Hlawhchham hi Hlawhtlinna {Failure is Success}

April 17th, 2013 3:40 pm by Dr John

1. J.K. Rowling – Novelist (Harry Potter) 
Harry Potter thawnthu ziaktu Joanne “Jo” J.K. Rowling hi tunhma chuan waitress hna thawk țhin a ni. A lehkhabu hi Publishers 10 chuang ten an hnawl sak hnu-in, a kal tawpna-a an CEO fanu kum 8 mi chuan a pa a ngen tlat avangin an chhuahsak hrâm a. Khawvela thawnthu ziak hralh tam ber (best-selling book series in history) a lo ni a, Kum 5 chhung lekin, Multi-Millionaire a nih phah! Kum 2008 ah khan United Kingdom-a hmeichhe hausa-ber 12-na a ni phak hial!

2. Ludwig Van Beethoven – Composer & Pianist
A violin tum thiam lo lutuk chu a Zirtirtu chuan beidawnthlâk a ti lutuk a, “Music lam leh hlaphuah kawnga beisei-bo a ni” a ti tawp. Chutih nâk alaiin, Beethoven chuan a ri hriatna a hloh zel a, a beng a ngawng hlen ta hial! Mahse, a kut-chhuak zinga ropui ber 4 te chu a Beng a ngawn hlen (completely deaf) hnu-a a siam (composed) an ni tlat!

3. Colonel Harland Sanders – Founder of KFC
Sanders chuan Kum 65 mi a nih-in a “Chicken Recipe, Kentucky Fried Chicken” siam hralh turin hmun hrang hrang 1000 chuangah a kal a, a hlawhchham. Kum engemaw zat a vahvaih-pui hnu, kum 75 mi a nih-in, a company din “Kentucky Fried Chicken” chu Dollar million 15-in an lei sak a, ram 120 ah dawr 18,000 chuang a nei tawh!

4. Walt Disney – Co-Founder Disneyland & Film Producer,
The Walt Disney Company (Disneyland) a din hma hian Walter Elias Disney chu a thawhna Newspaper Editor ațangin “idea a nei thlawt lo” tiin an bân a. Sum leh paiah vawi tam tak a tlachhia a, titi-ah chuan vawi 302 zet Company ten an hnawl an ti!

5. Sir Charles Spencer Chaplin – British Comic Actor & Filmmaker
Charlie Chaplin kha a naupan lai ațangin retheihna leh harsatna râpthlak tak takin a tuam a. Fahrah Enkawlna hmunah hial dah a ni! A chanchin ziaktu David Robinson phei chuan “khawvela tungchhova piang zinga rethei lutuk dinhmun ațanga hausa tak dinhmuna inhlangkai chanchin ngaihnawm leh rilru khawih ber a ni” a ti hial! Kum 1975 khan Knight Commander of the Most Excellent Order of the British Empire hlan a ni a. Kum 1962 khan University of Oxford leh University of Durham chuan Honorary Doctor of Letters an hlan hial!

6. Jack Canfield and Mark Victor Hansen – Chicken Soup for the Soul
Chicken Soup for the Soul lehkhabu an ziak (compiled) zawh khan Chhuahsak tura an ngenna chu New York-a Publishers 33 ten an hnawl a, California-a American Booksellers Association zinga 90 ten an hnawl bawk. New York Publishers phei chuan hmusit takin, “Nobody wants to read a book of short little stories” a tih sak! Atawpah, Health Communications Inc., chuan an chhuahsak ta a. Tunah chuan Ţawng hrang 31 laia lehlin niin, 53 Million Copies chuang zet an hralh tawh!

7. Elvis Presley – King of Rock & Roll
Kum 1954 khan, Jimmy Denny, Manager Grand Ole Opry chuan Elvis Aaron Presley chu rawih tlakah a ngai ngang lova, hmusit takin “Ka fapa, tih thiam leh tih theih dang engmah i nei lo ve, Truck khalh leh mai la, chu chu i tih theih leh thiam awmchhun a ni,” tiin a bân a. Mahse, Elvis Presley chu a beidawng duh mai lo. Tunah chuan King of Rock and Roll tih hiala koh a ni a, Zaithiam lâr ber (One of the most popular musicians of the 20th century) a ni ta hial!

8. Steven Spielberg – Film Director & Producer
Steven Allan Spielberg chu University of Southern California (school of theater & film and television)-a zir a dilna chu, amah-ah beisei tur awma an hriat loh avangin vawi 2 lai an hnawl a. Tunah chuan, khawvela film hmuhnawm ber ber-te (biggest movie blockbusters in history) chu a kut-chhuak an ni ta! Film Industry chuan, Lemchan Khawvela Steven Spielberg Hlutna hi Dollar 3.2 billion a ni e, an ti! Dt. 05.02.1994 khan, vawi 2 lai amah lo hnawltu University of Southern California chuan Honorary Doctor of Fine Arts in Chawimawina an hlan ta thung! TIME magazine chuan ‘100 Greatest People of the Century’ a ti hial!

