ZONET Cable pawt kan ni a, hman zan chu tihtur ka nei lo chuan Local Programme-ah hmuhnawm ka zawng kual e ka ti a, mahse mak ka tih deuh mai chu heng – ZONET Daifim, ZONET Senhri, ZONET Nauban, ZONET Dingdi, ZONET Zamzo -ah te hian Korean film hlir an lo pe nia!!!!! Hetiang bawka nasa hian LPS lam pawhin an Local Channel tam takah an chhuah ve tho a ni awm e.
Hetah hian mipui chu a mawh phurtu hmasa kan ni. A chhan chu kan en duhzawng a nih miau vang te pawh a ni mahna. Mahse, (kan ti ve lawk) Zonet leh LPS neitute lam hi an insawifihlim mah mah em aw…… Dan (Law) atang chuan lo insawi fihlim thei ta pawh ni sela Vanramah hian an insawifihlim ve thei ang em?
Tin, Korean Film hi sual a ni e ka ti lo va, a tha lo pawh ka ti ngawt lem lo. Mahse, he Mizo hnam hian he Korean Film hi kan la zo lo deuh chu a ni tih kan tleirawlte nunah hian a hriat ta khawp mai, a then an cher tawlh tawlh a, a then an dâng tawlh tawlh a, an then an lo OD a, a then lah an muhlum ta hial bawk a!
Thil pangngai, tha takte pawh hi a hmangtuin kan zei loh luatah hian kan hmang sual leh thin! Kan hman thiam loh tur hi chu inchhawp loh mai hi a tha, chu chu Korean film chungchangah pawh hian ka ngaihdan dik tak chu a ni e.
Tin, kan Cable TV neitute pawhin mipui en chak zawng mah ni se, a mipuite hian kan chhiatpui miau si chuan Kristian ram kan nihna angin han pe chhuak duh tawh lo ngam ngat mai se, an va ngaihsanawm lehzual dawn em! Chungte avang chuan Pathian zarah an chân nasat phah lutuk chuang lawng chu maw. Chutichuan, Chanchin Tha nena inmawi rengin an chhuah tur te hi han thlifim ta sela Malsawmna hi an dawn phah lehzual lawng maw ka ti ve a ni.
Similar Posts:
- Korean serial film
- Zonet Trademark
- Korean flu – II
- Mizoram hian Film Industry kan nei ve thei ang em?
- Korean Flu-III
March 8th, 2013 at 4:40 pm
Comment zam ru 1e :Y:
Report this comment
March 8th, 2013 at 5:17 pm
Tunlai tawng takin Mizote hi kan OVER a nih ber hi a..
Mizo mipui nuai sawm chuang hlek zingah, kum hnih/thum chhung lek facebook kan hman chhung lekin, hman sual vanga jail bang zut an awm ta nual (?) emaw ni?! Zu lah ni se, heti khawp hian kan buaipui a, rem chu sawi loh, a tlem phah der bawk si lo. Ze nghet kan nei lo lutuk bik em niang le? Nge, hnam dangte pawh hi kan ralkhat hriat ai hian an buai chhe ve tho niang?! (Zirtawp tlaiah ka’n an hrep chu a..
)
Report this comment
March 8th, 2013 at 6:02 pm
Kan hman thiam loh tur hi chu
in chhawp lo mai hi a tha.
Kan he ti vang hi a lawm, ZU pawh
khap a ngaih na chhan chu.
Report this comment
March 8th, 2013 at 7:10 pm
Korean Film (serial) hi ka tuipui hauhlo mai, ka en ngailo re re. A zunzam hi keimahah chuan a thawk chak vaklo niawm tak a ni.
Thalai tam tak Korean Film zunzamin a man pawh hi engtikah emaw chuan a la reh veleh mai ang. Thil reng reng hian hunlai tete a nei ve a nia. Keini pawh kekawr-tlang-arh kan ti, ahnuah kan ha zuih leh, khawthlang lam zunzam khan phak ang tawk tetein min nuai ve thin kha a nia, mahse hei a reh leh duak mai hi.
Kei ka lo vei ve mai mai chu, Korean film mizotawnga an let anih pawhin a lettute hian tawngkan mawihnai deuh hman tum hram hram ta se…..tihte mai hi.
Report this comment
March 8th, 2013 at 7:23 pm
Helai chu Korean ho in comment ang aw.
Report this comment
March 8th, 2013 at 8:02 pm
Korean flim a tang a ka hmuh chhuah.
1.Korean nuho chu an thin a chhe hle
a, an an cheh in, an mo te tan tawrh hlelh awm tak an ni a. An fa hrawn te chung ah phei chuan an sual in, an rap thlak thei hle a nih hmel.
2.Korean tlang val ho chu, an tuai
ze zu, pa hrek hrawk an awm lo a ni ang.
3.An chhung kaw pa ho vin, an chhung kua ai in, an hna leh sum an dah pawi mawh zawk.
4.Mi re thei leh mi hnuai hnung an hmu sit hle a, an ti nawm nah hle.
5.An nula ho hi, an mawl (a) deuh hui
a, an thin chhe hle bawk a, sum an duh huam huam hle bawk.
An tai mak na leh, an in vawn fai na
tih loh hi chu, en tawn tur tha
a awm lo. Lem chan chu an thiam viau a, an flim thawn thu tawp lam hi
a zu zi in, a tawp dan hi a mu mal lo tlang pui.
Report this comment
March 8th, 2013 at 8:49 pm
Korean film chang a ni hleinem, LPS hian hmana Kasauti kha an pe leh a, a en pawl chuan an en leh chur chur tawh, an peih hi ka tia.
Lelamah chuan film lehlin atang hian mi engemaw zatin eizawnna an lo neih phah a an lawmpuiawm e.
English leh hindi thiam ve lo tan chuan mahni tawnga en tur a lo awm hi a hlu ve bawk em a ni.
Report this comment
March 8th, 2013 at 9:51 pm
Peih leh peih lo lam pawh a ni lo.
Nu ber in a en duh miau chuan,
ka lo en lo thei lo chu a nih hi.
A chang tu nu te kha han srar kual vel i la, nuho hian an en tui lo mai an ti.
Report this comment
March 8th, 2013 at 10:57 pm
He post chu ka thlawp tluan parh e.
Report this comment
March 9th, 2013 at 10:56 am
#8@Sihtea
Min tih nuih huk chu le!!!
Report this comment
March 9th, 2013 at 1:54 pm
A chhiatpui tur chi ho chuan Bangladesh ho film pawh an chhiatpui tho ang chu.
Report this comment
March 9th, 2013 at 3:52 pm
Va buaithlak thin e aw.
Report this comment
March 13th, 2013 at 1:58 pm
dik chiah… Mizote hian hman tangkai thiam hlawl loh hi chu kan la ngah ngawt mai…..hehe
Report this comment