Pafa inbarakhaih

February 11th, 2013 4:41 pm by sheldon

He thu lungchhiatthlak deuh hi ka misual thiante kan share teh ang che u. He thil hi thil thleng tak tak a ni a, kan tunlai nun min hmuh chian tirtu niin ka hria.

Chhungkaw pakhat an awm a, pa ber chu Mizoram Sorkar Department pakhatah Officer tenau a ni a, fanu 3 nula vek tawh a nei a. Nu ber chu a hrisel loh avangin Damdawiin ah an lut/chhuak sek a. Pa ber chu a la thalai ang reng si a, chutia a nupui a damloh reng vang chuan a lo tuihal ta deuh aniang chu, Taxi driver pakhat hnenah nula zawn sak turin a ti ta a.

Taxi Driver chuan a rawn phone, nula a hmuhsak thu hrilh turin. Kan Officer pa chu phur takin nula hmu tur chuan a va kal ta a. Taxi a nula lo chuang nen an han inhmu chiah chu an nghing dun lawih mai, a fanu laihawl, a chhuan em em, KTP ah pawh inhmang ber mai kha a lo ni reng mai!!

Ngawi rengin inah a haw a, tunah chuan Pathian Biakin a pan tlat tlat tawh. Engtinnge an inchhungah an in tih zui chu ka hre tawh lova, mahse, pa ber chuan Pathian lam a hawi ta tih chu ka chiang.

Ngaihtuah a ti thui vawng vawng mai…

Similar Posts:

Recent Posts:

45 Responses to “Pafa inbarakhaih”

  1. 1
    mama Says:

    He mite pafa chanchin hi ka hre tawh a, mi phuahchawp mai maiah ka lo ngai thin. a tak tak a nih chuan a zia lo hle a nih chu.

    Report this comment

  2. 2
    lr hlonchhing Says:

    Khai a, a va mak ve. He tiang a nih chuan, hriatchhuah loh nu/pa/fanu/fapa awm dan maksak tak tak pawh a tam ang le.

    Report this comment

  3. 3
    Athana Chhangte Says:

    A fanu chu pawisa duh vanga inzuar nge sex addict vang niang le. Inzuar an sawi ka hriat ve ho hi chu broken family deuh vek an ni si a. Ngaihtuahna a ti thui vawng vawng tak hle mai

    Report this comment

  4. 4
    sheldon Says:

    #mama, a tak tak ngei ani e. Ka source hi a rintlak turah ka ngai, an hming leh nihna te ka disclose chuang lova, a pawi lovah ka ngai.

    #lr hlonchhing, a mak ngawt mai tiraw. Kan khawvel tawp tawh zia hi. Ngaihtuah a ti thui asin.

    #Athana Chhangte, a fanu inzawrhna chhan hi sex vang chu anih ka ringlo, pawisa a niang. Kan incheina leh nitin khawsak, kan nundan man sang ta lutuk hian sum min um tir tawh in ka hria.

    Report this comment

  5. 5
    chhangteval Says:

    Zahthlak ve bahra ang chu! Inhau tur bik chuang an awm miah si law..

    Report this comment

  6. 6
    Athana Chhangte Says:

    Net chhe lutuk, ka komen ngam tawh mang lo..haha

    Reality hmachhawn ngam loh hi pawi deuh a sin. Kan phak loh tawp incheina, cell phone kan awt leh mamawh nia inhriatna vang te pawh ni mahna.

    Report this comment

  7. 7
    century child Says:

    A va lungchhiatthlak tak ve aw, simple taka nun aia sang taka nun kan tum thin hi a pawi khawp mai.
    Tleirawl kum 20 mi vel hi a nu nena bazara an kal dun ka hmu a, pajama leh t-shirt pink, hlui lam lek2 a ha a, chapal a bun a, a fai bawk a hmuh a nuam khawp mai, ka hawilet ve teh tlat..lolz.
    Ropui tak2 a incheiho aiin ka mit a la zawk.
    Hnathawhna leh lenna pawimawh deuh bikah chuan theih ang tawka in uluk chu a tha, mahse chhuah hleka nalh em2 tum zel mai hi chu ho ka ti.
    A nei pha chuan ha mai se, hawi hera tla tih hriat reng2 in mi hausa fanui/fapa incheina ang (k)an ha ve hi chuan a dress paw’n min mawipui chuang lo.
    Incheina kan uar lutuk hi ka vei em a ka’n sawi nghek chu, OT hran lo ang chu, ka neih zawh lem loh vang pawh ni thei tho, ka lawm e.

