Mizo tawng tak hi chu aw…!

March 4th, 2013 11:27 am by TuaiSialA

A sakawr chu lian hle mah se a chunga chuang a len em avang chuan kel tiat chauhin a lang a. A hmel te chu rorumin pa viau mah se a bianga chemtea an zaina ser chuan a pawt nui deuh sáng reng a…

A rorum em avangin a nupui chu, “Ka hmangaih che,” tih a zak ngawih ngawih a. Sawi luih a tum ngial pawhin, “Pawngsual atan ka ît che,” a ti leh dum dum mai thin a, mahse, Mary chuan hmangaihna kamchhuak na na na chu a hai chuang bik hauh lo va. Mary chuan hmeichhe diktak tih takah pangang a hlauhzia a sawi siam siam a, a pasal roruma ve thung chuan inawhhlum mai a châkzia te, nghapih leh dangpuithu tui a tihzia te a sawi khu rum rum a. A siamna industry din ve mai a duh deuh thu te pawh a sawi puak pawp pawp a.

A nupui Mary erawh chuan a duh loh thu a sawi keuh keuh lai chuan a pasal roruma chuan midum thling hîp a châkzia a lo sawi têk chhuai chhuai a. A cowboy tan laia a puakruk phawi ranzia an hre lovang tih a hlauh avanga khaw pahnih an mang thak thu te chu a kâa thotle thlawk lut thial riap riap pah chuan a sawi ban chap chap a. A chal chu a khi tuarh a, a chal khi kar atang chuan rannung chi hrang hrang an lo chhuak nguah nguah a…

Similar Posts:

Recent Posts:

17 Responses to “Mizo tawng tak hi chu aw…!”

  1. 1
    Dr Mahminga Sailo Says:

    He post zet chu(h), a va pui miah miah ve le.. (Y)

    Mut chhuak deuh ngiai ngiai chungin ka chhiar thla hmauh hmauh mai.. :-D

    Report this comment

  2. 2
    Tauhtea Says:

    A flim a en ang mai ka ni!!!

    Report this comment

  3. 3
    Mx Says:

    :-D:-D:-D

    Report this comment

  4. 4
    chhangteval Says:

    Rorum awm rem rem!

    Report this comment

  5. 5
    sheldon Says:

    Haha.. Pawngsual atan ka it che. Pa awm rem rem :-D

    Report this comment

  6. 6
    Terema Chhakchhuak Says:

    Double adverb leh adjectival adverb na na na hi chu kan nei tha ve thlawt a ni. Hman tumah khan J.F Laldailova khan Mizorama St. Paul’s HSS dintu Father Godfrey hi Mizo tawng a zirtir a, tonal language a nihzia entirin ‘zu in in in inin in inin in inin in inin a tul thin’ tih hi a zirtir pek a, Father Godfrey chuan har a ti ta lutuk a,”Heti anga tawng thluk ngai zel hian in tawng pachhiatzia a entir,” a lo tihkhum hial a ni awm e. Ani JF-a chuan,”Mizo tawng chuan thu kan sawi dawn pawhin zaizir nena tihkual vak a ngai ve hleinem, kan duh zawng chu chiang leh fiah em emin kan sawi vek thei asin. Mizorama thing hming hi botany zir i ni bawk a, i hre teuh thei ang. Mahse thingtlangpa pa naran ve mai mai pawhin hre teuh ni lovin a sanga sang tel hi an hrilh thei ang che,” a lo tihkhum a ni awm e. ‘Kha tlang kha a sang ngei mai’ kan tih leh ‘kha tlang kha a saaaaaaang ngei mai’ kan tih pawh hian a san hmel zawk chu a hriat ngawih ngawih tawh mai a ni. A uarna tawngkam atana kan han thluk chiam thinte hian Mizo tawng hi eng emaw ni chang chuan a tihausa ve riau thin. ‘Ka duh teuh lo’ han tihbungvut ai chuan han thluk deuh vang vang a,”Ka duh teuuuuuh lo,” han tihte hian kan duh loh hmel leh zual thin asin.

    Report this comment

  7. 7
    Awmtea Leo Khiangte Says:

    Mizo tawng hi chu har deuh mai maw le…

    Report this comment

  8. 8
    Dr Mahminga Sailo Says:

    Mijaww trawng keimah telem telem thiam an ti talh te hi a lawmawm ve riau..

    Ti daih ila, Mizote hian, hnamdang Mizo tawnga kan biak hian, kan tawng pai ve tlangpui nia.. Entirnan: Nangmah, chaw ei tawh em? :-P

    Report this comment

  9. 9
    Charice_mizo Says:

    Nia I am a Mizaw…:)

    Report this comment

  10. 10
    Manuni Tlau Says:

    A har ka ti raih raih khawp mai!

    Report this comment

  11. 11
    Phivawk Says:

    He post zet chu(h)! a va han turu rapthlak ropui miah miah ve le! A film siam hial chi, a changtupa ni ngei bawk ila…haha

    Tin, Mizo tawng hi a har thawkhat a nih ka rinna chhan pakhat chu vai thenkhat Mizoram a kum sawmhnih chuang awm tawh pawh hi an la tawng pai deuh tlat zel. Tin, kei ngei pawh hi ka la tawng pai deuh tlat.

    He post hian min ti nui khur char char :-D

    Report this comment

  12. 12
    Sihtea Says:

    Khai khai khai a, mittui tla phung a,
    ka nuih tak chiam chu le.

    Report this comment

  13. 13
    sheldon Says:

    Tukchhuah nuam vek u le (L)

    Report this comment

  14. 14
    saint sammoo Says:

    tuaisiala hming ka hmuh tirh pawh hian ‘Tuai’ ni turah ka’n ngai ngawt pek a..haha..

    Report this comment

  15. 15
    caribou Says:

    A kaa thotle thlawk lut a lo thial hmiah hmiah khi a pa khawp mai.

    Report this comment

  16. 16
    Phivawk Says:

    Ka chhiar nawn leh ngat, pui ka ti tulh tulh mai.
    ‘Pawngsual atan ka it che..’ a ti dum dum mai te, midum thling a hip chak tlat mai te khi…huuuuuuhu pui miah miah tak a ni :-D

    TuaiSialA, i post zingah chuan ka hlimpui leh nuihpui nasat ber ala ni hial awm e, THANG KHUIS… :-D

    Report this comment

  17. 17
    I am0 Says:

    I ROrum thawnthu hi a chhunzawmna kan la nghak reng ania

    Report this comment