EIRU LO CHUAN DENG RAWH SE

May 28th, 2013 1:27 pm by Ruata 4 Cabin

A chhun mut hahdam a hun dawn tep tihah chuan a thutna thingbuk daihhlim lam rawn pan chuan mipui au thawm a hria a, thawm chuan a rawn hnaih zela,  chutiang ang huna mipui rawn pungkhawm tur chu mak a ti ang reng hle a, chil vawi tam lem pawh a ni lo ang tihah chuan a thutna thingbuk bul vel khat tlat chuan mipui chu an rawn pungkhawma, zirtirtu hmaah chuan kawrchung ha, a in a chhuahsan dawn chuan inchei fel tak tur tih hriat theih, pawr deuh fuap hi an rawn din tir a.

Mipui zinga an hruaitu ber chuan an mi man kawk pah chuan , “Ziritirtu, he pa hian mipui chanai a eirua, vawiinah a eiru lai ngei kan man a ni, a chunga I rorel dan he turin I hmaah hian kan rawn hruai a ni” a han ti a. A tawng dan velah chuan thil tha tak ti niin a inngai tih a hriat theih hle a, a thusawi zawnga a han hawi kual vel pawh chu a zam lo hle mai. Chutia an hruaitu ber a han tawng chuan mipui lam thawm chu a tha hle maia, “Khai hlum tur” “A nung chungin a vun lip ang u” ti a lo aute an awma. Zan lama zu rui zet, a nupui pawh kut thlak nghek tu, vengthlang pa pawh chu a au pawr ve hle a, kil khat atangin “Hal hlum ang u” tiin a lo au ve nasa hle a.

Sipai an lak tuma san zawng pawha tling lo, a latu thenkhat thuneihna avanga tling te phei chu chutianga mipui zinga au ah chuan a au phur ber berah an tanga. Amwze nei manga lo a mipui an au avang chuan ziritirtu chuan ngawi turin a han ti a. An mi rawn hruai chu a mit chak tak chuan a han en vanga vanga, a hmel atang chuan a ngaihtuahna thuk ber a kawm tih hai theih a ni lo.

Ziritirtu chuan eng thutlukna tak siam ang maw tiin mipui chuan an thlir thap maia. An sawi dan chuan Gilbran hunlaiah  pawh  a pu pu leh kha hmeichhe pakhatin “Aw zirtirtu ropui, hmangaihna mak leh danglam engtin nge ka neih ang?” tiin a a zawta ani chuan uipui lian tha tak zawn sak turin thurawn a lo pe a ni. Thlahtu atang rengin mite rawn an lo ni tawh thin a. Chu hunah pawh chuan ziritirtu chungah chuan beiseina an nei sang hle. Eirua an puh a chungah chuan rorelna chhinchhiah tlak leh hremna hriatzui tlak tak a a sawi an ring a ni.

Hmanhmawh lo zet hian zirtirtu chuan, “A eiru ni a in sawi chuan enge a lo tih a?” a han ti a. chu veleh chuan mipui lam chu an rawn au leh a. A then chuan “Thamna a la a ni” an rawn ti, a thenin ‘Hmasawnna lei dawhna tur sum a tichingpen a ni” an lo ti bawk. Awmze mumal nei loin an au leh ta nuai nuai maia, mipui hruaitu ber chuan a han khap daia, zirtirtu lam hawi pah chuan, ‘Ziritirtu, an sawi kha dik lo a awm lo, I hun kan lak tam loh zawk nan a thil sual tih avanga a hrem dan tur min hrilh la kan kalsan ang che” a han ti a.

Zirtirtu chuan mipu chu a han enkuala. Muang fan raih hian, “Eirukna chu min han hrilhfiah the u?” a han ti leh a. Mipui lam chu an phu leh ta mur mura. Thenkhatin “Thamna lak” an lo ti a, thenkhatin “Kan chan tur sum dik lo taka tih chingpen” an lo ti ve bawk.Kum hnih chuang an ramri chungchanga in be tawh ngai miah lo, Mual veng Pa Pahnih, inthenawm ve ve te pawh chumi hunah chuan an inngeih ta hlauha, eirukna hrilfiahnaah pawh chuan a phur ber berah an tanga.

