Lehkhabu thar: “Ring thei kan ni em”

June 12th, 2013 3:06 pm by The_Chhamanator

Admin note: Hei lehkhabu thar tha tak mai advertise dilna kan dawng a. Advertisement chungchanga kan inkaihhruai ve na in a phal angin kan rawn tichhuak e.

Ring thei kan ni em?
He lehkhabu, “Ring Thei Kan Ni Em?” tih hi ‘duhthlanna leh rinna’ chungchanga kohhran zirtirna tlanglawn, Mizoram chhung leh pawna kan hmelhriat nial nual tawh leh The Truth Mission Evangelical Fellowship (TMEF) zirtirna inhmu fuh hlei thei lo zirchilhna a ni a. Mihringin Pathian kan ring thei em? Duh kan thlang tak tak thei em? tih thu zir bingna a ni. Church history, biblical leh systematic thlirna (perspectives) hmanga research mumal tak neih a ni. Hei hi second edition a ni a. Mimal leh kohhran mamawhna a san chhoh zel avangin chhu nawn leh tura ngenna leh fuihna nasa tak a lo lut tuam tuam a, chumi rah chu Pathian zarah a lo chhuak leh thei ta ni.

Synod Bookroom leh Baptist Bookroom-ah a lei theih e. Mimal leh pawl anga zawrh hlawh duh tan pawh remchanna a awm bawk.

Lehkhabu hming: Ring Thei Kan Ni Em?
Ziaktu: H. Joseph Lalfakmawia, B.A., B.D., M.Th. (New Testament) [Academic Dean, Master's College of Theology, affiliated to Senate of Serampore University, Visakhapatnam]
Publisher: El Shaddai Publication, Aizawl (2013)
A man: Rs. 150.00
Contact: Lalnuntluanga Ralte (8974386407-Aizawl)
H. Joseph Lalfakmawia (09000068312-Visakhapatnam)

Similar Posts:

Recent Posts:

25 Responses to “Lehkhabu thar: “Ring thei kan ni em””

  1. 1
    kilung Says:

    A ngaihnawm dawn hi.

    Report this comment

  2. 2
    ulawng Says:

    A that dawn hi, a ziaktu hming chu a va sei ve (NOI)

    Report this comment

  3. 3
    Chhuaklinga Says:

    A ziaktu hi ka mi hriat a ni tlat mai, chhiar ve ngei tum tur a nih hi.

    tren tren

    Report this comment

  4. 4
    sekibuhchhuak Says:

    Ring thei turin Thlarau Thianghlimin min pui.

    Report this comment

  5. 5
    PayableOnDeath(Zrma_C) Says:

    Hei hi a tha e mai, ka lo paste ange, kan comment angah minlo ngaihsak mai rawh u.
    Ring theilote rinna pe thei tu chu Pathian ani. Dam thei lo te a ti dam thei a, mithi te a kai tho theia kan tih theih loh ti theitu ang pawha Pathian kan hmelhriat loh chuan kan Pathian chu minung nilo ho Pathian a nih hial a ngai ang. Ring theilo hnenah rinna petu a ni a. Lazara, mithi hnenah tho rawh tiin tho thei lo hnenah thawh thu a pea a tho maia, Kebai kal theilo hnenah i awngphah la la i kein kal rawh a tia a kal leh maia, ring theilo hnenah ring rawh a ti a, a thuin an mahni a luhchilha a man chuan an ring leh mai bawk a ni. Tuipui leh thli hnenah ngawi ula awm hle hle rawh u a ti a, an lo ngawi leh maia ring rawh u tih hi ring thei hnena a sawi a ni lova ring thei lo hnenah an rinna turin a sawi zawk a ni. Ring rawh u tih bible a in ziak kan chhiar fuh a vangin kan ring nghal mai thei chuang lova Thlarau thianghlim thil tih theihnain min luh chilh hunah ring rawh u tih thu hi ring thei lo hnenah tih nung in a lo awm thin. A ti nungtu chu thlarau thianghlim a ni a, ring theilovin a lo rin theihna pawh thlarau thianghlim bawk a ni. Chuvangin rin theih loh in hre chiang ten rinna dik tak an hmu chhuak leh mai thina, ring thei in ti viau ten an rin Isua chang lovin duh duh lam hawiin an pianpui rinna chu an kalpui mai zawk thin. Rinna dik tak chu Pathian thil pek a ni. Rom12:3, Korin thawnkhat 12:9, Timothe II, 1:13.

