Mihring siamtute zawng hmu turin NASA in mithiam rual van thengrengah tir

January 23rd, 2013 10:21 am by chhangteval

Khawvel leh mihringte hi Pathian siam ngei ani tih lan chianna tha tak han sawi fak tur an hmuh zawh loh vang te pawh ani mahna, mithiam tam tak te chuan mihringte hi Pathian/Jehova/Lord Rama/Allah/Buddha te siam nilovin, Universe a minung dang awm ve, ‘aliens’ hovin an siam anih an ring. He an rindan hi tunlaia kan mizo atheist tharlamte anga chhan pawh nei em em lova Pathian awm ring lo ve ringawt an ni lova, tan chhan tha tak an neih vang ani zawk.

Kum 40 vel liam taah khan mithiam thenkhat te chuan lei atangin mihring ang tak ruh an lai chhuak a, an han zirchian chuan mihring DNA leh chu ruhro DNA chu alo inmil chiah a, he thilnung ang hi khawvel hmun dangah an la hmu ngai lova, mak an ti em em a, an han zirchiang zel a, a pianphung danglam tak avang te chuan khawvel pawn atanga lo kal (alien) anih an ring ta a, he thil hi mihring siamtu ani theih leh theih loh an chhui zui ta ani. An rin dan chuan he thil nung mihring ang tak hian kum maktaduai tam tak kal taah khan he khawvelah lo kalin ama taksa atang ngeiin mihring hi a siam niin an ring.

Khawvel mipui tam zawk te hriat lohvah a rukin an thil rin dan chu a dik ngei ani tih tihchianna turin khawvel kiltin-tawptin an dap a, kum tam tak an beih fe hnuah khawvel mite rinna thlak danglam thei duai tur thil an hmu chhuak ta! Kum 2001 khan Scotland ah archaeologists Elizabeth Shaw leh Charlie Holloway te chuan puk pakhatah ‘star map’ an tih mai chu lai chhuak a, he star map ah hian mihringte siamtu ni ngeia an hriat, kum 40 kalta an laih chhuah ang tam tak ‘engineers’ ti a an vuah ho awmna chu an hmu chhuak hlauh mai. He ‘star map’ atanga a lan dan chuan mihring siamtu nia rinte hi he lei atanga light year tam tak hlaa awm, LV-223 thla pakhatah an awm an ti.

Kum 2012 december thla tawp lam khan heng mithiamte tan liau liau NASA in a siam, van boruak lawng hmangin an inkap chhuak ta ani. Thla 3 hnu vela LV-223 orbit thleng tura beisei an ni a, an han tih tur te chu :-
1. LV-223 thla ah hian mihring siamtu chu an lo awm tak tak leh tak tak loh fiah.
2. Lo awm ta se anmahni zawn hmuh.
3. Mihring siamtu chu lo ni ta se, ‘eng vanga mihring siam nge an nih’ tih hriat chian.

Sum tam tak sengin NASA in a tir chhuak chu ania, eng tak rawn paw haw ang maw? Nge, chu thlaah chuan chutiang siamtu reng reng hi an lo awm awzawng lovang? Lo awm pawh nise an han hmu kher dawn em ni? Mihring an siam chhan te pawh an lo hrilh duh kher angem? Tin, a pawimawh ber chu dam takin an lo let leh angem tih hi ani!
A hnuaia hi Lv-223 leh a thla(moon) chu.

LV-233

Awle khawvel thiamna sang zelah mihring pawhin a siamtu dik tak a hre thei tep tawh a nih hmel a, heng ‘engineers’ an tih te hi mihring siamtu chu lo ni tak tak ta se khawvel a sawi danglam dan tur hi i lo ngaihtuah ve chhin ngai em? Kohhran a awm a ngai tawh lovanga, muslim leh christian/jew te in do angai tawh lovang a, tin mizoramah pawh ‘pres’ leh upc inhnialna a bo ve tawh bawk beisei ve tawp ila! Sawi chhunzawm zel ta ila, mihringte siam tur hi sakhua chi hrang hrangin kan Pathiana kan ngaih kha scientist te hian a dik loh zia an han proof theih ngat phei chuan khawvela sakhaw hruaitu hrang hrang, kohhran rawngbawltu leh missionary zawng zawngte paw’n an hna an chawlhsan a ngai ve tawh dawn anga, hna nei lo kan tam tawh sa naklaiin heng kan mi challangte ho nena hna kan dil rual chuan keini ho chu duhsak loh zawkah kan tang dawn bawk sia ka thil ziah zawng zawng hi ‘thu puarpawleng’ ni zawk mai sela, film hmuhnawm ka tih em em, kum 2012 a chhuak “Prometheus” tih film chanchin ka ziahna ah chhuak zawk mai rawh se! :-P

Similar Posts:

Recent Posts:

25 Responses to “Mihring siamtute zawng hmu turin NASA in mithiam rual van thengrengah tir”

  1. 1
    sheldon Says:

