Synod in 2012-13 budget Vbc 19 in khum

May 24th, 2013 5:03 pm by VaiVa

Synod Finance Committee 105-na a a lan danin kum 2012-13 chhunga sum hmuh Pastoral-ah budget Rs.59,67,67,000/- (Nuai sangnga zakua sawm ruk pasarih singruk sangsarih) a ni a, Rs.64,36,59,045/- (Nuai sangruk zali sawmthum paruk singnga sangkua sawmli leh panga) hmuh niin budget hi 107.86% hmuh a ni. Mission budget chu Rs.1,00,50,24,000/- (Nuai singkhat panga singhnih leh sangli) a ni a, Rs.1,15,47,20,510/- (Nuai singkhat sangkhat zanga sawmli pasarih, singhnih zanga leh sawm) hmuh a ni a, budget hi 114.89% hmuh a ni.

(Courtesy: Vanneihthanga Vanchhawng via Special Report)

A vai a budget a khumna ( pahnih belhkhawmin) hi Nuai sangkhat zakua sawmruk panga, singriat sangriat zanga sawmnga leh panga (19,65,88,555) a ni. Vai tawng takin vbc 19 zetin budget hi a khum a ni.

State Economy ve thung (mimawl pakla hisap atangin): 2012-2013 a kan state GSDP chu vbc 8091.86 niin growth rate hi 10.37 (in real terms) niin kan Finance Minister khan a sawi a (Source: Economic Times). Synod in a vai a a sum hmuh hi cheng vbc 170 chuang a la lut a ni. Growth rate ti ve mai i la, budget a khumna ni 11.36 % (approx.) a ni. Hemi kum chhung a kan state budget ve thung chu HETAH hian a en theih a.

Kan kumkhat thawh chhuah nen lo teh khin leh ta i la. Ka data neih chhun kum 2010 leh kum 2011 chhung a kan per capita income chu cheng sing nga leh cheng sawmhnih pakhat a ni (5,00,021). Kan GSDP growth rate atangin pci hi 10.37% in dah pung ta i la. Nikum chhung ah kristian pakhat in cheng sing nga kan lak luh chuan mi nuai riat (nuai hnih dawn hi sakhaw dang bia an awm a 2001 Census projected) chuan vbc sang li (Cr 4000 approx) kan chaw lut tihna a ni ang a. Heta tang hian Synod hnuai (Presbyterian mi leh sa) te han chhut leh i la, kum 2005 ah chuan member nuai 4 chuang zet an awm a (A Study of The Cultural Factors in the Foreign Missions : Thinking of the Mizoram Presbyterian Church ~ Zaichhawna Hlawndo)

Presbyterian member tinin sawm a pakhat lo pe ta i la, vbc za hnih (200 cr approx. a chanve kan tih tawh kha) kan chhung lut thei tihna a ni a. Synod in a lak luh hi vbc 170 (170 cr) chuang a ni a. Vbc 30 tling lo deuh hi chu rinna tlem deuh kei ang te hian lo pe zat zat lo ah chhut ta i la.

Heti zawng hian aw: Heti khawp a rinna a mi chak, ringtu tha kan tam lai hian hleprukna in kan ram min chhaih buai a. Eizawnna hmu lo heti zat kan awm a. Below Poverty Line (BPL) ah 21% (approx) nuai hnih vel in kum khatah (per capita income) cheng singhnih pawh kan pha lo a. Congress NLUP atan chhungkaw 1.2 lakhs in nuai 1282 (dipr) ah nuai 450 vel sem ah ngai i la. Kan neih chhun chhun ang te kan ui lo vin sawm a pakhat ai tam daih pe thei kristian kan va tam si em!

