Kan chhung inkhawm ve..

January 31st, 2013 6:23 pm by ahooma_
(Post a awm khat e mai, nawite hi dah ve leh lawk ang :) )
Ram pawn, duh duh huna inkhawm theih lohna hmuna awm hian Mizorama inkawm tha peih vak lo tan pawh inkhawm chak riau chang a tam ngei ang. Mahse ram pawn, duh duh huna inkhawm theih tho na hmuna awm tan chuan inthlahdahna chance tha tak a ni ve hlauh thei. Zep thu cheng lo, keipawh hi helai kolkata khawpuia Mizo awm zingah hian inkhawm zinglo pawl tak chu ka ni ta mai awm e.
Zirlai naupang te tein in kan han luah ho a, chhungkua angin kan han awmkhawm ve dal dal a, nuam kan tiin khuahkhirh lem loha han tal vel chu nun pawh a lo inthlahdah deuh nge nge. Hetia, inthlahdah leh ho angreng taka nung e tilo hian biakin lama inkhawm ziahte paw’n an tih fo em em loh ‘chhung inkhawm’ hi kan hmang ve thin a; Nikum, zirna zo hoin min hawsan
vanga kan chhungkua kan inthendarh tak hma zawng kha chuan regular anreng takin kan hmang ve thin a ni.
Hmannia Daniela lo zin khan khatih laia vawi khat kan chhung inkhawm neih kan nawi zet tum kha a rawn sawichhuak a, ka lo theihnghilh deuhthaw tawh kha a nia, ka’n hrechhuak leh chu mahni chet nawi thu mah nise ka nuih hi a va han za em.
South City Mall bul lawka kan awm lai kha a ni a, chutih lai chuan a hmaa in kan luahpui thin tho, kan cousin Mama lo zin lai a ni nghe nghe, Kolkata Mizo Students lama kan president leh kan thianpa ni bawk Samuela a lo leng phei bawk a, a in luahpuipa Jo-a’n a rawn zui bawk tak e.
Savawm leh sakei bur engemawzat kan thlit ruah hnu chuan titi pawh a tuiin kan tawng ring tlang tawh khawp mai. Chutih lai tak chuan in ve ngai lo Masanga chuan, ‘chhung inkhawm nei tawh ila’ a rawn ti ta, ka hun neih zan a la ni zui.
Thutak angreng fe hian bul kan han tan chho a, zai zawh a bible chhiar a, tawngtai leh lalbiakna sawi kha kan tih dan tlangpui a ni mai a. Khami zan ka polite deuh khan mikhual ho ka’n duhsak hlak a, kan nawi chho ta a ni. “Hei, Mama hi hun rei tak chhungkua ang a kan lo khawsakpui thin a ni a, vawiinah kan inhmu leh thei a, a lawmawm khawp mai, a sawi duhzawng sawi turin i lo sawm ang,” ka’n tia, nui deuh thu chungin a rawn ding a, a sawi pangngai fu laiin Samuela inluahpui Jo-a chuan kilkhatah saptawng leh mizotawng pawlhsawp nuaihin Pathian biak awmzia a awm loh thu a rawn phunchhuahpui tan, kan la inkhap dai hram hram. Mama thusawi zawhah chuan tawngtai ta mai lo chuan kan KMS President Samuela hian a duhzawng han sawi ve teh se, ka la han ti ta zel a. Committee thang tih takah, “Pu Chairman, ka lawm e,” tiin bul a’n rawn an phawt a, kan hrethiam rih mai a, mahse a thusawi karlakah leh a thawlak apianga ‘Pu Chairman’ a ti ta mai kha chu nuih loh a har teh e. A inluahpuipa lah chu din ve chakin a lo phe sek tawh bawk si, loh theih lohin kan han insawm ve leh a, a rawn dingchhuak ve ta. Mizotawng aia saptawng tam zawk mahin a rawn bei chho a, Pathian hnena tawngtai awmzia a awm loh thu, hmanah pawh a tawngtaia a sawt chuang loh thu vel a rawn auchhuahpui, ka ngaihdan a ni ta lo, ka lo hnial(kan inhnial dan tak ka hre ta lo, ‘fuck you’ i ti, te min tia, tih pawh ka lo ti matheiJ). Tichuan ani chu kan chhung inkhawm pawh awmtluan duh loin a haw tau ta daih a, keini pawh chu tluang tak chuan kan inkhawm zo ve ta mai a.
Khami tum kan chhung inkhawm zet kha chu miin ‘in chhaihkawlh mai mai’ pawh min ti se, ka hnial lem lo. Mahse khatiang kha kan ni reng bik lo, kan tling lo leh kan chaklo chung chung khan nikhatah hun reilote tal A tana serh kha kan duh ve thin a ni.
Vawikhat chu ka hna bang ka haw tlai deuh a, chhung inkhawm min lo tan san a, in ka thlen lai chuan an lo zai mek a, zai karlakah chuan an thum leh hak thin a. Hetih lai hi Muana leh Rama pooja chawlh hmangin min rawn fin lai a ni bawk a, kan ri ve laih laih a, zai tui tham kan awm ve a ni.
Ni dangah chuan Rama hi a zai ri ngai pawhin ka hre lo, chumi zan berkher chuan uar em em mai hian a lo zai ve a, ka nui lut nghal thu mai. Kan naupan laia kan thianpa, mi aw key mila zai thiam ve miah lo te kha ka hrechhuak. A zai rin poh leh kan nui ring ve kha a  ni mai, kan nuih apiang lah khan, ‘awh, ka aw a’n tial chu le’ a ti ziah lehnghal a. A thianpa Muana ber kha a insum thei lo a la ni zui. Khami tum te kha aw… kan va hlim em, ka ngai thin ngawt mai.
Chumi zan chuan Rama hi engati nge maw a zai ve tak vak vak le, tiin ka ngaihtuah reuh reuh a, chhung inkhawm kan han bang chu, ‘U Ahum, hei ka lo lakkep che a’ tih pahin savawm a rawn rek chhuak a, ani chuan a lo peg nual tawh a niang. Zan danga zai ri ngai hlei lo, khati tak maia a siamtu fakna’na a zai ri ring ve kha zu vang a lo ni- Zu hian thatna a nei ve a ni. Khati tak maia kan nui nasa kha zu vang a ni- Zu hian hlimna a thlen thei a lo ni. :)

