Mizoram ah Burma mi nih a vanduai thlak khop

May 12th, 2013 9:00 am by T.K-a

Burma mi ni lo tan chuan hrethiam suh e,

Khawlvel ah pian dawn in Burma mi nih thlang sa an awm ka ring bik lo. Mizoram ah Mizo ni turin pian hma in siamtu Pathian hnen ah duhthlang kan awm lo hrim hrim. Mahse, Mizo le Burma mi tiin kan lo piang e.

Ram harsat vangin Mizoram ah Burma mi, tun hma Lushai/Mizo cithlahtu te chi leh hnam pui te, an rawn in pulut e. Ramri ah Immigration Policy mumal awm suh, sum a pawimah ni mai, sang tel in Mizoram ah Burma mi an lut char char e.

Mizoram ah duhsak deuh leh hlawkpui deuh chu Vote te neih tir hmiah hmiah a, duh lo deuh chu Burma mi ti tlat thin a.

Tichuan, 2003 kum ah Burma mi in kum kim lo pawngsual thu hmangin Mizoram atangin ui le ar angin hnawtchhuak vak a, beidawng vanga in awkhlum te pawh an awm. Tun ah Mizo naupang le Burma naupang Zu khawvel ah an inti buai a, Mizo zawk a thi a, hnawhchhuah run an ti leh ta. Saikhumphai khua pawh Mizo Tlawmngai pawl in an hal chhe vek a, Police ho in tha takin an hal lai an duty lai photo te kan en thei a.

Mizoram in Immigration Policy mumal takin nei se chuan duh angin ramdang mi a control thei tur nia. Tunah chuan a ni lo tlat. Sum nei deuh te, mi tlawn thei deuh tan chuan Mizoram ah him takin zalen takin a awm theih a, sum tam nei ve lo, mi tlawn thiam ve lo, mi mawl mai mai te chu “Burma mi, Misual” an ti thin a.

Khawvel ramchangkang te chuan Immigration hi Business pakhat angin an hmang zawk nia. Permit chi hran hran an siam bawk a, an hlawk pui khop mai. Hei kum engzat nge ni ta le? Central sum hmangin tun thleng in Mizoram ah intodelhna awm thei lo, Industrialization awm thei lo, Ruling Party business hi engtin nge ni zel ang e? Sorkar sum ei pha te chuan nuam an chen viau. Sorkar sum chen ve thei lo, tih tur hre lo chuan, “Burma mi vang…”, ti thin nia…

Mizoram ah Burma mi a vanduai lua thin e….

T.K.Thang (Ottawa, Canada)

Similar Posts:

Recent Posts:

17 Responses to “Mizoram ah Burma mi nih a vanduai thlak khop”

  1. 1
    lushai_er Says:

    A ni ngawt a sin, a pawngapuia nunau pawisawilo nen a vai hma vek hi chu a dik thei lo.

    Dan kalh a thiltite chu man se la, hrem se, thawn haw se a tha mai lawm ni ? Khua leh tui tha, nunau tam tak thlabara siam hi a van tha lo em !

    Tin, Pawl thenkhat mahni kuang lo nawr ching hi kan tam tawh hrim hrim. Mizote min ti pumkhattu aiin min then hrangtu an ni zaw ta ber te hian a lang. Kan pawl dinchhante hi i bihchiang leh teh ang u. Sawrkar tih tur chu Sawrkar kutah dah thiam mai hi a va’n tha em.

    Report this comment

  2. 2
    Dr Mahminga Sailo Says:

    A dik khawp mai… (Y)

    A nghawng tur ngaihtuah chiang hmasa lova chet kan la thut zel thin hi chu, bansan a hun tawh ngawt mai!