9. Stephenie Meyer – Novelist & Producer (The Twilight Series) 
Tunlaia film lâr tak Twilight thawnthu ziaktu Stephenie Meyer chuan Publishers (literary agencies) 15 hnenah Chhuahsak turin a dil a. An zinga 9 chuan an hnawl sak hmiah a, 5 chuan Chhan (reply) tlakah pawh an ngai lo! An zinga 1, Jodi Reamer of Writers House chuan beisei sang vak lo chungin “chance” a pe a. Mak tak maiin, Twilight series 3 ziak turin Dollar 750,000 pek an tiam nghal ta mai! Kum 2010 ah chuan, Forbes chuan a Thuziak etc. ațanga Dollar 40 million a thawhchhuah tawh thu a chhuah!

10. Michael Jordan – American Professional Basketball Player
Michael Jordan hi mi tam tak chuan hlawhchham awmzia a hre lo emaw kan ti mai thei. Ama inpuanna ngei hi ngaithla teh ang, “Game 300 zetah ka chak lova, vawi 26 zet ka chunga mawhphurhna pawimawh lutuk innghatah ka hlawhchham chiang hle. Ka hun chhung khan vawi tam tak ka hlawhchham nawn ka hlawhchham nawn a. Khami avang tak khan ka hlawhtling ta a ni” a ti!

Never Ever Give Up Believing In Yourself  ;-) 

Similar Posts:

Recent Posts:

16 Responses to “Hlawhchham hi Hlawhtlinna {Failure is Success}”

  1. 1
    lushai_er Says:

    A tha hlawm hle mai (Y)

    Report this comment

  2. 2
    mate ainawn Says:

    A bengvar thlak hle mai.

    Report this comment

  3. 3
    hauhnar_11 Says:

    A bengvarthlak ee…Hlawhtling tur chuan taihmakna leh beih hram2 a pawimawh ber angnn….

    Report this comment

  4. 4
    Lamji Says:

    http://misual.com/2013/04/13/t.....-zawk-nan/ ;) :8

    Report this comment

  5. 5
    Tete-i Says:

    Good post.. Pu Johna nge nge….. Ka misual khat lutuk a… Ka bo deuh hu tawhin ka hria… Hehe

    Report this comment

  6. 6
    XaiA Says:

    Chhiar chhuak vek lo pawn tha hle mai an ti ngei ang….

    Report this comment

  7. 7
    ZerO Says:

    Hlawhchham hi hlawhtlinna han tih tawp chu!! Hlawhtlinna bul emaw ni zawk se ka lo ti mai mai a

    Report this comment

  8. 8
    SHauzelSailo Says:

    Post thra tak ani (Y)

    Thil beidawng lova kan beih hian mahni chauh hi kan lo ni lo, mi dang tamtakin an lo bei ve tawh a an hlawhtling ngei thrin ani tih hi hmuh tur ava tam em.

    Kan message ve lawk:
    I beidawng ngai lovang u, thilthra tih ah. Nang chauh I ni lova nia, beidawng suh ang che aw.

    Report this comment

  9. 9
    Charice_mizo Says:

    Ka hriat sual loh chuan failure is the pillar of success: high school kan kal laiin result chhuah a piangin an sawi ziah. Hlawhchham kha hlawhtlinna a ni ringawt lova, kan hlawhchhamna a tangkai zawnga kan hmana kan beih zual sauh chuan hlawhtlinna kan chang thei tihna lam zawk ni awm tak a ni. Good post anyway..

    Report this comment

  10. 10
    chhangteval Says:

    An tum ruh hlawm hle mai (Y)

    Report this comment

  11. 11
    lr hlonchhing Says:

    Ka bookmark hmak e (Y)

    Report this comment

  12. 12
    century child Says:

    Tha khawp mai, a thupui tih loh chu ;-) (Y)

    Report this comment

  13. 13
    lr hlonchhing Says:

    I’ve missed more than 9000 shots in my career. I’ve lost almost 300 games. 26 times, I’ve been trusted to take the game winning shot and missed. I’ve failed over and overand over again in my life. And that is why I succeed.
    Michael Jordan

    Report this comment

  14. 14
    Dr John Says:

    A Saptawnga Chhiar duh tan leh Chhiar-belh duh tan, ka Thu lakna te:-

    http://getbusylivingblog.com/f.....-failures/

    http://breakingmuscle.com/spor.....gh-failure

    http://www.1minutewellnessmessage.com/?p=2897

    http://www.wanttoknow.info/060.....nalstories

    http://en.wikipedia.org/

    Jack Canfield and Mark Hansen Chicken Soup for the Writer’s Soul

    Jack Canfield and Mark Hansen A Cup of Chicken Soup for the Soul

    Report this comment

  15. 15
    Awmtea Leo Khiangte Says:

    Post tha lutuk! (Y)

    Report this comment

  16. 16
    muansakhi Says:

    Ngaihnawm + hlawkthlak

    Report this comment