Kan Nunna Hi!!

January 30th, 2013 5:16 am by appy thianhlun

Vawin chu hnathawhna ngai te bawk lam pan tur in kan in phur chhuak leh a, kan chungah engthil nge lo thleng dawn kan hre lawk hauh lo. Hrelawk ila zawng ka teichhuak hian ka ringlo!! Chutia kan tlan zel lai chuan, thawklehkhat ah kan hma a car chu ding deuh chawtin, keini pawh kan chesual chu a ni ta mai. Thil pawi lutuk em chu thlenglo mahse hlauhna khan ka thau ah min man a, ka dik thei lo nileng chu ani deuh mai. A thlen hung chhung kha reilo hle mahse mitkhapkar loah hian thil hi ava lo danglam thei tak em aw! ka ti vawng vawng a, ka ngaihtuahna chu a kal thui hle mai.

Ni e, mihringte hian kan nunna ah hian thu kan va lo nei lo tak em! Kha second reilote chhung khan kan nunna hlu tak hi kan lo hlauh hman thelh asin. Tumah hian kan thih huntur kan hre lawk lo, amaherawhchu thi tur hian kan inpeih reng em?, lo thi ta ila miten engtingnge ka chanchin an sawi zui ang? tih hi ka rilru a zawhna lian tak awm chu ani. He kan dam chhung ni tawite, chum reilo te a lo langa, a ral leh ang mai nia kan Bible meuh in a sawi hi, mahni duh zawng tihnan leh min siamtu Pathian duhloh zawng tih nan hian kan lo hmang liam fo mai lo maw? Mifing te chuan kan dam rei leh rei lo hi kan dam zat kum ah innghat lo in, kan thiltih khan a hril zawk ani an ti thin, mi fing leh fel, mi tangkai te chu an boral hnuah pawh mite thinlungah an damlaia an thil tih that te khan thu ala sawi chawk in, an thinlung ah an nung reng thin.

Dr. Alfred Nobel hi kan hre ngai em? Khawvel a Dynamite(Bomb chikhat ani mai ang chu) hmuchhuaktu hi, kum 1888 a unaupa thih thu French chanchinbu lar tak in hriatsual palh in amah zawk emaw thi ti in, an chanchinbuah chuan “Thihna hmanga sumdawng chu a thi ve ta……Dr. Alfred Nobel ,thawklehkhata mitam tak thahna hmanrua a hmuhchhuahna atanga hausa ta chu nimin khan a thi” ti in an ziak kuau mai a. Chu thu chuan Alfred Nobel a chu a khawih hle mai, miten a tha zawnga an hriat reng theih dan tur chu a ngaihtuah ta a. kum 1895 ah chuan a sum neih zawng zawng atanga 94% lai chu mi ropui te chawimawinan ahlan ta zawk a. Vawiin ah meuh chuan Alfred Nobel-a chu a dynamite hmuhchhuah vang nilo in, Nobel Peace Prize vang in khaw velin a hrereng ta zawk ani!

Keini pawh engtiang in nge miten kan thih hnuah min hre reng se tih kan duh? A tha zawng in min hre reng se tih chu kan duh vek ngei in a rinawm, chumi atan chuan Pathian tihna nun tak tak nen a kan hun kan hman a pawimawh hle, kan nunna hi kan kutah a awmlo ani tih hrereng in, Ama thu ngaichang zel in a hnenah intulut ila , nakina kan inchhirna tur thil te tlansan ngamin kan dam chhung nite chiar dan tur min zirtirtu atan hian i thlang tlat zel ang u. Lalpa hlata awmte chu an boral dawn si a!!

Similar Posts:

Recent Posts:

13 Responses to “Kan Nunna Hi!!”

  1. 1
    zombo Says:

    Good Post. A dik chiah, kan nunna ah hian kan thu lo khop mai.

    Report this comment

  2. 2
    sheldon Says:

    Tukchhuah nuam vek u le (L)

    Report this comment

  3. 3
    Chhuaklinga Says:

    Zing thawhhlima chhiarah chuan duhthusam. Inen letna vang vang tham a ni e. (Y)

    “Sa remruatna pawh tluk lo mihring remruatna”

    Ni hman nuan vek ule. (C)

    tren tren

    Report this comment

  4. 4
    Dr Mahminga Sailo Says:

    Post-tunu, tukin zing khan i facebook wall-a mi kha ka lo chhiar a, i thuziak chuan min tiharh sawng sawng mai.. (Y)

    Nikuma ka office kalkawnga scooty khalhtu pakhat, truck-in a lu a chil avanga kawngpuia a ruang let ngut mai kha ka mitthla let fo va. Duh lo teh mah ila, kan chunga thleng reng thei a ni si. A dik ngawt mai, fimkhur taka nun hmana, Pathian hriat leh a chhandamna changtu nih hi a lo pawimawh em mai.. (Y)

    Report this comment

  5. 5
    Dr John Says:

    (Y) Tha khawp mai. Hemi Avang Tak Hian Lalpaa Nitin In-nghah Zel Hi A Tul Ka Ti Thin …

    Report this comment

  6. 6
    H.Vangchhia Says:

    (Y)

    Report this comment

  7. 7
    appy thianhlun Says:

    In comment na ah ka lawm e..:-D Accident tawh zeuh2 te pawh hi a tha, Pathian min hnaih zual tirtu an ni chawk a nia:-) ;-)

    Ni hman nuam vek ule..

    Report this comment

  8. 8
    Lamji Says:

    (Y) Ava tha em!

    Report this comment

  9. 9
    sheldon Says:

    Everything about life – IT GOES ON…

    Report this comment

  10. 10
    Amah Charice_mizo Says:

    Post tha tak a ni, nun uluk lo taka awm puat puat te hi a pawi, kan thih hun tur aia hmaah kan thih phah thei. Chuan vanduai hrim hrim vanga thihna hi a rapthlakin tu chungah pawh thleng thei a ni a. Nun uluk hi alo ngai ber mai. Alfred Nobel (Y)

    Report this comment

  11. 11
    chhangteval Says:

    Insiam that nan tlai luat a awm lo (Y)

    Report this comment

  12. 12
    Atom c Says:

    (Y)

    Report this comment

  13. 13
    PKfanai Says:

    A tha hle mai. “Naktukah dam takain ka tho leh ang” tih chin takngial pawh chiang takin kan sawi thei tlatlo mai hi, Pathian laka han inchhu ngeng ve tur hi chu kan nilo maw le.

    Report this comment