    Report this comment

  3. 3
    loneeagle26016 Says:

    India ram changkanloh hi kan tuar tlang niin ka hria. Tu pawhin thil lo ti sual se, a tisualtu tak kha Police in man chat mai tur ania,a pawng ataka vai hma ngawt lovin. Tun hma lam kha chuan hetianga in vai hma leh community ang zawnga in huat hi US ah tepawh khan a awm ve tho mai.. Spanish community atanga mi pawngsual ching pakhat khan an community a ti hmelhem nasa mai. Burma lama atang lokalte pawh an han awm rei deuh a, India rama misual hremna a nasat loh em avang hian an huangtau deuh emaw ni chu aw a tih theih ang. Burma mi nih hrim hrim avanga vanduai anga han inchhuah chiam khi chu ka pawm lem lo, mi fel leh tha tan chuan khawi hmunah pawh an tan hmun a awm zel hi, nupui/pasal nei an tam em mai. Mi sual tan erawh hi chuan khawvel khawi hmunah pawh hmun a awm tak2 thei lo.. :D

    Report this comment

  4. 4
    Aries Says:

    Mi pahnih khat thil tih sual vanga kan in vai hma vek zel hi chu sim ahun tawh, India ramah Dan a awma chu chu zawm tlang ila atha ber, sorkar hmalak na tura NGO thenkhat in hma an lo lak vat hian buaina minthlen tam zawk mai ani

    Report this comment

  5. 5
    H.Vangchhia Says:

    Ka hnuka tiulh thei tlat! :(

    Ka feel

    Report this comment

  6. 6
    Thangpasaisira Says:

    A bul berah chuan kan ram rorelna mumal loh vang ani thei ang chu,,,,
    He tiang em em lo deuh hian tih dan a awm asin aw:-(

    Mahse rangvamuala Burma mi leh sa te tam lutuk khu chu ka ngai thei vak lo :-)

    Chuan Burma mi sawi ta zel ila , pawisak an nei lovin an nun hi a rawng em em maia ,chu vangin kan ramah hian awm lo top mahse pawi kati hlei love.

    Report this comment

  7. 7
    loneeagle26016 Says:

    Burma kan tih hian mi sual ringot sawi nan hmang lo ila.. a tha lam han sawi ta mai mai ila, kan thianpa pakhat keini aia senior , kohhranmi zet mai hian an office a Burma nula pakhat thil zuar a nei a, fa pawh 6 an nei tawh. A chang leh an khawlamah an han zin chhova, in then pawh an in then ngai miah lo. A then Burma tlangval, mizo tawng pangai hmang pawh ni lo,Pawih/Paite neia pasal fanau nena hlim taka Mizorama awm te pawh sawi tur ka hre nual. Thil kan sawi emaw kan post emaw reng reng hian a chhe lam ringot ni lovin a thalam nena kan balance thiam hi a pawimawh viauin ka hria. Mi sual erawh hi chu khawi hmunah pawh Burma mi anni emaw mizoram mi anni emaw mi dum anni emaw mi ngo anni emaw khawi hmunah pawh an hnawk ani tih i hretlang teh ang u.. :D

    Report this comment

  8. 8
    chhana Says:

    Ngaihtuahna a ti thui kher mai. Chhiar tura ka in buatsaih laia ka rilru leh ka chhiar hnua ka rilru chu a inpersan hneh kher mai.

    Report this comment

  9. 9
    Saikhumphai Says:

    Burma ni kan tihte zinga tam tak hian Mizoramah hian thiltha lo an rawn ti nasa bawk em a ni… Mizoram hi Burma mi vangin kan vanduai khop

    Report this comment

  10. 10
    SHauzelSailo Says:

    1 Lushei_er (Y)
    2. Dr. Mahming’a Sailo (Y)

    Post:
    Burma lama Zo hnamte chu Burma mi tih toh tur ani lo, Burma lama Zo hnamte tih tur.
    Nangmah ni poh Burma mi in tih tlat chuan, Mizoram ho te tan chuan tih awlsam dawn em asin.
    A dang erawh a thra phian e.

    Report this comment

  11. 11
    Charice_mizo Says:

    Immigration policy chungchang i rawn sawi khi a tha ka ti, Canada chu ka hre lova USA ah chuan Immigration policing rules tha tak an neia, Department of Home Security te phei chu Immigrants te tan a tihbaiawm lek lek zawk hiala. Dan khauh tak neiha lekkawh theih hi sawrkar chak tihdan a ni a, tun kan dinhmunah pawh hian Burmese immigrants (zo hnahthlak) chauh nilo, Bangladeshi (chakma) leh kan chhehvel hnamdangte mumal taka control-na tur Immigration Law kan mamawh a ni e.

