Mizoram Chief Minister’s Relief Fund (CMRF) a bo em ni?

May 26th, 2013 9:38 am by VaiVa

A chepa kaiin: CM Relief Fund hi State dang te hian an hmang tangkaiin mipuite rilru ah pawh a tla na hle mai a. Sikkim CMRF phei chuan hmanni a lirnghing tuarte in 17 zet kha nuai 4 chuang theuhin a pui thei nghe nghe a ni. Chutih laiin Laipuitlang leh Ramhlun Venglai chhiatna chungchangah Mizoram chuan CM Relief Fund hi sawi thawm a awm ve miau loh avangin ka rilru ah a awm reng a, ti hian ka chhui zau ta a ni.

State dang tih dan: India ram state thenkhat Odisha, AP, MP leh HP te chuan inkaihhruaina mumal tak neiin public awareness pawh an bei na sa hle a. CMRF a chhun luh te hi income tax pawh exempt a ni nghe nghe a. e-CRMF beiin online a contribute duh tan pawh awlsam takin an dah mai bakah online/ offline donors (thawhtu te) leh beneficiaries (dawngtu) te hming nen kimchang takin transparency (langtlang) dik takin an pho lang a. Kum tin annual audit neiin felfai takin an kal pui a ni.

CM in a sem ringawt ni lo in form fill up tur awm in apply theih a ni a. Hei hi kan hmang lo nge kan hre lo, kan sawi lar lo hle. Hetiang hian mipui mangang tanpui ngaite tanpuiin hma an la thin a ni.

Hmansual theih a ni em? : RTI Activist lar tak Shailesh Gandhi chuan 2008 khan Maharastra CM hnenah open letter thawnin CMRF hmang a Kabaddi games te, in zaisiakna atan te a an hman thu leh Trust ang a in register ni si, Trustee mumal awm lo leh Charity Commissioner awm lo ang in mipui hma ah a challenge hial a nih kha. CM khan a nihna a hmang lo in a duh thalin a hmang tihna a nih ber chu (RTI hmang a a khawnkhawm atang a open letter hi ziak a ni)

Mizoramah ve thung le! : Kum 2009 Aug thla atangin hmuh theih chin (DIPR leh Vanglaini Website atangin) ah mimal/ pawl 100 zetin thawh in a vaia tling khawm chu cheng Nuai sarih leh singkhat chuang (7,16,090) CM Relief Fund ah hian chhun luh niin a lang a. (Heng data hi ka lak khawm chawp mai a ni). Kum 2011 Jul atang a vawin ni thleng hian DIPR hian an website ah contribution hi an ziak lang tawh lo a ni. 2013 data ka lakkhawm hi Vanglaini website atangin a ni. Mimal phei chu mi 10 vel chauh in an thawh a. Congress Unit/ Block leh Vilage Council hrang hrang ten an thawh hi 80% dawn a ni a. Organisation lamin an thawh hnem hle bawk. Hetah hian a kimchang ka hmuh theih chin en theih in ka dah e.

A kaikuang chu: A tlem berah nuai 7 chuang tling khawm ni ta se la, a hmanna emaw mi te tanpuina CM Relief Fund atang hian vawiin ni thleng hian mipui te hmuh phak internet ah hmuh tur a awm ve hauh lo mai a. Khawiah nge an awm zawh tak? Nge pung awmin an dah tha? State thenkhat ah chuan GAD hnuaiah dah a ni a, a thenin Trust angin an kal pui a, Mizoramah hian eng ang chiah in nge kan kalpui ve hmuh tur a awm lo a ni.

Enge a awmzia: Heta ka sawi tum ber chu ram hruaitu lu chu kan mamawh min phuhru tur leh min thlamuan tur a kan beisei a ni. Chutih laiin kan ramah chuan tun a chhiatna kan tawh ah ngei pawh CM Relief Fund rim kan hre lo mai ni lo in mimal leh pawl ho in tanpuina veh bur an khawn a. Entirnan, NEREFS Ltd phei chuan nuai 2 chuang chu CMRF a pe lo vin YMA a hlan ta daih a nih kha. Chutiang zelin Green Mizoram Network leh pawl hrang hrang ten sum an khawnkhawm pawh sawrkar kutah hlan ngama ni ta lo.

