1912 A MIZO LAL TE LEH HNAMCHAWM ZINGA A BER KAI TE

February 25th, 2013 12:44 pm by BigDaddy Hmahmatea
{ Mizo kan nih manah hriat ve reng reng atan aw, Special rem rem tak a ni…Meichher chanchinbu atanga lak }

1912 khan Mizoram ah lal 312 an la awm a, Sap hovin min awp tawh avangin chutih laia Bawrhsap chu Hezlett-a a ni. Bawrhsap chuan “Ka ram chhunga lal leh hnamchawm te ho chanchin ka hrechiang duh e,” a ti a. Tichuan, September 1912 khan lal leh hnamchawm ho chu lammualah a ko khawm ta a. Chuta thil thleng chu tamtak chuan kan hre hauh lovang a, pui tak a ni.

Lammual ah chuan Mizo lal te leh hnamchawm mi ropui deuh ho chu an awm hmur mai a. Bawrhsap chu a rawn ding chhuak a, “Lal ho zingah tunge tangka ngah ber,” a rawn ti a, Lianlula thlah Lungleng lal, Khamliana Sailo chu a rawn ding chhuaka, “Lal zingah chuan tangka ka ngah ber ang” a rawn ti a. A pass book(Hei hi Postal savings account a nih hmel) an han en sak a 10000 a lo nei a, tichuan, lal hausa ber nih manah pangparthi awrh tir pah in thutna an pe ta a. Khamliana hi tuna Lungleng lalin sa tu khu a ni.

Chutah lal ho zingah tunge taksa lian ber an zawng leh a, Vuta thlah Khawbung lal Lalbiaka Sailo chu a rawn ding chhuak ve leh a, “Lal zingah chuan ka lian ber ang,” a rawn ti a, Bawrhsap chuan “Midang in awm em” a ti a, an ngawi thup mai a. Lalbiaka banbul chu an han teh ta a, sum 3 lai alo ni a. Lal zinga taksa lian ber nih manah pangparthi leh thutna an pe ve leh a. Chutah tunge hmeltha ber a ti leh a, Rahsi ho chuan “Suakbenga thlah, Lalthiauva, Chenkual lal, Khuangpuilam ami hi a hmeltha ber,” an ti a; tichuan, lal hmeltha ber nih manah parthi leh thutna an pe ve leh a.

“Tunge kut chak ber?” Bawrhsap chuan a ti leh a, Rahsi ho bawkin “Vuta thlah Rothianga Sailo lal, Khawlailung khua hi a kut a chak ber,” ang an ti a. Rothianga hian darbel tlang a piai thla thei a ni. Tichuan, kut chak ber lawmman atan parthi an pe a thutna an pe leh a. Tin, hnamchawm ho zinga tangka ngah ber ah Kolasib dawrkai Hnehbana chu an thlang a, cheng 8500 a nei a; tin, a ngah ber dawttu ah Vanhlira Sairang dawrkai an thlang a cheng 8200 a lo nei a, lawmman ah parthi leh thutna an pe leh ve ve a ni.

Bawrhsap chuan lal khawngaihna ngah ber leh zaidam ber, mahni khaw vawng fai ber atan Kairuma Sailo lal Tlaikuang ami a thlanga “Khawi chin nge i lal ram” a ti a. Kairuma chuan,”Thlang lam ah Reng lal nen kan inri a, chhaklam ah Tiau chin” a ti hem mai (Mizoram pum ang a ni. Lal dang an awm ve vek a, huai ve tak a ni). Bawrhsap hian a ngaisang bawk aniang parthi leh thutna pek bakah TUAL VAWI THUM THLENG THAH PHALNA A PE. Hemi tum a Lawman an pek ho hi Medal an pe tel vek bawk a, an mahni zah entir nan leh chibai buk nan Bawrhsap chuan Zemabawk lam hawiin laipui a kah tir a tin Bawrhsap hian sipai ho an mahni tih hlim nan darkar khat a lam tir bawk a tichuan an tin ta a ni.