Eng vang a “Lalpa kan ram hi tung ding leh rawh” ti a au a kan tlaivar tak thak thak fo mai le. Missionary 1000 chuang chawm thei hi eng vang a hmasawnna rualkhai lo in min la chenchilh reng mai le! Khawi laiah emaw hi chuan dik lo chu a awm a ni ti rawh u…… Figure hi han en vang vang la, i rilru a buai ve map mai ang.

P.S. Number/ figure hi dik lo a awm palh thei a. A theih ang chin chinah source ka dah tel zel a, a then phei chu keima chhut chawp mai a ni a. Near figure/ approx thei ang ber tur a dah a nih laiin dik lo palh a awm a nih chuan min hrilh hre dawn nia.

Similar Posts:

Recent Posts:

19 Responses to “Synod in 2012-13 budget Vbc 19 in khum”

  1. 1
    Pakak Says:

    a va sum to sum ve . .

    Report this comment

  2. 2
    chhangte_ll Says:

    Thlaurau lamah kan chau deuh i tihna elo ;-(

    Report this comment

  3. 3
    Borat Says:

    Per capita income tih hi a dik lo. “Per capita share of GDP/GNP” tih zawk tur ani. A chhan chu national income hi inzat thlapin kan insem si lo. A nei vekin an nei tawk, mai ani lo, notional state income hi mimal kuta awm aia tam daih ani zel.

    Report this comment

  4. 4
    VaiVa Says:

    @chhangte_II, Kan chau lo, kan chak lutuk zawk hi engtia hmasawnna lam a hnufual viau nge kan nih a, inthleina a nasat tawlh tawlh mai le? tih hi mak ka tih zawk tak chu a ni! Ringtu hi kan lo la thahnem sia :)
    @Borat, per capita income (share of GDP/GNP) tih lai tak khi Economic Times a mi state per capita income a inti sia! Share on GDP/ GNP chu han sawi zau law law teh a, Gross pawh hi State (GSDP) angin a ni ka thailan ni?

    Report this comment

  5. 5
    Lalthoimoia Says:

    Pathian ram kan pekdan hi thil lawmawmah kei chuan ka ngai lemlo.Kan state retheih leh thawhchhuah neih loh dan nen khai khin ila, Central sum kan dawn, EIRU ho in an thawh nasat vang mai maia sangah ka ngai. Pek tam aiin pek dik leh lakluh dikah Lalpa a lawm zawk ang.

    Report this comment

  6. 6
    Borat Says:

    Biakin lian pui pui, ropui zet zet neih laia damdawiin tawp tak, chhe tak neih kan thlang mauh si a, kan changkan duh dan teh daih hi.

    Report this comment

  7. 7
    sheldon Says:

    Sum thianghlim leh thianghlim lo thliar a har tawh sia Kohhran chuan a dawn vek a ngai sia..

    Report this comment

  8. 8
    muansakhi Says:

    A tlangpuiin a lawmawmah ngai phawt teh ang. Mi hlemhle ten kohhran ah an eiruk thawh tlat anga kan ngai hi kohhran 4 thilpek report atangin thian thenkhatte nen nen kan zir ve ngial tawh a, an eiruk tak atang hi chuan sawma pakhat hi an pe lo tlangpui emawni chu aw kan ti. Lo pe pawh chu an awm mahna. A tlangpuiin an hlawh leh regular income milin an pe ah kan ngai deuh.Chutihlai chuan sum thianghlimlo kan tih atanga kohhranin ‘bonus’ a dawn chu a awm ve nial thei tho bawk.

    # 6 – thought provoking. Synod target khumna hi engtinnge kan hlawkpui dawn le. Peace bonus zat zet (or a ai tam?) kha a ni awm si a.

