Phak ang tawk tawkin Mizoram ka lo thlir ve a

May 24th, 2013 11:04 am by Henry Vangchhia

Tunlai Mizoram hi a tunlai lo thei hle mai ka ti. Mizoram chhungah chauh kan awm vek thei bik si lova, ram pawn lam a awmte kan zak thei haih haih hle mai. Kan chhut thui lo thei hle niin a lang fo mai.

Saikhumphai khua, Mizoram electoral roll ah pawh vote nei tam tak awmna chu Vaphai khaw mipui ten, an khaw mi zirtirtu in leh biak in tih loh chu an hal chhe vek niin a lang a, a pawiin Mizo thenkhat ten dan leh hrai kan zah loh zia a lang a a pawi tak zet.

Laipuitlangah in rit lutuk, a hnuai lei hnawngin a dawl loh vang niawm tak chu chimin in leh lo nei lo leh nunna chan phah an awm nawk mai, a pawi hle mai. Kalta te thlamuang takin chawl mawlh rawh se! “Thiah tur a tih thiah loh vang,” tih a awm a, tak tak a nih chuan a pawi vawng vawng.

Pu Lalthanhawla (spelled Lal Thanhawla) chu Hindu sakhua biate zingah a socialize a vangin opposition party-in kawngzawhna a nei a ni awm a. Mawi lo an tih chu an auchhuah pui a ni a, dan pawn lam thil a nih loh hmel a, a tha viau zel e. State pawn lam, Mizoram min chawmtute lamah, “Christian extremists..” ti hian chanchinbu leh sawrkar lamah kan than leh hat pawh pawi kan ti lo anih chuan a sual lem lo thei. Kristian kan inti ni miau a, milem biate karah kan hruaitu awm kan duh lo a ni ve mai. “Rights” kan nei ve tlat! Pu Hawla pawh chuan a aiawh sakte hnenah insawifiah a tha viau maithei!

Ramdang mi, India visa leh ILP nei ngei tur a ngaih chuan a “right” hre ve thovin Johana 8:7 thu a tar chhuak a ni awm a. Kutthlak duhna rilru nei kan awm a nih hmel a, a pawi ka ti takzet. India ramah hian kan ngaihdan kan tarchhuak thiang tlat a ni mitinin. Mikhual a nih vangin a tar lo tur a ni chuang hauh lo mai. Midang kutthlak duhna rilru kan neih thin hi kan sim a hun takzetin ka hre ve tlat.

Tlipna: Mizoram mipuite hian ramdangmi keini aia changkang lova kan hriatte hi kan ngaithei vak lo niin ka hmu (ka hmuh dan mai a ni). A nih chuan takam (Chakma) te hi enge kan ngaihdan le? A kum ka hre ta lova, “Mizoram chhungah kum…. ? a awm chin leh an thlahte chu Mizoram citizen ang a ngaih an ni,” ti zawng a ziak kha awm tlatin ka hria a. A awm a nih chuan, an pung chak lutuk hi en chik a ngai viauin ka ring ve tlat. Refugee thin kha tunah chuan ram aiawh pawh kan nei ta zel mai anih hi. Lusei tawng hmang lovah Mizoram a tamber a inchhal ngam a kan siam tak hi le!

Just a thought!

Similar Posts:

Recent Posts:

41 Responses to “Phak ang tawk tawkin Mizoram ka lo thlir ve a”

  1. 1
    Chemtatrawta Says:

    Johana 8:7 hi Pathian, sualna nei lo ka atang chauha chhuak tur a ni a, mihringin kan lo hmang thla ve chhen hi a dik lo hul hual a ni; chumi avanga Kristiante’n kut kan lo thlak anih erawh chuan thutaka awm tawh kan nih tawh chuan kan tihtura mawi lo hul hual a ni. Nangmah i inhmangaih angin i vengte i hmangaih tur a ni tia thu min petu thu nen chuan a inkalh deuh e. Khawvela Chanchintha hril tura min ko hrangtu hmaizah a na duh thin ngei e.

    Points dangte khi chu ka (Y) hlawm em em e.

