Delhi ah Mizoram House thar

February 26th, 2013 7:30 pm by Goldmember

via Dipr

New Delhi a cham mek Chief Minister Pu Lal Thanhawla chuan nimin tlai khan New Delhi Chanakyapuri a Mizoram House sak thar, Rs. 20.65 Crore senga sak chu a hawng.

Mizoram House sak thar hi Mizopa chhiara chhawng 4 niin, basement a awm bawk a. Mi 39 thlen theihna tur niin, VVIP leh VIP te tan bakah Resident Commissioner Office atana ruahman a ni a, staff quarters leh dormitory a awmlo a ni.

A building hi RCC frame structure a ni a, kawngkhar te hi electronic card lock system vuah vek a ni a, tukverhte hi alluminium glazing frame vuah vek a ni bawk a. VVIP leh VIP room chhuatte pawh Italian marble leh hard wood flooring hman a niin, guest room ah laminated wood flooring hman a ni bawk a ni.

A building-ah hian air condition system, kang thelhna hmanrua, solar water heating, water treatment plant, electrical sub station, diesel generator-320 KVA, lift mi 10 chuan theihna, CCTV -inchhungah leh pawnah, WIFI system te dah an ni. Heng bakah hian leihnuaiah tui litre nuai chuang dah khawlna siam a ni bawk a. Room tinah TV set leh mini refrigerator dah a ni bawk a ni.

Similar Posts:

Recent Posts:

30 Responses to “Delhi ah Mizoram House thar”

  1. 1
    H.Vangchhia Says:

    Kutdawh state chuan kan va nei changkang ve :P

    Mizoram House awmsa pawh an enkawl ṭha hleithei lo chu a ni si ale aw! House pakhat zawk chu a ṭawp lehzual ang tih a hlauhawm mange (ti ve ngawt teh ang) :(

    Report this comment

  2. 2
    zualbonez Says:

    congrats lushai_er

    Report this comment

  3. 3
    Jennifer Lo Says:

    mirethei VIP te a thlen ve theih a ngemle?? :P

    Report this comment

  4. 4
    H.Vangchhia Says:

    lushai_er kut chhuak ani maw? Yay (Y)

    Report this comment

  5. 5
    Nirvana Says:

    A te nil nel khawp mai, state dang “Bhavan” nena tehkhin chuan. Five star hotel suit a toilet ai chuan a lian deuh.

    Report this comment

  6. 6
    lushai_er Says:

    Kal lo langsar zual te…..Zualbonez & Fonze :-(

    Chtr-a pawh DSLR a nei thar a, a la rawn post turah ngai ang !

    Raldawna pawh mains a tling zo si lo, tan a tum nasa khawp mai. Charice-i ka hmu miah lo bawk :-P

    Report this comment

  7. 7
    chhangteval Says:

    uai..an nalh ngai mange aw.. lushai_er chu bon rem rem (Y)

    Ti daih ila mizoram house a thleng tur hian tute nge priority an pek hmasak? sawrkar hnathawkte tana chauha siam ni awm ang deuh te hian khual chhawntute hian an sawi hi ka hre thin. A nih chuan civil ho tana hman theih tur pawh hi siam a va tha awm ve.

    Report this comment

  8. 8
    XaiA Says:

    A that hmel e.. a tharah hi chuan A/C on an phal ang chu maw….

    Report this comment

  9. 9
    saint sammoo Says:

    mawi ving veng hle mai….

    Report this comment

  10. 10
    funny™ Says:

    Pu Hawla hi a hmel avan la tha veng vung ve.

    Report this comment

  11. 11
    hlatekhua Says:

    Hei chu lushai_er vil ngei a ni bawk a, kum tam tak a daih tawh ang chu maw. A hmaa mi kha chu kum 23 hnua thiah ngai leh ta mai kha a nia.