    Report this comment

  12. 12
    Thangpasaisira Says:

    #7 A dik khawp mai,khawi hmun ah pawh hian misual hi kan lo awm zel zawng alo nih hi.
    Mahse’ng in Burmese te hi chuan Mizo te hi min ti buai khawp mai.

    Report this comment

  13. 13
    Dr John Says:

    (Y) Bible-in “Mi pakhat avangin khawvelah sual a lut” a tih angin, tute-emaw avang hian a hnam pumpui leh a ram pumpui hian an tuar phah thin hi a pawi hle. Ram hruaitute rel sual leh tih-sual avangin mipuiin kan tuar a, Sakhaw hruaitute spiritual & moral-a an corrupt avangin kohhran mipuiin kan tuar bawk thin. Hei hi khawvel a nihna a ni a, “Dikna chu kawngsirah a tlu reng a, a au a au a, tuman an ngaihsak lo. Tantu nei tha tha, dawt sawi thiam thiam, a tawng chak chak, a nei nung nung, a thil ti thei thei, a inthup thiam thiam, a sum ngah ngah hi kan hmu hmeltha zel tawh ang a, heng ang mite hi an ding chang zel dawn a nih hi” :(

    Report this comment

  14. 14
    Awmtea Leo Khiangte Says:

    Ka dik ka ti ve tlat.

    Report this comment

  15. 15
    laysia Says:

    Hetianga dan leh duna thil tih a nih thin loh chuan, mizoram hian chhiatna a la tawk ngei ang.. thlipui leh lirhnging te pawh…Kristian kan inti a, kristian te tih dan tur ang taka kan tih a pawimawh hle ang. Ram chuan dan ang takin hma a la tur a ni. hetianga, mipui ten sorkar hmalakna ngaichang lova, hma kan lak zel chuan Pathian ngaihdan a ni lo viau ang. Sim teh u.. Dan tha tak siam turin sorkar nawr bawk tur a ni e..

    Report this comment

  16. 16
    H.Pari Says:

    Saikhumphai mipui te ka lainat hle a,kan tlawmngaite te pawh an che na ka tih rual in,ka ngaihdan chuan Mizo thlah emaw thlah nilo emaw, Mizoram mipui hian kan rama ramdangmi lo lut leh cheng te hi dan anga an lo luta an cheng aniloh chuan awmtir loh tur. Tin dan anga an lo lut anih pawhin tun aia khauha kan Immigration law kan implement loh chuan kan la buai chauh ang. Western Immigration Law i rawn sawi zoh a, tunah Canada-a i awmphei chuan an rama luh harsatzia chu i hrechiang hle, engzata rei nge i nghah, engzat process leh interview nge i kaltlang pui? Khatiang due process diktaka rawn zawh kim vek engzat nge Mizoram ah hian awm? US leh UK phei chu sawilo teh ang, an immigration law khu a strict lutuk. Vacation karkhat hmang tur pawhin detailed bank statement, India-a kan hna thawh leh kan company letterhead-a kan thawkngei ani tih proof, kan return flight ticket, kan hotel reservations, insurances,personal interviews, etc..kaltlang vekloh chuan an ram rah chun sawiloh an embassy-ah pawh min ko lo..

    Report this comment

  17. 17
    Salai Thian Ro Uk Lian Says:

    A dik khawp mai.

    Immigration policy awm mumal si lovin, a tawpah hnawtchhuah tih thawm hi a ri leh thin a.

    Burma ram leh India ram ah awmte insuihkhawm leh ni chu a hla veng veng ngawt mai.

    Ram khatah in finkhawm pawh ni ila kan in ngeih chuang tawh lovang.

    Burma ram lam a awm ho an pathat hun ala awm ve leh ngei ang.

    Chu mi hunah chuan “Unau kan nih kha” tih ang vel tawngkam tha in kawngro a su tawh dawn si lo le.

    Report this comment