An sawi Gullu Mual

May 21st, 2013 5:00 pm by luseizomi


[pic source: Zomi Daily]

Gullu tih chu a ngial a ngan a leh dawn chuan “rullu” tihna a ni. Tlang/mual “rullu’ nen a in ang tihna a ni mai awm e.“Gullu Mual” hi Tedim subdivision chhung Dimzang khaw bul, Sagaing Division border a om a ni. Pathian in zo hanma min hmangaih em em a, kan ram leilungah hausakna a lo phumru teuh mai a. Chu ram leilung hausakna chu kan finna leh thiamna ten a phak hunah kan chhawr tangkai thei dawn a ni. Gullu mual ah hian Nickel tamtak a om tih hriatchhuah a ni. Nickel bakah lunghlu dang pawh tam tham tak om tura ngaih a ni. Heta Nickel omte hi chi 5 vel a ni awm e. A lei rawng a sen a, in rawng hnawih (colour paints) atan a tha em em. A lei hian Mizoram a lo thleng tawh nghe nghe. Mizorama in bang tamtak gullu lei hmanga hnawih sen a ni.

Tunhma rei tawh tak atangin Gullu lai duh in khawvel ram hrang hrang ten an lo hel tawh thin a ni. Mahse Burma sawrkar in a la phalloh avangin tun thlengin laih a la ni lo. Germany a Dr. Vumson an lehkha a va zirlai pawh khan German ho in Gullu chungchang an lo zawt nasa thei thin hle. Ani chuan a lung a la chang tawk lo e, a lo ti awlsam mai thin. Amaherawhchu tun hnai hian Burma sawrkar leh China company(North Mining Investment Company Ltd.) in laih an tum tat lat mai. Zogam leilung hauhsakna a neitu Zomite rawn miah lova laih tumna hi Zomite chuan dodal zel kan tum. Kan ram leilung hausakna hnamdangin min sawrchhuahsak hi kan phallo a ni. Esau a’n a rochan ai a hralh ang hian zomi ten kan rochan kan ram leilung hauhsakna i hralh lullo ang u.

A thu hrimah China hian Burma hi hmanlai atang tawh in an thuhnuaiah an lo dah thin niin a lang. Diktaka sawi chuan China vang hian Burma chuan harsatna leh buaina tamtak a lo tawk tawh thin a ni. Mitsone Project, Letpataung leh Gas pipeline chungchang buaina te pawh Chinaho inrawlh vang a ni. Burma ramah Chineseho an inrawlh nasa lutuk hi a buaithlak hle. Lai tase environment nasa takin a tichhe dawn a. Chubakah lo neihna tur ram zautak a tichhe tel dawn bawk a ni. Kum 2008 Constitution Act 4 chuan ramchhung thuneihna sang ber mipui kutah a lo pe a ni. Mipui ngaihdan lak hi a pawimawh hle tih a lang. Chuvang hian mipui ten rilru fim tak nen ngaihtuahna kan hman a ngai a ni.

Gullu laih tur chungchangah hian vawi tam tak meeting neih tawh a ni. A laitu tur company an phur em em lai in a ram neitu zomi te hian tunah hrih chuan laih kan rem ti lo a ni. A hlawkna kan tel tur zat leh environment leh ram a tihchhiat dan tur ngaihtuah hian laih hrihloh a la tha a ni. Mahse Burma sorkar leh China Company hian laih an duh avangin zomite thlem lungawi an tum fan a. Zomi lam hian Gullu laih an duhloh thu khawvel hriat ah an puangzar tawh a ni. Burmese, English leh Chinese version te a press release siam a ni tawh. Mahse Burma sawrkar leh China Company hian an tilui tho an gem tih erawh hriat a la ni lo.

Gullu hi zo hnam tan ro a tling a ni. Chuvangin theihtawp chhuah a kan humhim hram hram hi a pawimawh. Gullu ah hian Nickel chauh awm chu nise a laitu tur company hi heti tak hian an phur kher loving. Nickel hi a rate hniam lai in ton khat $15,000 vel a ni a, a rate san lai chuan ton khat $20,000 lai a ni. Gullu a Nickel om zawng zawng hi $ trillion tamtak hu a ni thei dawn a ni. Pathian in Chinese hnam tana a pek chu nise Zogamah dah lovin Beijing bawr velah a dah ngei ang. Chuvangin Gullu hi Pathian in Zo hnam kan dinchhuahna tura natural resource min lo dahsak a ni.

Similar Posts:

Recent Posts:

14 Responses to “An sawi Gullu Mual”

  1. 1
    zualbonez Says:

    Lai chhuak suh se

    Report this comment

  2. 2
    SHauzelSailo Says:

    Lai lo turin tranrual a pumkhat a ngaita Zo hnam hi.
    Zo, kei mahni, a neitute ngeiin kan lai in kan zuar tur ani. (Y)

    Report this comment

  3. 3
    chhana Says:

    Bengvarthlak e.

    Report this comment

  4. 4
    CFL Says:

    Lai lul lo sela aw

    Report this comment

  5. 5
    Borat Says:

    China hian a duh chuan engkim a ti thei ang. Burma hi tun thleng hian military rule a la ni reng a (engmaw zawnga teh chuan) Minister leh General pahnih pathum an tlawn lungawi chuan tualchhung mite ngaihdan an palzut dawng chiang khawp mai.

    Chinese project pakhat pawh Burmese mi tam deuh in an chhiat pui nghal rup vang leh, Daw San Suu Chi hova an protest vak vak vangin an suspend (cancel ani miah lo) thei hram chauh anih kha.

    Report this comment

  6. 6
    saint sammoo Says:

    nia…. an laih tho hmel….

    Report this comment

  7. 7
    luseizomi Says:

    http://www.allvoices.com/contr.....s-in-zogam

    Report this comment

  8. 8
    Awmtea Leo Khiangte Says:

    Va bengvarthlak ve.

    Report this comment

  9. 9
    luseizomi Says:

    http://www.scribd.com/doc/1424.....se-Version

    Report this comment

  10. 10
    sparta Says:

    Khasi ho pawn an lungalhthei(Coal) pawh an mahni in an lai a, a hlawkna pawh an mahni vekin an tel a sin, Mahni in a laih theih loh em ni? Chin State Gullu bial velah SUM a luan in a luang dawn a ni mai a…hahaha

    Report this comment

  11. 11
    luseizomi Says:

    http://www.themiddleeastnow.co.....ssues.html

    Report this comment

  12. 12
    chhimkeite Says:

    Lai suh se. zomi tan, zoram tan, kan that tlan nan Lalpan la zuah hram rawh se.

    Report this comment

  13. 13
    chhimkeite Says:

    Lai lul suh se. zomi tan, zoram tan, kan that tlan zawk nan, Lalpan la zuah hram rawh se.

    Report this comment

  14. 14
    luseizomi Says:

    http://www.scribd.com/doc/1431.....d-in-Tedim

    Report this comment

Leave a Reply

You must be logged in to post a comment.