Synod thu vuakthlak – hnungtawlhna!

March 4th, 2013 8:30 am by TuaiSialA

Kum 2010 atanga misual.com-a inziak lut ve chauh ka nia. Ka luh tirh chu misual.com lun vanglai a niin ka hria a, kum 2011 chhovah phei chuan a nuam laih laih viau a ni. Mahse, kum 2012 chawhnu lam atang hian a reh tan ta deuh va. Chhuanlam tha ber chu, facebook hi a ni. Facebook hian misual.com lo pawh Mizo website dang a tireh hle niin a hriat a. Hetah hian eng nge kan tih ang?

1. Tun hma chuan misual.com-a thu post hi facebook-ah an post thin a, tunah chuan facebook-a thu post te hi misual.com-ah kan suan lut tawh. Hei hi, tun hma ang ang a nih theih nan eng thil nge kan tih ang?
>> Member-te hi a neitu ni mah ila, a enkawltu ber chu Administrator-te an ni. Anni hi an tan a ngai. Tunah hian Administrator hi mi 10 vel an awmin ka hria; he’ngte hian theihtawp chhuah tlang sela chuan kan zia chho deuh ang. Chanchinbumi active thei tur, chanchin tharlan update zat zat theitu tur administrator-a dah a ngai.

2. Facebook user emaw, midang tute tan pawh misual.com hi luh châkawm taka a awm theih nan eng thil nge tih tul?
>> Kan misual.com hi upgrade a ngai. Kan Administrator-te’n tihdan tur an hria ang. Facebook user te luh châkawm a nih theih nan misual.com hi han tuaithar leh deuh teh u. Ngai kan awh chuan hma kan sawn lo tihna a ni a, hma kan sawn loh chuan mi’n hma min sawnsan a, kan hnungtawlh tihna a ni. Chuvangin ngaiawh hi hnungtawlhna a ni.

3. Tun hmaa misual.com user active tak takte kha tunah chuan facebook lamah an pem zo tawh a, site lamah an rawn lang leh phauh phauh thin chauh a ni. (Kei pawh ka bang bik chuang law) Hei hi engtia tih tur nge?
>> E le… Kan administrator te ngei ngei pawh site-a an active peih loh chuan engtin nge member zawkte an active peih ang? Administrator te khan tan han la teuh u. Comment lamah pawh han tang deuh teh u. Administrator nih vanga comment zah tlat emaw, nuam lo tih emaw, mahni ngaihdan sawi ngam loh emaw kha awmzia awm lo!

4. Engtin nge member lut thinte tan site nuam tak a nih reng theih nan kan tih ang?
>> Member-te tan inelna thianghlim awm sela… Nikum lamah lawk khan plugins thar — thla khata comment hnem ber, ni khata comment hnem ber, post hnem ber etc. vel kha an rawn ti vak a. Hei hian lawm a hlawh phian a, member-te-ah inelna a siam a, comment pawh a tam hle thin kha. Mahse, an titawp leh ta thuai a, comment lak tlak vak loh a tam vang leh mobile user te’n harsatna kan tawh thin vang ni awm tak a ni. Mahse, mobile user te tana harsatna siam lo tur siin tih dan han ngaihtuah leh ula, comment pawh kan uar chho ve leh mai ang. Mi’n ‘No Comment’ tih ringawt pawha an rawn comment peih phawt chuan lawm hle zawk ila.

5. Facebook hi mawhphuh ber tur chu a ni em?
Tuna a lan danah chuan niin a lang. Mahse, Paite website pakhat Zogam Online-ah chuan online hi engtik lai paw’n 1000 chuang an awm reng! Facebook an hmang nasa ve tho! Hetah tak hian kan Administrator-te’n tihtur an ngahzia hre hlawm mawlh rawh se! Administrator online ngai lo chu paih ngam mai sela, (paih phei chu a ngai kher chuang lãw) a active thei deuh tur leh manhla thei deuh tur mi thar han lak belh teh u.

