Kan hmuh leh kan hriat te hi

January 21st, 2013 1:00 pm by Vetehmial

“Keini zawng thil kan hmuh leh kan hriatte kha sawi lovin kan awm thei lo” an ti a.(Tirhkohte 4:20)

Helai Bible thu hi ka rilru ah tunlai chu a awm reng mai a, a rawn luhna chhantak chu kan tunlai khawvel nun kan thlir thin a, kan hriat theuh angin thangtharnun a pawlawh takzia te, kan sukthlek dan zawng zawng te pawh sawitam ngai lovin kan hre theuh awm e…a tenawma,a bawlhlawh a,a rapthlak a..chhe lam hlir chhe lam hlir… He tiang tehnuai kan nih avang hian ngaihtuahna theih ang tawk tawk in ka seng ve thin a, he Bible chang hian mi rawn chenchilh ta ani..

Tirhkohte thiltih 4 a kan hmuh ang in, Petera leh Johana te kha mi mawl tak anni, mahsela “an thiltih avang khan mi zawng zawng in Pathian an chawimawi si” tih ani tlat… Tin, khang mi mawl a an ngai pahnihte khan “kan hmu leh kan hriat te kha sawi lovin kan awm thei lo” an hanti leh chiah bawk a..

Aw le, helaia member te zingah hian mi challang tak tak te,mi fingfel tak tak te, a then sorkar officer lian te, Pastor te, Theologian te, Daktawr te ,mi hausa tak tak te in ni ngei ang….Johana leh Petera ang hian in hmuh leh in hriatte kha sawi lovin awmtheilo ve ngawt u la..sawi ta chiam mai thin u la, nangmah ni avang in miten, mi zawng zawng in Pathian an chawimawi phah ve angem le ? Johana leh Petera te kha chuan an mit an lentirna a dik a,an beng chhitna lam a dik a..an hmuh leh an hriatte kha sawi lova awmthei lovin, an au chhuahpui chiam chiam pawh in Isua Krista chanchintha ani tlat alawm..

Kan fa ten enge an hmuh a, enge an hriat thin,, Rawngbawltu in ti te hian enge kan hmuh a, enge kan hriat thin, a chang chuan sawi chhawn ngam awmloh khawpa tenawm leh pawrhcheh te, sawi chhawn chakawm loh khawp a tha lo te, sawi chhawn tangkailo tak tur ho leh thring tak tak…te anni lo maw ..! Kan mit lenna dik se la, ka beng chhitna lam dik bawk se la, keimah ni atanga mi tamtak te Pathian anlo chawimawi theihna tur thil kan sawi chhuak ve thei ngei ang.. Kan tunlai khawvela, thangthar te hmuh leh hriat tamzawk hi chu sawi lova zep ral atana thazawk ava tam dawn em…

Ram tina kal chanchintha puangtur thupek dawngtu te hian, Enge kan hmuh a, enge kan hriat te ni thin le…kan beng hriattur te,kan mit hmuh tur te kan fimkhur ava tha em..

{Ngen na : handset chhete hmanga ka rawntih ve ania, minlo hrethiam dawn nia}

Similar Posts:

Recent Posts:

12 Responses to “Kan hmuh leh kan hriat te hi”

  1. 1
    mama Says:

    Kawng lehlamah chuan kan hmuh leh hriatte hi sawi ta zel ila chhungkua, khawtlang leh kohhranah te thil buaithlak fe fe a tam duh ngawt ang le.

    Report this comment

  2. 2
    PKfanai Says:

    A tha ka ti hle mai. Min fuih thar khawp mai. (Y)

    Report this comment

  3. 3
    Dr John Says:

    (Y)

    Report this comment

  4. 4
    Vetehmial Says:

    A lo chhuak ve ta maw..ka buaipui nasa ve khawp asin,nokia 6300 hmang in..
    Naupang ho hla ka va zirpui phawt ang e.

    Report this comment

  5. 5
    SHauzelSailo Says:

    Ziakthra hle mai ziaktu thra! (Y)

    Report this comment

  6. 6
    Hotunu_pasal Says:

    Kei chu ka thatchhe deuh a. Ka hmuh leh hriat hi ka puan chhuah thin loh avang hian ka nun ram hi a chau leh thin !

    Report this comment

  7. 7
    Vetehmial Says:

    In chhiar duh hrim hrim a, ka lawm..

    # Pu Pkfanai ziak , Brick bung hmang a “BUR….” tih awmna ah khan,,hmuh leh hriat kan neih tha leh tangkai tur te, thinlung chhungrila ri rel rel awm thin puanchhuah loh pawi theihzia a lang..”BUR….” ani mai.. a ti..

    Report this comment

  8. 8
    Dr Mahminga Sailo Says:

    Fuihna tha tak a ni e.. (Y)

    Chutih rualin, Tirhkohte tawngkam hman ‘kan hmuh leh hriatte’ tih khi Isua chanchin, a rawngbawlna leh Pathian hnen thleng tura kawng awm chhun a nihzia chungchang a ni tih hriatsak ila. Pathianin kan nuna thil ropui a tih leh malsawmna min pek te hi Pathian ropuina tura puang chhuak zel tur kan nihzia min hriattir a, mi fuihtu atan ka ngai.. (Y)

    Thupha i chawina ka hmuh hma khian, thuziak diklo langsar tarlang turin ka chhiar fak fak a. Mahse, i hmanraw hman ka hriatin ka sawisel ta lo mai.. :-)

    Ziah chhunzawm zel teh… (Y)

    Report this comment

  9. 9
    Vetehmial Says:

    #8.. ni e, mit thip duh khawp mai..

    Report this comment

  10. 10
    renard_curieux Says:

    kan tunlai nun mahni ropuina leh mahni inchawimawina khelmualah hian, eng thil pawh kan tihin khawi hmunah pawh kan awmin tu bulah pawh kan awmin kan nun hian Pathian a chawimawi em? nge keimahni lansarhna tur zawk? tih hi kristiante tan a pawimawhin, he i post atanga keimaha lo lang chu a ni zawk tlat mai, post (Y)

    Report this comment

  11. 11
    century child Says:

    A va tha em (Y)

    Report this comment

  12. 12
    caribou Says:

    Ziak tha khawp mai. (Y)

    Report this comment