Bethlehem veng leh college vengah misual an che kual..In pakhat bike 8 leh car 4 hal..

January 31st, 2013 8:24 pm by Goldmember

pics via Rotea Chhakchhuak @facebook.com

Vanneihthanga Vanchhawng @FB Special Report

30th January : Nizan zanlai pelh tawhah khan Bethlehem venga In pakhat Assam type chhungkaw 4 luah lai chu bungraw chuh hman lohin a kang a, hmun hrang hrangah lirthei hal a awm nual bawk. Misual thil tih nia rin a ni.

Nizan dar 12 leh dar khat inkar vel khan Bethlehem veng School vengah Pi Lalrawni w/o. Hrangtawna [L] te In, Assam Type, chhungkaw pali luah lai chu a kang a, mi tlawmngai leh kang thelh motor ten theihtawp chhuah mahse an thelh mit mai thei lova, bungrua chuh hman lohin a kang ral a, a bula in dang kangkai tur erawhchu an veng hman a ni.

He In kang hi bathlara bike leh maruti car hun atanga kang tan a ni a, in neituten kangmei thawm an hriat hian pawn lamah tlanchhuah an tuma, kawngkharpui pahnih chu pawn lamah a lo inkalh si avangin inhnuai tukverh atangin an chhuak thei hram.

In neitu Pi Lalrawni fapa Tv. R.Vanlalruata chuan a chhungte an tlanchhuah hnuin inchhung lam atangin kang thelh tumin theihtawp a chhuah a, kangmei chu thelh rual a nih loh avangin kangmei hian a hliau nual a, tukverh feet 15 velah zuangthlain nikhawhrelovin a awm nghal a, damdawiin lamah enkawl a ni. Ruata hi Civil Hospital panpui anih hnuah ICU a enkawl a ngaih avangin Greenwood Hospital lam panpuiin ICU ah dah a ni a, ngaihtuahawm erawh a ni lo nia thu dawn a ni. He kangmei chhuakah hian hliam na dang an awm lo nia hriat a ni.

 

 

 

Similar Posts:

Recent Posts:

23 Responses to “Bethlehem veng leh college vengah misual an che kual..In pakhat bike 8 leh car 4 hal..”

  1. 1
    Chhuaklinga Says:

    A pawi ngawt mai, a ti tute hi man chhuak hram teh se. Mi awmtha duh lo kut tuar tute hi ka lainat takzet a ni.

    Report this comment

  2. 2
    Nirvana Says:

    Ehe! An va che nasa ve. An victim te ka khawngaih lutuk. Kan tan chuan 9/11 ani ringawt allawm

    Report this comment

  3. 3
    Asteric Says:

    A suahsual thlak ngawt mai (N)

    Report this comment

  4. 4
    Matluanga Says:

    A ti tu te hi sa huai huai khawp a vuak an chakawm hi ka tia…

    Report this comment

  5. 5
    Mama_B Says:

    A pawi tak zet. A titute hi man chhuak ngei se, an thil tih phu tawk hremna hmu ngei se ka va ti ve.

    Report this comment

  6. 6
    Dr Mahminga Sailo Says:

    A pawi teh e. A suahsualthlak khawp mai,a titute khi man chhuah ngei chi an ni khi

    Report this comment

  7. 7
    Puii Says:

    ka reiii…!! A va han rapthlak ve le…a haltute kawchhungah hian tulum a lut em maw ni chu le…

    Report this comment

  8. 8
    Maisek Says:

    A va han suahsual thlak tak em… khalh sak duh vanga ruk sak pawh ni lo, hal chhiat sak ringawt mai chuh! bike/motor neitu kha huatna riau a nei aniang ti dawn ila, mi khiti zat zat a rualin a huat a rinawm si loh! Ramhuai hnathawh ani ngawt alawm leee… (N)

    Report this comment

  9. 9
    Borat Says:

    Thil awm dan tur:
    Police in misual ho hi an man ang a, mahse doctor tute emaw recommend angin an hriselna that loh chhuan lamin anticipatory bailan dil ang a,mmagistrate in bail a pe ang a, chumi hnu lawkah cable Tv ah an interview ang a, Kristmas leh chuan an leng parh leh har har tawh ang.