    Tlai tawh takah -Tukchhuah nuam vek u le (L)

    Report this comment

  2. 2
    Dr Mahminga Sailo Says:

    Ka hriat loh lam tak, ngaihnawm deuhin i ziak a; ka va’n chhiar tui ve le. A tlangkawmna lahin min tihlim.. (Y) :-)

    Report this comment

  3. 3
    beethugs2 Says:

    3rd para ka chhiar tan khian Movie i sawi tih ka hre chiah… :D i sawi ngaihnawm tho tho…

    Report this comment

  4. 4
    Borat Says:

    Mihring Siamtu (simature ni lovin) chutia zawn vak a ngai hlei nem. Kan hnenah a awm reng alawm.

    Report this comment

  5. 5
    Chhuaklinga Says:

    Ahaha… Tak tak emaw ka’n tih hman chu le. :P

    tren tren

    Report this comment

  6. 6
    bucko Says:

    Ha ha…. tak tak emaw ka ti hman ve bawk e……
    A tlangkawmna ah chauh khian film chanchin a ni tih ka hre ve chauh…. (Y) a ngaihnawm khuap mai

    Report this comment

  7. 7
    chhangteval Says:

    @sheldon : Tuk chhuah nuam le

    @dr Mahminga : a lawmawm e.

    @beethugs2 : nia a en tawh te chuan in hriatthiam mai hi :-)

    @Borat : a ni ve tho mai!

    @chhuaklinga : a tak tak a thleng hun pawh a la awm mahna!

    @bucko : thengs :-)

    Report this comment

  8. 8
    PKfanai Says:

    Thutak deuhin ka chhiar thla a, “Scientist thiam ril tak tak chin hi chu, an a deuh chhulh tawh thin” an tih thin hi, alo dik tak tak anih dawn hi a. Ka lo ti rilru hman deuh a. I ziak thiam hle mai. Da vinci code pawh hi en chhuah hram ka han tum pawh hian, ka peih leh ngang thin lo. :-P

    Report this comment

  9. 9
    рдпģŤіСHAЩЯ Says:

    Ha ha he Movie hi chu hmuhnawm va khawp in ka hria

    Report this comment

  10. 10
    sisen Says:

    van ho leh si ee :P

    Report this comment

  11. 11
    H.Vangchhia Says:

    Bleh :-P

    Report this comment

  12. 12
    mama Says:

    mak ti deuh chungin chaw tak khukin ka khukpui hman nia (H)

    Report this comment

  13. 13
    chhangteval Says:

    Haha kha kha ni mai sin, admin te ho pawn ‘information’ category ah an lo dah hmak!

    Report this comment

  14. 14
    century child Says:

    Naaa :-P
    Rilru-ah zawhna ho te2 alo lut teuh hman asin mawle :-D
    Ziak thiam hle mai (Y)

    Report this comment

  15. 15
    Atom c Says:

    Category hian minti confuse..

    Helam sawi takah chuan Wing Lee-a hova an buaipui mek, future technology atana ruahman 30 KM/Sec. a chak spaceship, Laser beam hmang hi a nghahhlelhawm. A sucess chuan Ni 9 chhungin Mars ah kan zin thei tawh ang.

    Report this comment

  16. 16
    Butterfly City Says:

    Zawng zawng mahse an hmuh ka ring lo ve, Hmu pawh ni se eng tawngin nge an in biak ang! Ak thlak tak a ni…

    Report this comment

  17. 17
    SHauzelSailo Says:

    I fiamthu nge I fiam der :-P

    Report this comment

  18. 18
    vakul Says:

    Film hi ka la en lo.

    Report this comment

  19. 19
    Jacka Pi Says:

    Prometheus hi ka la en fuh lo..ka dl ve sa a fiahlo lutuk a, ka pamtul thak

    Report this comment

  20. 20
    chhangteval Says:

    @jacka pi, hei hi a fiah ang yify hi movie download nan chuan ka duh ber mai.

    http://yify-torrents.com/movie/Prometheus_2012

    Report this comment

  21. 21
    Jacka Pi Says:

    AwisSs…thanks! (Y)

    Report this comment

  22. 22
    Jacka Pi Says:

    mahseee chhangteval, i link min pek khian quikr a redirect nghal zeeellllll…ka lawm tawh teh reng nenn

    Report this comment

  23. 23
    chhangteval Says:

    hetah hian lo try leh chhin teh, 720p leh 1080p i duh zawk zawk i thlang dawn nia

    http://torrentz.in/cc4945183fe.....37c9c2a92b

    http://torrentz.in/8e777f258e5.....4a6c86300a

    Report this comment

  24. 24
    Jacka Pi Says:

    okies, thanks again…
    try leh ang e

    Report this comment

  25. 25
    khawpuia thianhlun Says:

    made in japan

    Report this comment

Leave a Reply

You must be logged in to post a comment.