Trinamool Party hmangin zoram thar i siam ang u

April 8th, 2013 7:58 pm by chhangteval

I dawn ve ngai em?
Hmelhriat I neih that ve loh avangin nangmah aia thiam lo zawk a I ngaih paw’n I chan tur ni ngeia I hriat hna a hmuh chang a awm thin a. I rilru a hnual a, tih theih dang a awm chuang si lo. Sawrkar laipui atanga sum rawn lut zat I hria a, a hmanna tur nen lam I lo chhut pui ve thin a, mahse mipui sum chu mimal kutah a kal ral mai mai thin tih I hmu reng thin. Ram hruaitute dawn thui loh avangin zoram chhungah hnamdang an huangtau a, nakin lawkah chuan kan pi leh puten luchhum ban chum huama min lo sah zauh sak kan zoram hi phel tet ala ni dawn tih I hmu lawk thiam a, I rilru ana thin.

Ram hruaitute thil tih I hmu a, an dinhmuna ding ni la chu an thil tih dik loh lai te siam tha a, zoram thar din tumna rilru I nei bawk. Mahse mi naran tana ram hruaitu anih ngawt theih loh ani tih I hriat chian em avangin vawi tam tak I beidawng a, I dikna leh chanvo I chan theihna tur anih chuan tiin a chang chuan tharum thawh hial pawh pawisat lohna thinlung I pu thin. Zangkhua ala bungbu ang tiin hman ata tawh ila nghak fan fan thin anih kha.

Kan dinhmun hi..
Party kan neih tawh sa (Congress, MNF, ZNP, MPC) te hi en vang vang la, beisei tur I nei tam lo, an hruaitute hi hmanlaia mi vek te kha an ni a, ram an hmangaih loh e chu an tih ngam bik loh mahse tuna kan zoram hruai tur chuan an thiamna leh finna hian a pha tawh hlawl lo ani! Heng ho hian kan ram an hruai chhung chu zoram hian hma a sawn vakin a rinawm loh. Party awmsate hi siam that theih tawh loh tluk an ni a, chuvang chuan Party thar hlak kan mamawh.

Hei le kawng a inhawng e!
Trinamool Congress Party chuan April ni 16 hian Aizawl Press Club ah mizoramah party an rawn din dawn a, he party hi West Bengal CM Mamata Banerjee kaihhruai niin kum 1998 khan din a ni a, tunah hian Lok Shaba ah member 19 an nei mek a, party thang duang tak niin central party ah pawh len lamah parukna a ni der tawh!

Tho la, ding ta che..
I awm hmuna indawm kun reng lo khan tho la, hei I tan hun hawn siam sak I ni dawn a, he hunah hian va kal la, ram kal siam thlak danglam theihna ‘chance’ a awm ringin va fiah chhin ve hrim hrim teh! Mizoramah chuan party thar ani dawn a, he party hmang hian ram pawh I rawn siam tha thei maithei asin. He party ka rawn fakna lam ani lova, kei paw’n a that leh that loh tur ka hre bik lo, central ah pawh party lian a tlinga, Manipur ah pawh a hlawhtling thawkhat tawh a, a bik takin ka thalaipuite ka sawm a che u, he party hmang hian mizoramah ‘change’ thlen tir dan I zawng ang u.

Similar Posts:

Recent Posts:

11 Responses to “Trinamool Party hmangin zoram thar i siam ang u”

  1. 1
    Nirvana Says:

    Mamata Bannerji pawl maw? No, thank you.

    Report this comment

  2. 2
    Kosmovision Says:

    Kal mai teh

    Report this comment

  3. 3
    SiLent_Man Says:

    A title ka hmuh khan fiamthu section a awm tur emaw ka tia

    Report this comment

  4. 4
    luahpuia Says:

    party a tam tawh ltk buaitjlak

    Report this comment

  5. 5
    TuaiSialA Says:

    Hruaitu an that loh chuan party dang ang tho tur a ni.

    PRISM hi political party-a a inlet a nih pawhin mak ka ti lo vang. An plan lawk vek a ni ka ti lo thei lo. Hmanni lawkah an registration cancel a nih theih nan mi pakhat, tunge a nih hriat lohvin a complaint a. A hlawhtling dawn chu a nih hmel a. A nihna takah chuan, PRISM hian political party-a inleh an tum avangin chhuanlamah tunge a nih hriat loh hmangin an registration an cancel ni berin ka hria. Tunah he party a rawn lang ta chiah bawk nen.

    Report this comment

  6. 6
    laldoma Says:

    Hmanni khan ccbu-ah niin ka hria ka chhiar a. Tuba mi kan hruaitu (Cong, MNF ,MPC,ZNP) te khi an that vang em2 ni chuang lovin Trimonal, Pi Mamata i pawl ai chuan kala thlang fo mai. Pi Mamata i kaihhruaina hnuaia (indirect pawh nise) kan ram hi a awm ka phal lo.

    Report this comment

  7. 7
    vakul Says:

    An hotunu hi tam tak chuan term khat pawh a lal an ring lo hial a nia. Hmeichhe nasa ve pangngai thil ti nghal rum rum kalna lam apianga office hawng nghal zel chi a ni a…a puitling lo.

    Report this comment

  8. 8
    vakul Says:

    Hman ni lawka murder suspect an party mi leh sa a nih avanga man a nih loh na tura murder suspect laka casefile tu police lal a’n degrade nghal thuai maite kha a nep lutuk.

    Congress zara tling ni si…congress an mausam leh si te, a bengali pui pranab mukherjee president atan a thlawp duh lawk lo te….zah pah nei lo leh dan leh hrai pawisa miah lova an party an han che vel hmuh hian ka iai thlawt.

    A lo chawr chhuah dan hi street politics a ni a….kawng zawh leh strike thin a ni. CM a nih hnu pawh hian engkim hi sual chhuah a la tum a…roreltu nih a thiam lova…sualtu a ni ber.

    Report this comment

  9. 9
    drake Says:

    hahaha awm tawhsa pawh hi thiah then a ngai zawk lo maw!!

    Report this comment

  10. 10
    ZerO Says:

    Ruling party, TMC hian CPI sawisel bak hna thawh that an nei lem lo. Chutiang bawkin UP-ah SP in BSP an sawisel reng bawk a, Mizoramah CM in kihhnawh a ti reng bawk a.. :p

    Bihar CM, pu Nitish hian Laloo a sawisel ve ngai lo an tih tlat pek chu!!!!

    Report this comment

  11. 11
    Sihtea Says:

    Post thar hi a chhuak har hle mai.

    Report this comment