MSU FIR thehluh chhan kimchang

April 7th, 2013 7:00 pm by TuaiSialA

6.4.2013: Mizo Students’ Union (MSU) General Headquarters chuan Paul Zoramliana, Principal National Institute of Open Schooling (N.I.O.S), Govt. Aizawl West College behchhana zirtirna kalpui thin lakah nimin (Dt. 05.04.2013) khan First Information Report (FIR) Vaivakawn Police Station-ah a thehlut.

Open School Principal Paul Zoramliana hian Class-XII zirlaite hnenah admission fee rualkhai lo takin zirlaite hnenah Rs. 1700/- te, Rs. 1500/- te leh Rs. 1200/- te a laksak a, heng zirlaite hnenah hian receipt mumal pawh pe lovin pawisa hi a laksak mai thin a ni. Tin, heng bakah hian Open School-ah zirlaite hnen atangin monthly fee lak loh tur a nih laiin thla tin zirlai pakhat hnenah Rs. 300/- a laksak thin a, exam fee atan zirlai pakhatah Rs. 1000/- theuh laksak lehin heng pawisate hi a hlawma pe turin zirlaite hnenah hriattirna a chhuah hnuah zirlaite hian an Principal-in pawisa pek tur a tih hi a hlawmin an pe deuh vek tawh bawk a ni. Hetianga zirlaite hnena dan dik lo taka pawisa a laksak tawh hnuah zirlai mi 20 (Sawmhnih) chuang zet chu exam thei lovin a titangkhang leh mek a, chuvangin MSU hian hma a la ta a ni.

Open School Principal, Paul Zoramliana hian a zirlai naupangte exam theih loh chhan ni-a a sawi chu ‘Home Assignment an submit kim lo’ tih te, ‘Internet chak loh vanga thil tul a tihfel hman loh’ tih te hi a ni a, hei hi MSU chuan chhuanlam tling lovah ngaiin he Principal hi tun hnuah zirna lama inkaihhnawih tawh lo turin an duh thu, vawiina Press Release an siamah an tarlang bawk.

Open School Principal Paul Zoramliana hian a zirlai naupangte rilru a tihnatsak man hi MSU chuan pe ngei se an ti a, chumi atan chuan a zirlaite hnena ngaihdam a dil mai bakah zirlaite hnena pawisa a lo laksak tawh zawng zawng hi pekir leh vek turin a phut tlat a, zirlaite nun a tihbeidawnna leh zirlaite laka harsatna a siam man hi zirlai pakhatah Rs. 30000/- (Singthum) aia tlem lo pe theuh turin MSU chuan an phut bawk.

Similar Posts:

Recent Posts:

8 Responses to “MSU FIR thehluh chhan kimchang”

  1. 1
    Pakak Says:

    a van zia lo thin ve le(h)

    Report this comment

  2. 2
    bucko Says:

    MSU ho chu hlawhtling ngei teh se..

    Report this comment

  3. 3
    caribou Says:

    Zirna kaihhawih kawng hrang hrang ah thil felhlel a awm nual ka ring a, a siamtha turin MSU te hian ke pen chhuak thin teh se.

    Report this comment

  4. 4
    Hotunu_pasal Says:

    E khai ! khai..!! khai..!! khai..!!! Chu zirtirtu pa chu a va tenawm ve mawle.A phutawk hremna pek ngei nise a va tha ve.

    Report this comment

  5. 5
    Charice_mizo Says:

    Bang rawh se. Nep em mai he2. MSU ah hian la in register ve tur a ni.

    Report this comment

  6. 6
    KL.Ramhluna Says:

    Zirlaite chu sumdawnna’n hman a tum em maw ni le?

    Report this comment

  7. 7
    hlatekhua Says:

    Hei TuaiSialA a’n chet chuan kan chiang ta kuar alo’m.

    Report this comment

  8. 8
    ruatruatapa Says:

    Engtin nge ni ta zel ?

    Report this comment