Private Company ka din ve e

February 12th, 2013 2:36 pm by Sandman

Thenkhat chuan rawn in advertise na min ti maithei, nih pawh a ni ve tho. Mahse hei bak hi chu ka rawn sawi leh tawh lovang.

Kum 5 dawn lai, India rama digital advertising agency tha ber (2008, 2009 leh 2011 ah pakhatna, 2010 ah erawh pathumna, 2012 rank list chu a rawn la chhuaklo) a ka thawh hnu hian, ka thiante nen experience kan nei tha tawk tawh tiin company thar kan din ve ta a ni. Advertising lamah chuan tui hle mah i la, a aia tuina zawk kan nei a, chu chu Gaming lam hi a ni. Chuvangin mobile internet gaming company kan din ta a.

Kan company hming chu FITH Media Pvt Ltd a nia, FITH lampum chu “Fire In The Hole” a nia, Counterstrike khel ho chuan a awmzia in hria ang. Heihi kan website chu a ni e – fithmedia.com

Profile kan target ho chu Indians ho an nia, platform kan target chu Android a ni bawka, chuan kan game ho chu Indian-centric vek an ni ang. Hetiang lam games hi a la awmlo bawka, kan tih duh nachhan chu market a tha dawn hle a, tuna la áš­hang lai mek chauh a nia, kum 2013 hian Indian mobile internet users chu mi 100 million an cross dawn ti a predict a nih avangin a tir atanga lo luh kan duh a ni.

Kan game hmasa ber chu Android Market (Google Play) ah kan launch der tawh a, Android device in neih chuan min lo download sak ve dawn nia. Chuan ratings pawh 5 star min pek sak theih chuan kan lawm hle ang :)

Kan game hming chu “Nikal Padi” a nia, hindi in “ek chhuak” tih lampang sawina a ni. Download na link chu hetah hian click u la, emaw in phone atanga in download duh chuan Google Play ah “Nikal Padi” ti in in lo search dawn nia.

Pathian zarah kan company hi a hlawhtling chuan ka rilru a awm reng chu Mizoram a tleirawl tamtak graphics leh animation thiam lutuk, mahse hna opportunity neilo te emaw Vai hnuaia thawk duhlo te tan scope a awm tha dawn hle tih a ni. Tunah erawh chuan mi 10 lek kan la ni hrih a, Angel Investors te atangin funding tlem kan hmu tawh bawk a ni. Kan games ho a hlawhtlin dan a zirin kan company pawh thang ve zel kan tum e.

Chu chu kan rawn puang ve duh lawk a ni e.

Similar Posts:

Recent Posts:

57 Responses to “Private Company ka din ve e”

Pages: « 1 [2] Show All

  1. 51
    SHauzelSailo Says:

    Ava ropui em, wow! (Y) All the luck and best.

    Report this comment

  2. 52
    zualbonez Says:

    congrats bro… :)

    Report this comment

  3. 53
    zualbonez Says:

    Nikal Padi and Loco Coco hhaha (Y)

    Report this comment

  4. 54
    lushai_er Says:

    Thangthar Mizo programmers tan Pioneer & Ambassador ropui tak i ni e. Best of Luck (B)

    Boomerang vocalist Ate-a pawh hian flash chu a thiam khawp a sin.

    Report this comment

  5. 55
    lushai_er Says:

    Mumbai kan rawn kal thut mai thei a nia :)

    Report this comment

  6. 56
    lushai_er Says:

    Google Play a in dah hunah ka lo dl ve ang. Emma hi min rawn biak dawn nia (Biak tak tak chuan min rawn biak suh la, biak der te khan min rawn biak ang che :P )

    Report this comment

  7. 57
    Dr John Says:

    (Y) Ava Ropui Ve… Congrats and All the Best (G) (F)

    Report this comment

Pages: « 1 [2] Show All

Leave a Reply

You must be logged in to post a comment.