Shillong nuthlawi

May 7th, 2013 11:30 pm by chhana

1996 February thla a ni a; chhungkaw mamawh lamin ka la kal ngai reng reng lohna hmun Shillong-ah ka kal dawn tih ka inhria. Ka pa nena kal dun tur kan nia; ka pa chuan ‘Kar lehah’ hi vawi tam a sawi niin ka hria. Ka nghakhlel takzet mai.

A hun takah a hun chu a lo inher chhuak ve ta mial a. Truck remchang a awm avang chuan man lova kal theihna lo ni bawk nen, kan bei thla vet a naw naw a. (Manilomaha night bus changkang a thut mut veng veng chak nak alaiin) Mahnia kal duh hun te pawh a la awmthei tih thu hlaah theih ang angina a kawng pengte chu ka chhinchhiah nghal zel bawk a.

Meghalaya ram chhung kan lut tawh ngei niin ka hria, hmun pakhatah hian motor an lo ding ngir khup mai a. A chhan erawh ka hre mai lo. Kan kal hnai zel a; ka pa chu hma lamah hun engemaw chen a va thang hnua a rawn let leh chuan ‘no in tree’ a ti niin ka hria a; ‘ninety’ a ti niin ka hre bawk. Tun hnua ka hriat leh hian ka lo hre sual chhiava tih ka hre leh chauh.

A vawt kher mai. Kalpui thenkhat ho phei chuan ‘meihawl thur laite pawh a ngaihawm rum rum a lawm le’ an ti hial.

A hmun kan han thleng chu nghahhlelhna a rei ta bawk a; rual ute tualchaina khawpui chu a tak ngeiin kan thleng ve ta rawih mai chu a nia. Thinlung takin ka lawm a ni.

Ka pa’n nitin chaw eina tur leh mamawh dang atan Rs 100/- min pe ziah a; nuam ka ti ngei mai. Kei chu kal ve mai mai ka nih avangin ka teihawi mai mai a ni a; ka pate erawh mamawh lamin nitin an hmanhlel thung.

Tleirawl chhuak tir kan ni bawk a; nula hmeltha kan hmu hnem ngei mai. A then kan len pui a; nula/nuthlawi duhawm tak tak thian te pawh ka chhar ve hial.

Ka pa’n mamawh tur a lam khawm kim hnu chuan hawn chiah hmabak kan nei tawh. Ngaizawng ka la nei ngai lova; chu chu ka ler loh vang lam a ni lo. Try ka’n tum ve thin tak na a; min duhloh takin tih thu hlaah mai mai ka sawi leh ngam thin lo. A chang phei chuan thiante takngial pawh hrilh ngamlo chang ka nei.

Hetiang mi hi ni mah ila; ka duhzawng tak mai ka tawng ta. Amah chu chum bat mai, tunlai tawng takin a khal khat tlat mai a ni. A ni pawhin min duh ve a ni mahna engmahin min hnial lo. A lo easy viau zawk pawh a ni maithei. Lo awlsam viau pawh nise keini ang tan chuan experience a tan a tha hrim hrim a; pawi ka ti vak lo. Sawi ta mai mai ila, a hnute pawh ka dek ve hial a ni.

Mak tak maiin he kan thiani hi kan ruala Mizoram lo kal ve a hnial lo tlat. Chhungte leh thiante nen motor chuang ho vek kan ni na a; a ni nen hian kan thut dun miau avangin ka kuah a; a chang changin a tang pawh ka bel fo mai. Ka tan chuan sawi tak angin a hlu a ni. Kawng tluanin duat theihtawpin ka duat a; ka enchimlohi a ni. A ni pawhin min zah thiam a; kawng khat pawhin min hnial ngailo. Ka tih ang angin a awm mai a ni. Kalpuite paw’n min hmu mawh lemlo a niang, engtinmah min ti lo. Mak ka ti zawk hle mai. Ka tana Pathian samsuih pawh a ni mahna.

Mizoram kan thleng a; Bilkhawthlir Chhimluang vel kan thlen laiin a chau ta. Kawng tluanin ka duat chungin a pch lehzual tlat mai. Chaw ka pe a, tui ka intir hial bawk. Ka kuah a; a remchan dan apiangin a hnute pawh ka deh sak leh zauh thin.

Keini tleirawl ho chuan bazaar kal nikhuate khan kan kiu kan dah sang deuh a; tlema nula nalh deuhte kha chu tihpalh ni awm takin an hnute kan nghawk zauh thin a nih kha. Chutiang miin hetiang thil ka tawng ta mai hi mumangte pawh a ang rum rum zawk in ka hria.