    Report this comment

  8. 8
    sheldon Says:

    @chhangteval, chu chu alawm, in an thlen hnu a an boruak rih turzia hi ka khawngaih zawk. In hnem tur pawh kan awm chuanglo tih ang vel kha ani.

    @century child, OT love, ka rawn post na chhan pawh mimal tin kan inenfiah nan; kan incheina sang uchuak lutuk, mahni thawhchhuah phak lo a inchei hi a pawizia, sum duhna avangin a ruk a call girl nih phah te an awm phah tih a chiang in ka hria. Incheina, pawnlam landan ai chuan chhungril nun hi a pawimawh zawk fe ka sia, incheina hi kan buaipui luih luih hlawm bawk si.

    Report this comment

  9. 9
    Sandman Says:

    Ku Sheldon-i nen hian in barakhaih ve thut mai i lah! :D

    Report this comment

  10. 10
    Chhuaklinga Says:

    An va lainatawm pafa ve le, ngaihtuah a ti thui hle mai. :S

    Pathian a hmuh phahna a nih chuan a lawmpuiawm e.

    tren tren

    Report this comment

  11. 11
    Borat Says:

    Kal dun ta mai mai se, lo ti tawk kan la awm em lo maw>?

    Report this comment

  12. 12
    sheldon Says:

    @Sandman, Barakhaih!!!!

    @Chhuaklinga, an lainatawm pafa ngawt mai tiraw? Hetiang tawng lova kan awm te hi lawmthu sawi mawlh mawlh tur kan ni mawle.

    @Borat, an kal dun lova, mahse in khatah chuan an haw dun ngei a ngai si :-S

    Report this comment

  13. 13
    Maisek Says:

    mak thin teh e…

    Report this comment

  14. 14
    Jacka Pi Says:

    Sheldie, va rapthlak dawn ve!

    Report this comment

  15. 15
    sheldon Says:

    Jacka Pi, a rapthlak tiraw, kan chhungkua a thleng ni ta se…a rapthlak ngawt ang. An lainatawm pafa.

    Report this comment

  16. 16
    buh-duha Says:

    He post chuan ngaihtuah a tithui vang vang hle mai…

    Report this comment

  17. 17
    bucko Says:

    A mak hle mai, he thu hi ka hre tawh a, true story a nih ka ring deuh reng a…….
    a hrilh hai thlak duh ngawt ang le

    Report this comment

  18. 18
    saint sammoo Says:

    tu emaw ti ti thiam deuhin an phuah chawp maimai a nih ka lo ring deuh thin a…………….

    Report this comment

  19. 19
    Nguntang Says:

    Post sei vak lo, thui tak si a nih hi mawle.
    “Mit uirea khat, sual ban thei lote an nei a; mi nghetlo te an thlemthlu a; awh hmang thinlung an pu a; anchhedawng fate an ni” II Pet.2:14 thua kan hmuh ang deuh hi kan ni ta! Awhna sual hian min ei mek a, neih leh tlin tawk baka khawsak san kan tum lutuk hian sualah min hnuk lut thin a nih hi maw..

    A tawn tur tak a tawng a, nun thar a neih phah bawk a; a lawmawm letling e. Mahnni inenlet hi a tul khawp mai. Tha intih lutuk chuan a fel tak tak theih loh e..mahni fate sualna aia thenawmte fa sualna kan hmu lian lutuk thin te sim a ngai a ni.

    Report this comment

  20. 20
    Saitawk Says:

    Post min ‘barakhaih’ thei tak a nih hi le!!!!

    Report this comment

  21. 21
    muantea Says:

    Ka tawn ni se ka va na dawn em!

    Report this comment

  22. 22
    dtea Says:

    Va bawn ve! In lamah an lai dun ve tho angem le?!
    Tak2a mi pawh an awm khawlo pafa/nufa tho a(a hrang ve2 in), hemi te pafa chu an lainatawm tak zet ani

    Report this comment

  23. 23
    hlatekhua Says:

    A pa zawk chu a va vanneiin a va lawmpuiawm ve le!

