MZU Hna Lak Chungchang

July 5th, 2013 3:25 am by Sandman

-Vanlalliana Pachuau
Vanglaini meuhin editorial-ah MZU hnuaia LDC lak dan tur chungchanga MZP hmalakna a thlawp thu a ziak tawh a, MZU hna lak dan a duh lo tihna a ni a, hei hi ka veina a rei tawh a, tunah hi chuan huaisen takin duhzawng sawina remchang a inhawngah ka ngai ta a ni.

MZU hnathawktute hi RTI Act hmanga dil chhuah vek hi ka la duh a, a bik takin Vice Chancellor AK Sharma hun hnu lama mi zawng zawng hi dil chhuak vek ila, MZU-a hnathawktu awm sa chhungte an tamzia chu chiang takin a lang dawn a ni. Mizo ngei Registrar na hnuaiah hna lak a ni a, Mizo ngei VC an nih hnu thleng pawhin hna lakah reng reng hian tu chhungte emaw an inthun hmiah hmiah mai, hei hi chu ka hre chiang ve khawp mai.

Vanglaini editorial lama in ziah tawh ang khan MZU hna reng reng hi hna ṭha deuh mai a ni. A ṭhat chhan chu an hlawh a sâng a, Mizoram chhungah pawh Aizawl aṭanga thawh theih vek a ni a, transfer leh posting lamah buaina tur a awm ve lova, central zem zen an nih avangin hna inchuh luih luih tur a ni. Hna chu an la ta ngei a, Chief Minister leh Minister-te inrawlh miah lohnaah pawh hian Mizote hi hna lakah hian kan va han rinawm lo lulai em tih chu MZU hna laknaah hian a lang chhuak ta a ni.

Politician-te dik lohzia leh midangte an duhsakzia kan sawi ṭhin a, a nihna takah chuan politician-te hi chu inthlan dawna inzuar an ni a, anmahni duhsaktute an duhsak let hi an bat a nihna pawh a awm. MZU hnathawktu laka an induhsak dan hi chu a hleihluak leh lutukin ka hria.

A chhunzawmna chu Vanglaini lamah..

Similar Posts:

Recent Posts:

19 Responses to “MZU Hna Lak Chungchang”

  1. 1
    Joel Lrsa Says:

    A bulthum atangin chhui chhuak sela, mawhphurtute pawh hrem ngei nise tih hi kan duhtlan vek ni chungin ka rawn sawichhuak ve leh lawk e.

    Report this comment

  2. 2
    jpaite Says:

    Thilmak vak pawh a ni tawh hleinem duhsak zawng thun tih vel mai2 te chu! Dan zawh kim lova lut ho hi ban vek sela hnathawk tur alawi kan awm pawn ka ring love.

    Report this comment

  3. 3
    TuaiSialA Says:

    Prof. Lalthantluanga hian ka beisei a pha lo khawp. Mizo ngei VC kan nei e tiin beiseina sang tak kan lo nei ve a. A nuam ti lutuk hi a chapo lampang rawngkai tawh em aw te ka ti mai mai.

    Report this comment

  4. 4
    century child Says:

    A va buaianthlak thin ve le aw

    Report this comment

  5. 5
    Awmtea Leo Khiangte Says:

    MZU hi fair deuh thin an ni a, MAHSE, kan tun dinhmunah erawh hmelhemna a nei ta em ni le? A hmaa Assistant Professor lak chungchangah lah khan sawisep an kei tawh lehnghal!

    Report this comment

  6. 6
    saint sammoo Says:

    an sawi ang hi a nih chuan a tha lo khawp mai

    Report this comment

  7. 7
    Dr John Says:

    :-O Khaih Aww…

    Hmelhriat tha deuh leh Chhungte nei ve ila Thawh ve ka chak hle mai :P

    Report this comment

  8. 8
    Borat Says:

    TuaiSiala comment ka duh ber.