    Report this comment

  6. 6
    Awmtea Leo Khiangte Says:

    Chhiar a va chakawm tawh ve le. Lei ve ngei tur a nih hi.

    Report this comment

  7. 7
    muansakhi Says:

    A chhiar phak ve lo te leh phak mahse peih chuang lo tur te tan tu in emaw han review ula mawle.

    Report this comment

  8. 8
    PKfanai Says:

    A controversial ve a, chhiar a chakawm khawp mai. PayableonDeath a comment atang khian a hawi lam tur a lang chiangin ka hria. A ziaktu hi Pathianthu zir sang tak M.Th. lai a ni a, keini angin lo hnial ve pawh a inthlahrunawm viau mai. Mahse, mithiam zawk te an ngawih tlat si chuan:- Kan bible hian Rinna hi a dah pawimawh hle mai a, Rinna avang chauha khawngaìhnaa chhandam kan ni. Isua ngeiin boral lova chatuana nun neih theih na chhan tur chu, “Tupawh a ring apiang” a ti hmiah mai a. Tupawh tan rin theih leh rinloh theih ani tih a chiang a, chuti anih lohva, Pathianin a duh a rin tira, a duh a rinloh tir anih chuan, Pathian fair lo tak ani ang. “Rinna lovin ama lawm zawng mi nih rual ani lo”(Hebrai 11:6). Payable-a comment a bible chang te khi han bihchiang ta ila, Thlarau thilpek bik(gift of the holy spirit) sawina an ni hlawm tih kan hre awm e. Mihringin kan rin theihna hi hnawl dawn ta ila, bible chang paih/hnawl ngai a tam hle dawn a ni. Tin, Pathian hi a fair lo hle a tih theih awm e.

    Report this comment

  9. 9
    sheldon Says:

    Tukchhuah nuam vek u le (L)

    Report this comment

  10. 10
    Joel Lrsa Says:

    Chhiar a chakawm hle mai.

    Report this comment

  11. 11
    vakul Says:

    A bu hi tmef zirtirna thlawpna lam aiin counter na a ni zawk e.

    Report this comment

  12. 12
    PayableOnDeath(Zrma_C) Says:

    PuPK ka thil comment(pasted) khi khi lehkhabu atanga ka lakchhuah anilo. Rinna thu ka chhiar (hmun dang)atanga ka hmuh ka rawn ziak chhuak ve tawp ani e.
    Khi lehkhabu hawi lam leh hawiloh lam chu engmah ka hrelo,ka la chhiar lo.

    Tin, khi ka comment/paste khi tha ka ti hle a,ka pawm zawng tak alo ni bawk nen. Tikhian ka rawn comment ve ta tawp mai ani e.

    Report this comment

  13. 13
    century child Says:

    Umm, hmu fuh inti theuh2 leh vanram kai inring theuh2 :-)

    Report this comment

  14. 14
    PKfanai Says:

    Payable, amak ka ti reng a. Pu Vakulan “a counter na zawk a ni” a ti bawk si a, Pu Vakula te angin dawt an sawi ka ring thei si lo. TMEF zirtirna hi ka la ngaithlain ka la chhìar miah lo a, he lehkhabu hi ka la chhiar hek lo. I rawn comment ang khi chuan, “Mahniin kan ring thei ngawt lo, Thlarauin ring tura min puih chauhin kan ring thei” tih lam a hawi tlat a lawm maw le. Bible thu ni lem lo, keima experience ah chuan, 1.Ka nun dan leh sual ka tih thin te SIM a, Engpawh kalsan huama Pianthar a nunthara nun duhna ka nei phawt. 2. Evangelist hmangin ka Thinlungah Pathian Thlarauin thu a sawi ta a. 3. Sual hlawm leh tenawmnaa khat, mahnia intithianghlim thei miah lo, kan thil tih engpawh kha Pathian thianghlim mithmuhah chuan, tlinglo leh rimchhìa, tenawm mai ni kha, Pa Pathianin kan aiawh turin a fapa thianghlim famkim leh, a mittlung zan kha, a rawn pe a, chu a fapa Isua Krista thianghlimna leh tlinna kha, Pa Pathianin ka thianghlimna leh ka tlinnaah a pawm hmiah tih ka lo hrechiang ta em em a, rinhlelhna pakhat mah nei lovin, ka lo ring ta hmiah a, ka chiang ta em em mai a, engmah confusion reng reng a awm ta miah lo a ni. Pathian Thlarau thianghlimin min pui pawh chu ani thei tho, ka hnial miah lo. Amaherawhchu, mihring hian duhthlan theihna leh rin theihna erawhchu a nei a, chumi hmang ngei a, mahni duhthlanna ngei hmanga Lal leh Chhandamtua kan thlan a, kan zui hi Pathìanin min beisei leh duhdan ani tih hi ka pawm dan a ni.