Hriat theih mang loha an au leh nuai nuai avang chuan zirtirtu chuan a ban a han zapa, mipui chu an ngawi leh ta thiapa. “In mi rawn man hian thiamthu sawi tur a nei ve reng reng em?” a han ti a, an mi man lam chu a han hawia, “Thiamthu sawi tur I nei em?” tiin a han zawta. An mi man chuan a nei lo tih entir nan a lu a lo thing zauha. Mipui lam chu an rawn tawng leh tan ta a, a then chuan “Kha maw thiamthu sawi tur a nei lo, hremhmun ah a kal dawn tho tho a, a kawng I laih zau sak thuai thuai ang u” an lo ti a.

“Thiamthu sawi tur a neih loh chuan den hlum tur a ni” tiin zirtirtu chuan a sawi ta a. Mipui lam chu an phur ngei mai “Daiah kal nghal ang” ti a lo au pawl an awm. Kal mai tuma an in saseng lai chuan ziritru chu a rawn tawng leh, “in kal hmain thil ka sawi lawk ang, chu chu lo ngaithla leh lawk rawh u a han ti a”. Mipui thawm a reh fel chuan ziritur chuan a aw a han thiana, mi invawng fel tih hriat tak hian hmanhmawh hauh lovin a han sawi tan leh ta a “Eirukna kha inhrilhfiah tawha, ka hrilhfiahna hi lo ngaithla ve lawk u la ka duh a ni” a han ti te a. “In sawi kha dik lo ka ti lo, a dik ka ti vek, sawi belh ka duh mai a ni. Eirukna ka hrilhfiah dan hi tlem chuan a dang deuh ang. Min lo ngaihthla hmasa u la tichuan in duh ang ti tur chuan in kal dawn nia” a han ti a.Mipui lam chu an reh leh duk mai.

Ti hian a sawi chhunzawm leh a “Lirthei I khalh thiama mahse khalh phalna nei miah lo a I khalh chuan eiru I ni tihna a ni. Danin a khap thil I kawl emaw I lei chuan eiru I ni.” Mipui lam chu an reh duk mai.Zirtirtu chuan a sawi zel, “Tihpui leh intawhkhawm lian deuh a awm dawna tanpuina sum sawrkar hnathawhna hmun lama dil thinte pawh eirukna a ni, eiruah inngai lo mah u la, hmasawnna lei dawhna tur sum te a ni thina chung chu in va dil khan in hmel zah avangin leh khawtlang lang lo phutna avang te in an lo pe che u a, eiru miah lo tur kha eiruah in siam thin tihna a ni” a han ti a. “Qualify miah lo a hna hmu te in awm em? In awm chuan den hlumna tur lung kha a chhar mai pawh ni lo, a melh pawh melh suh ang che u, eiru a in puh te nen hian thu hmun reng in ni. Kohhran a inhmang tak mahse kohhran hmuh phak loh a kohhran sadai leh pal kal pel hreh leh si lo te in awm chuan, in in hre ngei a nga, a dengtu ah tang mah u la, a aia na a den in in la awm ang”. Mipui lama phurna chu a bo ta vek emaw tih tur a ni. Hriau pawh thlak I la a ri val val thei ngei ang.

“Chhungkaw pa, nu ni si inchhungkhura buaina leh thawipikna thlentu ni ringat zawkte hi sum tam ber eiru nen rank khat in ni. Thlalai, nu leh pa thuawih miah lo te, vawiina phur em em zingah te hian kan awm em? Eiru hlauhawm ber chi in ni?”. Ziritirtu chuan mipui lam chu a han hnuchhawn, a ngawi deuh vang vang. Mipui lam a rawn hawi leh pah chuan, “Tu in nge EIRU a in puh hi thuneihna dinhmunah ding turin THLANG TLING che u” a han ti a.

