Ui rinawm Capitan.

January 26th, 2013 6:05 am by PKfanai

Hei hi ka Fb thian ten an Like azarah ka lo hmu ve a, rilru a khawih khawp mai. Argentina a Miguel Guzman-a fapa Damien-a chu a rawlthar chhuah birthday present atan German Shepherd Dog tha tak mai kum 2006 khan Pek a ni a. A pa Miguel Guzman-a zawk chuan duat takin a enkawl thin a ni.

Vanduaithlak takin Pu Miguel Guzman-a chu a kum leh mai 2007 chuan a thi ta hlauh mai a. An ui chu ina hnutchhiahin Thlanmualah an phum ta a ni.

Ina an han haw chuan, an ui ‘Capitan’ tia an koh chu an hmu ta reng reng lo mai a, a bo ta daih mai a ni. Sunday alo nih chuan, Pu Miguel-a nupuite chuan an pa thlan chu an va tlawh a, chutah chuan thil mak an va hmu ta! An uipa Capitan-a chu apu Miguel-a thlan chungah chuan alo bawk hle hle mai hi alo ni a, api te ahan hmuh chuan a bauh a, lungchhe taka tap ve niawm tak hian a u vel ruai a ni.

Thlanmual enkawltu(Director) Pu Hector Baccaga chuan, chu ui chu Pu Miguela an phum ni tlaiah chuan Thlanmual a rawn thleng ve hlawl mai a, Thlan hrang hrang a hnim kual ruai hnuin Pu Miguela thlanah chuan a tawp a, a bawk ta hle hle mai a, zankhuain a bawk ta reng mai a ni tih a sawi. Chhun lamah chuan a vak bo thin a, nimahsela zantin hian dar 6 velah chiah hian Thlanmual chu alo thleng leh thin a, zankhuain apu thlan chungah chuan a bawk thin tih alo sawi a. Tin, Thlanmual enkawltu ho pawh chuan, an khawngaih em em mai a, chaw an pe thin a lo ni a.

Capitan-a chu inlamah an hruai haw leh naa, zanah chuan apu Thlanah bawk chuan va kalin zan tin kum 6 chhung zet a riah chhunzawm ta zel mai anih chu maw le.
Ran a kan tihte hi an lo va rinawm thei thin tehlul mai em. Hei vang hi ani mai thei e “Dogs are men’s best friends” an lo tih thin ni.

Similar Posts:

Recent Posts:

19 Responses to “Ui rinawm Capitan.”

  1. 1
    chhana Says:

    Nia, ui hi chuan mihring hi min tluk thuak reng a nia.

    Report this comment

  2. 2
    chhangteval Says:

    German Shepherd Dog hi chu aw.. (Y) (Y)

    Report this comment

  3. 3
    PKfanai Says:

    A pic.dah tel ka tum a, ka fail tlat. Roseparvuli lo thlen hunah tih that leh angai a ni. Ka imgur a buai tlats.

    Report this comment

  4. 4
    Awmtea Leo Khiangte Says:

    Ngaihnawm mang e. (Y)

    Report this comment

  5. 5
    sheldon Says:

    Tukchhuah nuam vek u le (L)

    Report this comment

  6. 6
    Hotunu_pasal Says:

    Republic Day chibai vek u.

    Report this comment

  7. 7
    mama Says:

    A ngaihnawm hle mai, hei a lem ka rawn thawh e :D

    http://i45.tinypic.com/2gxmh37.jpg

    Report this comment

  8. 8
    Jacka Pi Says:

    Ui hi chu ran zingah rau rau pawh hian mihring hmangaih tur hian Pathianin a siam bik emaw tih mai tur an ni…Hachiko te hi awwww…en pawh ka en nawn ngam tawhlo, ka tahpui nasa thei lutuk a

    Report this comment

  9. 9
    PKfanai Says:

    mama iti lawmawm lutuk e. Jackapi Special report ah ka post a, Hachiko kan advertise ani ringawt mai. :-P

    Report this comment

  10. 10
    century child Says:

    Ngaihnawm hle mai (Y)

    Report this comment

  11. 11
    Mx Says:

    (Y)

    Report this comment

  12. 12
    TuaiSialA Says:

    Rilru a khawih khawp mai.

    Report this comment

  13. 13
    SHauzelSailo Says:

    Ka ui min va ti hre chhuak em. ;-( :-(

    Report this comment

  14. 14
    Joyce dady Says:

    An khawngaih thlak putu hle mai,kei pwh ui hi ka ran ngainat ber an ni.

    Report this comment

  15. 15
    Athana Chhangte Says:

    Kan naupan laia kan ui retheih luat avanga tap chunga kan hralh tak kha min tihre chhuak.. Ngaihnawm khawp mai

    Report this comment

  16. 16
    Amah Charice_mizo Says:

    Ui hi ka ngaina hranlo nain ui tha leh fel chanchin chhiar hi nuam ka ti, quiet moving ;-(

    Report this comment

  17. 17
    Dr Mahminga Sailo Says:

    Ka post emaw ka tih dawn chu le… :-D (&) Post tha leh ngiahnawm tak a ni.. (Y)

    December atang February thla thleng hian ui inthlachhawn lai a nih avangin an mizia a dang ve thin. A bikin vairam khawpuia cheng te fimkhur zual ang u. Ran ngaina mi tan pawh, tual ui la hmuh leh chul nel vak loh chul nghal ngawt loh tur.. :-)

    Report this comment

  18. 18
    Dr John Says:

    (Y) Hei hi Pu PK-a post hma khan FB ah vek ka lo chhiar tawh a. Ka theihnghilh hman tep tawh tih ah Pu PK hian a rawn post leh a, rilru a thar-in rilru a khawih ngang mai.

    Zawlnei Isaia hnena Pathianin Bawngpa leh Sabengtung pawh tluk lo ang hiala Israel fate a sawi ang khan, Mizovin Ui pawh ti tha duh lova, hmusit taka “Ui-cho” tia kan koh pawh hian a Pu leh Pi hmangaihna a hria a, Hmangaihtu leh Hmangaih tur an hai lo. Mihring erawh hi chuan Min Siamtu leh Hmangaihtu Pathian hi kan hai fova, Mihringah pawh min Duhsaktute kan hai fo bawk.

    Lal Isua’n Chanchin Tha Matthaia a lo sawi ang khan, Chungleng sava-ten Pathiana an innghah-zia atanga Zir tura min tih te kha rilru-ah a rawn thar uaih uaih mai …

    Thlarau lamah leh Tisa-ah Entir leh Zirtir a nei tha thlawt a ni. (L)

    Report this comment

  19. 19
    Lfhmar Says:

    (Y)

    Report this comment