Thlawhtheihna

February 27th, 2013 6:16 am by Dr Mahminga Sailo

(‘Panlai Nun i ti chhen a’ min tih takin, ti hian ziak tan pawp te’ng.. ;-) Tin, thlalakna lian chi ka neih ve loh avangin, thlalak a fiah lem lo khawp mai. Tarmit vuahin lo thlir ve tawh mai r’u.. (H) )

Thingtlang khawhar
Kan venga khawl ri thei awm chhun kha Buh-her-khawl a ni mai a. Zing kar leh tlai ninemah buh an her thin avangin khuaah thawm a siam ve a, khawhar a hnem ve thei viau. Hetiang a nih avangin, fehrehsan a’n thlen meuh chuan, khawchhung chu a reh vawng vawng a. Ralkhata arpui tui lai kawkawdak lauh lauh leh veng tawntirha sikul naupang thawm tih loh chu thawm dang reng hriat tur a awm ngai lo.

Helikawptarrr
Eng ti tura rawn thlawk ve ringawt thin nge an nih kan hre hauh lo va, tute nge chuang tih phei chu kan hre lo leh zual. Amarawhchu, helikawptar rum vang vang kan hriat erawhin kan awm hle hle thei ngailo. Vanneihthlak takin, chawhma chawlhlawk laia Lunglei lam atanga helikawptar rawn ri vung vung kan han hriat phei chuan, hmanhmawh baklengin kan veng tlangchhipa khelmual kan neih chhun lam chu thlantla leh thaw hlawp hlawpin kan han thleng a. Kan chet ran deuh tumin, helikawptar chu kan thlir vauh vauh hman thin. Mual kan thlen vel leha Lungsen lam pana a thlawk liam tur kan han hmu hman tawk thin kha chu a beidawnthlak thin a sin.

Churukut!
Helikawptar a rawn thlawh tawh hi chuan, kan venga pavalai ka nel tak hian ka tawngfiah hmaa ka au dan a zir thin a. Ka zak ve thin khawp mai. Helikawptar ka hmuh apiangin, thlawhtheihna, Churukut min rawn hawn rawh ka ti thin a ni awm e. Churukut kha enge a nih pawh tun thlengin ka la hre bik chuang lo! :-P

America thlawhna ka hmu a sin!
Nia, chaw tlang keng chunga helikawptar thlawk liam tur hmuh hlan nghakhlel em em a baklenga kan tlan lai hun nena khaikhin chuan, changkang tawh tak ka ni. Tun thla tir khan Aero India 2013 chu ka va chhim ve ngei a. Mahni suma ticket lei tur ni se, ka en loh dawn nen, kan pu berin ticket min leisak tlat si a. Ka en chak em em bawk nen, phur taka inkhalh chhuakin ka va en ve kha. Nghawng a kham duh khawp mai.

He American Air Force thlawhna, Hercules hi, tunlai tawng takin a ‘khal’ tha met mut khawp mai.

Hetianga van boruaka sanga han uai kual vel nul nul hi ka zah zawng tak, ka mawng a za palh ang tih ka hlau.. :-P

Heng thlawhnana te tak te te hi, an ri pherh pherh a, an inthazo zek! Sang takah an thlawk vang vang a, lei lamah an rawn bir ngawr ngawr a, lei an su pawp dawn emaw tih hnuah an han in-bingbilet vel thul. Phengphehlep ‘D’ chhai ianga an inchhai kual vel lai a nih duh hmel… :-)

He Helicopter hi chuan meikhuchhuahna a nei bik.. :-)

Mahse, hmannia thlawhna hrawl pui pui leh makasak tak taka vansanga in-bingbilet kuala, thlawhna dang han chhai kual vel te kha hmuhnawm ti em em mah ila, thingtlang kan awm laia, helicopter pakhat thlawk liam en tur ringawt a ka phur leh zauthau ang khan cka en chak ang em em khan ka phur herh hawrh miah lo. :-)

Hringnun hi duhthusam reng rengin kan hmang a. Kan thlen chin a san poh leh kan beisei sang zel a. Kum kan chhiar tam ve tial tial a, Lal Solomona thurawn a dikzia kan hre chiang zel a nih hi maw..