    Report this comment

  2. 2
    mach3 Says:

    Keipawh American pa khi a thiam lo lailet der ka ti, Hindu ho zingah te, Muslim ho zingah te han ti ve ta se a tuar tur chu a rapthlak viau ang. Mipui an pung khawm tawh chuan rilru hi a chawmawlh tawha tianga ati ngam khi a mawl ka ti. Tin Bible chang hi duh2 in thlan sak ngawt chi ani ber lovang, ani sap pachal pawh “He ram ah hian awm la rinawmna um zel rawh” tih lai kha han thlan sak ve ila chu a hawi lawl2 lawng maw? A tawp nan MNF kawng zawh hi ka support miah lo, ho ka ti, mahse sap pa lak erawh ka tran ve tlat.

    Report this comment

  3. 3
    SHauzelSailo Says:

    I ziak thra hle mai, ngaituahna ti thui leh ngaihtuah zawm tur tak ani. (Y)

    Mahse, Vaipa chuan, ‘Sualna nei lo chuan denghlum rawh u tih chu,’ nilo pui pui in leh hman loh na tur puipui ah Pathian Thu lo hmang niin ka hria.
    Lalthanhawl’a chu vuak an tum emaw denhlum an tum poh ani chuang lo ni lom ni.

    Tin, MNF leh mipuite chuan milem biak vanga kawng zawh chauh lovin, a thupek dang pakhat Chawlhni Saturday serh lohvang te hian zoh zawk se, banner nen ‘Chawlhni Sabbath kan serh loh vang a kong zoh kan ni,’ ti se.

    I ram I ron vei a, a thra khawp mai, I ziak thra e (Y)

    Report this comment

  4. 4
    SHauzelSailo Says:

    Hnamdang pa tih na.
    Ni e, Isua hnungzuitute kan in tih chuan, ngaihdamna A neih ang kan nei ve tur ani a, hriatthiamna leh tuarchhelna nen. (Y)

    Report this comment

  5. 5
    Borat Says:

    Pathian thu awih hawt lo Kristian anga kan en lui tlat hi bansan ang u. Kan ram rorelna ah Kritianna in hun a chang tur ani lo. Secular ram anih hi. Kristian angin in en tawh lo ila corruption pawh hi do a awlsam phah ngei ang. Corrupt hote khawngaihna kan lantir tlat hi kan thanmawh bawk anih hi.

    Corruption vangin minister te an dawhzep a, “Tlawmngai pawl” a.k.a. NGO an huangtau vam, thui ber emaw an inti a. Sorkara mawhphur turte an kel e awl then a. Hlawh leh motor tam deuh deuh hmangral lawi siin.

    A! Kan ram riangte hi tute mahin min bengkhawn loh hi. Phailam atang suma min tlawn lai hian zawi zawiin kan ral mek zawng ani e.

    Rual ute fiam thua, “Khawvel chhuahsan ila Burma ramah pem mai ang” tih theih ani dawn si lo, an mi leh sate lo chhaih kawlh tawk an tam si. Tih ngaihna tak a vang. Kan awm dan tein kal bung bung ula, engineer, babu leh politiciante tal an hausa alawm le.

    Report this comment

  6. 6
    Lersia Says:

    Hotupa ka ziah lai mek min post khalh :-(

    I ziak tha thlawt tho e … :-)

    Report this comment

  7. 7
    boihapa Says:

    Takam ho hi palian lalte khan khua leh tuiah an lo nei ve tlat thin a, Chuvangin Mizoram khua leh tui nihna nei chin chu an awm ve ngei mai. Amaherawhchu raltlan anga rawn lut ru an tam tawh zawk hial ang tih a rin theih. Khua leh tuia pawm theih chin bithliah chu awm ve ngei mahse, kan politician ho hian thuneihna duh lutuk hian an tikhawlo zo vek ni awm takin,anmahni politician ho bawk hian inbeih nan teh an hmang hlawm chu a nih tak ber hi! He kawng zawh chungchanga ka thlir ve danah chuan, kawng zawhtute pawh an dikin ka hre chuang lo (an zawh chhan kha thuneihna thlakhlelh vang niin ka hmu tlat, Pathian lama thahnemngaihna a nih erawh chuan thu dang nise.) CM pawh milem bia tih theih tura a khawsak avangin a dik ka bik lo bawk. Dik tak chuan Pathian nung Engkimtitheia hi chu thinlung leh tihtakzeta biak a tul zawk laiin, milem biak erawh chu tihtakzeta a tul hran lo. Tih mai mai hi milem biak nan a tawk reng. Lal Saula pawh khan Pathian thupek angin a ti takzet lo a, ama ngaihdanin a ti vel vei ngawt a, milem bia nen suar khatah khungin a awm tak der kha. Inthlan kum a ni si a, boruak duhawm lo laka kan fihlim theih nan ram pawn lama Mizo hnahthlak zawng zawngte tawngtaisak pawh kan mamawh viau a ni.