    Report this comment

  10. 10
    Hotunu_pasal Says:

    A titute hi Police ni lovin mipuiin man zawk chi. Chuan,..kei sualna nei ngei hian den hmasak ber ka duh bawk.

    Report this comment

  11. 11
    chhana Says:

    Engvang tak niang maw? (N)

    Report this comment

  12. 12
    bucko Says:

    Tunah hian rinhlelh mi 8 vel an man tawh ni awmin ka hria a, hetiang misual hi chu man vat teh se

    Report this comment

  13. 13
    Lamji Says:

    An va lainatawm ve aw. :(

    Report this comment

  14. 14
    funny™ Says:

    Police zan lam patrol hi uar deuh angai ve tawh ani zan lama thil sual tih ching an tam tlat khawpui zia kan kai ve deuh tan tawh a.

    A hrim hrimin Police lam chu a intodelh ber pawl state kan nilo maw le kan population atanga police awm zat percentage a chhut in. Zan lama motor nena tlan kual hi uar sela thalai tamtak zan lama zalen lutuk ho pawh an zia awm deuh ang.

    Report this comment

  15. 15
    Dr Mahminga Sailo Says:

    # 14… (Y)

    A dik chiah. Police-te hi sawrkarin a thuam chaka, an thawh tur dik tak an thawh chuan an thlamuanpuiawm khawp mai.

    Bangalore-ah hian zan tlai deuha haw chang paw’n, Hoysala-a chuang Police-in muang changa kawngpui dunga an tlankual te, zing thawhhma deuh a, park bul hnaia tlaivar thaka Police duty hmuh hian thla a muang riau thin. (Y)

    Misual leh rukruk a zawng-a-zain veng thei lo mah se, tuallaia Police hmel hmuh tur an awm hian, sual tam zawk chu a tiralti ve hrim hrim..

    Report this comment

  16. 16
    virginia Says:

    milem kut zungpui lem angchi ho thi engtin nge in dah,mi lo hrilh ve teh u..pls in

    Report this comment

  17. 17
    Atom c Says:

    Beidawng thiltih ni awm tak a ni, zialo hle mai.

    Report this comment

  18. 18
    chhangteval Says:

    A suah sual tukhum pawn thlak khawp mai. Anmahni leh an chhungte chungah a thleng ve ang tih ka hlauh pui.

    Report this comment

  19. 19
    Dr Mahminga Sailo Says:

    A tuartute tan khian a hrilhhaithlakin a na dawn em mai.. ;-(

    @ virginia.. I comment-na hnuaiah khan kut zungpui pir lem (Y) te, nui lem :-D te, leichhuah lem :-P te a awm kha… Zuk kilik keuh mai la.. :-)

    Report this comment

  20. 20
    hlatekhua Says:

    Man chhuaha danin an phu tawk a tih aia na deuh hreta hrem ni se a ṭha ang.

    Report this comment

  21. 21
    I am0 Says:

    A titu chu, mipuiin man hmasa sela, tawngtai ngai pawimawh deuhin, han tawngtai sela, tisual leh chuang tur awm miah loa hnuh an va chakawm em em vele (D)(D)

    Report this comment

  22. 22
    Amah Charice_mizo Says:

    Act of terrorism a ni thei ang em? LOL

    Arson hi India danah engtia naa hrem theih nge anih le? Tihpalh thilthua in kang pawh a rapthlak ania le.

    Report this comment

  23. 23
    Jacka Pi Says:

    doc-lib hi awm na nge maw?? anin chhui zawn tur a hre deuh ang

    Report this comment