Similar Posts:

Recent Posts:

30 Responses to “Synod thu vuakthlak – hnungtawlhna!”

  1. 1
    VaiVa Says:

    Tukchhuah nuam vek u le… thuvuakthlak tha tak a ni (Y)

    Report this comment

  2. 2
    Phivawk Says:

    Nia, tang sauh sauh ang u khai (Y)

    Report this comment

  3. 3
    Athana Chhangte Says:

    Synod thu vuakthlak zet chuh! Tha khawp mai.
    Submit comment chhu lo a, enter chhut ka’n tum ngawt chu le. haha.

    Ni hman nuam vek u le.

    Report this comment

  4. 4
    Dr Mahminga Sailo Says:

    Fuihna tha tak a ni. Facebook hi ka regu em em a, chutiangin mi(sual).com pawh.. :-D mi(sual).com a reh ruih hian khua a har veng veng zel.. :-(

    Report this comment

  5. 5
    nell_maiden Says:

    FB luck na chhan pakhat chu a mobile friendly em atin ni.
    Mobile atang hian misual hi awlsam takin access theih se chuan….

    Report this comment

  6. 6
    PKfanai Says:

    Sunday pual post ka siam hian misual ah ka submit hmasa ber thin a. Mahse ka nghah chhuah hmain, fb lamah ka post hman leh nge nge thin.

    Report this comment

  7. 7
    century child Says:

    Nia, First te kha har rem2 thin tak kha ania, zinga first palh chuan nilengin mood a fuh thei thin kha nia, heh :-)
    fb ah pawh ka regu lo khawp mai, nots.en zuai leh chanchinthar chhiar zuai a ni ber.
    Post tha tak a ni.

    Report this comment

  8. 8
    Sihtea Says:

    Misual Synod thu chhuak tih tak ah,
    a tha kherh khawrh hle mai.
    Hei a, kei phei hi chuan post ziah na tur ka hmu zo lo. Ka hmu thiam lo
    a ni zawk mah ang. Mi sual lovers lam ah kha chuan, ka ti thiam a sin maw le hahaha. Computer nei pha lo, mobile a tang a comment thiam ve tawk tawk tan phei chuan, a buai thlak thin khawp mai. Comment ka chhut hian, a kar awl thui deuh deuh va ka dah pawh hian, comment bawm a a han luh meuh hi chuan,
    a lo in si lo lek lek thin te hi,
    eng nge a chhan ni ang le?

    Report this comment

  9. 9
    Tauhtea Says:

    Synod thuchhuah chhiar ka lo tum deuh a… hehe

    Report this comment

  10. 10
    chhangteval Says:

    Facebook hi chu el phak rual chu a ni lo. Mahse hei aia hma kan sawn leh zual theih dan hi chu a awm chiang mai.

    Admin te hian hei aia hian min uap hneh deuh thin se, post pending a awm trun a admin ten an chhuah hman lo emaw kan tih laia facebook lama an lo awm veng veng thin te hian tan a ti na thin :-P

    Tin, misual.com hi ka duh aiin kan inhmuam up mah mah thin bawk, thalai an rawn tel that ngam loh phah thin niin ka hria.

    Kan thil post reng reng ah hian tleirawl leh thlalai zawngte lawm zawng (music, sports, etc) hi a tlem thin lutuk a, hei vangte pawh hi ni bawkin ka hria.

    Chuan, tunlai thangtharte hi chuan hetia spelling dik thlap thlap a ziah hi an peih lova, misual lamin kan lo phal bawk si lova hei pawh hian ngaihtuah a ti thui.

    Report this comment

  11. 11
    chhangteval Says:

    Post tha tak ani tih ka sawi theihnghilh dawn alaw le :-P

    Report this comment

  12. 12
    mama Says:

    A pawimawh hle mai, han tang sauh2 teh u

    Report this comment

  13. 13
    chhiartu Says:

    Hmingpuzo takin ka comment ve ngai meuh lo…chutih rualin fb ah ka luh chuan misual ka luh hmaih ngai lo……

    Post tha tak ani.

    Report this comment

  14. 14
    sheldon Says:

    A va’n dik thlup thlup em!