    Report this comment

  8. 8
    Sihtea Says:

    Hnam ah chuan, Pathian nung bia a in ti cham chi thin a. Tun ah chuan,
    Pathian nung lo pawh a TIH ta a. A zah zia leh a TIH zia lan tir nan, CHIBAI a buk a ni mai. Hnam dang pa khan,
    a tih loh tawp tur a ti ni in ka hria.
    VAI ho kawng zawh na ah han ti na teh se, kar lovah a chil hlum a ni mai.
    Tawng hun a awm a, ngawih hun a awm
    tih thu fing kha a chhiar lo a ni mah na.

    Report this comment

  9. 9
    chhangte_ll Says:

    Hmanlaia Lusei tawngbil leh tuna Mizo tawng kan tih hi a danglam viau tawh asin, Herr Henry :-S

    Report this comment

  10. 10
    Sihtea Says:

    Hman lai chu sawi loh, tun hnai
    1980 leh tun in kar ah pawh hian,
    kan Lusei tawng hi a dang lam viau a ni’a. Tawng hi chu, a dang lam thin ngei a lawm. Bengkhuaia leh Vanhnuailiana kha rawn tho leh ta se,
    kan tawng hman mek hi, hriat loh an ngah viau ang.

    Report this comment

  11. 11
    H.Vangchhia Says:

    Eng hnam pawh nise, India ramah hian mahni ngaihdan chu kan tarchhuak thiang vek awm e.

    Mahse, savage tak a chet ching, mob rule ang chi lova tangrual hleithei lo fo, keini Mizo te kawngzawh lai chuan tih chi loh tak a nih hmel.

    A tarchhuah chhan pawh zeldinthuin kan sawi leh theih zel mai hi maw. A tar chhuah hun pawh a fuh bik lo hle. Tikhan kutthlak duhtu an awm zel a, a tan leh hetiang tih tum tu turte tan chuan Mizoram ang a ti leh tur chuan inngaihtuah nawn fe a ngai tawh ang, kan kut a ram hlawm em mai. Tin kut thlak duhna rilru neite pawh khan, an mahni tlemte vang khan Mizo zawng zawng, Mizoram a awm leh Mizoram pawn a awmte mualphona a thlen thei tih hrethiamin chhut thiam ve thin sela ka ti khawp mai. Tikhan MNF party an ti mualpho nghal bawk tih an hrethiam ang em le?

    Chhangte_ll, Tun a kan tawng hman mek tih lovah Chakma tawng hmang an tamber tawh tihna a nih khi.

    Report this comment

  12. 12
    chhangte_ll Says:

    Herr Henry, han sawibelh tur vak ka hre lo. Tobul Mizoram mahse Nu leh Pa hnathawhna avanga Mizoram pawn a seilian ka ni tlat. I sawite khian engtin tak keimah ber pawh hi min lo ngai ang maw tih lam ani zawk e :-S

    Report this comment

  13. 13
    Chemtatrawta Says:

    Kan ngaihdan kan puanchhuah avanga midangte rilru tihnat hi dan pawhin a phal hauh chuang lo. Right to Freedom kan neih hian midangte pawikhawih lo tura Duty kan neih pawh a keng tel tih kan hriat a tha awm e.

    Report this comment

  14. 14
    H.Vangchhia Says:

    Chemtatrawt, A right a hman naah midangin dan lovin, kut thlak duhna hmangin mi pawi an sawi a ni mai. Khatiang kutthlak duhna nei mi tlemte vang khan nang leh kei, Mizo zawng2 khawvelah kan mualpho thei a ni.

    Ka thianpa thusawi:

    Hmanah chuan SAP (Mizo Nilo) in “Isua hi lo ring ve tawh rawh u”, an rawn ti a. Mizo (Midang aia intih Nationalist em em uar hma a ni) mipui ten an thu sawi ringin Christian ah an in pe a. Mizo te tan mi ropui leh hlu, kan Missionary te tia, zah taka kan hriat zui an ni.