Mipui lam chuan chhan pawh an chhang lo. An ngawi thuap maia. Zirtirtu vek chuan, “nangmahni a nih kha thlang tling che u. In thlan tlina EIRU a in puh chuan A THLANGTUTE pawh EIRU MI in ni tihna a ni. Eirukna ka hrilhfiah ve dan chu ka sawi tak ang hi a ni, dan bawhchhiat hi kei chuan eirukna pui ber a ni ka ti, khata tang khan EIRU lo ni a inchhal chuan in mi man hi deng rawh se, mahse thiang hauh si lo deng an awm chuan, amah leh a chhuan zawng zawngte chungah chhiatna bak thil thleng a awm lovang” a ti ta a.

Zirtirtu chhun mu a rawn thawh leh chuan an mi man  chu a chungthu an rel laia an dintirna laiah chuan zirtirtu chuan thu in a hmu a.

Similar Posts:

Recent Posts:

29 Responses to “EIRU LO CHUAN DENG RAWH SE”

  1. 1
    Borat Says:

    Corruption tih hian sorkar sum leh thuneihna hmang tura ruat ten diklo taka an hman lam kher a kawk. Mipui in dan an bawhchhiat chuan immoral thil an ti chauh ani. Mipui pawh kan corrupt ve tho, tih ka pawm thei lo. Mipui ten sorkar sum tih chingpenna thunei hek lo.

    MINISTER TE LEH OFFICERE TE CHAUH AN CORRUPT THIN. A CHHAN CHU MIDANGIN SORKAR SUM AN KHAWIH CHE VE THEI LO. SORKAR THUNEIHNA AN HMANG THEI BAWK HLEI LO.

    Mizoram ah chuan inziahfel lama dan zawm kan pawmzam thei a. Rorelna thatna ramah chuan DA (disproportionate income), dan ang leh ama inpuan zat aia tam daih in leh lo (real estate), ro leh sum neia an rin chuan an changchang investigate theih ani.

    Mizoram ah phei chuan suaksualna (crime) aiin immorality (sin) kan buaipui zawk lehnghal a. A pawi ngawt asin.

    Report this comment

  2. 2
    saint sammoo Says:

    kei chu kan in kawng panna tur step lo ei zo vek tu leh license nei lova motor khalh tih vel chu RANK khatah ka dah thei lo reng reng…… tun thleng hian ka la hmu peih lo… ka la ngei tlats..haha..

    Report this comment

  3. 3
    appy thianhlun Says:

    Post tupa ziak tha khop mai…

    Mizoram ah hi chuan eiruk/sual do tak2 a, chetchhuah ai chuan tawngkam lam a inden vak2 hi kan uar zawk mah em o ka ti…state dangte chuan an CM meuh powh cooruption-ah a fihlim lo nia an hriat chuan an paihthla ngam mai ania..a tak2 a chet chhuah hi a hun veviau tawh in ka hria..tlangaupui ringot hi chuan kawngro a su tlem emmai…ka rawn ti ve duah nih chu..ka ngaihdan mai2 nih khi..

    Report this comment

  4. 4
    Chhuaklinga Says:

    Mahni fihlim chiah lohna hi kan tan duh phian, Zuin mi pawhin zu hi kan tan ru riau a nia. Corruption a fihlim chiah lo pawhin kan sual bik loh zia sawimam dan chu kan hre ve zel. Chutiang zelin haha.. A pawimawh ber chu a chunga sualna i han sawi zawng zawng khi a hremna dan a awm vek a, khi tia mipui thinrimin rorel sak mai lo a Zirtirtu/roreltu hnena an hruai khi an va entawn tlak em.. (daih mai a)

    Amaherawhchu, roreltute hian an zir loh lutuk chuan kan duh loh ruamah kan la in keuh ang tih hi thil hlauhawm tak a ni.

    tren tren

    Report this comment

  5. 5
    Ruata 4 Cabin Says:

    zirtirtu khi St Samooo nh khi :-)

    Report this comment

  6. 6
    lr hlonchhing Says:

    (Y) (Y)

    Report this comment

  7. 7
    Joel Lrsa Says:

    Office paper hawn ruk, driving license dik lo taka neih, etc. leh cheng nuai za tam, State develop lawihna tham chheprelh hi a intlukna ka hre hauh lo. Dik tak chuan a inthlau em mai. Hetia Corruption awmzia sawifiah ngai lo hian kan rilru hian mi Corrupt tih hi chu kan neih vek hi maw. A awmzia sawifiah ngai lovin pawmchin chu mitinin kan neih tlan vek hi maw

