Tu nge/Eng nge?

February 16th, 2013 2:00 pm by Chhuaklinga

(Insit tak chungin post a tlem em aiah ka rawn vawm bei ve leh thuai ;) )

He kan chenna khawvel thim tak mai eng deuh iau uauah hian mihringte hian harsatna leh hlimna, beidawnna leh beiseina, ngilneihna leh inpawngnekna leh nun dang tam tak kan tawk thin. Amaherawhchu, mihring pakhatin heng nun zawng zawngte hi tawh kim vek sen a ni lo. Chu tih lai chuan nun tamtak min hmuh thiamtirtu pakhat a awm a, a ni chuan –

  1. Rethei taka sum leh pai tlachhama kan awm laiin sum tam tak mai bakah in leh lo rohlu tamtak min neihtir thei a.
  2. Riltam tuihal taka kan awm laiin eitur tuihnai tak leh zotuithiang min chhawp sak thei a, min chhawp sak fo thin.
  3. Mi ang pangngaia piangin fuke kim nei mah ila, a ni chuan kan ke min tihbai sakin kan mit min tihdel sak thei a, pangkhing zeng pawhin min siam thei a. Chu tiang nun kan hriatthiampui theihna’n kan chungah a thlen tir fo bawk thin.
  4. Hmangaihte hmupha lovin hmaichhanah an aw-ka leh hmel tawng pha lovin awm ila, a ni chuan min hruai hnaih sakin an anka nem leh an sakruang thleng pawha kan pawm theih turin min pui thei a ni.
  5. Thinrimin huat zawng tak nei ila, kut thlak hial duhin danin a phal loh avangin a chungah ka thinrimna hrithla thei si lo ila, danin thu a neih lohna hmunah min hruai chhuah sak theiin thinrim hrikthlakna hun min siam sak thei bawk.

  1. Panlai nun hlimawm leh thawveng hun tha kha nei let leh thei tawh hauh lo mah ila, kan nun ngeiah hian rawn hruai kir lehin kha hun ngei a kan rilru leh ngaihtuahna pu chung khan nun hlimawm tak tak te kha min neih tir thei bawk a.
  2. Lungduh zamual liam tawh he khawvela kan tawn leh tawh reng reng loh turte pawh min hmuhtir theiin an anka leh sakruang damlai ngei kha min pe let leh thei a ni.
  3. He khawvel kan dam chhunga kan neih phak ngai miah loh tur thil te thleng pawhin min neihtir thei a ni.
  4. Ram kan la hmuh ngai hauh loh suangtuahna pawha kan suangtuah thiam loh ram te thlengin min hmuh tir thei a, chu hmunah chuan a ram neitu dik tak ang maiin min chentir thei awk a ni.
  5. Dawnlungruka kan suangtuah ruk reuh reuh an mahni chu sawi loh, thian tha te pawh hrilh ngam loh pawh a ni chuan min hruai sakin hlim takin min awmdun tir thei a ni. (zawnglaite tan bik :P )
  6. Nula/Tlangval kumin a daih deuh tawh vanga kawppui tur duh tui ve tak tawh, lungdumtu leh kan mittlung zo hmu mang tawh lo ni mah ila, kan lungdumtu tak leh kan mittlung zo ngei mai min pe thei tu a ni bawk a. (tumah inngaihbel awih loh. :P )
  7. Zu in ngai miah lo Pastor, Upa, Evangelist, Missionary, adt.. ni mah ila, uaiin rui ang mai a min awmtir thei tu a ni mai lova. Englai pawh mai a rui reng mai, kan hming lemah pawh ‘Namnilenga’ tih hial ni mah ila, zu in ngai reng reng lo ang mai a harhfimin min siam thei bawk a ni.


Tuna kan tarlan ho khi chu a tih theih zawng zawng sawi dawn chuan a ve lek chauh mai a ni a, a tihtheih zawng zawng hi kei mifamkim lo tak hian ka sawi kim seng lo a ni e. Heng han ngaihtuah mai pawha a langsar zual te mai atang pawh hian a ni hi mithiltithei tak leh ropui tak ni awm hi a ni a. Amaherawhchu, a ni chu inngaitlawm tak, ngawichawi, insawi ve pung pung ngai lo, a tihtur leh a pawimawhna lai chu fel tak hlen chhuak thlap mai thin hi a ni thung a. He hringnunah hian a ni hi awm ta lo se hringfate hian vui nachang kan hre hauh lovang le. Mahse, a lo awm kher kher hi chu kan va han vannei tehreng em!

Tu nge/Eng nge ni a i rin le?!!  :$

tren tren

Similar Posts:

Recent Posts:

13 Responses to “Tu nge/Eng nge?”

  1. 1
    Vladimir Putin Says:

    Rin ka nei mai. Mahse a hming a naranin sawi suh, tih anih kha.

    Report this comment

  2. 2
    chhangteval Says:

    Duhthusam, ngaihtuahna, suangtuahna.

    tren tren

    Report this comment

  3. 3
    dtea Says:

    3rd chhiar phawt ila kawmen teng..

    Report this comment

  4. 4
    dtea Says:

    Paws tha tak a ni (Y)
    Mumang a ni em? (zawt let hlauh lollzz)

    Report this comment

  5. 5
    mama Says:

    Khitiang khawpa thil tithei chu tu/eng nge a nih ang le… val hi ka bo map mai (&)

    Report this comment

  6. 6
    sheldon Says:

    Ngaihtuahna :-)

    Report this comment

  7. 7
    Chhuaklinga Says:

    Zanriah ka eikham ve chiah, in chhang thiam hlawm hle mai. Ka tih tak chu ka la sawi dawn rih lo, paws thar awm hma chu. :)
    tren tren

    Report this comment

  8. 8
    CFL Says:

    Internet
    Hairehai

    Report this comment

  9. 9
    Awmtea Leo Khiangte Says:

    Tha hle mai…

    Report this comment

  10. 10
    Chhuaklinga Says:

    Calling Admins- Post pending hoah sawn schedule tur a awm nualin a lang, han che teh u. Post a chhuak khat mah mah e.

    tren tren

    Report this comment

  11. 11
    Chhuaklinga Says:

    Post thar a lo chhuak ta bawka a chhanna chu kan sawi tawh ang e. (H)

    4@dtea, ni e. Zawt lovin a chhanin rawn chhan tur che hi a nia le(h), i chhang dik ni mai tur a. :)

    A chhanna chu mumang a ni e. (*)

    tren tren

    Report this comment

  12. 12
    dtea Says:

    Khai aw k’u chhuakling ka lo chhang pawp lo kha pawi ka va ti tak!
    Mang lamah tawnsabawp ka tawng zing ka ti reng a ni! Bakah tum hnih ngwt ka lo thi tawh bawk hihi

    Report this comment

  13. 13
    blackmagicwoman Says:

    A chhanna kha ‘mumang’ a nih ka ring rengah! ;-)

    Report this comment