    Report this comment

  24. 24
    sheldon Says:

    Tukchhuah nuam vek u le (L) (C)

    Report this comment

  25. 25
    ruatruatapa Says:

    Rilru ah a cham reng mai a

    Report this comment

  26. 26
    sheldon Says:

    Heihi keipawh ka rilru ah a cham reng mai. Ka hriat tirh pawn min shock nasa. Tawngtai pui ang u.

    Report this comment

  27. 27
    PKfanai Says:

    A chhiartu pawh kan zakin a nuamlo thei alawm maw le. Mahni farnute inkhawm bang rui phial phual meng mang hlei loa lo kuah ve chut ai mahin hnar a len duh dawn hi. :-P

    Report this comment

  28. 28
    PimPom Says:

    Ava zia dawn lo ve aw. Zing chaw eia thutkhawm a nuam lo duh ngawt ang le. An in draw a nih deuh ber chu le

    Report this comment

  29. 29
    Mama_B Says:

    A lo mak thei ngei mai…!!!
    Pathian lam an hawi phahna a ni a, an inbarakhaih hlawhtlingah ngai mai ang.
    Thawnthu-ah chauh a thleng thei ang tih tur hi a takah pawh a lo awm thei si a nih hi maw le!

    Report this comment

  30. 30
    Dr Mahminga Sailo Says:

    An phu nasa ngawt ang chu maw.. :-O
    An lainatawm teh e…. ;-(

    Report this comment

  31. 31
    shailendra Says:

    Pathian hnaih phahna atana an hman phawt chuan an va han lawmpuiawm ve le (Y)

    Report this comment

  32. 32
    ahooma_ Says:

    Khai a :-O

    Report this comment

  33. 33
    funny™ Says:

    sawi tur ava vang duh awm ve aw. :D

    Report this comment

  34. 34
    Lamji Says:

    Inhmuhchhuah lohna chi pawh ani lo anih chu mawle.

    Report this comment

  35. 35
    H.Vangchhia Says:

    A van na dawn kaih kaih tak em. Mahse, an inang reng em aw?!!

    Report this comment

  36. 36
    Puii Says:

    Hun kal tawh a ni thei ta hlauh chu a va han hahdamthlak chiang e…

    MAHSE MAWM…..nula hi mahni inchan ila…..oii… A pa zawk pawh mahniah inchan ila…… lungphuchawlin a thih theih ang a….

    Report this comment

  37. 37
    Goihkhama Says:

    ka ngaihtuahna ah engtin emaw tak a awm tlat mai.. Ku Sheldon, i hre mak thei em em hi ka ti :-) ka lainat hle mai a tak tak thleng anih chuan

    Report this comment

  38. 38
    Mx Says:

    Ekhai aw :-O

    Report this comment

  39. 39
    H.Vangchhia Says:

    Inhmuh hmain in screen ve deuh tur alawm —zualbona :P

    Report this comment

  40. 40
    Pakak Says:

    Taxi driver khi a sual ve hrim hrim a nih khi ;) midang an tam awm teh reng nen :p :p

    Report this comment

  41. 41
    Awmtea Leo Khiangte Says:

    He thu hi tak tak a ni maw? Ka hriatna chu rei tawh a, a nih tak tak ka lo ring ngai lo va. Eng pawh ni se, Pathian lam a hnaih ta chu a lawmawm khawp mai.

    Report this comment

  42. 42
    Jennifer Lo Says:

    a fanu chu a va khawngaihthlak vele,a nu damlo reng si a pa,’mamawh hun a awmngailo’ a nih hmel a,a mahin a indapchawp ve rek rek a nih chu mawle.. :O

    Report this comment

  43. 43
    Apuia Says:

    A va mak awm ve aw. A rapthlak ka ti hle mai a. Keipawh vawi khat chu taxi driver hian Aizawl student hmaichhia in zuar tam zia min hril vak tawh a sin. Hetiang a nih dawn chuan,kan ram hi ka van khawngaih tak em….

    Report this comment

  44. 44
    lushai_er Says:

    Tak tak chu a ni si a maw :-S

    Report this comment

  45. 45
    Dr John Says:

    ;-( a pawiin, ava lungchhiat-thlak tak ve aw…
    Zoram ringtute hi kan in-bihchian ava tul ta em ve aw!

    Report this comment

Leave a Reply

You must be logged in to post a comment.