    Nimin ah SAP tho in Aizawl khawlai ah Bible Chang ziakin a lo keng lang a. Kan dawnsawn dan a dang ta hle mai. Kum 119 meuh a lo ral chuan he hnam hian fel lutuk ah kan in ngai a, kan mamawh tawh loh, mi hrilh atana kan khek thu min rawn hrilh ah kan ngai nge ni…..

    chhangte_ll, ka thian duh tak, Mizo tha tak tak an tam laiin, tlemte, intifing tak, Mizo nih zahthlak khawp a chet mawi loh hreh miah lo leh chutiang tur chhut thiam miah lo khawp a fing leh fel bik tamnaah i awm ta anih kha. :(

    Report this comment

  15. 15
    Chemtatrawta Says:

    H.Vangchhia, a RIGHT a hmannaah khan ‘Midang pawi a sawi em?” tih zawk kha a zawhna a ni. Kutthlak duh khawp an lo awm kha chu a dik lo hul hual a, amaherawhchu, a right exercise khan midangte right a nek buai anih chuan, democracy ram anih angin mi pakhat right exercise avangin midang right nek tawmin a awm tur a ni lo.

    Report this comment

  16. 16
    Khuangpu Says:

    Sap kawlhrawng tak ani. Vai ni chiah phei se chu a nununa atana pawi khawpin an sawisa duh hial ang.. Kan ngaisang em mai pawh a a vannei lellawl khawp alawm.

    Report this comment

  17. 17
    chhiartu Says:

    Ka thianpa thusawi:
    Hmanah chuan SAP (Mizo Nilo) in “Isua hi lo ring ve tawh rawh u”, an rawn ti a. Mizo (Midang aia intih Nationalist em em uarhma a ni) mipui ten an thu sawi ringin Christian ah an in pe a.Mizo te tan mi ropui leh hlu, kan Missionaryte tia, zah taka kan hriat zui an ni.
    Nimin ah SAP tho in Aizawl khawlai ah Bible Chang ziakin a lokeng lang a. Kan dawnsawn dan a dang ta hle mai. Kum 119 meuh a lo ral chuan he hnam hian fel lutuk ah kan in ngai a, kan mamawh tawh loh, mi hrilh atana kan khek thu min rawn hrilh ah kanngai nge ni…..hei hi a dik viau mai a…hmanni a kawngzawh kha kristian ram kan nih avanga kawngzawh an nih chuan..

    Report this comment

  18. 18
    H.Vangchhia Says:

    Mi muthilh hunah pawh bible chang khat mai nilo, a pumpui chhiar chhuah pawh kan pawisak loh laiin, bible chang khat, kan mizia deng dawt thei phawrh chhuah a thinrim tlat mai chuan a “Kristian” intih pawh a fel tawh dawn em ni le. Kan sakhaw vawn Kristian zirtirna kan zia nen a inmil tak a rawn phawrh a ni mauh mai si a. Inzir nan kan hmang zawk tur a ni dawn lawm ni?

    Report this comment

  19. 19
    Art-a Says:

    Kutthlak duhna rilru pu an lo awm a nih chuan a tha hauh lo mai. Chutih rual erawh chuan Kutthlak duhna rilru pu lo an awm ve thova, an duhdan a lal ta zawka sap vannei tak a ni.

    A tirah pawh police te’n a thiltih chuan thil tha lo zawk a thlen ang tih hlauhthawnna avangin inchhunga lut turin an ti a, “Ka in alawm” tiin a tang tlat a, a lut duh lova ‘tiang kha a thleng ta a ni. Mizo chu sawi loh, Indian citizen pawh nilovin khatiang a lo ti kha chu, a zia lem lo khawp mai. Mizote zawk paw’n tiang nikhuah chuan kan thlawp lo a nih paw’n ngawih ka chuh thin a nia!!

    Mi ramah ‘tiang khan Mizo pa-in lo ti ve ngawt se, ani ang hian a vannei kherin ka ring lem lo ve. Kawngzawh tute khan an tih loh tur an ti a nih chuan, he sap pa hian a ti loh tur a ti lehzual… tan chiah ka ngai ve leus.. Mungtea lah lah :-p

    Report this comment

  20. 20
    H.Vangchhia Says:

    Dik lohna miin an hrilhin, mi fing/mi pangai chuan inzir nan a hmang thin a, mi a erawh chuan a nundan an hailan chu thinrim nan a hmang hlauh thin thung. Chutiang tur chuan a ni bible pawh kan chhiar a, kan zir a ngaih thin ni; nun dik kan neih theih nan.

