Hmeichhe Kawr

July 10th, 2013 3:00 pm by H.zate

Hmeichhe Kawr

-   H.zate

 

Hmeichhia hi zawng anlo mak zawng anih hi, hnuaihnunna phena ropuina neitu, Tlawm zawk ni reng si a hnehna neitu, hmangaihna vanga mahni lainate kalsan ṭhin annihna ringawt pawh hi kei mimawl lulian satliah tan hi chuan chhuichhuah a har awm e. zirbing lo beih a University a paper lo present chi ngawt lah zuk ni suh. Engkimah hian tlawmzawk dinhmun chang siin an ropui zawk ziah ṭhin. Hmei-akara-achhia kan tihlai hian Hmeichhe fingin chhungkua a din anlo ti a. Hmeichhe finin Tukhur ral a kailo kan tih lai hian Hmeichhia chu Khawvel dintu ani anlo ti leh ang lawi bawk si. Chumai ala ni hleinem, hmeichhe sual chuan chhungkua a tichhe vek thei a, hmeichhe fing chuan a tawrhna tur pawh a pumpelh fo ṭhin.

“Vawikhat chu Nu pakhat hian a Pasal thil roh em em mai hi a tichhe hlauh mai a, a hriat chuan a thinrim nasa dawn tih a hria a, a hrilh duh lawk lova, zan a rawn ni a, nupa nun an han hmanga, anpain a vawrhtawp a thlen lai tak chuan a thil rihchhiat thu chu a hrilh ta a, chutah, anpa engmah ngaihtuah chang tawhlo chuan a pawilo tihin alo chhang tawh mai a, an inrem der e anti”.

Hmeichhia hi zawng anlo ropui e. An kawrhak reng reng te hi ilo thlir ṭhin em, Mipa dawrâwm deuh tan pheichuan chauhpui tham ani.

Puanṭhuitu chuan Puanthan ṭha pangai chu Bakcheh hriam mangkheng hian a chep a chep mai a, a tawpah pheichuan a chepnawi ta vek mai a, khai a a va ti uihawm ve tihtur khawpin a nawi ṭha ani. Mahse,han ṭhuiin Puanṭhui khawlah a han remkhawm chiah chuan Hmeichhe kawr nalh tak mai a rawn chhuak a, Keini ang Mipa a zawnga mit nghal ber tan chuan a ha tu a piang nalh tih theih tur khawpa mawiin a rawn chhuah ta ṭhin ani.

Puanṭhuitu hian Puan hi a duhloh vanga chep ṭet emaw chepthler ani lo a, kawr ṭha leh mawi, Mipa ho rilru hip thei deuhtur a ṭhui duh a vangin awmze nei takin a chepnawi zawk ani.

Krista kan zuina kawngah pawh hian, Kan zui Krista hian Min chepnawi a, min vua a, hreawm tam tak min tawrhtirin, natna tamtak min pal tir ngei ṭhin. Mahse, hengte hi min haut vang emaw, a rawngbawl tura min duhloh vang emaw, min tihchhiat a tum vang nilo in, Puanṭhuitu in Hmeichhe kawr tur Puanthan ṭhalai a chepthler a Kawr mawitak a din ṭhin ang hian Krista pawh hian amah ringtute hi Krista hnungzuitu ṭha leh Midangten an awt(awh) em em, Miten mawi antih turin min lo chepnawiin min lo tawrhtir zawk alo ni a.

A ram a midang hip lut a kan designer Isua Krista hi midangten anlo hriat a amah anrin a, ama tana nun anhlan ve theihnan min lo chepnawi ṭhin zawk alo ni.

Harsatna tuarlo rawngbawltu an awmlo anlo ti a, harsatna te hi min tathriam tu tura Pathianin a dah anlo ni. Kan hreawmna te hi amah kan zuin kawnga zuitu ṭha kan nih theihnan min tawrhtir alo ni.

 

Ni 7 July 2013 Zing Dar Nga

Similar Posts:

Recent Posts:

11 Responses to “Hmeichhe Kawr”

  1. 1
    Vladimir Putin Says:

    Pathian chehsawm pakhat ni ve chuan ka inhria.
    Ringtu tan chuan thuawihna a lo pawimawh em ani. Mahni thua Pathian rawngbawla chhuah luah luah lam ani lo. Biakin tlar hnugn bera thu pawn rawngbawltu anih theih.

    Report this comment

  2. 2
    Dr John Says:

    (Y) Tha khawp mai… keuh-thlu nalh e :)

    Report this comment

  3. 3
    century child Says:

    (Y)

    Report this comment

  4. 4
    chhana hlawnchhing Says:

    Ka chhiar tum dan leh a he thuziak in a tum chu Lei leh Van ang vel a ani. Tha khawp mai (Y)

    Report this comment

  5. 5
    Joel Lrsa Says:

    Post tu hming ka hmuha a sei ka rin tehlul nen, a ngaihnawm tawkin a tawi tha e. (Y)

    Report this comment

  6. 6
    muansakhi Says:

    A vawrtawo ah meuh chuan engkim hi a tha vek mai a ni maw? Ehem!

    Report this comment

  7. 7
    Awmtea Leo Khiangte Says:

    A tha e. (Y)

    Report this comment

  8. 8
    Sihtea Says:

    Nuthlawi, kawnrak hna hmu thei deuh
    an sawi thin kha min ti hre chhuak.
    A vawrtawp a hman tang kai thiam thin hle a ni awm e.

    Report this comment

  9. 9
    New 10W 12V 450LM 7 Color LED Underwater Light Lamp Convex Lens by ANLO - Affiliate Product Store Says:

    [...] Hmeichhe Kawr | mi(sual).com [...]

    Report this comment

  10. 10
    chhana Says:

    Ka chung chiaha comment ang chi khi mak ka ti.
    Post tha tak a ni.

    Report this comment

  11. 11
    SHauzelSailo Says:

    Kan Pa Pathian leh Isua Krista Emmanuel’a erawh chu sawi pawlh loh hram tur.
    Kan Pa Pathian ani min siam tu chu.
    Lal Isua Emmanuel’a erawh chu Van Biakbukah kan/mihringte tan min trawngtraisaktu ah A awm mek ani e.

    I ziak thra hlawm khawp mai tehkhin thu leh bul lam chu (Y)

    Report this comment

Leave a Reply

You must be logged in to post a comment.