    A chhan chu hlau miah lovin Prof.Lalthantluanga hming hmerhin a sawi sak sak ngam. Kan rama corruption fight tur chuan hming hmerha in kawh siah sih kan ngam a ngai tawh. Politician leh officer/engineer corrupt deuh nia ka hriat chu khawhar inah pawh an bul hnaiah ka thu duh miah lo. Chibai a tlawn hlurh phei chuti hlauh.

    Ti rawh u, kan ram hmelma ho hi dim baksak lovang u. Local zu funte zuar leh zu hrim hrim hi kan hmelma ani lo. Ruih theih thil hi chu mimal problam ani.

    Ka sum (income tax pek zinga mi)eiru hi ka in rawk tlukin ka hua. Hleprukna cancer in min ei chhe nasa tawh lutuk.

    Report this comment

  9. 9
    muansakhi Says:

    “Politician-te dik lohzia leh midangte an duhsakzia kan sawi ṭhin a, a nihna takah chuan politician-te hi chu inthlan dawna inzuar an ni a, anmahni duhsaktute an duhsak let hi an bat a nihna pawh a awm.”

    A dang a that viau laiin he statement te hi ka la helh ta cheu a nih chu!

    Report this comment

  10. 10
    Dr Mahminga Sailo Says:

    Hmmm… Sawi a awm tawh chuan, thil thleng a awm ngei ang a. Prof. Lalthantluanga, MZU VC ni mek hi a tha, a tha lo tia sawi turin amah ka hre ngai lo va. Mahse, VC a nih dawn khan, mi(sual).com post ngeiah hian, Mizo chu VC ni rih lo se ka lo ti ve fan a. Hetiang hi a thleng ta ngei chu a nih hi.. (N)

    A zahthlak thin teh e aw.., vai Pathian nung be lo kan hmusit ve ringawt thin tam zawk hi, a taka nunpui tur hian kan va tluk lo si thin em.. :-(

    Report this comment

  11. 11
    Lemonvale Says:

    Tuaisial, Aizawl DC Franklin a khan Laipuitlang/Ramhlun chhiat tawhna chungchang a mawhphurtuah khan khan a kut zungchal mimal lamah chiang fek fawk takin a kawk tak a sin.

    Report this comment

  12. 12
    The_Chhamanator Says:

    Pu Rai-a vang an ti, Pu Benjamina vang an ti.. An puh tur hriat ho an chhuak zel sia tunge an puh leh tak ang le :)

    Report this comment

  13. 13
    Charice_mizo Says:

    VC hi Mizo ni lovin vai emaw ni se, a bias lo deuh ang tin University pawhin a thatpui zawk ang, tih hi an sawi ka hre ta fo mai.

    Report this comment

  14. 14
    chhana Says:

    Ngaihtuahna ne a ti thui khawp mai.

    Report this comment

  15. 15
    mate ainawn Says:

    MZU hi chanchin eng a maw an nei ne deuh reng mai ah…@ Maisek…

    Report this comment

  16. 16
    Dr Mahminga Sailo Says:

    Zet-U-Zu a tel vang hi em maw ni le MZU hi an buai reng mai le… :-P :-D

    Ka’n sawi lang leh ang e. Mizorama hruaitu/hotu tha ni tur chuan, laina ngah lutuk lo; a diknaah chuan hmai eng zah vak lo an ngai. Chutiang mi erawh vantlangin kan pawm miah lo thung si.. niin a lang. (H)

    Report this comment

  17. 17
    Brainy Says:

    MZU nep zia insawi siak hi huaihawt se, prize a that chuan ka tel ve duh! A siam tha theitu ka ni lo bawk a, sawisel chiam a mi rilru tihnat ai chuan ral thlir mai mai hi a hahdamthlak zawk tlat. Hotu thenkhatte khi morally educated ni lovin morally bankrupt with exellent academic qualifications tih awm an ni!

    Report this comment

  18. 18
    Joel Lrsa Says:

    MZU chu a period a lo chhuak leh ta a ni maw. hairehai!

    Report this comment

  19. 19
    ZerO Says:

    mi(sual) maisek hi VC hlui AK Sharma chhungte em ni? :p

    Report this comment