    Report this comment

  15. 15
    PayableOnDeath(Zrma_C) Says:

    Kan sawi ve leh mai2 teh ang, Ngaihdan chu sawi thiang alawm. Mihring atanga chhuak rinna te, duhthlanna te chauh hi chu a tawkin ka hre lo.

    Kan Thurin pa 6 na pawn a pawm in ka hria.
    THURIN – VI

    Thlarau Thianghlim, Pa leh Fapa ata lo chhuak chuan mihringte chu chhandamna changtuah a siam a, an sualzia leh chungpikziate a hriat chiantir a. Krista hriatna kawngah an rilru a tivar a, an duhthlannate chawk thovin, Isua Krista chu an Lalpa leh Chhandamtua pawm tura ngenin, pawm thei turin a pui a, anmahniah felna rah chi tinreng a thawk chhuak thin.

    Report this comment

  16. 16
    PKfanai Says:

    ^I sawi khi ka kalh hran lo. Ruih neia keimah chauha Phula ka thut laia Ka thinlunga, ka kal kawng zawh kha kawng hlauhawm BORALNA KAWNG ani tih hriatna rawn thlentu leh, ka nun dan kalsan hmiah duhna min siam saktu kha, Pa leh Fapa atanga chhuak Thlarau Thianghlim chu ani thei tih ka chiang a, ka pawm thei thlap bawk. Tin, Ka naupanlaia Pianthar ka tum ngial laia ka chian tak tak theih loh leh thlamuanna ka neih theih loh laia, Salvation Camping-a SUal thu Sermon vawi 2/3 hnua Chhandamna Sermon hmasa bera chiang em em mai, confusion awm miahloa Ka han Piangthar ta kha, Thlarau Thianghlim puihna ani thei tih ka chiang hle bawk. Ka hnial hran lo che ka tih khi. Amaherawhchu, Pathian chuan, Mihring hian ama DUHTHLANNA ngeia a thlan a, A thu chu Chatuan Thudik ani tih rinhlelhna awm miah lova RING tur erawh chuan min duh a ni tih erawh ka hria. Pu ZOHOA dan takah Chutiang anih loh chuan, Pathian hi a FAIR hauh lovang. Tin, ami duh tak ten, midang tana TAWNGTAINA hi Pathian hian a ngaithla thin a, a hlawhtlintir thin tih hi ka chiang em em bawk. Khatia nulat tlangval leh Ruihtheih thil ka tih ve thin laia, ka ruih lai ngeia SIM ka duh tlat theih nachhan kha, Ka nu leh Pa te tawngtaina avang anih ngei pawh ka ring. Pathian thu hi, han sawi han sawia, lo inang deuh reng si hi, khawilai emaw lak vung vak hian, KALSUAL kan lo ni mai thin. TMEF zinga Piangthar dik tak nen hian inkawm ta ila, han sawi han sawi ta ila, kan pawm dan laimu chu a lo hran vak pawh ka ring ta mang hauh lo mai. Khawilai emaw lak vung vak vang mai mai anih ka ring ta deuh e.

    Report this comment

  17. 17
    Chhuaklinga Says:

    Comment a ngaihnawmin a hlawkthlak hle mai. (Y)

    tren tren

    Report this comment

  18. 18
    malsta27 Says:

    chhiar ve tum tur nih hi

    Report this comment

  19. 19
    Soberboy Says:

    @PkFanai i chhiar duh chuan hetah hian a awm e

    http://hjosephlalfakmawia.blog.....tirna.html

    Report this comment

  20. 20
    Dr John Says:

    (Y) Lehkhabu siam hi a naran lova,
    A Ziaktu hi ka fak khawp mai…

    Rinna leh Thlarau lamah Hmasawnna a thlen ngei ka beisei

    Report this comment

  21. 21
    Mr.Taurus Says:

    Pathian ring tur leh pan tur hian Thlarau thianghlim chuan keimahni thinlungah Aw ni silo fiah tak si hian min sawm a, chu chu thil thalo kan tih lai leh Pathian ngaihsak hauh lova kan awm lai te hian chu sawmna chu kan dawn thin kha, nangni pawh in chu chu in hre thei ngei ang. chu sawmna chu pawm a ring theitu chu mihring ngei hi kan ni. chhia leh tha hre hrang lo khawpa piangsual kan nih ngawt loh chuan