    Zeldin thu hian kan rilruah ro rel lo hram sela, kan zia zel mahna.

    Tunlai Mizoram boruak hi a TUNLAI LO thin khawp mai. :( (N)

    Report this comment

  21. 21
    THELH LOH HMUITAWK Says:

    mizoram border ah te hian institution changtlung tak tak dah ta se Aizawl leh a chhehvel hnai atang a khaw zar pharh tial tial lam ni lovin.border venhimnan pawh hmun pawimawh te hi ramri bulah hung ta thluah zawk ila development chu zawi zawi in chuti zawng chuan her ve tel ta bawk se .a that ka ring.border lam ruak a dah ngawt lovin mipui pawn an bawh ve ang a tha phian ang.Tichuan ramri pawh Mizo mipui tha hnem tak chenna a lo ni dawn a ni

    Report this comment

  22. 22
    sheldon Says:

    A vei awm bawk ani kan ram hi.

    Kawngzawh chungchang hi chu a ho ka ti. Eng kan zawh chhuak chuang dawn pawh ni lo, an peih mai mai. Traffic an ti jam nasa mai mai lek :-D

    Report this comment

  23. 23
    Sihtea Says:

    Tun lai chu SKP leh Phungchawng RV
    Pu.Pathiannungbetawhlova a zar ah,
    misual.com pawh a hot ve leh ta e.
    Pu.HV-a i tang ulh lu tuk i hah thlawn mai mai ang e. Thu fing ah khan
    mi a chuan, thil tha lo a hmuh in
    a tawn lui thin a, a tawrh phah thin tih te pawh a awm kha maw maw le.
    Kan mi khual hnam dang pa hian,
    a lo la chhiar lo a ni mai lo maw?
    Hman ni ah kei paw’n tawh sual ka tawng ve tawh. Silchar piah Kaline an tih kiang ah khuan, mipui thin rim in kawng pui an lo dang bet a, eng mah hriat tir na leh kha tar mah a awm si lo va. Motot a lo ding thup mai a, Traffic jam pa ngai e maw kan ti a,
    kan kal zel a. Mipui thin rim pung khawm ho awm na kan va thleng chiah mai chu le, eng khaw sawi set set lovin,
    min rawn tlangchil nghal buan buan mai a, ka van nei a siam in, ka Motor ka back phei thei hlauh va, tlem a tlem ah, kan thi lo chauh maw le. Kan Motor e rawh a khem ve nual mai. Hre reng chung a va kal lui pawh kan ni lo leh nghal. Kan mi khual pa hi chuan,
    Mipui lung awi lo kawng zawh kha a hmu reng a, a zuk chhaih vei a nih kha maw le. Chu tah kal lo tur a an hrilh paw’n a duh lo a nih kha. Thu dik pawh hi sawi hun leh hun lo a awm ve bawk a ni’a. I awm na ram ah mipui thin rim in kawng zawh ta se, an mah ni, kalh zawng in, thu lo tar chhuak ve la, khawih duh tawk che chu an awm ve ngei ang.

    Report this comment

  24. 24
    mach3 Says:

    @Art-a, i thu sawi khi adik anih chuan ka thlawp khawp mai. MNF ho hi ka tran miah lo. Politics khelh nan Pathian thu an hmang ka lo tia. Mahse sap pa hian Bible chang duh2 alo thlang ringawt hi ka ei lo hle.

    Report this comment

  25. 25
    muansakhi Says:

    Han sawizui zel teh ule.

    Report this comment

  26. 26
    chepahakhata Says:

    Ziak tha hle mai. Tharum thawh leh Human Rights namnul kan chin fo chuan keihmani kan intihming chhe zel dawn tihna a ni.

    Report this comment

  27. 27
    PKfanai Says:

    Saikhumphai hal leh Laipuitlang inchim chhiatna te khan min thawng na ve khawp mai. MNF kawngzawha sappa khan eng rilru pu a lo ti ve ngawt nge anih ang aw? Anni hi an rilru a zau a, Hindustan-a awm kanni si a, min hlauhthawnpui pawh a ni mai thei e. A chetdan kha chuan, ‘atthlak’ rawng a kai lek lek mai. Vai ramah khatiang khan ti ta se, him-damin a chhuak kher ang em aw? sap kan ngaisang em mai a, a him hram hramah ka ngai. A atthlak ve deuh chu a ni.