{ Kairuma lawman dawn tel ‘tual vawithum thah theihna’ permit hi a bawn ka ti ber. Bawrhsap ber in “Tual vawithum i thah thleng in i chunga engmah pawi a awm lovang” a ti mauh mai a ni.}

Similar Posts:

Recent Posts:

30 Responses to “1912 A MIZO LAL TE LEH HNAMCHAWM ZINGA A BER KAI TE”

  1. 1
    mama Says:

    Chh1ar leh triah2 ila :-)

    Report this comment

  2. 2
    century child Says:

    Lalbiaka Sailo ban bul chu sum thum maw? A va rapthlak ve le. :-O
    Darbel tlang piai thla thei khi a bon bawk, tual vawithum thah phalna nen khian :-O

    Report this comment

  3. 3
    mama Says:

    1912 a cheng 10000 neih chu a hausa hle mai, rura tak a ni.

    Report this comment

  4. 4
    BigDaddy Hmahmatea Says:

    Lalbiaka sailo tih khi Lalbika tih tur a ni e, tih sual palh a ni e.

    Report this comment

  5. 5
    Charice_mizo Says:

    Haha bawrhsap pawh chuan tihdan dan pawh chu a va thiam ve, ngaihnawm hle mai. Hmeltha ber khi ka hmu chak :)

    Report this comment

  6. 6
    Dr Mahminga Sailo Says:

    An hlim dar dar dawn viau khi le… (Y)

    Mi(sual) zingah..
    1. Tu ban bul nge lian ber?
    2. Tu nge hnial hrat ber?
    3. Tu nge luck ber?
    4. Tu nge hmeltha ber?
    5. Tu nge… ? sawi ve tawh r’u… :-D

    Report this comment

  7. 7
    Awmtea Leo Khiangte Says:

    A bengvar thlak rem rem hle mai. (Y)

    Report this comment

  8. 8
    Athana Chhangte Says:

    Ka la hriat ngai loh thiau a ni. A bengvar thlak e.

    Vuta fapa Kairuma hi lal fing tak chu a ni phawt mai. 1902 a bawrhsap J.Shakespeare (Superintendet, Lushai Hills)hova, Viceroy hmu tura Silcharaa an kal khan. Viceroy in “In zingah tunge lal ber’ tia Mizo lalho an zawh khan. Tuman an chhang thei si lova Kairuma erawh chuan “Keimah” tih nachang kha a lo hre pek niawm tak a ni. A thih ni March 1912 thleng khan bawrhsapte khan an lal ber chei zui ta zel a ni. Tiin, Mizo Lal Ber Kairuma Sailo tih ziaktu Rev . Zokima chuan a sawi.

    He post chu Mizo history mi keu tir hrep chu le. hahaha

    Report this comment

  9. 9
    Apuia Says:

    Tual vawi thum thah thei na permit chu,ka duh ve khawp mai….

    Report this comment

  10. 10
    Wiskah Says:

    A bengvarthlak hle mai.Pu A.Thanglura lehkhabu Mihrang leh Sahrang ah khan Kumpinu in min awp hnu a Mizo Lal te chanchin a awm nual a, ngaihnawm tak a ni.
    Kairuma bik khi pawih/pawi pasaltha Pauia zang a lo lik sak ni kher2 ni ngei tur a ni… Pawih/Pawi pasaltha khan chhim leh hmar indo lai a Kairuma te khua an run chuan remchang ah la ve in, “Pawi zang lik ” chu a pawi zia i hre tawh em a lo tihhkhum ve ngat a ni awm e..haha

    Report this comment

  11. 11
    Dr John Says:

    (Y) A Ngaihnawm ngei mai.

    (Y) #10 Wiskah :-D :-P

    Report this comment

  12. 12
    chhana Says:

    Lal ram huai taka sawitu i tih khi Kairuma Sailo nilovin Lalburha a ni zawk lo maw?

