Pherh Fesawn

February 15th, 2013 1:51 pm by Awmtea Leo Khiangte

Tûn hma chuan Lusei mipain ‘Hnawkhal’ (Vaiza pil aṭanga siam) an inbel a, hmeichhia-in ‘Siapsuap’ (Vaiza pil aṭanga siam bawk) an inbel ṭhin. A hnu deuhah hmeichhia leh mipa-in ‘Puanmâwl’ thuam an inbel a; hun a lo kal zêl a, kan thawmhnaw inbel pawh a changkang zêl a, tûn hi kan lo thleng ta a ni.

Changkânna khawvêlah hmasâwnna pawh a thlawhin a thlâwk fua fua tawh a. Thil ‘dangdai’ kan ngaisangin, mite tih loh ang deuha ‘danglam’ kan châk ṭhin. Fesawn chungchâng thu-ah chuan mipa aiin hmeichhia hi an sângin fesawn stail hrang hrang pawh an ngah hle. Lu chhîp aṭanga ke lêr thlengin fesawn stail thar hi ni tin a chhuak ti ila ka duhâm lutuk lo vang chu maw. Mipate erawh a chângin kekawr bawp a arh a, a chang leh a zuih a; danglam nasa lutuk a awm ngai mang lo. Kamis thâwl hek hawk, a bân thleh; jacket kâwnga hrên tih vêl kha tûnhma fesawn a ni mai a. Tûnah chuan heti hi kan ni leh a.

Fesawn hian hma a sâwn zêl a, dangdai leh maksak pawh tam tak hmuh tûr a awm ta. Tûnah chuan uchuak lutuk a nih ngawt loh chuan ‘mak’ pawh kan ti tawh lêm lo. Hmeichhia-in mipa thuam inbel an duh a, mipa-in hmeichhe thuam inbel an duh bawk si; fesawn lam tuimi leh siamtuten ‘uni sex style’ te an siam chhuah phah a. Mipa leh hmeichhia hian danglamna kan nei tlêm ta hle. Tûnlai mipa fesawn chhuak thar pakhat chu ‘Pherh Fesawn’ tia a hming ka phuah ve hi a ni. TV sirial kan en aṭangin a ni emaw, mipate hmeichhe bula an tâl tam avang emawa lo awm pawh a ni thei a, chu lo pawh chu tam tak a awm thei ang. Tûnlai fesawn chhuak thar pakhat chu a ni ve hrim hrim. Mahse, he pherh fesawn hi chuan tûnhma fesawn inthlâk ang mai ni lovin nunphung a khawih buai pha tlat.

Kan pawm emaw pawm lo emaw pherh fesawn hian Mizoram a rûn mêk a. Mipa, a bîkin râwltharte hian he fesawn hi nalh an ti a, an awt a; heti anga inchei hi nuam an ti a, nunpui hi an châk tlat a ni. Chu chuan mahni inhriatna dik lo a hring a, midang an hmuh dân a dang a, mawi lo takin an kawnfi êm êm tawh mai a ni.

Pherh fesawn ṭhat lohna te: Pherh fesawn hian ṭhatna lai a nei em tiin mithiam te inhnial ta se, awpawzisawn bench lam an che ṭha ngawtin ka ring asin.

  1. Dress leh chêtzia chu thuhran ni se, neih inang inkawpna sual (sodomy) a hring thei.
  2. Mipa mawng kak (anal fissure) leh mawng pâr (viral wart) natna vei tam tak an awm phah. (He thu hi a dik a ni tih fiahna pawh ka nei, a chhan chu kei pawh damdawi in-a thawk ve tho ka nih avangin.)
  3. Nunphung (laif stail) a tibuai. Mipa-in hmeichhe duh zâwng leh tui zâwng ang a tuipui a, hmeichhia ang maia a nun tlat chuan chhûngkaw nunphung a tihbuai mai bâkah sikul leh khawtlâng thlengin a nghawng a, kohhran pawhin eng emaw chenah a tuar pha ve bawk.
  4. An hautak. Mipa hi chu thawmhnaw lamah hmeichhia ai chuan kan awlsamin kan hautak lo zâwk a. Mahse, mipa-in hmeichhe neih ang neih a, an thuam ang inbel ve vek a tum chuan thil hautak tak a ni. Pherh-ho phei chu an khirh lehzual!
  5. An chhawr tlâk loh. Pherh-ho rêng rêng hi mipa ni ve si, chhawr tlâk hauh loh an ni duh châwk. An tuina zâwng taka an kal fuh erawh chuan an chhawr tlâk ve tho a. Mahse, ṭhenkhat hi chu nalh ringawt vei mi, hna hriam thawk tûra chhawr tlâk hauh loh an ni châwk.

