Thianpa Marama (Lalramnuama) Nghilhlohnan..

June 17th, 2013 5:53 am by Pakak

Mim ang a pianna leilung ka dawn lo,

Tute nge a chun leh zua ka dawn hek lo;

Khawii vangkhuaah mah tual kan chai rual ngai lo.

Tukchhuakin kawltu chawiin ram tuan kan rel lova,

Siali helin chhailai Di run kan kai ngai hek lo.

Mit khap karin suihlung kan rual, mahse a rei si lo.

Mi hrai duh lengte hringnun ze pua chher turin zirna runah,

Kan tha leh zung, kan thiam kan finna luan ral tirin;

Khuangruah sur, turni sensa hnuaiah ar ang kan lawi za.

A thlum zawng ei lo mahila, a al erawh ei zain;

Ngur nun iangin chhun ni kan hmang liam thin e zirna runah,

Mit khap kar suihlung kan rual, mahse a rei si lo.

Chatuan Lal rorelna dal thei awm maw hringmi zawng zingah,

Tuan leh mang ata tawh tumah reng an awm si lo;

I sakhming chawi chhan LAL RAM NUAM a leng turin Lalnunnema’n,

Senlai nau iangin i chawnbanah a kai ta che maw.

I Van lenrualte chhing zo lo, i Lei lenrualte hian;

‘MANGTHA’ tih anka nem bak kan hlan thei tawh si lo che

Similar Posts:

Recent Posts:

7 Responses to “Thianpa Marama (Lalramnuama) Nghilhlohnan..”

  1. 1
    chhana Says:

    A tha h1e mai.

    Report this comment

  2. 2
    Leo dtea Says:

    2nd

    Report this comment

  3. 3
    Leo dtea Says:

    Paws tha tak a ni (Y)

    Report this comment

  4. 4
    sheldon Says:

    Tukchhuah nuam vek u le (L)

    Report this comment

  5. 5
    Awmtea Leo Khiangte Says:

    (Y)

    Report this comment

  6. 6
    Joel Lrsa Says:

    A tha reuh. Hla thu hi a lo tha ngawt nia, tawng tluang pangngaia sawi teuh ngai kha hla thu tawite hmanga kan han sawi thei thin hi a funkim bawk si a, hlu tak a ni.

    Report this comment

  7. 7
    Dr John Says:

    (Y)

    Report this comment