Laipuitlang Chhiatna Chungchang – Where’s the Disaster Management Plan?

May 21st, 2013 2:11 pm by maruati11

Laipuitlang a chhiatna chungchang ah khan a Victim te (Thiangfal a mite) kha ka lainahnaite an nih avangin thil tamtak famkimlo ka tihte ka han share ang che u.

1. Disaster Management Plan hi fel tak a siam a nitawh a, District level a mawhphurtute ( Langsar zual ) chu hengte hi an ni.

Responsible Officer     - Deputy Commisioner

Incident Commander – Supt. of Police

Deputy IC                     – Addl. DC

Liason Officer             – SDO ( Sadar )

Safety Officer             – SDC, i/c Disaster Mangement

Information & Media Officer – District Information&Public Relation Officer

Operation Section Chief      – Addl. Supenrintendent of Police

2. Heng ka han sawilante hian an tihtur feltak a ruatsa vek an ni.

3. Kan hmuhleh kan hriattheuh ang khan tunhma aichuan SDRF te kan lo nei ta a hma chu kan sawn khawp in ka hria, mahse zawhna a tam khawp mai……..

Zawhna:

Q.1. Aizawl DC hi a la naupang deuh nge a tihtur a hre vak lo a thei em,  DM plan kha a hre ve em aw?

Q.2. Incident Commander ah khan engvanginnge Traffic SP a awm daih theih! Aizawl SP hian by designation in IC a ni tih a in hrelo a mi?

Q.3. Information Centre kha engatinge YMA in an enkawl!? Khawnge Information & Media Officer, enge a tih ve?

Q.4. Ni 13.5.2013 zan a kal zel dan tur relna ah khan CEC member (YMA) te kha an tel ve ngai em ni, Responsible Officer in a hnuai a mite nen an ngaihtuah chi a ni zawk em?

Q.5. Engvanginnge Electronic Media person thenkhat khan Operation neihna hmunah interview an conduct theih, tunge phalna pe, censored an ni em?

Q.6. Incident response system hi chhiatna khatiang a lo thlem khan Tan nghal tur a ni a Command post pawh awmtur a ni, khawnge a awm?

q.5. YMA member te leh Branch hruaitute hian kan duty kan hai lek lek em, kan inrawlh lohna tur thleng thleng kan kal palh em?

Heng zawhna te hi chhan a har vak lo ang, ka hma hun ah hian kan Chhiatna te hi kan la tawng leh ngei ngei dawn a, kan lo inruahmanna hi chu zawm a tha khawp mai.

 

Similar Posts:

Recent Posts:

17 Responses to “Laipuitlang Chhiatna Chungchang – Where’s the Disaster Management Plan?”

  1. 1
    chhangteval Says:

    YMA deuh vek kha an che zawk a ni lawm ni? YMA te kha awm lo se kan mualpho zawk fu lo maw??

    Report this comment

  2. 2
    Borat Says:

    Good questions. YMA lalna rama awm kan nih hi.

    Sorkar hmuthlu (mihil) thlan tlin kan thiam phian si a. Sorkar sum pawh hi CYMA hian enkawl law law sela, law & order hna an thaw reng tawh si, a pawi dawn em ni?

    Report this comment

  3. 3
    drake Says:

    OT:- ding lam sir a…vai hming awm teuh..thuiter intih emaw hi a hnawk e ka ti @baluman
    /zawhna zawh awl tak..chhan har tak te an ni

    Report this comment

  4. 4
    SHauzelSailo Says:

    An awmna leh thawhtur ang ang chu thawk se kan ti. (Y)

    Report this comment

  5. 5
    chhana Says:

    Good questions. But, i don’t know, how to response.

    Report this comment

  6. 6
    Mr. Holms Says:

    Nia… YMA lam leh SDRF te kha an combination a tha tawk lo ka ti. CYMA Disaster Volunteer te kha khawnge an awm? HM in SDRF te fuih paha a chhan fiam lai a Branch YMA hruaitu pakhatin thu la kawi a, an in punkhawm chiam mai te kha a rilru tet thlakin an combination that loh zia chu a ti lang chiang viau in ka hria. Tin, SDRF te khan hmanraw man tam leh tha pui pui nei thei si in tualchhung atanga lei mai theih Tuboh,Chheni,Ara tih vel kha a tangkai tehlul nen engatinge an neih si loh? Mithi tawh delh beh nge pawimawh mi nung au rawl?

    Sawi tur a va tam em..!(C)

    Report this comment

  7. 7
    muansakhi Says:

    I rawn sawi khi chu Plan A a nia remchanzawkna avangin Plan B an hmang ta zawk…emaw nile?

    Report this comment

  8. 8
    bbney Says:

    A nih tur ang hian a ni thlap thlap ta thin lo a tin a ni.

    Report this comment

  9. 9
    Awmtea Leo Khiangte Says:

    Zawhna bengvar thlak tak tak a nih hi a… Han chhang hlawm teh un.

    Report this comment

  10. 10
    hltau Says:

    Khauh khauh mai ang, hetiang a, tih hi a tha, kan fimkhur phah nan

    Report this comment

  11. 11
    Hriatpuia pa Says:

    Zawhna tha tak a ni. Chhanna awm tak maw?

