Pi leh pute damdawi hman ṭhin, US lamah an hmang!

May 25th, 2013 8:54 pm by H.Vangchhia

Hria in awm nual thovin ring mah ila, la hrelo ten nakinah engtikah emaw hman ṭangkai theih hun kan la neih takin ka thil hriat pakhat kan sawi ang e!

Kan pi leh pute khan pumna damdawi atan khan meihawl ei kha an lo inchawh ṭhin a ni a. Tunah hian emergency medic ho hian US lamah chuan ambulance tinah an keng vek mai alo ni a, “Kan pi leh pute kha an lo fing ve hle mai,” tih chu ngaihtuah chhuah loh chi pawh ani lo ve.

Meihawl tih dip kha tui nen hnang thliakin chawhpawlh a ni a, chumi chu tur ei (poisioning by mouth) te pek/ei tir ṭhin an ni. Chutiang a an pek meihawl chu “Activated charcoal” tih a ni. Activated charcoal hi meihawl pangai (thing chang hawl) kha gas alh hmangin an ti thawrawng leh a ni a. Mizoram a kan neih angah chuan meihawl duap, thawrawng chi deuh (Thing chhe chi deuh meihawl) a ṭhat zual ka ring ve ngawt.. A thawrawng an duhna chhan pawh, a pores (kaw chek chek) ah toxin a bei hnem theih zawk vang a ni.

Meihawl dip, tui nen a chawhpawlh hian pumpui leh ril vel a tur awmte chu tam tak a hip bet thei a (binding to irritating or toxic substances in the stomach and intestines), chumi chuan mihring nunna a chhan thei ṭhin a ni. Meihawl hi non-toxin a ni a, rei tak tak pawh a kawlthat theih bawk a, a man a tlawm bawk a, theih chuan in tinah engemaw thulah kawl ve reng a tha khawp mai;naupang damdawi nilo ei palh angah te hman atan te pawh!

Activated charcoal hi antidote a ni lova, mahse chutia taksa chhung a tur awmte a hip bet tlat avang chuan taksa-in a hip luh tur, mihring tan a pawi tur kha a tih tlem phah thung a ni. Acid lampang eite erawh pekin awmzia a nei lem awm love. Thil lem thei te pak chi a ni bawk.

Luak a pawh a vangin mi kan eitir emaw, kan ei emaw a nih chuan luakna rem deuh emaw, luak dahna inchhawp a tha khawp ang. Dosage: 1gram/kg (puitling leh naupang)

Similar Posts:

Recent Posts:

23 Responses to “Pi leh pute damdawi hman ṭhin, US lamah an hmang!”

  1. 1
    saint sammoo Says:

    hman ni lawk khan doctor pu sawman tv ah a sawi chiam a lawm… tinreng damdawi a ni ringawt.. mitinin mei hawl dip kawl theuh tur te a ti..

    Report this comment

  2. 2
    H.Vangchhia Says:

    saint sammoo, A van titha ve le (Y)

    Ka rawn ziak chhuahna chhan pakhat chu, damdawi ei hi kan huai ve angreng si a tihthuah te, tihpalh pawhin a ei theih tho bawk a. Entirnan, ka thian hlui hmang ta ila, (tun an haw em lovang chu) Dr. Innocenta khan tuisik emaw tiin Formalin a in palh a a thihpui a nih hmel a. Khatiang angah te khan “pek nita sela, thianpa kha chhan theih a ni ang em le aw,” tih ka ngaihtuah thleng.

    Report this comment

  3. 3
    chhana Says:

    An hman tirh lai vel khan i hrilh a nih ka lo ring ngawt a sin.

    Report this comment

  4. 4
    CFL Says:

    Hriat tawh hnu hriatnawn leh hi bengvarthar lehna a ni hrim e

    Report this comment

  5. 5
    chhangte_ll Says:

    Ha bal tihfai nan pawh meihawl/meihawldip te chu a tha alawm, Eu Es ah chuan dentist in man to fe in a lo tihfaisak che u a ni awm si a. Hmmm…engkim hi a lo Eu Es vek lo anih hmel :-P

    Report this comment

  6. 6
    Sihtea Says:

    Ha bal nawh fai nan tak hian a sin
    tha chu le. A fai duh khawp mai.

    Report this comment

  7. 7
    saint sammoo Says:

    hets… ha nawh nan tak hi chuan dentist ho hian an sawimawi vak lo a nia…. a sak(hard) deuh vang ni maw? hahni tan a tha lo an lo tih leh hmanhmawh tawh hi.. mah se.. ho e.. a fai that chuan tawk…

    Report this comment

  8. 8
    muansakhi Says:

    “Kan pi leh pute kha an lo fing ve [sic] hle mai,”…

    Report this comment

  9. 9
    Charice_mizo Says:

    Haha calling 911..

    Activated Charcoal mamawh a ni..

    Huiz, a va tha em!