    Report this comment

  8. 8
    century child Says:

    Tumah kan fel famkim lo, famkim lo tura duan kan ni ta ve ang.
    Chunglam hmuhah sual lian lua leh te lua awm loh mah se khawvel danah chuan a awm, khawvelah kan cheng a khawvel dan kan hman a ngai.
    Office atanga blank paper 1 hawn leh cheng nuai tel ziak bo chu rank khata dah theih an ni ngai lo ang. Chunglam hmuhah pawh a inthlau hialin ania ka rin ni, an mihring puite pawi an insawi nasat hleih rem2 em asin.

    Report this comment

  9. 9
    Ruata 4 Cabin Says:

    :-D (Y)

    Report this comment

  10. 10
    chhana hlawnchhing Says:

    A va Taliban riap riap ve eiru chu eiru an ni mai a an in ang a dan an bawhchhe ve ve na chung in a lian leh a te chu a awm a lawm hrilhfiah tam ngai lovin kan zavai hian a hretu kan ni.

    Report this comment

  11. 11
    malsta27 Says:

    A that viau rualin enlightenment chang chin a ngaih Gibran te thu leh hla hi chu a sang lutuk tlat, kan dinhmun ah chuan a pratical theih lohna chen tam tak a awm awm e.

    Khalil Gibran i lo tui ve ni maw, hepa thu leh hla hi a pui hlawm a nia.

    Report this comment

  12. 12
    Jennifer Lo Says:

    post hot tur tak a nih hi mole
    Kaisara thil leh Pathian thil hi a hrang hlak a nia,a hran ve ve a sawi chi zawk niin ka hria.
    kaisara thil te pek hreh vang a Pathian lam a pelo te va kher/tehkhin tel na a ang.. a hremna pawh a in ang theilo, Kaisara hrem dan tur leh Pathian hrem dan tur chu a hrang ve ve a ni in ka hria

    Report this comment

  13. 13
    awmawmpuia Says:

    Borata corruption sawifiahna hi ka nuih a tiza deuh tlat. Minister leh Officer te chauh hi Sorkar sum khawih che thei an ni han tih tawp mai chuh! Tih tak takah te chuan Minister te pawh hian Sorkar Officerte kaltlang lo chuan Sorkar sum an khawih che ngawt thei awm lo a sin!!

    Report this comment

  14. 14
    Ruata 4 Cabin Says:

    11 Malsta:UCC-ian i niin ka hria..aw Gilbran chu ka ngaisang thlawt!

    13 awmpuia:kei pawh ka ti :-D

    Report this comment

  15. 15
    sheldon Says:

    Khalil Gibran in sawi e lo? Hmangaihna chungchang a ziah te kha a dik a sin aw!

    Kei chu a dengtu zing ah ka tel pha lovang. Hmanni pawh office a mi paper ka hawn pek a!!

    Report this comment

  16. 16
    Ruata 4 Cabin Says:

    Gilbran zawng..ah khai..siamtu’n ani ang he lei anchhedawnga a lo dah ve hi lawmthu swi mwlh2 tr kn ni e!

    Report this comment

  17. 17
    muansakhi Says:

    Tumkhat chu damlo ka kan a. Kan in phone lawknaah an awmna room number te min hrilh a. Kal kan tum chu pawna an board hunah hming dang daih a lo inziak sia ka buai ta. Ka han hriatchian chuan an lamhnaite sawrkara MR bill thei hmingin damdawi in ah chuan a lo awm niin! Mirethei lutuk, survival atana mamawh pawh an ni lo lehnghal. Thi ta se tu hmingin nge death certificate an issue ang ni? Khami te khan corruption duhlohna kawngzawh hi engtin ngai ve ang maw?

    Report this comment

  18. 18
    chhana Says:

    A tha hle mai.