    Report this comment

  28. 28
    malsta27 Says:

    Tha hlawm viau mai like3.

    Saikhumphai chungchang hi chu mimal ngaihdan mai2 chuan, Bawkte ve mai thin, mahse phaizawl nei tha zawk leh foreign trade awm theihna hnai zawk, economy lam a thang duang tak, a tira engahmah a an ngaihloh lo lian chho ta vanga itsikna vang anih ka rin tlat pek chu. Chumi avanga nghawng tha lo thlen tawh hnu a, insawi thiam nan a communal feelings sensitze vak a ang ber mai awm e……..political boundary avanga hnam khat unau te pawh thliar hran luih vakna a nih ber mai hi maw……..

    Vai pathian biak chungchang hi chu hman deuhah khan ka post tawh a, vai pathian biak dan tradition/practices thenkhat va tihve avanga Vai pathian biakna rituals(tradition pangngai nilo) anga exaggerate vak hi a thatna ka la hmu thiam ve tlat lo. Kawgte an zawh ta hial leh nghal.

    Sap pa chungchangah hi chuan a tar hun hi fuhlo deuh bakah an lo inngaihbel theih tur ang chi alo nih vang nih deuh ber mai awm e a………..ram hi chu vei awm ve pangngai.

    Report this comment

  29. 29
    THELH LOH HMUITAWK Says:

    Vai ram khawpui pakhatah pawh Orissa a Christian tihduhdah chungchang a Indian mi hrang hrang protest a kan lo thutkhawmnaah pawh foreigner hmeichhia leh mipa auto rickshaw a chuang ten min rawn tlan pel pah in protest chu an rawn hmu .Minute reiloteah chuan kan hnung lamah lehkha khawngah an demna thu in ziak hi an rawn keng a an lo ding ve tawp mai.Tumah chuan engtin chuan an ti lem lo a .

    Report this comment

  30. 30
    mach3 Says:

    @THELH LOH HMUITAWK, in case nen chuan a dang deuh hlek anih chu. Protest tu an rawn trawi awm ani zawka i sawi hmang khian. Tin protest tu thlawp lovin rawn protest chhawng mahse kut an tuar lo maithei a chhan chu vairam ah Christian majority kan ni lem lova. Han khaikhin chi ani lem lo i case rawn sawi nen chuan.

    Report this comment

  31. 31
    H.Vangchhia Says:

    Mahni nun/chezia nen a inmil deuh miten min hrilh hian fingvar lo chi tan chuan thinrim awl deuh a ni reng a ni.

    Bible hi enge kan chhiar a tulna chhan?
    Bible-ah hian mihringten nun dik leh tha, nakin thleng a kan thlarau tan pawh a tha hriat tur leh zir tur tha tak tak a awm vang niin ka hria. Chutiang tur chuan bible pawh chhiar turin kan infuih thin niin ka hre bawk. Mizo te kan chapona ber pakhat chu, “Kristian ka ni” tih hi niin ka hmu. Kristian awmzia nia ka hriat chu “Krista zuitu” kan nih vang ni bawkin ka hria.

    Krista zuitu chuan enge a mawhphurhna?
    Krista zuitu chuan a nihna, “Kristian” a nihna, angin Isua Thuthlung thar chu a zawmin a theih ang angin a zir zel tur niin ka hria.

    Bible chang pawrh chhuah hun engtik nge?
    Bible hian zirawl nan bung (chapter) leh chang (verses) a then a nih ang hian, chang mal tinte hi kan nitin nun mil thei turin a tangkai em em thei a, phawrh chhuah hun chu kan mamawh hun laitak a ni lehzualin ka hria.

    Sap mikhual khan a phawrhchhuah hun kha a dik lo em?
    Sap mikhual khan kan khawtlang nunzia a hmuh dan angin, Kristian ram kan nih vang emaw, Kristian a inchhal kan nih ve tal a vangin kan hriatthiam theih tur leh kan hriatthiam awlsam ber tur a a rin leh khawvel hmundang, Kristian leh ‘tian lote pawhin min thlir reng hriain a rawn tar chhuak a ni theiin ka ring. Midang zawng pawhin an rindan leh hmuh dan an sawi a, ka thlir ve thiam dan ka sawi mai a ni thung.