    Report this comment

  13. 13
    XaiA Says:

    Tin, hnamchawm ho zinga tangka ngah ber ah Kolasib dawrkai Hnehbana chu an thlang a, cheng 8500 a nei a; tin, a ngah ber dawttu ah Vanhlira Sairang dawrkai an thlang a cheng 8200 a lo nei a…
    An thlah te zel hriat a va chakawm ve!

    Report this comment

  14. 14
    saint sammoo Says:

    ngaihnawm hle mai…

    Report this comment

  15. 15
    sheldon Says:

    Hei chu a ngaihnawm mai bakah a bengvarthlak. Post hlu tak ani.

    Big Daddy, i post hi vil ve thin teh :-) :-D

    Report this comment

  16. 16
    Joyce dady Says:

    chhiar zawm zel tur awm se aw!!

    Report this comment

  17. 17
    Joyce dady Says:

    Chhiar zawm zel va chak awm ve

    Report this comment

  18. 18
    zualbonez Says:

    Lusei lal ho chanchin elaw :p

    Report this comment

  19. 19
    sheldon Says:

    Tukchhuah nuam vek u le (L)

    Report this comment

  20. 20
    mama Says:

    Post thar a van chhuak har ve aw… :-S

    Report this comment

  21. 21
    Sihtea Says:

    Tual vawi thum thah theih na permit
    khi a bon ra khawp mai.
    1900 hnu lam a lawm man in pek ah chuan, a mak dang lam ber awm e.
    An bawrh SAP chuan, an lak ah
    a chung nun zia a in lan tir a ni ber e.

    Report this comment

  22. 22
    Wiskah Says:

    #10 Chhana nia Lalburha zawk a nih hmel ka tia keipawh.
    Laburha a kha midanglam ve tak chu a nih hmel, Sipai ho pawh kha a lo lambun ngam mai a, a hnu a Bawrhsap in Mizo Lal ho a kohkhawm na ah nga ti nge mi indo a ti a a zawh chuan , Lalburha chiah khan a chhang ngam a ni awm e.. A chhan dan lah chu ” thei phei ila kahhlum vek che u ka duh asin, kan ram ania kawrvai thleng thei ila chuan ka nawr thla ang che u” tih vel in ania..haha… Bawrhsap khan a ngaihsan phah daih an tia lawm..Huai leh dik a ti ngang aniang e..

    Report this comment

  23. 23
    lushai_er Says:

    Pu Vanhlira hi Pu J.Lianchungnunga pa a niin ka hria. Sairangah hian Dawrkai an nih ka hre lo, mahse Serthlum huan Mizorama siam hmasatu te an ni a. Pu Vankhama te, Pu A.Thanglura te kha Sairanga piang leh seilian an ni.

    Report this comment

  24. 24
    lushai_er Says:

    @Zuala : Pawih, Paihte, Lakher ho hian Lusei ho Lal neih hi an entawn a, Lal neihna chang hi a tirah an ching lem lo ani awm e.

    Lusei ho paw’n Paihte POW Ralna-a kha a hnawnin an hnawn ringawt anih kha. Elders ho kha roreltu an ni thin.

    Report this comment

  25. 25
    ChhanaPa Says:

    A va tha ve. Mizo History hi ka hre lo lutuk a!!

    Report this comment

  26. 26
    lr hlonchhing Says:

    Ngaihnawm e…

    Report this comment

  27. 27
    H.Vangchhia Says:

    #24, Lusei lal hmain Lai (Pawi) lal an awm fur tawh zawkin ka ring. Hakha/Halkha ngawt pawh khi 1400 vel a din a ni tawh a, an lal awpna hnuai a awm anih hmel tlat.

    Report this comment

  28. 28
    vakul Says:

    Lalburha a nih hmel zawk.

    Pu Hnehbana hi kohhran hruaitu hlun mi inpe tak a ni a, a fate tute pawh an puitling hlawm hle.

    Report this comment

  29. 29
    keimah Says:

    Ngaihnawm miah miah ve! Post hlu tak a ni e.

    Report this comment

  30. 30
    SHauzelSailo Says:

    History ni ve ta sia (Y)
    21 #Sihte’a (Y)

    Report this comment