Kan veng kan thleng a; a lo chhuk duh ve mai. Sihphirah chhungte a neih vang pawh a ni mahna; tichuan, nitin zantin kan inkawm a; theihtawpin hmangaihna ka hlan thin.

Amaherawhchu, ka duat a; a tan ka tha leh zung tam tak ka seng bawk a; ka hahpui a ni. A tang nem pawh ka duh hun huna bel thei khawpin ka tan a inphal. Hetiang hian awm mah ila chhiar tuten lo hria ula ka duh chu a thianghlimna erawh ka tichhe hauh lo a nia. Pathianin min awmpui vang pawh a ni maithei chakna thinlung ka pu miahlo nia!

A thianghlimna, a tan ka in pumpek a ni tih tarlanna ber mipat hmeichhiatna lampang ka hawi loh em vang nge ni? kuah leh duatin a hnute hial pawh dek thin mah ila, sawi tak angin min hnial ngai miahlo mahse, ka hmangaihna hi tawngkam khatmahin min chhang lo. Bawngpui ni miau hek.

Similar Posts:

Recent Posts:

15 Responses to “Shillong nuthlawi”

  1. 1
    Lamji Says:

    Hahaha! Mut hma lut zuai teh ang ka tia… ka va nui nasa ve. :D

    Report this comment

  2. 2
    CFL Says:

    Hahah. Tum loh lamah a chhuah chu a! Ka va man thelh chiang em. hairehai

    Report this comment

  3. 3
    bbney Says:

    Haha. min va han bumchiang ve mawle. Ka nui hnem ngei mai.

    Report this comment

  4. 4
    Dr John Says:

    (Y) Tha hle mai. Thu i thiam tak zet zet e. A Hnute i dek khi chu thil awm tak a ni. Mahse, in thu dun kher hi chu… ka hre thiam lo deuh :D

    Report this comment

  5. 5
    La lawma Says:

    Thu ho lutuka ni dawt sawi i thiam mibum pawh i ching viau ang aka ngai ho top.

    Report this comment

  6. 6
    ChaoticSerenity Says:

    lol. min va bum chiang ve…. :-D

    Report this comment

  7. 7
    sheldon Says:

    Hahaha :-D

    Bawngpui hnute :-D

    Report this comment

  8. 8
    Maverick13 Says:

    Hahahaaa…. Bawngpui hnute chu kawng tluanin i ron dek sak zauh2 thin ni maw!!! Nuthlawi turah ka lo ngai char2 a..hahahaa

    Report this comment

  9. 9
    Chengkawli Says:

    Shillong BAWNG NUTHLAWI zunah i lo uai tep a nih chu..a hnute i dek leh nghal…..a hnute hmur i pawt zut em ni, hnute tui sawr pah-in…ha..ha..ha

    Report this comment

  10. 10
    chhana Says:

    4 Dr John@ truck hnungah an bawk tur vengin ka thu kawngtluan miau alawm.

    Report this comment

  11. 11
    Chhuaklinga Says:

    Lol.. Ka tana Pathian samsuih pawh a ni mahna. :P A ni em lo chu a ni phawt ang chu maw!! :D

    tren tren

    Report this comment

  12. 12
    Dr John Says:

    :D Post-tupa #10, a va buaithlak tak ve :D (Y) I felin, i tlin hle mai… Nu & pate Thuawih mi tak i ni tih a lang nghal maiin ka hria. Shillong atanga Bawng bawk tur venga Mizoram (in khua) i rawn thleng zak mai chu… i in-fit hle mai :)

    Report this comment

  13. 13
    Maverick13 Says:

    hahahaa..Bawng bawk tur ven pahin a hnute a dek sak zauh2 zel…tha riau…ka nui ka nui mai :D

    Report this comment

  14. 14
    XaiA Says:

    Van tha in va ngaihnawm si ve…

    Report this comment

  15. 15
    Dr Mahminga Sailo Says:

    Khai a, zauthau tawkin min chhiartir te te a. A tawpah lah ka laina hnai ngat i rawn sawi leh nghal… :-D

    Ka lo haw vel leh ‘Nula bem dan’ min zirtir ve rawh.. (U)

    Leh lawk, Sihphir i’n sawi takah chuan lung hlui te pawh i tileng rum rum dawn alawm lee.. :-P

    Report this comment