    Report this comment

  22. 22
    khiangawia Says:

    A ziak tu hi a fakawmin,a zir san na te pawh a ropui in a ngaih san awm hle mai.a thawh rimna rah chu a par kan lo tlan za ho thei dawn a ni a malsawmna chi khat chu a ni ta reng reng a ni.A bu chhiar mai bakah he tia Comment na a tang pawh in mi tam tak in RINNA awm zia leh DUHTHLANNA Bible in min zir tir a tum hi kan var pawh phah ngei ang tih ka ring tlat a ni.

    Report this comment

  23. 23
    mzvision Says:

    Hebrai 11:1-40 Rinna
    1Tin, rinna hi thil beiseite awm ngeia hriatna, thil hmuh lohte hriat fiahna a ni. 2Chumiah chuan upahote khân fak an hlawh si a. 3Rinnain khawvêlte hi Pathian thua siam fel diam a ni tawh tih kan hria; chutichuan, thil hmuh theihte hi thil lang theitea siam a ni lo. 4Rinnain Abela chuan Kaina ai chuan inthawina ṭha zâwk Pathian hnênah a hlân a, chumi avâng chuan mi fel a ni tih hriattîrna a hlawh a, Pathianin a thilpêkte kawngah chuan thu a hriattîr a; tin, chumi rinna avâng chuan ani chuan thi tawh hnuin thu a la sawi ta fo a ni. 5Rinnain Enoka kha thihna hre lo tûra lâk bovin a awm a; tin, Pathianin a lâk bo avângin hmuh theih a ni ta lo va; lâk bova a awm hmain Pathian lâwm zâwng mi a ni tih an hriattîr tawh rêng a. 6Nimahsela, rinna lovin ama lâwm zâwng mi nih rual a ni lo; Pathian hnêna lo kal chuan, ani chu a awm tih leh, zawngtute hnêna lâwmman pêk hmang a ni tih rin tûr a ni. 7Rinnain Nova chu thil lo la lang lote kawng thu-ah Pathian hrilha lo awmin, Pathian ṭih dêkin a chhûngte chhandam nân lawng a tu a; chu chuan khawvêl chu thiam loh a chantîr ta a, rinna avânga felna awm chu rochungtu a lo ni ta bawk a. 8Rinnain Abrahama chu kohva a awm lai khân, a rochun tûr hmuna lût tûrin kal chhuah thu a pawm ta a; tin, a kalna tûr lam pawh hre lovin a kal chhuak ta a. 9Rinnain ram tiamah khân mi rama châm ang maiin a châm ta reng a, thutiam hmun khat a rochunpui tûr Isaaka leh Jakoba-te nên chuan puan inahte an awm a; 10khua, lungphûmte nei mi, Pathian rêlbâwl leh siam chu a nghâk reng si a. 11Rinnain Sari ngei pawhin, a tiamtu chu rinawma a ruat avângin, tar tawh hnuin chi pai theihna a hmu a. 12Chutichuan, mipa pakhat lakah (ani chu mitthi ang a ni si a) vâna arsite anga tam, tuifinriat kama ṭiauvaivut chhiar sên loh anga tam an lo chhuak ta a. 13Chûng zawng zawng chu rinna neiin an thi ta a, thil tiamte chu chang lovin; nimahsela, chûng chu hla tak aṭanga hmuin chibai an lo bûk tawh a, leiah hian mikhual leh khualzin mai an ni tih an inhriattîr tawh bawk a. 14Chutiang thu sawite chuan anmahni ram tûr an zawng tih an tilang si a. 15Tin, an chhuahna ram chu lungkham sela chuan hâwnna remchâng an hmu tawh ngei tûr a ni. 16Nimahsela, tûnah zawng ram ṭha lehzual châk an lo ni a, chu chu vâna mi a ni; chutichuan, Pathianin an Pathian tiha awm chu a zak lo ve; an tân khua lam a lo buatsaihsak tawh si a. 17Rinnain Abrahama chu fiaha a awm khân Isaaka chu a hlân a; 18“Isaaka-ah hian i thlahte chhui an ni ang,” tih Pathian thutiam dawngtu chuan a fapa mal neih chhun chu a hlân a ni; 19mitthi pawh Pathian chuan a kaitho thei ang tih a ring a, thi hnu nung leh ang maiin a hmu kîr leh ta rêng a ni. 20Rinnain Isaaka chuan thil lo