    Kan pi leh pute kha fing deuh mai an nia.

    Report this comment

  10. 10
    SHauzelSailo Says:

    Thra hle mai. (Y) Hre ve tawh thrin.
    E. G. White khan kum 100 kalta vel khan alo ziak tawh ni lom ni? (Y)

    Report this comment

  11. 11
    Hotunu_pasal Says:

    Nia, Pi White-i hote hian an sawi mawina a rei tawh mai.Tin, ka pi pawh khan kan naupan lai khan pum nawm loh deuh apiang hian meihawl ei hi min kawh hmuh fo mai. Kei pawh rawt dip sa hi ka kawl reng mai. Phur chang chang a hmanah. hee.

    Report this comment

  12. 12
    Dr John Says:

    (Y) Post BVT khawp mai. Thinlai mu hnu lung-len a kai tho ve :)

    Report this comment

  13. 13
    Sihtea Says:

    Tumkhat chu, Sakawr lei tur zawng in, Chin Hills khua Tlanglo leh Tlangpui khua ah kan kal a. Kan thianpa riltam in kan thlen in nu hnen ah, a riltam thu ti hian a sawi a. Kapaw a fak a ti a. Kan thlen in nu in, a pum a na tak tak e maw a ti a. Meihawl a rawt sawm a tui nen a chawhpawlh a in tir.
    Kan thian pa in, a riltam thu Pawi/Lai rawng ni a ngaih khan a sawi a. Ka paw a fak tih kha, ka pum a na tih na a lo ni reng si a. Kan nui char char ri ngawt.

    Report this comment

  14. 14
    H.Vangchhia Says:

    Sihtea #13 hairehai “Ka paw a fak” chu ka pum a na tihna alawm hahahaha. Ka ril a tam = Ka rawl a tam. :)

    Report this comment

  15. 15
    Chhuaklinga Says:

    Post good (Y) Meihawl thatna hi an sawi teh chawk a, ka pi (fam) te khan a pum nawm loh deuh te hian a ei/thial ri bep bep zel. :)

    Kan thlahtute hi civilize tak atang a uncivilized a tla thla leh hi an nih hi ka rin dan. (OT lutuk lovang chu maw)

    tren tren

    Report this comment

  16. 16
    H.Vangchhia Says:

    Chhuaklinga #15 OT mai mai lo hairehai :P

    Ka lung a leng. Misual fel tak tak ho kiang a ni hnih khat tal hun hman leh hlan ka nghakhlel lutuk dot com :)

    Report this comment

  17. 17
    Sihtea Says:

    Ka rawl a tam tih tur maw lo ni a.
    A tu a mah khan kan thiam si lo va,
    Kan zing a tawng thei ber leh pawt hnem ber khan, a han phuh chhuah kha chu dik tur ah kan lo ngai a.
    A tawng tu pa ngei in, Meihawl tui a in phah ta a lawm le. Pu Eich Vee Ka lawm e. Min hrilh lo la, tun thleng paw’n ka la hre chuang lo vang maw le.

    Report this comment

  18. 18
    H.Vangchhia Says:

    #17 (Y)

    Risk huai loh chuan tawng thiam a har a lawm. Tih dik loh atang khan a dik hriat zel… :)

    Report this comment

  19. 19
    DuatDuat Says:

    7th day tlang hospital ah khuan an hman na rei toh alu tui nen…1998 khan ka fanu hritlang awmna a damdoi bur ang chiah ah kapa in transformer oil lo dah ve,hre lovin kan tulh mai nih kha..anu ka duh toh lo tia boihte i dam vat don lom ka tia…thuoih tak a nih vangin a lem hram a,a hnu 30mins velah ron luak ta..kan hrechhuak nghal,meihol rot dip hi kan kol reng a ka tulh nghal borh2 a voi 2 dang luak leh a eng em kan ti talo..a hnu a kan tem chhin chu khovel ah hian a aia kha leh tuilo hi ka la tem chhin ngailo,kafanu kha kalainat lutuk..meihawl lo that zia hi mak tak a ni

    Report this comment

  20. 20
    Ruata Pachuau Says:

    Charcol tablet hi a awm a, activated vek a ni a expiry date pawh a nei ve thlap maw le… Mahse kan hmang uar lo deuh nge hralh a kallo khawp mai, tunah te hian la zuar tak hlawm maw?

    Report this comment

  21. 21
    kotlaman Says:

    Zu no-ah activated charcoal tablet pakhat hi thlak tel zeuh ula pentawng a veng tha khawp mai!

    Report this comment

  22. 22
    Awmtea Leo Khiangte Says:

    A tha hle mai. (Y)

    Kawl ve reng chi a nih hi.

    Report this comment

  23. 23
    Charcoal Blog Says:

    Rams Charcoal Anytime Health

    […] charcoal hi antidote a ni lova, mahse chutia taksa chhung a tur awmte a hip bet […]

    Report this comment