    A man zat hi kum 4 chhung (2008 atanga 2012) lekin Rs. Nuai 1432 atangin Rs. Nuai 2065-ah an revise a. Estimate hi an thiam lo viau thin nge, thil thar, a tira plan tel loh, Rs. Nuai 633 (44.2% of original estimate) man zet hi an belh leh le?

    Report this comment

  12. 12
    zualbonez Says:

    lushai_er…kal ho kha an lal hlawm lutuka kan zak alawm…friday ah kan lawm zawk dawn ania :-P

    Report this comment

  13. 13
    Dr John Says:

    (Y) Ava Lawmawm ve… Mizo-te min ti-hmingthatu-ah tang ngei sela a duhawm hle ang.

    Report this comment

  14. 14
    keimah Says:

    A sak dan kalhmang in Han sawi danin keini ang duang chu kan thleng ve pha lo nghal hrim hrim tih ka chiang sa mai! Kan phu lo nghal ul mai a lawm!

    Report this comment

  15. 15
    Dr Mahminga Sailo Says:

    Ram hmasawnna kawng khatah ngai phawt mai ang. A lawmawm e.. (Y)

    Delhi Mizoram house dormitory-ah khian (Vasan Kunj?) zan hnih ka riak ve tawh a. Zan rei lamah a/c an off thin a. A hrehawm duh ang reng.. :-( Tin, thlawhtheihna thlawk hmuh tur a tam hle.. :-D

    Report this comment

  16. 16
    Vittea Says:

    Kei ka tan zawng Dubai kawtthler in ropui pakhat tluk pawhin hlutna a nei lo ve.. (N)

    Report this comment

  17. 17
    mama Says:

    A va chhuanawm ve, mahse kei ni ang hnamchawm tlangval hi engtikah mah kan thleng ve hlei lo’ng e (W)

    Report this comment

  18. 18
    lushai_er Says:

    @Hlatekhua : A tira tel lo telh belh a awm nual a. Flooring pangngai hi Italian Marble leh Wooden Flooring a thlak a ni. Tin, Conventional A/C hi latest technology (VRV System) a thlak a ni bawk. ACP sheet ( abang hi) hi a tir a hman ngai lova ngaih aia tam kan hmang (Bang a pian belh)! Cost escallation hi 10% aiin a sang daih mai (Oil man hi vawi tam tak a san vang te pawh aniang)!

    Tin, a tira telh lem loh Kitchen Equipments, Conference Hall furnishing, Receiption & Office furnishing hi PWD kutah dah a ni leh bawk.

    A maintenance hna hi GAD kutah a awm dawn a, an maintain that leh that loh dan azir aniang chu.

    Room hi 26 a awm a, VVIP-2, VIP-5, 2bed – 9, King Bed-10.

    Zirlai leh khualpang zin leh damlo tan ruahmanna siam a ni lo. Senior official chin (Jt. Secy chin), PWD-ah chuan kan S.E te chin chauh an thleng thei dawn a ni. Keini a viltute pawh a hawn ni bak hi chu kan lut leh kher tawh lovang.

    Report this comment

  19. 19
    Awmtea Leo Khiangte Says:

    Thlen ve reng reng a va chakawm ve.

    Report this comment

  20. 20
    lushai_er Says:

    Ka la hmaih a la awm nual, a kawt zawl Granite (Sand Blasted) hi a tira tel lo, CM site inspection a min thlak tir a ni a. Bathroom fittings hi Kohler vek kan hmang bawk ( a tirah Hindware, Jaguar etc. fittings a ni)! DG-Set (320 kV) pawh.

    Thil pakhat chu project a lian emaw a te emaw Architect & Engineer viltu hi 3/4 an awm a ngai ngei ngei thin, chuvangin ka hnuhma a pawr viau ang tih pawh in rin zawn thei awm e. Electrical Er. leh Mechanical Er. tih tur kan vaihma angai si a, theihtawp kan chhuah bak tih theih nei hek lo i…..phuailuai deuhvin kan puanngo zawh ve tawk a ni ber e.