    Report this comment

  19. 19
    Comeback Kid Says:

    uire kha Isua khan a ngaihdam thu Bible ah khan kan hmu a, mahse eiru nupa an ram hralhna zep then te kha chu chawp lehchilh in an thih nghal kha maw le. uire na hian khawtlang nun a nghawng em em hran lo a, mahse eirukna hi chuan a nghawng teh zawng anih hi maw le. eiru hi lung a deng em em lo in tih dan a awm tho ang..

    Report this comment

  20. 20
    Leo dtea Says:

    He post chu kan officers’ , minister & MLA ten chhiar se an lawm teh anga sin aw..

    Kan kristianna hi kan cho loh zawng ngaidam thei tawk leh kan ngam zawng khai hil thei tawk chauh a rinawm kan ni em?

    Kan mizo-na hi a neinung tlawn tawk chauha tlawmngai leh rethei/hnamchawm hmusit tawk chauha, luchhum/banchhum huam hnam huaisen kan ni em?

    Kei chu maw, mipui zingah khian tel ta ila, zirtirtu hmaizahna avang in deng lo in ka khawh ang hahaha..

    Ni hman nuam vek u le.

    Report this comment

  21. 21
    Awmtea Leo Khiangte Says:

    (Y)

    Report this comment

  22. 22
    hlatekhua Says:

    He lai hi chu ka pawm lo hulhual: “Lirthei I khalh thiama mahse khalh phalna nei miah lo a I khalh chuan eiru I ni tihna a ni. Danin a khap thil I kawl emaw I lei chuan eiru I ni.”

    Eiru leh eiru chu lo indeng hlum tawn biah biah mai mah se a pawi vak dawn em ni te ka ti deuh. Eiru ve lote pawhin lo denpui ve bawk se.

    Report this comment

  23. 23
    malsta27 Says:

    @Post tupa#13: Ni e mawle,i awm ve thn mi nge shillong lam zawk?

    Report this comment

  24. 24
    kotlaman Says:

    Mizoten kan pawm thlap tur chu 99% hi morally corrupt or corrupted kan ni. Chu chu post tupa thu ziak leh comment atangten a lang chiang hle. Chumi in a hrin chu corruption hi financial leh moral-ah thliar hran a ngai tih hi. A nawl puiin kan huat rawn leh kan au chhuahpui luai luai chu mipui sum eirukna hi a ni. Moral corruption lam hi chu kan sawi tha ngam lo; kan tel ve vek avangin.

    Chemtatrawta thawnthu zawngin chhut ta ila. Moral value a lo thlahniama ngaihsan leh dahsan tur a lo dik tawk ta lova, sum neih a lo hlu ta hle a, chumi atan chuan theih ang ang, a dika dawk thlu lova sum um duhna a lo awm ta a. Chu chuan eirukna, kan chan ai ni lo itna, khaw eng zah hleihtheih lohna a lo siam ta a ni. Heng vicious cycle chet tir awlsam thei ber chu sawrkar hnathawkte Group D atanga a lu ber CM thlengin an ni ta a ni. Minister eiru duh miah lo hnuaiah officer eiru duh awm se, a thei tho. Officer eiru duh miah lo hnuaiah clerk eiru duh awmse a thei tho; chutiang zelin. A kaikuang tak chu a nawlpui morally corrupt leh corrupted kan nih vang a ni. sawrkar hnathawk lo, sumdawng a lova luata zawrh thil titote, MRP bel hnan duhte pawh hi hemi vang tho hi a ni.

    Heng avang hian in tha en liam tur erawh a ni hauh lo. Kan phak tawk tawkah, mimal nunah leh hnathawhnaah rinawm theuh tum ila, he Mizo society moral fabric tawih tan tawh hi a lo dam leh anga corruption chu a tlem ve tial tial mai turah ka ngai..

