India ram Political Party lian zual te sum hmuh dan 2004-2011 (Fundraising and donations)

April 22nd, 2013 9:23 am by VaiVa

Mizoram Party ten an ngam ve ang em?

Association for Democratic Reforms (ADR) leh National Election Watch (NEW) ten a political party te finance leh funding langtlang a nih theih nan a an hmalakna a zarah leh IT Returns leh EC a report an theh luh atang a a lan dan in kum 2004 atang a 2011 khan vbc 4662 teh meuh party te hian sum an la lut a. Heng an lak luh te za a 80 bawr vel (average) hi chu donation atang a an dawn niin an report bawk.

Congress in an la lut hnem ber a. 2004 a vbc 222 chuah nei kha 2011 ah chuan vbc 2008 an nei der tawh ani. BJP in dawt leh in 2004 ah vbc 307 an nei a, 2011 ah chuan vbc 994 an nawi hman bawk a. BSP in dawt leh in vbc 484 sum an hmu bawk a ni.

Za a 80 atang 99 thleng deuh thaw hi donation atang a an dawn niin an tarlang a. Chutih laiin Representation of People Act of 1951 in cheng singhnih aia tam kum khat chhung a thawh chu details a phut avangin heti zat thawh tu zatah hian za a 10 atanga 15 vel chauh mimal in sing hnih aia tam an thawh tih an tar lang bawk.

Mimal bakah hian corporates ho in an thawh nasa hle a. General Electoral Trust phei chuan vbc 36 leh vbc 26 Congress leh BJP ah an chhung kawp ve ve a. Torrent Power pawhin vbc 14 leh 13 an pe ve ve bawk. Heng bakah hian Videocon/ Dempo/ Salgaocar etc etc te hian Party hrang hrang ah sem kual in vbc chuang theuh an donate bawk a ni.

Tata/ Birla/ Bharti te hian company angin an donate lo a. Electoral Trust ang hi an siam mai a. Tichuan khawi party tan nge an Break up dan kha a langtlang ta lo niin an sawi bawk a.

Chief Election Commissioner hlui SY Quraishi khan mumal tak a audit chu awm se Party te hian an favour phah em tih te pawh a hriat theih dawn a ni a ti! Chutiang bawkin mi hausa ten politics an chalai kual dan (donate ve ve leh lam leh lam ah) kan hre theuh bawk ang chu! (Details in ka ziak lem lo a, a hrechiang duh tan Google theh reng a ni a, a hnuaia link ah pawh khuan tam tak hmuh tur a awm ang)

Mizoram lamah ve thung le: Association for Democratic Reforms (vai ram PRISM ti mai ang) chuan RTI hmang a an dil chhuah zing ah NE atangin Meghalaya leh Tripura te fundraising/ donation chu an website ah an dahlang kuau mai a. Donors (20,000 ai a tam thawh leh company thawhtu te) a hriat theih ta. Mizoram data hmuh tur a awm ve hauh lo mai a. Kan ram Party te hian fundraising nan hian eng eng te nge an hman ve a, donation hi khawi khawi emaw leh tu te hnen atangin an dawn tih hi an tar lang ve dawn em le? @PRISM lam hian inthlan hma hian bawhzui thei se ka va han ti tak em!

Source: Association for Democratic Reforms

Similar Posts:

Recent Posts:

5 Responses to “India ram Political Party lian zual te sum hmuh dan 2004-2011 (Fundraising and donations)”

  1. 1
    Awmtea Leo Khiangte Says:

    Bengvarthlak hle mai.

    Report this comment

  2. 2
    Dr John Says:

    (Y) BVT e, an va nei ve :D

    Report this comment

  3. 3
    lushai_er Says:

    Pu Rama pawh khan 3% party fund contractor/supplier atanga an khawn khan a sawi fiah viau kha maw……:-)

    Report this comment

  4. 4
    Chhuaklinga Says:

    A dik taka tarlang ngam an awm pawhin ka ring lo ve kan zoram politiksian ho hian. Chutiang tak chuan an chungah hian rin lohna ka nghat a ni. :)

    tren tren

    Report this comment

  5. 5
    chhana Says:

    Hetiang zat khi nei ve ila chuan bike hlui tal chu ka lei ve ang mawle.

    Report this comment