Pyramid Valley

February 23rd, 2013 6:30 pm by Dr Mahminga Sailo

Hringnun leh sakhua

Khawvel mi tam zawk hian sakhaw vawn neiin, kan chunga thuneitu awmin kan ngai vek a. Sakhuana hian kan nitin nunah kawng tam takin min tanpui a. Chutih rualin, a ni lo zawnga sakhuana hmangtute erawh, mi huat rawn niin; an thih niah pawh sun a hnekin, lawm hlawh te pawh an awm hial kha!

Tuna ka sawi duh zawk erawh chu, sakhua hrang hrang zawm hian, rin dan hran theuh kan nei a. India ram bikah phei chuan, sakhaw dang inzahsak tawn hi khua leh tui kan nihna kawnga kan tih tur a ni reng a ni. Mimal duh dan a zirin kan biak Pathian pawh a ingang lo thei hle awm e.

Kar tawp hun hman nan
Pyramid tih a lan tawh chuan Aigupta mitthlaa’n a lang nghal ngawt a. Mahse, he Pyramid valley erawh hi chu Bangalore atang kilometer 30 vel leka hlaa awm a ni thung. He hmun hi fianrialna hmun (meditation center) a ni a. A hmun hi a falin, a reh raih mai a. Zanah eng (light) a tha em em a, tibuaitu thawm bengchheng reng a awm lo. Kar tawpa hun thawl va hmanna atan chuan a nuam ve khawp mai.

He hmunah hian room pakhat thlen man Rs. 600 niin, room thlen man hian tukthuan, chawchhun leh zanriah a tel nghal vek a. Thlai hring thar lam tak tak hmeh tur a awm a, sa hmeh tur a awm lo thung.

He Pyramid hi Feet 300 a sang, niin, a laiah hian King’s chamber- feet 150 vela sang dawhsan a awm a. A chhungah hian bengchhang siam phal a ni lo va. Ke pen rik pawh a inthlahrunawm.. :-)

He Amphitheater hi, meditation tia kal an tam changa an khawmpuina hmun a ni a. Concert tenau huaihawt nan a itawm tawp.

Chaw eina hmun a ni a. A thengthaw nuam hle..

Pyramid leh Amphitheater inkar, valley lai taka dil awm a ni a. Pu Gandhia lim a thu luah mai. Zing ni chhuak thlarah chuan nalh ve tak a ni, ka thlalakna hian a zir lo mai pawh a.. ;-)

Bonus
Thlalathiam tih dan niawm takin, zingkarah bawkkhup meuha thla ka lak ve a nih ngei hi. :-)

Similar Posts:

Recent Posts:

14 Responses to “Pyramid Valley”

  1. 1
    buhtlei Says:

    Tukchhuah nuam vek u le,

    Report this comment

  2. 2
    Charice_mizo Says:

    A nuam ang, ka hre mai. Ka kal ve chak e thlalatupa hian min han hruai ve mai se (H)

    Pyramid valley tih chuan a thawnthu raih mai alawm. Nice clicks! Enjoyed.

    Report this comment

  3. 3
    century child Says:

    Kei chu Pyramid han tih hi chuan rilruah illuminati lampang a lang mah zawk thin :-O
    Nalh hlawm hle mai. (Y)
    Room thlen man rin aiin a tlawm, room khatah 4 vel thlen mai tur ania :-D

    Report this comment

  4. 4
    sheldon Says:

    Khai! A va mawi ve, a bikin bonus. Pic hmasaber khi a hran duh hmel :-D

    Report this comment

  5. 5
    lr hlonchhing Says:

    Bonus chungchiah khi, a mawi bawn hle mai.

    Report this comment

  6. 6
    Leo dtea Says:

    (Y) .
    A nawm hmel hle mai

    Report this comment

  7. 7
    Dr John Says:

    (Y) Post hmuhnawm tak a ni e

    Report this comment

  8. 8
    valtolo Says:

    A nawm hmel hle mai, nupui fanaute nena han awm chilh rup mai a chakawm hle mai :D

    Report this comment

  9. 9
    H.Vangchhia Says:

    Thlalak thlir a hahdam e. Khi, pyramid puan in te a awm zel a ni maw? ;) :P

    Report this comment

  10. 10
    Pakak Says:

    mit a tlaiin a bengvar thlak e… (Y)

    Report this comment

  11. 11
    ulawng Says:

    (Y)

    Report this comment

  12. 12
    Dr Mahminga Sailo Says:

    Comment hlu tak petu te chungah ka lawm e.. :-)

    Khawpui ri luih luih tlan pelh hlawta, hmun fianrial leh muanawm, thengthaw nuam tak maia hun hman theihna a ni hian, he hmun hi a tinuam riau. (Y)

    Report this comment

  13. 13
    mama Says:

    Rs.600/- a room leh chaw cover vek chu a tha hle mai. Tlawh ve theih hun nei hlauh ila ka ti hle mai.

    Report this comment

  14. 14
    Awmtea Leo Khiangte Says:

    Thlalak chu nalh hlawm ve. (Y)

    Report this comment