    Report this comment

  25. 25
    true ^mizo^Boy Says:

    khitiang a nih chuan keipon ka deng thei ta hauh lo mai, office ah private thil ka print leh zuk zel, office paper lehnghal in….chuan, thildang den theihlohna chhan tur poh ka la nei treuh mai, ka sawi seng lo,min leh den daih palh ang :-D

    Report this comment

  26. 26
    Ruata 4 Cabin Says:

    @malsta#23:aw UCC-ian ve tho ka ni :-D

    @Kotlaman-24:poverty vicious circle ang deuh’n moral corrupt vicious circle-ka EAT ltk (Y)

    Report this comment

  27. 27
    boihapa Says:

    Eiru tia kan sawi mai thin leh hlepru te, hlemhle leh thamna (bribe)te, hi kan hman pawlh nawk nawk a, English-a sawi hi fiah riauva kan ngaih vang pawh ni lem chuang miah lovin, Corruption hi kan han hmang rim ang reng phian bawk a! Engpawh nise, kan sawi duh chin leh sawi chhuah duh dan tawkte pawh, a sawitu a zirin a danglam ta fir fer mai a nih tak ber hi a! hehe..

    Mizovin eiru tia kan sawi tawh chin hi chu: an in leh lo benbel dan te, an khawsak dan leh hawiher thlengin a hriat tlangpui thin. Thawhchhuah phu lova an khawsak duh tlat loha an inthup tlat thei a nih si loh chuan, mihring chapona hian inthup thei lo turin a nawr ve ngar ngar a, a nawr na tual tual a, a inthup thiam berah pawh mi dang hmuhsit leh chungtlak taka a chet hun a awm tho tho thin.

    Eiruk han tih hian corrupt nen kan rilruah inang rengin kan ngaihtuah fo, corrupt chungchangah chuan, mi zawng zawngte hi kan fihlim thei ngai lo ang. A chhan chu Eden huana thlahtu bulah khan a intan daih tawh vang a ni. Chu chu moral Corruption tia thian thenkhatte sawi khi a ni ang a.

    Uire lai tak an man kha pui ve char char tak a ni. Lal Isua hnen an hruai thleng hlawl mai kha a vannei. Chubakah den hlum duha rawn phur em emte, Isuan an sual Zia a lo hriattir kha an vanneih ve tho tehlul nen, an relhru bo zo ta kher kha chu a pawi ngawt a ni. Engpawh nise kha uire nu kha chuan a sim chiang hle turah ngai ila, Isuan sual sim lo a ngaidam ngai si lo va. Chu tak chu a ni ngaihtuah chian tul ta chu! Sual sim tur hian eirute tan a buaithlak deuh mai lo ang maw? Uire chuan a sima Pathian a pan tlat chuan ngaihdam a ni a, hun tha a nei leh thei. Eiru erawh chuan a sim hnuah pawh a eiruk bank-ah a la draw ham ham lawi si thei tlat. Zakaia pianthar dana pianthar hi a awlai tlat lo. Uire nu pianthar dan leh Zakaia pianthar dan hi danglam vak turah kan ngai lo maithei, mahse mihringin a hlen chhuah ve turah hian ngaihthah mai loh tur a awm tlat si thin a nih hi. Post a ngaihnawm e.

    Report this comment

  28. 28
    sheldon Says:

    Kotlaman @23 (Y) Moral corruption ah chuan tumah kan fihlim lo.

    EIRU or CORRUPT kan han tih rup mai hi chu sawi fiah tehchiam pawh a ngai in ka hrelo. Ramri chiang takin a in rin ruih alawm! Chung mite deng tur chuan misual ho hi chu kan tling turah ka ngai ve tawp.

    Report this comment

  29. 29
    hp.swing Says:

    Khawvel ah famkim 1 chauh a awm si a, chu pawh kan LalIsua chauh. Chuti a nih si chuan mi dang zawng zawng hi ang khatmkan nia Law and Order hi om lo law law se tihna te pawh a ang thei mai dawn a lawm.

    Development sum eiru ai mahin rethei chanhai te ta tur eiruk sak ching hi ka la haw zawk mah. Keimah erawh ka fel bik lo. Mahse ka hriat thei chin ah rethei te pawisa ka la eiruk ka hre lo, ka lo eiru a nih pek in nuai 1 pawh a tlin ka ring lo. Midang pawhin engtin tin emaw nuai 1 chu in lo eiru ve tho a niang chu. Mahse mi tam tak ka hriat chuan a maktaduai tel an ei ruk sak. A poiin a zia lo hle mai

    Report this comment