Similar Posts:

Recent Posts:

11 Responses to “Kan chhung inkhawm ve..”

  1. 1
    chhangteval Says:

    Zu hi chu a tui ka ti hran lo, mahse thian ho inkawm khawm nan hian a tha ka ti khawp mai, tin, la hriat ngai miah loh te nena inkawm nan phei chuan a aia tha a awm lo..ka thianpa’n a ti.

    Report this comment

  2. 2
    ahooma_ Says:

    Enter kha ka hmet ve kauh kauh emaw ka tia, a lo inzawm put a nih khi :-)
    Chhangteval, a dik khawp mai.

    Report this comment

  3. 3
    Chhuaklinga Says:

    Ahaha.. tawngtui tlan lai taka intawng chhawk a ngaih thut hi chuan kan indin chhawk sek duh phian a nia. :-D

    In rawn sawi takah chuan zu in hi a that hmel riau, in ve zeuh zeuh tawh tur a nih chu. :-P :-D (D) (B) (D)

    tren tren

    Report this comment

  4. 4
    sheldon Says:

    Keipawh ka nuih in tiza. Ka mitthla che u a. Tiang thu sawitur hi kan nei fur lo maw?

    Zu hian hlimna leh lungngaihna a thlen thei ve ve.

    Report this comment

  5. 5
    saint sammoo Says:

    ka lo la in ve ngai miah lo va.. in ve chhin tur a nih hi….
    Thuziak zangkhai leh chhiar nuam tak a ni e..

    Report this comment

  6. 6
    Matluanga Says:

    Keini chhungkaw chhung inkhawm ve chu Lal biakna sawi zawh rual deuh tho hian…”Ka vel dawn che, ka sawi zo hmasa ber, etc etc tih hian a zui deuh chawk…”hehehe..Post hlimawm tak a ni (Y) :-P

    Report this comment

  7. 7
    Hotunu_pasal Says:

    Mihrang hlir awmkhawm in chhung inkhawm in nei thin chu in ti tha hle mai.
    Nuih hi awl deuh a nia. Kei pawh ka hnathawhna khaw pakhat a ka awm laiin kan pu (ofis) nen, driver nen qtrs.ah kan awm hova. Sunday tuk khat chu Lal tawngtaina kan sawi tluan thei lo, kan nui zo vek. Sunday leh pekah pawh kan nuih chhan kha kan hre chhuak leh a, kan la nui leh.

    Report this comment

  8. 8
    Lamji Says:

    Tunlai chu ka fapa naute tawng thiam thar hian Lalbiakna hi ‘…ram te…’ atang hian a thiam thar ve a. Hman zan kan chhung inkhawm Lalbiakna kan sawi a,a ‘…ram te..’ chak tawh lutuk kha tlar hnihna kan sawi tan dek dek a vin tawkin,’..ram te..ram te..thuai thuai..’ alo ti mai chu kan nui chhuak huk ringawt! Khami hnu khan vawi hnih dang Lalbiakna hi vawihnih kan sawi zawn leh tawh! :)

    Report this comment

  9. 9
    Dr Mahminga Sailo Says:

    Thawchham lek lekin ka chhiar! :-O A ngaihnawm si, paragraph a inzawm paaaat bawk si.. (Y) :-D

    Khi’ng hun hlu tak khi, in hre ve reng dawn a ni. :-)

    Report this comment

  10. 10
    aduhi Says:

    I post te chu lung a ti leng reuh. Thiante nen in kan han luah ve dal a, in luah dangte nen “in chhungkua, kan chhungkua” tiin chaweiahte kan han insawm a. Vawikhat kan thianpa hian chaw a lo ei thut a, chaw kan chhum tlem si, ka thiannu L-i nen hian chaw kan ei tha ngam lo a, kan nau deuh pakhat N-i hian engmah hre lo khan chaw a lam nawn sek a, kan inmelh hrek hrek a, a hnuah kan nuih tizatu a ni leh tho nachungin.

    Report this comment

  11. 11
    blackmagicwoman Says:

    Awi ka nui nasa lutuk. Inkhawm hruitu berin ‘F*** you’ han tih ngei mai chuh… nasa eeee! LOL

    Report this comment