglaini.org

Similar Posts:

Recent Posts:

14 Responses to “July 30-ah MSU-in bandh huaihawt dawn”

  1. 1
    Borat Says:

    MZP in hming an siam deuh vangin MSU hian thawm neih an chak ve ani awm e.

    Report this comment

  2. 2
    ZerO Says:

    Kan sorkar chak tak pawh hi nawr kal a lo ngai ve tho nih hi.. :p

    Report this comment

  3. 3
    chhana Says:

    Aw, sorkar lam hotute’n tul an ti lo a ni mai alawm. Kan duh ang hian khawvel hi kal ta se a buaithlak ngawt ang. Thla sarih lai an nghah pawn thil tullo a niang tih nachang an hrelo a ni maiah ka ngai.

    Report this comment

  4. 4
    tepuia Says:

    A aia tul tih tur an hre lo em ni aw?? A hrim hrim ah mahni vengah pawh a fel pawl leh langsar pawl pawh ni lo hian MSU/MZP tih vela in hman avang hian engatinge hre ber ni a an in hriat tlat le??? Tun din hmun ah pawh hian MPSC hi an buai tawk viau ani a, expansion awm chuang si lo va hna in pek belh vak rik ngawt pawh a ni lo. Hna thar lak chauh hi an hna a ni lo tih pawh hriat a tha khawp mai.

    Report this comment

  5. 5
    Khuangpu Says:

    Ve teh sek hlawm hian.. An hne awm lutuk mah mah.

    Report this comment

  6. 6
    muansakhi Says:

    Ofisi-a thawk hovin an tawiawm tha leh dawn mange.

    Report this comment

  7. 7
    Awmtea Leo Khiangte Says:

    Hna lak chungchang MPSC pek hi chu ka thlawp khawp mai.

    Report this comment

  8. 8
    TuaiSialA Says:

    Fiah lutukin han sawifiah thiam ila aw…!

    Report this comment

  9. 9
    Dr Mahminga Sailo Says:

    # 3 & 4.. (Y)

    Ka hriat loh lutuk vang nge? Heng hi MSU inrawlhna tur ber pawh a ni em aw? Sawrkar hnathawh a muan nak alaia Bandh tih ve sek mai, kan ngaihnep em em vaiho tihdan tha lo(?) kan ti ve sek ta mai a va ang ve.. (N)

    Report this comment

  10. 10
    TuaiSialA Says:

    MSU inrawlhna tur ni tehreng mai. Thalai, a bikin tuna zirlaite hma lam hun, an future, an hmabak thil a ni. Bandh an huaihawt chhan kimchang tak ka la rawn post ang.

    Report this comment

  11. 11
    Dr John Says:

    :( Bandh hi chu ka ning thin ngawt mai, nunphung a ti khaih-lak lutuk a, a rethei leh harsa-te hlei hlei hian kan tuar nasa leh zawk lawi si a, Nitin-a Inhlawh-chawpa Ei zawnga Chhungkua chawm tan phei chuan… Heti zawng lo hian kawng dang a awm thlawt lo emaw ni le aw? ka ti a ni :S

    Report this comment

  12. 12
    tepuia Says:

    MSU a zirlai pawh ni chiah lo, Politics a zuan luhna chance zawn nan a midang buaina siam te, zirlai naupang innocent tak tak te a awmzia engmah hre lo va in involve tir vak vak te hi ka haw tak zet. Nitin a inhlawh te hlawh tur an reimburse theih dawn loh chuan bandth hi huaihawt suh se

    Report this comment

  13. 13
    TuaiSialA Says:

    @tepuia, he bandh hi zirlaite hmakhua, thalai hna zawngte tan a ni. A pawimawh tawpkhawk a ni tawp. MSU hian zirlai innocent tak takte hi anmahni duhthlanna ni lovin a involve-tir ngai lo. Kohhran atang te, YMA atang te, thil dang dang atangtea mi’n politics an luh chuan eng vangin nge zirlai pawl atangin an luh loh bik ang? Zirlai pawl atanga luh avanga a dik lohna eng nge awm? Nitina inhlawhte avanga zirlaite leh thalaite’na an tawrh leh thil tha an chân kher hi a tul lo.

    Report this comment

  14. 14
    THELH LOH HMUITAWK Says:

    Engpawh nise duhloh zawng te duh zawng te mihring chuan kan nei turah ka ngai a tin chumi tihlan a ngaih chang te pawh a awm kawng hrang hrang thuah.Marawh chu barbaric deuh hi chuan chet tum lo hram thei zel ta ila Christianna nen pawh a in hmeh leh zual ka lo ring ve mai mai a.Thudang chungchang a duh lohna lantir chungchangah pawh barbaric lam pang hawi a nunphung hi chu tun kan ram Christianna in min rawn thlenchilh tawh hnuah phei hi chuan i tlan liam san daih ang u.Hmanlai pipute huna khawrun hun lai ang chuan i nung lo hram tawh i la tha ka ti ve mai mai e.

    Report this comment

Leave a Reply

You must be logged in to post a comment.