Mizo Commercial Pilot hmasa te !

February 5th, 2013 7:27 pm by lushai_er

by Dr. Zokuma Vety [L]

Chanchinbu hrang leh ziak-mi kan pung zel angin hriat sual pawh a awm ve zel a. The Aizawl Post, 8th Oct 2004 chhuakah pawh khan Tv.Michael Lallawmzuala, Pu Rothuama leh Pi P.C Lalchhandami, Ramhlun N te fapa, Air India-a commercial Pilot a nih tak thu, a thlalak nen an rawn tarlang a. A lawmpuiawmin Mizote tan pawh chhuanawm tham a ni. Chutih rualin Ramngaihzuala, Venghlui Indian Airlines a lo thawk mek tawh chu Mizo zinga Commercial Pilot hmasaber tiin a rawn ziak bawk a.

Tunhma kum 40 hmalam khan Mizo Commercial Pilot pahnih kan lo nei daih tawh a. An chhangkhat luat avangin , tunlai thangthar te tan hriat fuh loh pawh thil awm thei ani hial tawh reng a ni. Anni pahnih hi tu zawk nge hmasa zawk tih pawh hriat chian a har tawh a, an inhlat lo tih erawh a hriat theih a.

Capt. Sanghmingthanga Chhangte :- Pu Kela, Zotlang (Lunglei) fapa hian kum 1962-ah Civil Aviation Training Centre, Allahabad atangin Commercial Pilot License a lo la tawh a ni. Tea-Garden Sapho zingah Asst. Manager cum Piloth hna rei vak lo a thawk a. Kum 1966-1988 (Kum 22) chhungin India Airlines Coorporationah thawkin darkar 12,000 (Singkhat Sanghnih) lai boruakah a thlawk hman a ni.

Mizoram Sawrkar hnuaiah Director, Civil Aviation hna a chelh lain kum 1993 khan a lo boral ta a ni. A nupui fanaute pawh Aizawlah an la awm.

Thangvela Sailo :-   Ani chanchin hi Rev. Zokima’n Hnehtu Daily 28th July 1996 chhuakah a rawn tarlang a. Muallung khaw lal chhungkua  ami, Laldosanga fapa Lianhnuaia Sailo fapa a ni a. A pa hi Burma Sipai (Chin Rifles) ah tangin a ban hnuah Maymo-ah an khawsa zui a. A thihsan hnuah a Nu hova seilian chho ta a ni.

Kum 1961-ah Burma Sawrkarin United Kingdom-a Pilot training tura a thlan hmasak zingah telin, kum 2 chhung a zuk training a. Kum 1980-ah Sawrkar leh Civil Pilot te an intih thiamloh avangin a ni chu a bang ta a. United States lamah kalin Commercial Pilot hna a zuk thawk ta a. Kum 1989 khan Africa (Uganda) lama tanpuina hna an zuk thawh lain, thlawhna khawl dik loh avanga chetsualnaah a zuk thi ta a ni. A ruang pawh U.S.A-ah 1st October 1989 khan vuiliam ani ta.

Thangvela Sailo hi Mizo(Sailo) hrin ngei nimahse, Karen-ho zinga seilian niin, Karen mi nupui-ah a nei ta bawk a. Burma-ah chuan Mizo dang nen an inpawh vak lo niin a lang. U.S.A-a a zuk awm hi chuan a zuk Mizo hle ni ngei tur ani, Dr. Rev. C.L.Rema te nupa zuk zin tum khat chuan Mizo kalkhawmna hmunah lo tel ve in an zuk hmuh ve ngei thu a sawi a ni.

Similar Posts:

Recent Posts:

19 Responses to “Mizo Commercial Pilot hmasa te !”

  1. 1
    chhangte_ll Says:

    (Y)

    Chhangte ah Saphun hi a lo fuh mange (H)

    Report this comment

  2. 2
    Hotunu_pasal Says:

    Bvt. (Y)

    Report this comment

  3. 3
    Lamji Says:

    Bvttz. ™ (Y)

    Report this comment

  4. 4
    Chhuaklinga Says:

    Bengvarthlak e. Good post (Y)

    tren tren

    Report this comment

  5. 5
    sheldon Says:

    Capt. Sanghmingthanga Chhangte (Y). Chhangte nih a nuam ve det.

    Report this comment

  6. 6
    CFL Says:

    A va hlu em.
    Ka’n save hmak ange. (Y)

    Report this comment

  7. 7
    chhangteval Says:

    Ka hmingpui an awm ve tlat mai a :-)

    Report this comment

  8. 8
    Athana Chhangte Says:

    (Y)

    Report this comment

  9. 9
    hlatekhua Says:

    A bengvarthlak hle mai. Ni e, a sawi ang khian thil hrechiang mang hlei loa chanchinbua thuziak an awm thin a, hriatna an tibuarchuar zo fo reng a ni.

    Pu Sanghmingthanga te hi Calcutta-a an awm laiin an inah kan leng tawh. Fel ka ti hle.

    Report this comment

  10. 10
    sheldon Says:

    Tukchhuah nuam vek u le (L)

    Report this comment

  11. 11
    Dr Mahminga Sailo Says:

    Dr. Zokhuma (Vety.) tih deuh kalh thin kha a boral hmain ka kawm ve hman a. Mizo chanchin a hre zau ang renga, thuziak chhinchhiahtlak tak tak a lo nei teuh mai a. A fakawm ngawt mai. Post-tupa lah i taima.. A bengvarthlak e.. (Y)

    Report this comment

  12. 12
    H.Vangchhia Says:

    Bengvar thlak e.

    Report this comment

  13. 13
    Sandman Says:

    A tha lutuk e.

    Report this comment

  14. 14
    Mahuma Hmar Says:

    http://www.misual.com/wp-conte.....mbs_up.png

    Report this comment

  15. 15
    mama Says:

    An va chhuanawm em, a bengvarthlak hle mai.

    Report this comment

  16. 16
    Awmtea Leo Khiangte Says:

    (Y)

    Report this comment

  17. 17
    Dr John Says:

    Post a BVT-in, Mizo Pilot hmasate an Chhuanawm hle mai.

    Report this comment

  18. 18
    ruatruatapa Says:

    Bengvarthlak hle mai. Nia, Mizo zinga hmasa ber hi kan ti ngawt zel a. Kan hriat phat a hnaih avang hi a ni fo mai. Mizoram chhungah pawh Aizawl leh Lunglei District (undivided) chauh hi emaw Mizoram ti kan kan la tam khawp mai.

    Report this comment

  19. 19
    chhana Says:

    Post a BVT hle mai.

    Report this comment

Leave a Reply

You must be logged in to post a comment.