    Report this comment

  9. 9
    CFL Says:

    Chanchin lawmawm tak a ni e

    Report this comment

  10. 10
    flying Says:

    EIRU an pung ve deuh te pawh ani mai thei ani… :D

    Report this comment

  11. 11
    PKfanai Says:

    E heu, a va tam ang reng ve aw. Cheng za clip hlirin dahkhawm ta i la, clip singkhat leh sangkua ani dawn a, mihring 1 tan chuan phurh zawh chi rual ani lovang le. Pick up Truck tal hire angaih hmel. Engpawhnise, Mizorama kohhran Centralize nghet tha lutuk leh thawhlawm thawh lama kan chak lutuk mai hi, hnam dangho hian mak an tiin min it em em mai a, kan thuruk hi hriat an chak a, nih ve an chak a, kaihhruai pawh an nawm phah em em a ni. Tin, Presbyterian leh Baptist ringawtin Mizo Pastor leh Missionary leh thawktu dang an employ a hlawh an pek hi tam tak kan ni a, a lo thlawna luang ral angah chuan ngaih chi a ni lovang. Educated unemployment problem hi nasa takin an solve ve tlat a. Tin, Thlarau lam thil ani bawk a, tisa thil taka teh fet vak chi ani lo maithei bawk.

    Report this comment

  12. 12
    Khuangpu Says:

    Thawhlawm ala that viau hi chuan alawmawm lam ani ngai e.

    Report this comment

  13. 13
    Charice_mizo Says:

    I sawi tum ka man lo, i goal a chiang lo ka U Vaiva.

    Report this comment

  14. 14
    boihapa Says:

    7@ Sheldon sawi ang deuh khian sum thianghlim leh bawlhhlawh a hriat hran theih miau si lo alawm maw le. Tin, tu nge lo screen chuang ang?

    Kan Bial Khawmpui Minute bu chik deuh takin ka bih a, eiruk atanga lut chu a awm a nih pawhin a tam lutuk lo tih ka sawi ngam tlat. Amaherawhchu politics sumdawnna atana hmang ho sum chhun luh erawh chu, an Sorkar lai leh Sorkar loh lai a inthlau thei khawp mai! Chu chu ka hmuh chian em em thil pakhat chu a ni. Tin, pension hlimin an pe hlawm lian tlangpui a, sumdawng ho hi a pe tam an ni deuh zel. Engpawh nise, sum hmuh a pung zel hi a lawmawm lamah i ngai zawk ang u.

    Report this comment

  15. 15
    muansakhi Says:

    #14 sawi khi ka tawm e. Duhthu han sam ta ila, Synod hian mi mit la khawp building project, vantlang tana tangkai si hi Aizawlah hian sual se ka lo ti thin a. Kohhran thianghlim ho sak Jerusalem temple khu hnamdang ka enpui ve ta zeuh zeuhva, a impression a tha khawpin ka hria. Mizoram kohhran ropuizia pholangtu a ni. An peihfel hnuah vantlang tan engtiang chiahin nge a tangkai ang erawh ka ngaaihtuah phak piahlam thil a ni. Synod bakah Baptist in Lungleiah, Lairam kohhran in Lawngtlaiah, ECM in Saiha ah Mizo Christian heritage tih tling thalh hi sual hlawm se a tha ang chu mawle.

    Report this comment

  16. 16
    chhana Says:

    Vin tam chiang.

    Report this comment

  17. 17
    VaiVa Says:

    @Charice_mizo #13, uluk takin chhiar la. Ka ziah tum chu ka thukru lo e :P Ngaihtuahna i lo sen avangin ka lawm e (Y)

    Report this comment

  18. 18
    Dr John Says:

    (Y) Mizoram Presbyterian Kohhran hi Pathianin Mal a sawm a, a Awmpui a, a Hruai zel a ni tih ti-chiangtu pawimawh tak pakhat chu ‘Thilpek’-a a Dinhmun hi a ni. A hmangtu leh mawhphurtuten dik tak leh a nihna tur ang taka an hman theih nan i tawngtai-pui zel ang u.

    Report this comment

  19. 19
    Hruaitluanga Bawitlung Says:

    Post hranah tuna i post hi ka la rawn chhang ve ang che.

    Report this comment