    Report this comment

  15. 15
    ulawng Says:

    DTR vang vek :D

    Report this comment

  16. 16
    Lamji Says:

    Kan kal dan ngai hi ala tha yawk e. Remti in remti. :D

    Report this comment

  17. 17
    Awmtea Leo Khiangte Says:

    Hei chu rawtna tha tak a ni. Misual.com hian chuai lam a pan a ang mang e. Kan kaldan ngai hi a la tha rih e, kan tih tlat chhung chuan miten min kiansan zel ang tih a hlauhawm.

    Report this comment

  18. 18
    Charice_mizo Says:

    Facebook leh misual.com ka luh regu dan a inang reng, ngaihtuahna tha tak a ni e. Btw Admin te hi Aduhi, Vaiva leh Sandman leh Goldmember chiah ka hria :)

    Report this comment

  19. 19
    TuaiSialA Says:

    Chhamanator (Chhama), Mystic, Nancy, Father_Spinx (Lal Jo-a), PHISS te pawh an la awm.

    Report this comment

  20. 20
    TuaiSialA Says:

    Admin te ngaihdan leh chhanna ka lo beisei ve ngar ngar a. Ka beidawng tep tawh. :-(

    Report this comment

  21. 21
    rsiakeng Says:

    Post tha tak a ni e

    Report this comment

  22. 22
    The Real Says:

    Admin ten lo bawhzui se kan ti… (H)

    Report this comment

  23. 23
    vakul Says:

    Hetah hian regu leh tawh teng….zu chungchang te, atheism chungchang te, hnam chungchang te…a dang pawh sawi leh luih luih ila a nuam a ni mai. MI hi khap hmiah bawk tur ….MI hnuah chuan kan inhriaa kan kan inhnial tha duh lo va….inhre mang lo hian ri tlang bual bual ila…nuam ber

    Report this comment

  24. 24
    caribou Says:

    Eng ‘book hrang hrang pawh rawn chhuak se, misual.com hi a hlut dan a pangai reng thovin ka ring. Comment lem lova ka chhiar liam puat puat a tam. Internet ka khawih tawh dek dek chuan misual.com ka lut lo ngai lo tih theih deuhthaw a ni.

    Report this comment

  25. 25
    sheldon Says:

    Tuaite, kan Admin te hi an muhil char char aniang :-D

    Khawnge maw Aduhi te kha aaww! Sandy pawh a Filthy.com lamah a buai aniang. Vaiva tehreng pawh hi khawnge :-D

    Report this comment

  26. 26
    megapixel Says:

    Floor atang hian TuaiSialA leh *** te hi admin thar atan ka va’n propose châk e….

    Report this comment

  27. 27
    TuaiSialA Says:

    Tunlai tawngkam takah, ui…sad tawp. :-D

    Admin ni tur chuan active thei deuh, thil thiam ve deuh, thil hre ve deuh an ngai alawm, Pu Mega.

    Report this comment

  28. 28
    saint sammoo Says:

    a nih leh kha… Komen…iptepui khat..
    Haha..

    Report this comment

  29. 29
    Dr Mahminga Sailo Says:

    Mi(sual) admin an min elo?! :-O

    Reh deuh vang vang chang te, rik deuh hlut chang te awm se, khawvel dan a ni ngai.. ;-)

    Kan veng pa pakhat piangthar zing em em pawhin tihian a sawi alawm.. :-)

    Ka vanram kawng zawh hringnun hi chu pangpar ang hi a ni a. Pangpar chu a lo kuhmum a, a lo vul chuk a, chuai ni a nei; mahse a vul leh thin. Chutiang chiah chuan, kei pawh hi ka pian thar hnua ka’n dak em em lai leh, zu ka ruih bak bak tawh hi chuan, ka thar a hnai leh tawh tihna a ni e a ti.. :-D Pangpar lem anga vul reng ringawt hi, nun tak lo entirna a ti zawk then a sin.. :-P

    Report this comment

  30. 30
    Sandman Says:

    Sir TS, ka lo chhiar ve chiah a, tlem chu jbl eich hmar post ah khan ka rawn chhang kawp dawn mai che u…

    Report this comment