A chunga kan târlan bâkah khian thil tam tak he ‘Pherh Fesawn’ nghawng ṭha lo hi a awm a. Sawi vek sên pawh a ni lo. Kan ram min rûn dân êm êm hi a râpthlâk a. Eng tin nge kan tihreh ang a; he’ng thil ṭha lo lak aṭangin hian eng tin nge kan unaute, kan ṭhiante leh kan thawhpuite kan chhanchhuah ang tih mawlh mai hian ka rilru a luah a ni. Ka lâwm e.

Similar Posts:

Recent Posts:

25 Responses to “Pherh Fesawn”

  1. 1
    Jacka Pi Says:

    pherh 1st …post ṭha tak a ni (Y)

    Report this comment

  2. 2
    Phivawk Says:

    Le, kawmen 2el ila…

    Report this comment

  3. 3
    Goihkhama Says:

    i post tha khawp mai, duh aiin mipui hian kan vei lo mah mah ni te hian ka hre thin, khawtlang nun a khawihbuai takzet e

    Report this comment

  4. 4
    Athana Chhangte Says:

    Pherh fesawn hi tunhnai maia chin thar a ni lo tlatin ka hria. Demand channel lamah te pawh khan emo style an tuipui viau thin kha maw le
    Mi fesawn hi insawiselsak hrehawm tak a ni a. Mahni phak tawk a inchei mai thatzia lantir hi kei ka thupui a ni ve tlat.
    Post bengvar thlak tak a ni e

    Report this comment

  5. 5
    I am0 Says:

    Kan naupan laia kan indeuna hla, “Hmeichhe zinga tawm ker kur a hnute pe phal loin, a zang ah chik ter chik ter” kan tih thin lai khan, tuai nih kha kan hlau. Tlem a hmeichhe chetdan a chet kha kan hlau ngawih ngawih ania. Tun ah chuan, kan changkang ta lutuk deuh nge mawni kan in phal zau ta mah mah emni aww, tih tur chu anih hi…….

    Report this comment

  6. 6
    sheldon Says:

    Vawikhat pian ve man a han pherh tlat mai chu a pawi teh e :-S

    Report this comment

  7. 7
    Awmtea Leo Khiangte Says:

    Kan lo heti zo ta a nih hi…

    Report this comment

  8. 8
    dtea Says:

    #5 (Y) Ka fapa te pawh he pawnto hla hi ka la zirtir miah lo.
    Tunlai pherh thenkhat hi chu hrual pa theih an nih ka ring tlat pek alawm le kei misual hian
    Cl XII k xir lai in pherh pa1 biangah ka chuks tawh, ka thian ten cheng 50 theuh min pe ha3

    Report this comment

  9. 9
    Simplyme Says:

    Kum 3/4 vel kal ta kha niang, kan inleng pakhat chu a rawn lut, thutna insiam rem pahin side-table a Lengzem magazine, issue hlaui tawh ang reng tak chu an ban nghal zauh a. Cover stories a bih nuap2 lai chuan thinrim tawkin a rawn paih thla thruai a, ‘Kei chu hepa hi ka ngei tawp! Tuai ho hi min hmusit ka ti mai..’ tiin a ang nghal tawn2 a.. Chu magazine kawmah chuan ‘Tuaite hnena lehkha thawn’ tih a lo awm kuau tak a nih kha… LOLZ

    Report this comment

  10. 10
    SHauzelSailo Says:

    Ni mai thei, ka lo hre ve lova male.

    #6 She.. haha :P ni tuk (Y)

    Report this comment

  11. 11
    whotalk Says:

    korean lampang thil ho hrim2 kha khap ula an zia mai ang(movie, serial etc..tenawm hlawm lutuk…mizo ho chu mi neih ang neih duh, changkang kan tih ang zawng chu bawh huam2 mi kan ni a..psycological/mentally imbalance pawh an ni lo. intih changkan/miten changkang min ti rawh se ti vang a awmherh mai2 an tam zawk.

    Report this comment

  12. 12
    Chhuaklinga Says:

    Mikhawngaihthlak tak an niin ka hria, an tawngthei duh phian lehnghal a.