Similar Posts:

Recent Posts:

13 Responses to “Thlawhtheihna”

  1. 1
    VaiVa Says:

    Tukchhuah nuam vek u le (Y)

    Report this comment

  2. 2
    H.Vangchhia Says:

    A hmuhnawm e (Y)

    Report this comment

  3. 3
    Dr John Says:

    (Y) Post hmuhnawm tak a ni…

    Post-tupa i Post hmasaah ‘nghawng a kham duh’ tih ka hrilh tawh che kha :D :P

    Report this comment

  4. 4
    mama Says:

    A hmuhnawm e.

    Report this comment

  5. 5
    Dr Mahminga Sailo Says:

    @ Dr John.. I sawi kha a dih chiah.. A thlawh rik fua fua kha chuan, a en loh theih si lo va.. :-D

    Ka Scooty ke hmalam a la puncture zui a. Airbase tlan hual papin, km 8 vel ka’n in khalh teh reng a nih kha.. A hahthlak ve hrep.. :-(

    Report this comment

  6. 6
    Awmtea Leo Khiangte Says:

    Ka van chuan ve chak… :)

    Report this comment

  7. 7
    lushai_er Says:

    “Fehrehsan a’n thlen meuh chuan, khawchhung chu a reh vawng vawng a. Ralkhata arpui tui lai kawkawdak lauh lauh leh veng tawntirha sikul naupang thawm tih loh chu thawm dang reng hriat tur a awm ngai lo.”

    Herawt ri rawt rawt ri te pawh hriat tur a awm lo maw… :-)

    Naupan lai kha chuan khalh ve ngei kan tum a, mahse kan khalh pha ve ta lo chu a nia. Tun thleng hian ka khalh thiam hi ka la ring reng :-D

    Report this comment

  8. 8
    Dr Mahminga Sailo Says:

    @ lushai_er… Thlawhna khalh chu sawi loh, ka chuan ve theih pawh hi ka ring ngai lo va; air hostess chhe lo tak tak an sawi thin te phei chu ka hmuh phaka inlar turah ka beisei ngai hlei nem… :-D

    Tunlai tawng takin, Engineering leh a kaihhnawih hi zawng, a lo bawn deuh a ni.. (Y)

    Report this comment

  9. 9
    bingtaituki Says:

    A hmuhnawm e (Y)

    Report this comment

  10. 10
    buh-duha Says:

    Helicopter sawi hi chuan naupan lai mi tihre chhuak lo thei lo…Lung hlui i tileng hle mai..

    ” Hringnun hi duhthusam reng rengin kan hmang a.” tih aiah
    “Hringnun hi duhthu sam reng rengin kan hmang a.” ti ila a dik zawk ang em?

    Report this comment

  11. 11
    Dr Mahminga Sailo Says:

    @ buh-duha … A ni zawk dawn tak, ka lawm e… (Y)

    Nia, khawpui ri luih luih kara, ni tla vanvuaia buai chang hian; thingtlang nun mawlmang ang reng, hlimawm tak si kha a ngaihawm leh thin… :-(

    Report this comment

  12. 12
    buh-duha Says:

    Tunlai hi tui thehkang hun a nih kha maw..chakai pawh an thau duh.Ka pu nen Thangtepilui atanga tanin Chitelui kai thleng thirtiang nen chakai kan khawrh thin a nih kha.Phai luiah chuan tun ang hun hi Ulawng eng pung khawpa an thau hun kha a ni bawk. Pawl 6 kan zir ve lai khan tlai khat kan sikul bang pawh thian pali hruaiin len ka keng a, ulawng leh sangha inpawlh maubur 14 khat teh meuh kan man mai a…a hlimawm ve deuh ngei mai…

    Report this comment

  13. 13
    Dr Mahminga Sailo Says:

    Chawhmeh zawnga thiante nena ram chhuah nikhuaa,kan hawn chhun chhun chhungte’n min han fak ngei phei kha chuan, a nuam ve thin teh e…
    Middle sikul kan kal laia kan thiante chakai chhit tum ve erawh, an rin aiin luikawr a thim hma ta si a. Hmanhmawh tawkin khua an rawn pan a. Ni a tla fel awrh niin! :-D An bula sawi chi miah loh, mi hriat an hlau rap.. ;-)

    Report this comment