Pawngeklira

March 9th, 2013 7:29 pm by aduhi

Ni khat chu Pawngeklira hi Republic Veng atangin bazar lamah a kal dawn a. Sikulpuikawnah a thianpa dawrah a han dak zuai a. A thianpa chuan, “E khai Pawngeklira a ni reng mai, i dam tha maw? I thisen sang te enge a an, i inenkawl tha em?” a lo ti lem hlei lo a.

A kal zel a. Khatla traffic point ah chuan a nupui nau a lo duty hlauh mai a. Traffic police chuan, “Pawngeklir tikhan lo nghak lawk la, motor hi ka phar ding anga i kal dawn nia,” pawh chu a lo ti lem hlei lo a.

Zodin a thlen chuan a hah tawh hle a, a ke ruh te a na thum tawh a. Bus tawt deuh mai hi a rawn kal a, an veng te bus a lo ni a. Conductor chuan, “Pawngeklir lo chuang ta che, bus fare pawh min pek a ngai lo ang,” pawh a lo ti lem hlei lo a.

Ke in a kal hnak hnak a, Civil Hospital ah a patea fapa a awm tih a hrechhuak thut a. Tlawh tumin a han chho a, mahse visiting hours a lo pel tawh a. Nurse duty chuan, “A chhungte i ni bawk a, minute 15 vel i luh ka phalsak ang che, Pawngeklir,” pawh chu a lo ti bik lem hlei lo a.

Ni a sa si, a tui te a hal huam huam a. Kawngsira theitui zuar ho te chuan, “Pawngeklir, kha a free in kan theitui zawrh hi lo in rawh,” pawh an lo ti lem hlei lo a.

Engtin tin emaw Millenium Centre a thleng a, mobile phone an zawrhna ah chuan a ding chat a. Rei ngial a enkual hnuah chuan Soly Elillson phone ngei mai chu a lei a. Dawr nghaktu chuan, “Pawngeklir, min rawn dawr ziah dawn nia aw,” pawh chu a lo ti lem hlei lo a.

Tihtur em em a nei tawh a lo a, bus tawt ve angreng deuh ah inhnawhin a haw ta a. In a thlen chuan a nupui chuan, “Khawimaw i phone thar chu ka lo en chhin, Pawngeklir,” pawh a lo ti lem hlei lo a.

Source: Kan naupan laiin Lunglei a kan chhungte Pu Hrangliana (tunah chuan a thi tawh) hi a lo zin apiang hian thawnthu min hrilh ziah a, Pawngeklira thawnthu pawh hi a sawi lar thei khawp mai.

Similar Posts:

Recent Posts:

20 Responses to “Pawngeklira”

  1. 1
    Phivawk Says:

    Le, kawmen tan i1a…

    Report this comment

  2. 2
    Phivawk Says:

    Hahaha, Pawngeklira (Y)

    Thawnthu dangdai tak a ni :-D

    Report this comment

  3. 3
    Emi Says:

    LOL Thawnthu mak tak a nih hi, kan naupan lai Nursery teacher in Hmarchangila thawnthu min hrilh thin ai pawhin a mak.

    Report this comment

  4. 4
    Mx Says:

    Lolz… Pawngeklira :D :D (Y)

    Report this comment

  5. 5
    CFL Says:

    Hairehai

    Report this comment

  6. 6
    SHauzelSailo Says:

    hahaha :P a va thra ve, kuk :P (Y)

    Report this comment

  7. 7
    mama Says:

    A van ngaihnom reuh e, aduhi hi hre mak e :D

    Report this comment

  8. 8
    PKfanai Says:

    Mizote chuan, Khawvel hi Pawngeklira ek lirh inhlum lian zel atanga insiam angin an sawi ve. Khawvel chu Satel lianpui chungah a innghat a, chu Satel chu a chet apiangin, “Lir a nghing” kan ti thin, an ti. :-O

    Report this comment

  9. 9
    Virgo Says:

    Sephung te pawh min ti hrechhuak a lawm maw le, save nghal teng

    Report this comment

  10. 10
    saint sammoo Says:

    haha… NKK…

    Report this comment

  11. 11
    century child Says:

    Aduhi muah.
    PTLNZTTAVNE, post tha leh nuihzatthlak tak a va ni em.

    Report this comment

  12. 12
    vakul Says:

    I phuahchawp chiang.

    Report this comment

  13. 13
    megapixel Says:

    Ka chhiara rilruah pu shauzelsailo a lo lang nghal nia! (tak tak).

    Report this comment

  14. 14
    megapixel Says:

    Eh, pu hauzelsailo chu a lo comment daih tawh leh si….! (va zahthlak duh ve heh). He thawnthu phena a philosophy hi aman rawn sawi zau se ka lo ti rilru a. Comment hmasa khi Edit hman lo alawm le network chhe em a ni. ^^

    Report this comment

  15. 15
    SHauzelSailo Says:

    Pawi ti suh @14 Mega.. keipawn ka chhiarin ka rilruah keimah kha awm vel mole ahahaha k-u-k kuk :P
    Han sawi zau zawk la, I thiam hmel zawk :D

    Report this comment

  16. 16
    Dr Mahminga Sailo Says:

    Ka hriat phak ve loh thawnthu a ni maw?! :-D Tak takina, a hunlai chuan ngaihnawm ve deuh tur a sin.. (Y)

    Report this comment

  17. 17
    Awmtea Leo Khiangte Says:

    Chhiar dawn ang…

    Report this comment

  18. 18
    ben vangchhia Says:

    ‘A va ngaihnawm ve, tum loh deuhvin ka chhiar chhuak’ pawh an ti lem hlei lo va..

    Report this comment

  19. 19
    ulawng Says:

    haha :D

    Report this comment

  20. 20
    Dr John Says:

    (Y) Komendian Saarch kha ka hrechhuak :D

    Report this comment

Leave a Reply

You must be logged in to post a comment.