    Report this comment

  12. 12
    kotlaman Says:

    1. Aizawl DC hi kum 40 kai hnai vai tawh a ni, a naupang chhia lo. a tih tur pawh a hriat ka ring. Mahse CYMA-raj hnuaiah chuan inrawlh thiam a har khawp ang.
    2. IC-a Traffic SP awm kha a bu ang thlap chu a ni kher lovang, mahse remchan zawkna avangin a awm taah ngai ang. SP theuh theuh!
    3. Information centre pawh pakhatna chhanna ang tho bawk- CYMA ten a meizanghlaptu ber nih an chuh tawhnaah chuan DAN-in awmzia a nei thui thei tawh lo thin!
    4. Hei pawh hi 3-na chhanna anga chhan chi.
    5. Media overkill a ni. hrethiam ang. khawiah mah disaster incident an la report ngai lo a nih hmel.hmana champhai inkah hlum case-ah pawh hmuh nuam lo tak tak thlengin an tih lan chiam tawh kha. inzir an ngai e.
    6. Command post chu CYMA!!! ngaihtuah zui mai teh
    7. Hei hi ngaihtuah chian ngai lai chu a ni. YMA tlawmngaihna tih lan hun leh hmunte, YMA inrawlhna tur chinte, a bika training nei tawh ho thlahfal thiam hunte, a ngaihna hria kuta dah ngam hunte, CYMA lo inrawlh ve hunte, defender of the welfare of Mizo hi CYMA a ni phakah kan ngai em tih te hi chhut ngun ila. Tun dinhmunah chuan YMA not CYMA hi kan ram kutke ber an la nih tlat avangin thiam taka sawrkar leh CYMA hian enkawla zirtir a tul.

    Post tha tak a ni e.

    Report this comment

  13. 13
    Borat Says:

    Kotlaman, i comment tha kher mai.
    Sorkar officer ho hian NGO te nena thawh ho hi an traning ah a tel lem lo niawm tak ani. Post tu zawhna chhang tur chuan eng ang chi nge administration kan neih, tih inzawh phawt a ngai bawk a. I thlir thui khawp mai. Ka lawm e.

    “Meizanghlaptu” khi Sap tawngin engin nge kan ziah ang aw?

    Report this comment

  14. 14
    TuaiSialA Says:

    Zawhna rau rauah thu fûn a nei tha khawp mai.

    Report this comment

  15. 15
    H.Vangchhia Says:

    Keini awmna lam kan sawi ve mai mai ang e:

    Incident command ni tur hian keini lam (USA) ah chuan a hmun thleng hmasa, disaster management course train chhuak tawh (Police, emergency medic/fire fighters) kha IC a ni nghal. A hnuah a aia tlin zawk an lo thlen chuan chumi chuan a chelh zui thin…engkim thil awmzia an inhrilh hnuah.

    Training nei lo mipui an tel hian thi lo tur pawh an thih phah thei fo. Chuvangin, mipui vantlang chu thil tih chim theihna, tawhsual tawh palh theihna hmunah an awm khap tlat a ni.

    Mizoram a disaster management system hi a la naupang a, an phak tawkah chuan an titha ve viauin ka hria. Pawi ka tih erawh chu (ka zawhna min chhanna atanga ka hriat), vantlang lamah mahni hunawl pe a rescue etc. train peih an awm mang lo a nih hmel, pawi ka ti vawng vawng. Mahni, thenawm, khawtlang leh ram tan pawh tangkai thei turin mahni hunawl emaw, hunawl insiamchawpin training nei peih awm fur mai sela chuan hma kan sawn khawpin ka ring. Engkim mai hi sawrkar tih turah dah lovin, kan tih ve theih ie., training neih chu kan tih ve makmawh niin ka hria. Sawrkar a indaih vek ngai lo.

    FEMA hnuaiah leh US Fire & Rescue/EMS lam a ka training neih ve tawh fahrah te te atangin a chunglam para 2 khi ka rawn sawi ve mai a ni e. :)

    Report this comment

  16. 16
    H.Vangchhia Says:

    Mizoram a disaster management hi UN hnuai a awm niin ka hria a, ka hresual em aw? a nih chuan FEMA kalphung ang deuh an kal dan tur anih ka ring. Chuti anih chuan traffic police pawh nise, a train tawh chuan IC a ni thei ngei ang!

    Report this comment

  17. 17
    kaya kipgen Says:

    Kum 1992, Hlimen quarry (Aizawl) chu a chim ta a, hetah hian mi tam tak an thi a ni. Thi zingah hian, a chim laia thi bakah, chhanchhuak tura tlanlut (Mizo) an thi teuh a ni. Chhanchhuak tura tlanluta nunna hial hlantu te hi an va han ropui tak em. Mizo huaisenna leh tlawmngaihna hi a va han hlu tak em.
    Kum 2013, Tuikhuahtlang (Aizawl) chu a chim ta a, hetah hian mi tam tak an thi a ni. Thi zingah hian, a chimpui building-a awm te bak, chhanchhuak tura inpe (Mizo) thi an awmlo. Chhanchhuak tura tlanlut Mizo te kha an va ropui tan em. Mizo huaisenna leh tlawmngaihna hi a va han hlu tak em.

    Ka ngaihdan: Hmasawnna rahbi a ni ka ti.

    Report this comment

Leave a Reply

You must be logged in to post a comment.