    Mi tlemte vangin khawtlang, pawl, ram pum, hnam pum a mualpho theih tih hre rengin, kan thil tih chak zek zek pawh insum a finthlak chang a awm fo!

    Just a thought.

    Report this comment

  32. 32
    thlengtlawrzuana Says:

    ka comment khat ta hle mai,sap pa hian a hun takah alo tar ah ka ngai,kutthlak duh khawp an awm chu thil chiangsa (an kawng zawh chhan leh pathianthu nunpui lo tu tan chuan)kan nihna diktak atha zawng emaw ache zawng pawha kan hriat hian mahni I in fiah fo ang u.dikna laka kan dawih zep thin vang hi alawm kan ram a he tih zawhh tak……

    Report this comment

  33. 33
    tualzik Says:

    Ka ram hi chuan ‘hruaitu tha’ kan mamawh takzet ani. Mahni state chhung a High Court din ngam, mi dik.
    Hruaitu tha kan neih chuan kan fel duak theih ka ring tlat ani.

    Report this comment

  34. 34
    chepahakhata Says:

    Dik lonaah pawh insawi mawi talh leh midang pawn an ti ve thaw ang tih zawng a thiam inchan tir talh kan la tum thin hi chu khua a va han var lo tak e aw!! Kum sangbi thar-ah kan awm tawh kan thil tih a piang chawp leh chilhin internetah thehdarh theih a ni tih hi hriat tur, hnam mualphona a thlen loh nan tharum thawh leh Human Rights namnul mai mai te hi ban san tawh rawh u.

    huaisen ber niawm takin a huho a kutthlaknaah chuan pawr thei fu si a,Mizoram pawn chhuah meuh chuan arkhual ang mai meikhup zu zu a awm tur hi, mahni ramchhungah a tho lo zawngin in pawr em em mai, dik leh thiam lah chu in inti em em zel mai a.

    Report this comment

  35. 35
    THELH LOH HMUITAWK Says:

    @mach3 i ti dik a lawm ka case sawi nen chuan a dan hretna chu an rawn protest pui chu a ni mikhual te chuan.31
    H.Vangchhia sawi second last paragraph a mi khi ka thlir dan deuh chu ni ve mai e.Hei pawh hi @malsta27 Says “Sap pa chungchangah hi chuan a tar hun hi fuhlo deuh bakah an lo inngaihbel theih tur ang chi alo nih vang nih deuh ber mai awm e a………..ram hi chu vei awm ve pangngai. “

    Report this comment

  36. 36
    Hotunu_pasal Says:

    Kan in ngaihbel hi chuan kei mahni lamah dik chiah lo a awm ah ka ngai. Ani Pathian thu chang lo lek chhuah in ngaih bel a thinrim rik ngawt mai chu zia lo ka ti kei chu. Ka hmuh laiin lo keng chhuak se ka huat ngawt ka ring lo tlat mai.

    Report this comment

  37. 37
    littlerascal Says:

    Sap pa an khawih in tih khi han sawi chiang deuh teh u a, special report ah ka zawng a, ka hmu bawk silo a….

    Report this comment

  38. 38
    H.Vangchhia Says:

    littlerascal #37. Hemi thu, bible thu alo tar chhuah hi an mahni nihna phawrhah an ngai ani mahna!! “Mi a chuan an nihna sawi an hua a, mi fing erawh chuan inzir nan an hmang thin,” an tih kha maw!

    http://i.imgur.com/6XHIrwN.jpg

    Report this comment

  39. 39
    mach3 Says:

    Kan ti leh hram teh ang, he bible chang hi tunlai hian misual/thil tisualtu te humhim nan hman an tum nasa thin. Isuan a hman hun kha chu pawi mawh tak mai thih leh dam in kar tak meuh2 kha ani a. Thil dangah relevent lo tak2a an hmang thin hi pawi ka ti.

    Report this comment

  40. 40
    littlerascal Says:

    Thanks @ PU HV
    An va ti ang lo bawk ve, kut inthlak truk truk hi uar a hun tawh lo asin mawle.

    MNF ho khi an hman ltk a nih khi, hnathawk rawh se LOLZ

    Report this comment

  41. 41
    web: haydayhackscheats.Com Says:

    web: haydayhackscheats.Com

    Phak ang tawk tawkin Mizoram ka lo thlir ve a | mi(sual).com

    Report this comment

Leave a Reply

You must be logged in to post a comment.