A awmsa a hmanna pawh kan hriat miau loh vang te pawh a ni thei ang. YMA hi huangtau lo chi a ni hlei nem. Sawrkarin aw a chhuah ngam miau thin loh avangin aw a chhuah a, MZP/MSU te pawh an tih tur ni lo an ti kan tih fo na chhan chu sawrkar hna tur an thawh thin vang a ni. I ngaihtuah chiang ang u. e-governance in min thawlh khum mek e.. langtlang sawrkar kan duh kha maw?

Similar Posts:

Recent Posts:

12 Responses to “Mizoram Chief Minister’s Relief Fund (CMRF) a bo em ni?”

  1. 1
    H.Vangchhia Says:

    Post of the ropui em em hairehai (Y)

    Ngaihtuah a tithui khawp mai :-S

    Report this comment

  2. 2
    Chhuaklinga Says:

    Oh, God of earth and altar
    Bow down and hear our cry
    Our earthly rulers falter
    Our people drift and die
    The walls of gold entomb us
    The swords of scorn divide
    Take not thy thunder from us
    Take away our pride

    Iron Maiden

    tih hi a lo lan tlat chu tunlai kan Zoram khawvel ka thlir hian.. :(

    tren tren

    Report this comment

  3. 3
    hlatekhua Says:

    Hei hi tun hma pawhin ka sawi fo thin. CM Relief Fund-a miin pawisa an thawh thu hi an puangzar fo a, a hmanna lam hi an sawi khat khawp mai.

    Mimal leh tlawmngai pawlin an thawhkhawm bakah hian sorkar lam atang pawh-in budget a awm ve nghe nghe lo maw le? Nge, ‘CM Relief Fund’ ni ve si hi mi thawh tling khawm chauh? Chuti ni se ‘Public Relief Fund’ te pawh tih zawk awm tak lah ni.

    RTI hmanga zawh chian chi tak a ni e.

    Report this comment

  4. 4
    chhana Says:

    Post tha hle mai.

    Report this comment

  5. 5
    Nirvana Says:

    Za a za Kristian Ram, Pathian zawn chhuah ram, missionarz 100,000 thawnchhuah intiam ram tih takah pawisa lama rinawmna kan tlachham ber mai anih hi.

    Hmanni PWD “Engineer In Chief” ngaihthah vanga nunna chan tate chhungkua tanpui nan pawh an sum dehral leh lakluh (Cheng 8000 crore) en chuan Cheng 10,000,000 (Cheng vaibelchhe khat) theuh a tanpui awm tak, Nuiah khat 100,000 emaw lek an tiam kha, chu pawh chu an la pe lo cheuh niawm tak ani.

    Report this comment

  6. 6
    boihapa Says:

    A bengvarthlak e. Kan naupan deuh lai ti ila, kan tlangval tawh hnute pawh a ni ang a, CMRF hi tuten emaw an chhung lut a, tute emaw tanpui ngai tanpui nan an hmang bawk thin tih ka la hre chiang ve ngang mai. A tlangpui thuin chanchin bu-ah tarlan a nih thin avangin, kan fak viau thin a nih kha maw le. Post tha tak a ni e.

    Report this comment

  7. 7
    megapixel Says:

    Ti țha thei hle mai VaiVa. Hetiang hi kan journalist tam tak te tih theih loh (nachang hriat loh/thiam loh?) leh tih ngam loh a ni. Țang fan fan! KZP.

    Report this comment

  8. 8
    megapixel Says:

    *ngam loh a ni asin. (ka edit thei lo. Thumb up emoticon khu ka hmang thei lo….phone atanga tih vang nge mawni)

    Report this comment

  9. 9
    hiho Says:

    magisterial enquiry ngai leh dawn ang a

    Report this comment

  10. 10
    Nirvana Says:

    #7. Dik khawp mai. Hei vang hian alawm misual.com hi a special em em. Mizoram chanchinbute hian sorkar stanga advertisement revenue lak loh an hlau hlur mai a, an dawihzep khawp mai.

    Report this comment

  11. 11
    Awmtea Leo Khiangte Says:

    A bengvarthlak kher mai (Y)

    State dangte thil tih tha hi chu entawn ve mai tur maw le.

    Report this comment

  12. 12
    sheldon Says:

    A va tha em! A hman na lam hi ka lo ngaihtuah ngai miah lo. Ngaihtuah a ti thui e.

    Report this comment