Thinlung hmangaihna mamawh!

March 8th, 2013 7:31 pm by H.Vangchhia

“HIV positive a ni tih a zep ngai lo a, zep ṭul a ti hek lo. Amah ang bawka HIV positive te tana thawk turin a inpe a, a hun tam zawk chu midangte ṭanpuinan a hmang ṭhin. “Tunah hian positive leh positive loh chungchangah Pathianin duh min thlantir leh ta se, ka inngaihtuah viau tawh maithei a ni,” ti hialin a sawi.”—TK-a Hnamte

Amah Lalchhuanzuali hi tunah chuan Mizoram a HIV positive-te tan ṭhahnemngai takin, social worker angin a thawk mek awm e. Nikum lam khan Washington D.C.-ah hetiang HIV lampang chungchang a khawvel ram hrang hrang inhmuhkhawmnaah khan, India aiawhin Dr.Ronald Lalthanmawia nen anlo kal nghe nghe a ni. Chuta a thusawinaah chuan Mizo a nihna chhuang takin, Kawrchei, Puanchei leh Vakiria a inthuamin thu a sawi nghe nghe a ni.

HIV paite (HIV positive) te kan thinhrik ṭhin fo mai hi a pawi khawp mai. A nihna takah chuan, natna kaichhawn theihah hian HIV tluk a kaichhawn harsa hi a vang ngawt zawk awm e. Hepatitis ho hi kaichhawn an awlin an hlauhawm zawkna a tam fo maithei. Entirnan, Hepatitis B angte hi, an thisen emaw kha khawiah emaw kai ta se, ni tam tak a ral hnu pawhin a hrik ala dam a, ala kaichhawn theih fo mai. HIV chu pawn boruakah a dam thei der lo thung!

Engpawh nise, Pu C.Sanga leh Pu Lalhmingsanga ten hla an phuah, amah Lalchhuanzuali (CZ-i) ngeiin ama nun kalphung ang tak mai a channa chu ka han phawrh ang e. Mi tam thei ang berin en ṭhei sela a duhawm khawp mai. HIV paite hian hmangaihna an mamawh zia I hre zual sauh teh ang u.

YouTube Preview Image

Kum hmasa lam a a chanchin tlem ka ziahna link kan telh hram ang e:

http://www.misual.com/2012/08/08/ka-hmelhriat-thar-ka-chhuan-em-em/

Similar Posts:

Recent Posts:

14 Responses to “Thinlung hmangaihna mamawh!”

  1. 1
    Phivawk Says:

    Le, comment tan i1a…

    Report this comment

  2. 2
    Phivawk Says:

    Kan ramah hian Tlawmngai Pawlte leh mi thahnemngaite zarah HIV positive te thinhrikna leh endawngna a tlahniam ve hret hret niin alang. Chutih rualin HIV positive te hian lainattu leh hmangaihtu an mamawh takzet a ni.

    Lachhuanzuali chu a chhuanawm hle mai. Nasa zawkin han tang sauh sauh teh se.

    Good post (Y)

    Report this comment

  3. 3
    H.Vangchhia Says:

    Tinge a video kha a tel miah lova. Nge ka hmu thei lo zawk?

    Hemi video kha ka dah ngei kha mawle:

    http://www.youtube.com/watch?f.....xCAnlJAS_g

    Report this comment

  4. 4
    Atom c Says:

    Indopui II-na hun laia damkhawchhuak ta te pawh kha tunah chuan mual an liam ve leh ta nual tho tho. Damchhung reilote ah hian midang nunna chhanhim duhna rilru pu mite aia ropui hi khawvelah an la awm chuanglo.

    Report this comment

  5. 5
    sheldon Says:

    Keipawh he nu hi ka ngaisang khawp. A natna in hneh tir loh mai bakah midangte tan mualpho huam in a inpe a nia (Y)

    Report this comment

  6. 6
    Awmtea Leo Khiangte Says:

    Ka van ngaisang tak em!

    Report this comment

  7. 7
    mama Says:

    A ngaihsanawm hle mai, a natna chu a hneh chiang a ni.

    Awareness campaign a tha bawk a HIV/AIDS +ve te kan en dan pawh a ziaawm ta hle.

    Video khi chu ka very slow connection hian a en theih loh.

    Report this comment

  8. 8
    SHauzelSailo Says:

    Ngaihsanawm kher mai. (Y)

    Report this comment

  9. 9
    ulawng Says:

    (Y)

    Report this comment

  10. 10
    Sihtea Says:

    Lalchhuanzuali chu a ngaihsan awm hle tak mai a.

    Report this comment

  11. 11
    Rugga Says:

    (Y)

    Report this comment

  12. 12
    appy thianhlun Says:

    Hetiang ang mi hi an vang viau ta ve ang..ka ngaisang hle mai a huaisenna leh tumruhna hi.A thil tawn leh hmachhawn mek te hi ritin khirh hle mahse inhneh tir mai lo a, a hneh let zawk hi a ropui thlawt ani.Hmalam panin kal zel ang che CZ, i harsatna te hnehsak thei tu che Krista lam en tlat zawk zel ang che..(Y)

    Report this comment

  13. 13
    chhangte_ll Says:

    Late 90’s a Mizoram Health Department in AIDS do na na Vaibelchhe 2 vel an dawn kha engtin maw in hman zawh tak kha, HV :p

    Report this comment

  14. 14
    Dr John Says:

    (Y) Post tha khawp mai.

    Mihring hi ‘Optimist tan dam khaw-chhuah a awlsam bik’ an tih hi a lo dik hle-in ka hria. Vanduaina te, harsatna te leh manganna te kan tawk theuhva, heng vanduaina leh harsatna chhawr-bawk thiam apiang hi mi hlawhtling an ni zel tih hi a rawn lang-chhuak leh thin.

    Nl. Lalchhuanzuali hi a chhuanawm ka ti hle mai. Amah anga thawk ve Social Worker dangte pawh an fakawm ka ti bawk. Tawngtaipui an rawn ngen ve thin a, an Chanchin min han hrilh chuan, hetia kan ral-hriat mai ai daih hian a thuk a, an khawngaihthlak a, an lainatawm tak zet zet.

    Mahni fel loh vang leh sual vang ni hauh lova vanduai vang leh thil fel lo tak a awm avanga HIV hrik kai ta an awm nual a. Sawi chhuah mai rem silo te a ni a. An Chanchin tam tak chuan rilru a khawih hlawm tak hle a ni. Kan remchan dan ang zelin fuih ila, tawngtaipui ila, i tanpui zel teh ang u.

    Report this comment