Mi Tumruh leh tuarchhel Wilma Rudolph.

June 3rd, 2013 11:58 am by PKfanai

June ni 23 1940 Khan, USA a Tennessee a Nashville khuaah, Nupakhat chuan, thla kimlovin fanu sawngnawi tak a hring a. He naute hi a piantirh hian 4.5 Pound(KG 2 tling mang lo) chauh ani a, Doctor te chuan, a dam khawchhuah zawh pawh an ring chiah mang lo a. Chu naute thla kimlo leh tereuhte chuan, Awmna(Pneumonia) leh zeng natna(Polio) a vei lehnghal a. A ke lehlam chu a zeng deuh a, a kephah chu, a kawm-kual lut deuh lehnghal a ni.
Chu hmeichhe naupang chu Kum 5 alo nih chuan, a rualpui hote chu infiamin an inhruizuan zak zak thei tawh a, ani erawhchu, Zakhawlh tiang nen a kal ve thei sawih sawih a ni. Mahse a tum ruh bawk a, kum 11 a lo tlin chuan, a zakhawlh tiang chu paihin, a ke pahnih hmang ngeia kal chu a zirin, a tum lui ta tlat a.
Chutiang chuan, a tum a ruh em avang leh a tum nasat em avang chuan, zawi zawin a hmasawnna chu a lo lang ta zel a, kum a lo vei meuh chuan, zawimuangin a tlan thei tan tawh a ni. Tin, tawngtai a thlahthlam ngailo reng reng a, Pathian hnenah mipangai anga kal leh tlan thei turin a dil ngat ngat mai a ni.
Kum 16 alo tlin meuh chuan, Melbourne Olympic 1956 a tel thei turin a qualify ta reng mai le. Tichuan USA aiawha tlanin, metre 400 hmawlh inpekah Bronze Medal a dawng ve ta reng mai a. Kum 4 hnuah chuan, Rome Olympic 1960 ah khan tel lehin, Olympic a hmeichheho Track and Field inelnaah, Gold Medal 3 dawng thei hmasa ber a lo ni ta hial a ni. He nu tumruh leh ropui tak mai hi tudang nilovin WILMA RUDOLPH kha a ni.
Wilma Rudolph hian, mihring tumruhna leh tawrhchhelnain thil a tihdanglam leh siamthat nasat theih dan a tilang chiang viau awm e. Kan chunga vanduaina leh hlawhchhamna alo thlen changin, Kan rilru a hnual hmain, kan beidawng let der thin a, mahni nuna chhah mai pawh kan duh thuai thin. Wilma Rudolph nun leh tumruhna hi a entawn tlak khawp mai, Beidawng leh rilru na ngawih ngawiha, mahni inkhawngaiha, thu mai mai a, tuar tlawk tlawk thei a ni a. Tin, beidawn ram ram theihna chhan tur a tawk fo ngei ang. Nimahsela, beidawng duh hauh lovin, a bei nawn zel a, a bei ngat ngat a, hetiang hlawhtlinna ropui tak hi a lo chang thei ta a ni.
Heng a mihring tumruhna piah lamah hian, amah tichak tlattu leh hetianga hlawhtlinna ropui tak a lo chan theihna chhan hi, Pathian hnenah a tawngtai ngat ngat vang niin a sawi ve tlat bawk a ni. Hetianga mak danglam taka hnehna chang a, thihna ngei tur atanga chhanchhuaha awm thin ho hi, an han zawhchian chuan, an mangan tawpah, thinlung leh tihtakzetin an tawngtai thin a lo ni.

Similar Posts:

Recent Posts:

9 Responses to “Mi Tumruh leh tuarchhel Wilma Rudolph.”

  1. 1
    Borat Says:

    Mi entawn tlak a va ni tak em?

    Report this comment

  2. 2
    Pakak Says:

    Mi tumruh a va ni tak em!

    Report this comment

  3. 3
    Joel Lrsa Says:

    Tumruh taka ka’n chhiar chhuah hram chu. :-)
    Good Post

    Report this comment

  4. 4
    sheldon Says:

    He nu chanchin hi ka chhiar tawh a, a tum ruhna hi a ropui ka ti. Keini nun nen chuan han tehkhin ngaihna pawh a awm love.

    Report this comment

  5. 5
    boihapa Says:

    Post tha tak a ni e. Tawngtai ang zela thiltihin a zui hian hlawhtlinna a awm fo thin reng a ni. Chuti ang bawkin Pathian hnena dilna kan tlenin a tana inpek letna thinlung taka kan neih loh chuan, hlawtling ngei ngei tura inruat bik loh mai hi a finthlak zawk ka’n lo ti ve leh duah te’ng. Haha…

    Report this comment

  6. 6
    PKfanai Says:

    Tunlai chu, mahni tawkah ka buai ve ngang mai a, net alo chak tha lo nen, ka misual tha hman meuh lo e.

    Report this comment

  7. 7
    Awmtea Leo Khiangte Says:

    Thinlung a khawih kher mai. Challenging tak a nih hi (Y)

    Report this comment

  8. 8
    Joyce dady Says:

    http://www.history.com/images/.....udolph.jpg

    Report this comment

  9. 9
    SHauzelSailo Says:

    A va han ngaihsan awm em em, numeithra tak ani e, ka ngaisang khawp mai (Y)
    A tum ti hlawhtling Tu leh chakna pe Tu Kan Pathian a chawimawina nen (Y)
    Entawn tlak tak ani (Y)

    Report this comment