    Post tha e. (Y)
    tren tren

    Report this comment

  13. 13
    bucko Says:

    Hmaaaaaan ah Tuai zu zuar hian min ngaizawng tawh a alawm….
    Zu a vang hle a nih pawhin eng tin tin emaw hian a lo nei leh zel bik bik… he he

    Report this comment

  14. 14
    chhangteval Says:

    THENKHAT hi chu an genetic level atanga defect awm an nia, tuma siam that theih an ni lo. Heng mite kan hmuhsit chuan piangsual hmusit kan ni ang.

    Report this comment

  15. 15
    sheldon Says:

    Chhangteval @14 hi ka thlawp e (Y)

    Report this comment

  16. 16
    vakul Says:

    Genetic leh environtmen hian a hring thei ve ve…genetic hi an tlem zawk an ti. Encourage loh tur a ni.

    Report this comment

  17. 17
    Chhuaklinga Says:

    http://www.facebook.com/photo......038;ref=nf

    Post a hot phah deuh ang em aw!! :P :$

    tren tren

    Report this comment

  18. 18
    Lamji Says:

    ‘PHERH’ an han ti vel ngei a.. ‘TUAI’ tih hian a chiang ber e. Koh duat mawi vel te hi a tullo.. :P

    Report this comment

  19. 19
    Simplyme Says:

    @16, ka ngaihdan chiah.
    Pianpui tuai (ti tawl mai teh ang, tawngkam mawia dah dan ka thiam lo :P) ho hi chu an khawngaihthlak tawp. Hrehawm an tih zia min hrilh khawl2 tu hi 2/3 vel chu ka lo tawng ve toh

    Report this comment

  20. 20
    Simplyme Says:

    @16, ka ngaihdan chiah.
    Pianpui tuai (ti tawl mai teh ang, tawngkam mawia dah dan ka thiam lo :P) ho hi chu an khawngaihthlak tawp. Hrehawm an tih zia min hrilh khawl2 tu hi 2/3 vel chu ka lo tawng ve toh! Chutih rualin zak map lova inla pherh chawp (Gandhi lem chuang vang?!.. hehe FTH) kat nuk erawh ka hmu nual ta mai.. wehehe

    Report this comment

  21. 21
    Simplyme Says:

    Request chu Admins:
    #19 leh tuna comment (21) hi a rang lamin min delete sak teh u… hahaha

    Report this comment

  22. 22
    funny™ Says:

    An duh leh lo pherh mai mai sela, encourage loh a tha. A maherawh chu lo discriminate erawh chu Indian constitution kalh ania. Kan fundamental rights ah hian gay rights tello mahse an in tun nun na khawp chu a awm sa reng ani.

    Amaherawhchu, gay leh lesbian chungchang hi Indian constitution ah hian (a pawimawh ber fundamental rights) ah hian pakhatmah a awmlo na in, an duhdana an awm theihna chu fundamental rights hian a cover vek tho si ani.

    Entirnan, Right to freedom of speech and EXPRESSION ah hian, an ngaihdan gay leh gay lo te thlengin an express theihna a tel angin a ngaih theih. Constitution hian sawi tello mahse tumah an nihna avanga discriminate lo turin min hrilh bawk ani. Etc. ka sawi peih tawhlo, mahse a case a zir in supreme court thu aniang chu. Supreme court hian Indian constitution an interpret dan hi an thlak an thlak ve bawka. Mipui hian lo discriminate ngawt theihna rights hi kan neilo zawk ani.

    Chu chu mi zawng zawng zalen theihna Gandhian democracy thil tum leh kan constitution ina a tum ber ani. Mahse PHERH emaw Gay emaw Lesbian emaw chungchang hi Vawikhatmah a lan ka hrelo e constitution ah hian. Parliament in amendment an siama an pass ala ngai anih hmel. Chutih laiin RIGHTS chu an nei ve ngei e, kan fundamental rights hian a huam ve vek.

    Pherh ho te u in rights hi hre teh u :P

    Report this comment

  23. 23
    funny™ Says:

    Daih mai a :D

    Report this comment

  24. 24
    Awmtea Leo Khiangte Says:

    #22 funny chu leh, dik thluam mai :-)

    Tuk chhuah nuam ule (C)

    Report this comment

  25. 25
    Awmtea Leo Khiangte Says:

    Heta ka sawi tum tak chu ‘Tuai/Pherh’ hi Its a new style of fashion a ni ka tihna mai mai maw le…

    Report this comment

Leave a Reply

You must be logged in to post a comment.