    A hawnna-ah hian kan pute’n min sawm ve a, ka zuk tel ve chauh zawk a ni e.

    Report this comment

  21. 21
    Dr Mahminga Sailo Says:

    lushai_er comment a bengvarthlak e. (Y)

    Dam chhungin VVIP chu sawi loh, VIP pawh ka nih hmel si lo va. Delhi zin leh hun chu, mahni IP (InngaiPawimawh) a hotel-a thlenna tur ka zawn leh a ngai dawn a ni.. :-D

    Report this comment

  22. 22
    hlatekhua Says:

    lushai_er, i sawifiah ṭha khawp mai, ka lawm e. Thlen ve chhin theih se ka ti ngei mai.

    A hlui, in ṭhiah tak zawkah khan Delhia admission kan zawn laiin ni 58 lai ka awm – Dormitory-ah, a tirah chuan khum awl a awm lo an ti chungin kan awm ta tho a.

    Kan chhuah dawnin Caretaker/ALO hnenah ‘awm man min tlawm la’ ka tia, ‘ni 10 awm man pe mai rawh’ min tih angin ni 10 awm man chu ka pe ta tih ka la hria. Kan awm lai hian ama’n a tih ngam loh, tlangval hawklak, mihausa fateho control kha ka kutah a dah a, chuvanga ngenngawl lui ve deuh chu ka ni.

    Report this comment

  23. 23
    Jacka Pi Says:

    MAwi ruih ruih ngei mai (Y)..awi ka thleng ve thei har awmmmmmm

    Report this comment

  24. 24
    lushai_er Says:

    #22 : I lo haw hunah i la thleng dawn nia, keini zawng thlen tik ni kan nei ve hlei lo’ng e, entry grade-ah kum 19 vel kan awm tawh a, step 2 kaisan chu vana rah ang a la ni :-P

    Report this comment

  25. 25
    hlatekhua Says:

    lushai_er, kan thleng ve thei nang – Jt. Secretary te, SE te chu kan ni ngai dawn si lo a. Chu bakah Mizoram Sorkar official tan chauh a ni lo’ng maw?

    Nia, in promotion/career progression hi a fel lo ngawt a ni. Tui tak leh ṭhahnemngai taka thawh a har duh hmel ka lo ralkhat tih ve ṭhin.

    Report this comment

  26. 26
    Charice_mizo Says:

    Mi pawimawh bikte thlenna tur House hran a awm hi a tha ka ti, ti hi chuan Vasant kunj ami hi chu mi naran ten duhtawkin kan pual thei tawh ngei ang chu, a thawmthat ngaite pawh an thawm that zel beisei ila :)

    Report this comment

  27. 27
    bingtaituki Says:

    Kam lawm ve phak mang dawn hleinem :)

    Report this comment

  28. 28
    shailendra Says:

    ka level phak lohah chuan comment lo hnutchhiah ve hram lo mai teh ang :-P (Chiri dalah, a building chu a hawi dan hlui ang tho kha ni maw a hawi, phoren vainu hang deuh deuh dorm lam hawi zawng tho khan :-P :-P )

    Report this comment

  29. 29
    blackmagicwoman Says:

    Van dek nalh ve, lal pu lushai!

    Report this comment

  30. 30
    Thaduha Says:

    Thianpa lushai_er kutchhuak a chhe tak tak thei lo.e.g. Lengpui Airport, Lunglei Civil Hospital, Millenium Centre. Nupui neih hlim pawha hna vanga mahni nupuite tlaivar san thak thak thin kha ania, amah anga hna a inpe zo leh thawh that duh Engineer hi Mizoram hian 20 tal nei ila chu hei ai hi chuan Engineer te kan ngaihsan dan hi a let za a ni hial ang. Pawisa ngah vang ni lovin an hnathawh that vanga ngaihsan an hlawh zawk tur hi ania le.

    Report this comment