Zonunmawi leh Chi-seh lam

January 28th, 2013 1:29 pm by Dr Mahminga Sailo

Thingtlang bawk!
Nia, thingtlang chungchang bawk sawi mai loh chuan sawi tur dang hre hek lo i. Nimin chu, duh aia hmaa ka harh avangin ka phur thuta, Trekkerboy te paw’n an tih thin kha tiin kein ka kal ve chiam mai a. Darkar hnih vel ka kal chuan, ka chau chhe hle lawi si. Tlangval that zek zawk lai, mahni tawka ei leh in intuituah ve emaw ka intih laiin, thingtlang naupang ka nih lai kha ka lo tluk reng reng lo hi a lo ni a. Nunhlui min ngaihtuah tir ta daih!

Mamawh lamna – Leitlangpui
Kan venga dawr awm chhun khan kuhva leh naupang lawm tlem an zuar a ni mai a. Chu pawh, kar khata Lunglei an kal loh hlauh chuan thil zawrh an nghei titih thin. Kan khua atangin Lunglei khawpui hi kilometer 20 vel chauh a nih avangin langin chawhmeh ilo zuar pahin chhungkaw mamawh kan lei mai thin. Khang hunlai khan kan nu leh pa te kha an lo va in-fit tak em!

Rit phur lo pawha kar-kawng/zo-kawng kal hahthlak tawh nak alaiin, zing khawvar hmain meichher chhiin kan khua an chhuahsan a. Ramri (kan khua atang kilometer 4 vel) an thlenin khua a en tan tawh thin avangin meichher an dahtha a. Kan khaw thenawm atangin motor kawngpui khu tak mai paltlangin Leitlangpui chu an han lut a. An chawhmeh zawrh tur: chakai, hruizik, hmarcha-hring, sangha, ladt., ken te an hralh zawh te te chuan, chhungkaw mamawh chini, chi, alu, dal, khawnvartui, ladt., an lei te te a. Tlai hlau takin kan veng lam pan bawkin an haw leh nal nal thin a. Unau hmel hai velah kan veng an lo lut leh mai thin. Fur ruahtui tlak lain gat phei chuan, vangvat zuk thiphungin an rawn thleng thin.

Zonunmawi
Chhungtinte’n kartin chawhmeh zawrh tur an nei ngai vek bik lova. Thil zawrh tur nei lem lova Lunglei han kal ve ngawt chu thingtlang mi tan chuan a tih chi lem lo. Tichuan, Lungleia kal tur te kha chu an kal dawn zanah an ngamtlak deuh te’n thil lei tur an rawn thawn ngei a. Ka pa hi tlawmngai ve thei tak leh, mi te ngamtlak a ni bawk a. Lunglei a kal tawh hi chuan kan chhungkaw mamawh aiin, midangte mamawh hi a phur tam zawk fo. Chhang tui tak tak, mi chhungkua-in thawn chang phei chuan naupanga thuchang, kan ei chak ve thin khawp mai. Ka pa a lo thleng tih an hriat vel leh ‘kan lawm lutuk e’ tiin an haw leh mai thin. Kan it thlawn fo. ;-)

Mahse, rokhawlh huna ka pa Lunglei a kal theih loh changin, tuma’n kan chhungkaw thilthawn an hnial bik ngailo.

Tanpui ngaite tanpui fo la, an tanpui i mamawh hun a thleng ve thei. An tanpui i mamawh loh tal paw’n, i tanpui tak avang khan i inchhir ngai lovang. :-)

Similar Posts:

Recent Posts:

11 Responses to “Zonunmawi leh Chi-seh lam”

  1. 1
    schmooze Says:

    fb te anga han like na mai ka van duh ve…. (Y)

    Report this comment

  2. 2
    Zonunmawi leh Chi-seh lam | mi(sual).com | Köpa hemsida av webbyrå Says:

    [...] more: Zonunmawi leh Chi-seh lam | mi(sual).com Dela det här:FacebookTwitterGoogle +1Webbyråer StockholmMer om att köpa [...]

    Report this comment

  3. 3
    lr hlonchhing Says:

    Misual hi a va han reh tak emmmmmm!!!! ;-(

    Report this comment

  4. 4
    Dr Mahminga Sailo Says:

    Comment 2-na khi ka va’n bo ve.. :-O Ka kilik lah chuan, a website chungchang khi ka chhiar thiam der si lo. Enge a awmzia? Ka thuziak hi a lar ta viau em ni a?! :-P :-D

    Report this comment

  5. 5
    mama Says:

    A ngaihnawm phian mai. Hmanlai kan pi pu te khosak dan kha hahthlak tak tak a tam na a an hlim phian si.

    Report this comment

  6. 6
    bucko Says:

    ngaihnawm hle mai

    Report this comment

  7. 7
    chhangteval Says:

    A dik khawp mai, kan thil tih hi kan chungah bawk a let thin si a.

    Report this comment

  8. 8
    Dr John Says:

    (Y)

    Report this comment

  9. 9
    muan wm Says:

    Tawp ber hi mawi lutuk….
    Duh aiin atawi mah mah ni, ka khamlo lutuk… chhunzawm leh ngei chi…..
    hetiang hun lai hi hre ve phalo mah ila ngaihtuah na in mei chher kan lo chhit ve rikngawt chu le(h)

    Report this comment

  10. 10
    Ralte thlahtu Says:

    Good post (Y)..In khua hi hauruang nge Vanhne te ka ti mai2 a.

    Report this comment

  11. 11
    Dr Mahminga Sailo Says:

    @ muan wm… Ka lawm e. (Y)
    Mi tawnhriat loh han sawi chiam hi ka inthlahrung ve thin a. Mahse, lung hi a leng kur ngawih ngawi thin si a. Ka vei zawng zawng mi(sual).com-ah hian ka phawrh chhuak leh vak thin.. :-)

    @. Ralte thlahtu.. Kan khua hi Thehlep a ni e. Vanhne atangin zo-kawng zawhin kilometer 8 vel a ni.

    Pu Liangsanga E-in-C nih lai khan an thlahtute Lalna khua (?) tiin motor kawng an sial tlang ve a. Mahse, kan pemsan nasat avangin thal lai bakin lirthei a lut thei meuh lo..

    Report this comment

Leave a Reply

You must be logged in to post a comment.