la thleng tûrte thu-ah pawh Jakoba leh Esauva chu mal a sâwmsak a. 21Rinnain Jakoba chuan a thih dâwn lai khân Josefa fate chu mal a sâwm ve ve a; a tiang hmâwr rinchhanin Pathian a be bawk a. 22Rinnain Josefa chuan a thih a lo hnaih khân Israela thlahte chhuah tûr thu a sawi a; a ruhte kawng thu-ah thu a pe bawk a. 23Rinnain Mosia a lo pian lai khân, nausên hmêlṭha tak a ni an tih avângin, thla thum chhûng a nu leh a pa thuhrukin a awm a; lal thupêk pawh an hlau lo. 24Rinnain Mosia chuan, a lo puitlin hnu khân Pharaoa fanua fapaa vuah a duh lo va; 25rei lo tê atân sual nawmna hlimpui ai chuan, Pathian mite nêna tihduhdah tuar a thlang ta zâwk a; 26Krista an hmuhsitna chu Aigupta ram rote ai chuan sum ropui zâwkah a ruat a; lâwmman pêk tûr chu a thlîr ṭhin avângin. 27Rinnain lal thinurna chu hlau lovin Aigupta ram a kalsan a, hmuh theih lohva chu a hmuh avângin a tuar ṭan ṭan a ni. 28Rinnain kalhlên kût leh thisen theh kha a siam a, fa tîr tiboraltu chuan anmahni a tawh lohna tûrin. 29Rinnain khawmuala kal angin Tuifinriat Senah khân an kal kai a; Aigupta-hovin chu chu tih an tum ve a, lem zawhin an awm ta a. 30Rinnain Jeriko khaw kulh kha ni sarih an hual hnuin a chim ta a. 31Rinnain Rahabi nawhchizuar kha awih loho zîngah chuan a boral ve ta lo, enthlatute chu tlang taka a lawm avângin. 32Tin, eng nge ka la sawi cheu vang? Gideona thu te, Baraka thu te, Samsona thu te, Jephtha thu te, Davida thu te, Samuela thu te, zâwlneiho thu te hril ila, hunin mi daih dâwn si lo va; 33chûngte chuan rinnain ramte an la a, thil fel an ti a, thutiamte an chang a, sakeibaknei khate an tihchihsak a, 34mei thiltihtheihna an timit a, khandaih hriam lam an pumpelh a, chak lohna ata chak taka siamin an awm a, indonaah chuan mi hrât khawkhêng an lo ni a, hnam dang indo pâwlte an tlânchhiattîr a. 35Hmeichhiaten an mitthite tholeh an hmu a; mi dangte pawh sawisakin an awm a, thawhlehna ṭha lehzual an chan theihna tûrin chhanchhuah an duh lo va; 36mi dangte pawhin tihnawmnah leh vuakte an tuar a, a ni, chu lo pawh chu, kawl bun leh tân ina khungte an tâwk bawk a; 37lunga denin an awm a, thingzainaa zai bunin an awm a, thlêmna an tâwk a, khandaiha sah hlumin an awm a; berâm vun leh kêl vun sinin an vâkvai a; rethei takin, hrehawm takin, tihduhdahin an awm a 38(chûngho tân chuan khawvêl hi awmna tlâk a ni lo); thlalêrah te, tlângah te, pûkah te, khuarkhurumah te an vâk an vâk ṭhîn a. 39Tin, chûng zawng zawng chuan rinna avânga fak lo hlawh tawhin, thil tiam chu an chang lo va, 40keini tel lova anni chu tihfamkima an awm loh nân, Pathianin keimahni kawng thu-ah thil eng emaw ṭha lehzual a buatsaih tawh avângin.

    Kan ring thei teh meuh mai tih hi ka pawm dan a ni. Mahse RIN vak vanga thlarau rah te, chhandamna te hi neih erawh ani lo KHAWNGIAHNA (Grace) vang a ni thung. Khawngaihna leh Rinna hi inkawp lakhran hlak chi ani lo. A bu chu ka la chhiar ve ngei ang.

    Report this comment

  24. 24
    khiangawia Says:

    han ti zel ta u la maw le’

    Report this comment

  25. 25
    khiangawia Says:

    Ring thei kan nih leh nih lo pawh kan la hre mu mal na nge?

    Report this comment

Leave a Reply

You must be logged in to post a comment.